ବିଜେପୁର ଉପ ନିର୍ବାଚନର ଜନାଦେଶକୁ ବିଜେପି ନମ୍ରତାର ସହ ସ୍ୱୀକାର କରୁଛି: Dharmendra Pradhan

27866948_1624968627586710_7171832390280521617_nବିଜେପୁର ଉପ ନିର୍ବାଚନର ଜନାଦେଶକୁ ବିଜେପି ନମ୍ରତାର ସହ ସ୍ୱୀକାର କରୁଛି । ବିଜେଡି ପ୍ରାର୍ଥିନୀ ରୀତା ସାହୁଙ୍କୁ ତାଙ୍କର ବିଜୟ ପାଇଁ ସାଧୁବାଦ ଜଣାଉଛି ।

କଂଗ୍ରେସ ଦଳ ବିଜୁ ଜନତା ଦଳ ସହ ଏକ ଅହେତୁକ ଓ ଅଦୃଶ୍ୟ ବୁଝାମଣା ଥିବା ସମ୍ପର୍କରେ ବିଜେପି ଯେଉଁ ଅଭିଯୋଗ କରୁଥିଲା ଏହି ନିର୍ବାଚନ ଫଳାଫଳ ତାକୁ ପ୍ରମାଣିତ କରୁଛି । ରାଜ୍ୟ ସରକାରଙ୍କର ସ୍ଥାଣୁତା ଓ ଅପାରଗତା ସମ୍ପର୍କରେ ବିଜେପି ତାର ଅଭିମତକୁ ବିଜେପୁରର ଜନସାଧାରଣକୁ ସଠିକ ଭାବେ ବୁଝାଇବାରେ ସଫଳ ହୋଇ ପାରି ନାହିଁ ।

କଂଗ୍ରେସ ରାଜ୍ୟ ରାଜନୀତିରେ ଅପ୍ରାସଙ୍ଗିକ ହୋଇ ଯିବାର ବାର୍ତା ଏହି ନିର୍ବାଚନରେ ମତଦାତା ମାନେ ଦେଇଛନ୍ତି । ରାଜ୍ୟର ପ୍ରମୁଖ ବିରୋଧୀ ଦଳ ହିସାବରେ ଆହୁରି ମୁଖର ଭାବେ ଜନ ସମସ୍ୟାକୁ ନେଇ ବିଜେପି କାମ କରିବ ।
ଏହି ପରାଜୟକୁ ନେଇ ଦଳ ଆତ୍ମ ସମୀକ୍ଷା କରିବ ଓ ଶିକ୍ଷା ଗ୍ରହଣ କରିବ, ଏହା ୨୦୧୯ ନିର୍ବାଚନ ପାଇଁ ସହାୟକ ହେବ ।

Share in top social networks!

ରାଜ୍ୟ ନିର୍ବାଚନ କମିଶନର ଭାବେ ନବ କୁମାର ନାୟକଙ୍କ ଦାୟିତ୍ୱ ଗ୍ରହଣ

IMG-20180205-WA0007
ରାଜ୍ୟ ନିର୍ବାଚନ କମିଶନର ଭାବରେ ଶ୍ରୀ ନବ କୁମାର ନାୟକ ଦାୟିତ୍ୱ ଗ୍ରହଣ କରିଛନ୍ତିା ଆଜି
ଅପରାହ୍ନରେ ରାଜ୍ୟ ନିର୍ବାଚନ କାର୍ଯ୍ୟାଳୟରେ କମିଶନର ଭାବେ ଯୋଗଦାନ କରିବା ପରେ ଶ୍ରୀ ନାୟକ
କାର୍ଯ୍ୟାଳୟ ପରିଦର୍ଶନ କରିବା ସହ ବରିଷ୍ଠ ଅଧ#କାରୀ ଓ କର୍ମଚାରୀମାନଙ୍କ ସହ ଆଲୋଚନା
କରିଥ#ଲୋ
ରାଜ୍ୟ ନିର୍ବାଚନ କମିଶନରଙ୍କ ସଚିବ ଶ୍ରୀ ରବୀନ୍ଦ୍ର ନାଥ ସାହୁ, ସ୍ୱତନ୍ତ୍ର ସଚିବ ଶ୍ରୀ ଅଶୋକ
କୁମାର ଦାଶ, ଉପସଚିବ ଶ୍ରୀ ଆଜାଦ୍ହିନ୍ଦ୍ ପାଣି୍ରଗାହୀ, ଆଇନ ଅଧ#କାରୀ ମାଧୁରୀ ମିଶ୍ରଙ୍କ ସମେତ
ସମସ୍ତ ଅଧ#କାରୀ ଓ କର୍ମଚାରୀ ଉପସ୍ଥିତ ରହି କମିଶନର ଶ୍ରୀ ନାୟକଙ୍କୁ ସ୍ୱାଗତ ଜଣାଇଥ#ଲୋ ୧୯୯୪
ମଇ ୨୭ ତାରିଖରେ ରାଜ୍ୟ ନିର୍ବାଚନ ଆୟୋଗ ଗଠନ ହେବା ପରେ ଶ୍ରୀ ନାୟକ ଷଷ୍ଠ କମିଶନର
ଭାବେ କାର୍ଯ୍ୟଭାର ଗ୍ରହଣ କରିଛନ୍ତିା

Share in top social networks!

ମାସିକ ସମ୍ବାଦଭିତ୍ତିକ ପତ୍ରିକା ‘ଜ୍ୟୋତିଶ୍ରୀ’ର ବିଶେଷ ସଂଖ୍ୟା ‘ମରଣ ମୁହଁରେ ମହାନଦୀ’ ଉନ୍ମୋଚିତ

releaseମାସିକ ସମ୍ବାଦଭିତ୍ତିକ ପତ୍ରିକା ଜ୍ୟୋତିଶ୍ରୀର ବିଶେଷ ସଂଖ୍ୟା ‘ମରଣ ମୁହଁରେ ମହାନଦୀ’ ସ୍ଥାନୀୟ ରେଡକ୍ରସ୍ ଭବନରେ ଉନ୍ମୋଚିତ ହୋଇଯାଇଛି । ଉକ୍ତ ଉତ୍ସବରେ ମୁଖ୍ୟବକ୍ତା ଭାବେ ଯୋଗ ଦେଇ ପୂର୍ବତନ ଅର୍ଥମନ୍ତ୍ରୀ ପଂଚାନନ କାନୁନଗୋ ପୋସ୍କୋକୁ ବନ୍ଦ କରିବା ପାଇଁ ଯଦି ଆନେ୍ଦାଳନ ହେଲା, ତେବେ ମହାନଦୀ ପାଇଁ ଆନେ୍ଦାଳନ କାହିଁକି ନୁହେଁ ବୋଲି ପ୍ରଶ୍ନ ଉଠାଇଛନ୍ତି । ଛତିଶଗଡର ଉପରମୁଣ୍ଡରେ ୧୦୦ ବ୍ୟାରେଜ୍ ହେଲେ ମଧ୍ୟ ଓଡିଶା ଉପରେ କୌଣସି ପ୍ରଭାବ ପଡିବନାହିଁ ବୋଲି ପୂର୍ବରୁ ଓଡିଶା ସରକାର କହିଥିବା ମନେପକାଇ ଦେଇ ସେ ରାଜ୍ୟ ସରକାରର ଅବହେଳାକୁ ସମାଲୋଚନା କରିବା ସହ ଏବେ ଦଳମତ ନିର୍ବିଶେଷରେ ମହାନଦୀ ପାଇଁ ସମସ୍ତଙ୍କ ଲୁହ ବହୁ ବୋଲି ସେ ଆହ୍ୱାନ ଦେଇଥିଲେ ।
ମୁଖ୍ୟ ଅତିଥି ଭାବେ ଯୋଗ ଦେଇ ପୂର୍ବତନ ବାଚସ୍ପତି ଶରତ କର ମହାନଦୀର ଭବିଷ୍ୟତକୁ ନେଇ ଚିନ୍ତା ବ୍ୟକ୍ତ କରିବା ସହ ସରସ୍ୱତୀ ନଦୀ ଭଳି ମହାନଦୀ ମଧ୍ୟ ପୋତି ହୋଇପଡିବ ଏବଂ ମହାନଦୀର ସୁରକ୍ଷା ପାଇଁ ଆହ୍ୱାନ ଦେଇଥିଲେ ।
ସମ୍ମାନୀତ ଅତିଥି ଭାବେ ପୂର୍ବତନ ରାଜ୍ୟ ସଭା ସାଂସଦ ବୈଷ୍ଣବ ପରିଡା ମହାନଦୀ ପାଇଁ ବିଧାନସଭା ଭିତରେ ଏବଂ ବାହାରେ ସଂଗ୍ରାମ ଲୋଡା ଏବଂ ଏହା ଆମ ସମସ୍ତଙ୍କ ଦାୟିତ୍ୱ ବୋଲି କହିବା ସହ ମହାନଦୀର ମୃତୁ୍ୟ ହେଲେ ଉଜ୍ଜ୍ୱଳ ଭବିଷ୍ୟତର ଓଡିଶାର ସ୍ଥିତି କଣ ହେବ ବୋଲି ଆଶଙ୍କା ବ୍ୟକ୍ତ କରିଥିଲେ ।
ଅନ୍ୟତମ ସମ୍ମାନୀତ ଅତିଥି ଭାବେ ବିଜେପି ବିଧାୟକ ପ୍ରଦୀପ ପୁରୋହିତ ଯୋଗ ଦେଇ ଛତିଶଗଡ ଦ୍ୱାରା ମହାନଦୀ ଉପରମୁଣ୍ଡରେ ବ୍ୟାରେଜ୍ ନିର୍ମାଣ ୯୫% ସରିବା ପରେ ବିଳମ୍ବରେ ଓଡିଶା ସରକାରଙ୍କ ପ୍ରତିକ୍ରିୟାକୁ ନେଇ ପ୍ରଶ୍ନ ଉଠାଇବା ସହ ୨୦୧୦/୨୦୧୧ ମସିହାରୁ ମହାନଦୀ ବଂଚାଓ ଆନେ୍ଦାଳନ ଆରମ୍ଭ ହୋଇଥିଲେ ମଧ୍ୟ ସେ ସମୟରେ ୧୦୦ ବ୍ୟାରେଜ୍ ଛତିଶଗଡ କଲେ ମଧ୍ୟ ଓଡିଶାର ଅସୁବିଧା ହେବନି ବୋଲି ଓଡିଶା ସରକାର କହିଥିବା ପ୍ରକାଶ କରିଥିଲେ । ଏଥିରୁ ମହାନଦୀ ପାଇଁ ସରକାର କେତେ ଚିନ୍ତିତ, ସେନେଇ ସେ ସନେ୍ଦହ ପ୍ରକଟ କରିଥିଲେ ।
ଅନ୍ୟତମ ଅତିଥି ଭାବେ ପୂର୍ବତନ ସାଂସଦ ବିଭୂ ପ୍ରସାଦ ତରାଇ ଆଗାମୀ ଦିନରେ ମହାନଦୀ ଓ ଏହାର ଶାଖା ନଦୀ ଉପରେ ମାଛ ଧରି ପରିବାର ପ୍ରତିପୋଷଣ କରୁଥିବା ଲୋକଙ୍କ ଜୀବନଜୀବିକା କିଭଳି ବିପର୍ଯ୍ୟସ୍ତ ହେବ, ସେନେଇ ଚିନ୍ତା ବ୍ୟକ୍ତ କରିଥିଲେ ।
ଜ୍ୟୋତିଶ୍ରୀ ବିଶେଷ ସଂଖ୍ୟା ‘ମରଣ ମୁହଁରେ ମହାନଦୀ’ ଉନ୍ମୋଚନ ସହ ଯୁବ ଉଦ୍ୟୋଗୀ ମାନସ ବୈରିଶଲ୍ୟ, ସମାଜସେବୀ ତଥା ମହିଳା ଉଦ୍ୟୋଗୀ ସ୍ମୃତିସୁଧା ନାୟକ, ନର୍ଲା ବ୍ଲକ୍ ଅଧ୍ୟକ୍ଷା ମନୋରମା ମହାନ୍ତି, ଜାତୀୟ ସୁରକ୍ଷା ସଚେତନତା ପାଇଁ କାର୍ଯ୍ୟରତ ସଂଘମିତ୍ରା ରାଜଗୁରୁ ଏବଂ ରାଜ୍ୟର ପ୍ରଥମ ଦୃଷ୍ଟିବାଧିତ ଓଡିଶା ପ୍ରଶାସନିକ ସେବା ଅଧିକାରୀ ସନ୍ୟାସ ବେହେରାଙ୍କୁ ସମ୍ବର୍ଦ୍ଧିତ କରାଯାଇଥିଲା ।
ଜ୍ୟୋତିଶ୍ରୀ ସଂପାଦିକା ଶୁଭଶ୍ରୀ ପାଣିଗ୍ରାହୀ ପତ୍ରିକାର ଆଭିମୁଖ୍ୟ ନେଇ ଅଭିଭାଷଣ ରଖିଥବା ବେଳେ ବରିÂ ସାମ୍ବାଦିକ ବାସୁଦେବ ମହାପାତ୍ର ଏହି ଉନ୍ମୋଚନ ଉତ୍ସବରେ ଅଧ୍ୟକ୍ଷତା କରିଥଲେ ।

Share in top social networks!

ଭୁବନେଶ୍ୱରରେ ହକି ମାହୋଲ

ରାଜଧାନୀରେ ଆରମ୍ଭ ହୋଇଛି ହକି ମାହୋଲ । କଳିଙ୍ଗ ଷ୍ଟାଡ଼ିୟମ ନୀଳ ଟର୍ଫରେ ଆସନ୍ତା ଡ଼ିସେମ୍ବର ୧ରୁ ୧୦ ପର୍ଯ୍ୟନ୍ତ ଖେଳାଯିବାକୁ ଥିବା ବିଶ୍ୱ ହକି ଲଗି୍‍ ତୃତୀୟ ସଂସ୍କରଣ ଫାଇନାଲ ପ୍ରତିଯୋଗିତା ଲାଗି ବୁଧବାର ଭାରତୀୟ ଦଳ ଭୁବନେଶ୍ୱରରେ ପହଞ୍ଚିବା ପରେ ହକି ପ୍ରେମୀଙ୍କ ମଧ୍ୟରେ ଉତ୍ସାହ ସୃଷ୍ଟି ହୋଇଛି । ପ୍ରତିଯୋଗିତା ଆଉ ମାତ୍ର ଏକ ସପ୍ତାହ ରହିଥିବାବେଳେ ରାଜ୍ୟ ସରକାରଙ୍କ ପକ୍ଷରୁ ପ୍ରସ୍ତୁତ ଶେଷ ପର୍ଯ୍ୟାୟରେ ପହଞ୍ଚିଛି । ମ୍ୟାଚ ଲାଗି କାଉଣ୍ଟର ଟିକଟ ବିକ୍ରି ଶେଷ ହୋଇଥିବାବେଳେ ଏବେ ହକି ଆକ୍ସନ ଦେଖିବାକୁ ଦର୍ଶକଙ୍କ ଉତ୍ସାହ ବୃଦ୍ଧି ପାଇଛି ।
ଭାରତ, ଜମାନୀ, ଅଷ୍ଟେ୍ରଲିଆ, ଇଂଲଣ୍ଡ, ଆର୍ଜେଣ୍ଟିନା, ସ୍ପେନ, ବେଲଜିୟମ, ନେଦରଲ୍ୟାଣ୍ଡ ପ୍ରମୁଖ ବିଶ୍ୱ ହକିର ୮ଟି ରାଷ୍ଟ୍ରକୁ ନେଇ ଖେଳାଯିବ ବିଶ୍ୱ ହକି ଲିଗ୍‍ ଫାଇନାଲ ପ୍ରତିଯୋଗିତା । ଏଥିପାଇଁ କଳିଙ୍ଗ ଷ୍ଟାଡ଼ିୟମ ସମେତ ରାଜଧାନୀରେ ହକି ମାହୋଲ ସୃଷ୍ଟି ହୋଇଛି । ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରୁ ଆରମ୍ଭ କରି ସହରର ପ୍ରତ୍ୟେକ ଛକ ମାନଙ୍କରେ ପୋଷ୍ଟର, ହୋଡ଼ିଂ ଛାଉଣି ହୋଇଯାଇଛି । ଏସୀୟ ଦୌଡ଼କୁଦ ପ୍ରତିଯୋଗିତା ସମୟରେ କଳିଙ୍ଗ ଷ୍ଟାଡ଼ିୟମ ମୁଖ୍ୟ ରାସ୍ତାରେ ଯେଉଁଭଳି ଭାବେ ବିଭିନ୍ନ ଦେଶର ଜାତୀୟ ପତାକା ଶୋଭା ପାଉଥିଲା ସେହିଭଳି ଭାବେ ବିଶ୍ୱ ହକି ଲିଗ୍‍ ଫାଇନାଲ ଖେଳିବାକୁ ଆସୁଥିବା ୮ଟି ରାଷ୍ଟ୍ରର ଜାତୀୟ ପତାକା ଶୋଭା ପାଇଛି । ବିଭିନ୍ନ ପୋଲରେ ଜାତୀୟ ପତାକା ଲାଗାଯାଇଛି । ଏହାଛଡ଼ା ଷ୍ଟାଡ଼ିୟମର ରାସ୍ତାଘାଟକୁ ପରାସ୍କାର ପରିଚ୍ଛନ୍ନ କରାଯିବା ସହିତ ବିଭିନ୍ନ କାର୍ଯ୍ୟ ମଧ୍ୟ ଆଗେଇ ଚାଲିଛି । ବୁଧବାର ଭାରତୀୟ ଦଳ ଭୁବନେଶ୍ୱରରେ ପହଞ୍ଚିବା ପରେ ଖେଳାଳିମାନଙ୍କୁ ଦେଖିବା ଲାଗି ହକି ପ୍ରେମୀମାନଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା । ବିମାନବନ୍ଦରରେ ହକିପ୍ରେମୀମାନେ ପ୍ରିୟ ତାରକାଙ୍କୁ ଦେଖିବା ଲାଗି ଘଣ୍ଟାଘଣ୍ଟା ଧରି ଛିଡ଼ା ହେବାକୁ ପଛାଇ ନଥିଲେ । ହକି ପ୍ରେମୀଙ୍କ ଏଭଳି ଉତ୍ସାହକୁ ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ଏସଜୋଏଡ୍‍ ମାରିଏନୋ ଏବଂ ଅଧିନାୟକ ମନ୍‍ପ୍ରୀତ ସିଂହ ପ୍ରଶଂସା କରିଥିଲେ ।

Share in top social networks!

କିଟ୍‍ର ୧୩ତମ ସମାବର୍ତ୍ତନ ଉତ୍ସବ ମାତୃଭୂମି ଓ ମାତୃଭାଷାକୁ ଭଲପାଅ – ଉପରାଷ୍ଟ୍ରପତି

PHOTO11bhu KIIT Convocation 2
ମାତୃଭାଷାରେ ଜଣେ ନିଜର ଅଭିବ୍ୟକ୍ତି ସମ୍ପୂର୍ଣ୍ଣ ଭାବେ ପରିପ୍ରକାଶ କରିପାରେ । ଆମେ ଯେତେ ଉନ୍ନତି କଲେ କିମ୍ବା ଯେଉଁ ସ୍ଥାନରେ ଥିଲେ ମଧ୍ୟ ମାତୃଭୂମି ଓ ମାତୃଭାଷାକୁ ଭୁଲିବା ଉଚିତ୍‍ ନୁହେଁ ବୋଲି ଶନିବାର କିଟ୍‍ ବିଶ୍ୱବିଦ୍ୟାଳୟର ୧୩ତମ ସମାବର୍ତ୍ତର୍ନ ଉତ୍ସବରେ ଦୀକ୍ଷାନ୍ତ ଭାଷଣ ପ୍ରଦାନ କରି ଛାତ୍ରଛାତ୍ରୀଙ୍କ ଉଦେ୍ଧଶ୍ୟରେ ଭାରତର ଉପରାଷ୍ଟ୍ରପତି ଏମ୍‍. ଭେଙ୍କେୟା ନାଇଡ଼ୁ କହିଛନ୍ତି । ସର୍ବଦା ମାଆ, ମାତୃଭାଷା, ମାତୃଭୂମି ଓ ଗୁରୁଙ୍କୁ ସମ୍ମାନ ପ୍ରଦାନ କରିବା ଉଚିତ । ମାଆ ହେଉଛନ୍ତି ଆମର ଜନ୍ମଦାତ୍ରୀ । ତାଙ୍କୁ ସର୍ବଦା ଆମେ ମନେ ରଖିବା ଉଚିତ । ସେହିପରି ଯେତେ ଇଂରାଜୀ ଶିକ୍ଷାକଲେ ମଧ୍ୟ ନିଜ ମାତୃଭାଷାକୁ ଭୁଲିଯିବା ଉଚିତ ନୁହେଁ । ବର୍ତ୍ତମାନର କମ୍ପୁ୍ୟଟର ଯୁଗରେ ଗୁଗୁଲ୍‍ କେବେ ବି ଗୁରୁଙ୍କ ସ୍ଥାନ ନେଇ ପାରିବ ନାହିଁ । ଗୁରୁ ସବୁବେଳେ ଆମ ପାଇଁ ଗୁରୁତ୍ୱ ବହନ କରନ୍ତି । ସେ ଆହୁରି ମଧ୍ୟ କହିଥିଲେ ଯେ ଭାରତର ଏକ ମହାନ ପରମ୍ପରା ରହିଛି । ଭାରତର ଏହି ପରମ୍ପରା ଓ ସଂସ୍କୃତିକୁ ନେଇ ଆମେମାନେ ଗର୍ବ କରିବା ଉଚିତ । ବିଭିଧତା ମଧ୍ୟରେ ଏକତା ହେଉଛି ଆମ ସଂସ୍କୃତିର ମୂଳମନ୍ତ୍ର, ଯାହା କି ଆମ ସମସ୍ତଙ୍କୁ ଏକତାର ସୂତ୍ରରେ ବାନ୍ଧି ରଖିଛି । ଭାରତ ହେଉଛି ସୁଯୋଗର ଦେଶ, ଏଠାରେ ଛାତ୍ରଛାତ୍ରୀଙ୍କ ପାଇଁ ବହୁତ ସୁଯୋଗ ରହିଛି । କିସ୍‍ ସମ୍ପର୍କରେ ସୂଚନା ଦେଇ କହିଲେ, ମୁଁ ପୂର୍ବରୁ କିସ୍‍ ଆସି ୨୫ହଜାର ଜନଜାତି ଛାତ୍ରଛାତ୍ରୀ ସମ୍ବୋଧିତ କରିଥିଲି । କିଟ୍‍ ଓ କିସ୍‍ ଭଳି ଦୁଇଟି ସୁନ୍ଦର ଅନୁÂାନ ପ୍ରତିÂା କରିଥିବାରୁ ଏହାର ପ୍ରତିÂାତା ଅଚୁ୍ୟତ ସାମନ୍ତଙ୍କୁ ମୁଁ ଧନ୍ୟବାଦ ଜଣାଉଛି । ସେ ୨୫ ହଜାର ଗରିବ ଛାତ୍ରଛାତ୍ରୀଙ୍କୁ ଶିକ୍ଷା ପ୍ରଦାନ କରୁଛନ୍ତି । ଏହା ହେଉଛି ମାନବିକତା ପ୍ରତି ଶ୍ରେÂ ସେବା । କାରଣ ମାନବ ସେବା ହେଉଛି ମାଧବ ସେବା ।
ଉତ୍ସବରେ ସମ୍ମାନିତ ଅତିଥି ଭାବେ ଯୋଗଦେଇ ଓଡ଼ିଶାର ରାଜ୍ୟପାଳ ଡ. ଏସ୍‍. ସି. ଜମିର କହିଲେ ଯେ ଗୋଟିଏ ବିଶ୍ୱବିଦ୍ୟାଳୟର ମାନ ତା’ର ପୁରାତନ ଛାତ୍ରଛାତ୍ରୀଙ୍କ ଶିକ୍ଷାର ମାନରୁ ହିଁ ଜାଣି ହୁଏ । ଜ୍ଞାନ, କୁଶଳତା ଏବଂ ସାଂସ୍କୃତିକ ବିନିମୟ କ୍ଷେତ୍ରରେ କିଟ୍‍ର ଏକ ଦକ୍ଷ ବିଶ୍ୱସ୍ତରୀୟ ସମ୍ପର୍କ ରହିଛି । ସେ ଛାତ୍ରଛାତ୍ରୀଙ୍କୁ ପରାମର୍ଶ ଦେଇ କହିଲେ, ସର୍ବଦା ସ୍ୱପ୍ନ ଦେଖ ଏବଂ ଏହାକୁ ସାକାର କରିବା ପାଇଁ ଚେଷ୍ଟା କର । ଏଥିପାଇଁ କଠିନ ପରିଶ୍ରମ ଓ ଦୃଢ଼ ମନୋବଳ ରଖିବା ଆବଶ୍ୟକ । ସର୍ବଦା ସୃଜନଶୀଳ ଓ ଉଦ୍ୟୋଗୀ ହେବା ଉଚିତ । ପ୍ରଯୁକ୍ତି ବିଦ୍ୟାକୁ ବ୍ୟବହାର କରି ସାମାଜିକ ସମସ୍ୟା ସମାଧାନ କରିବା ପାଇଁ ସେ ଆହ୍ୱାନ ଦେଇଥିଲେ । ଏହି ଅବସରରେ ବିଶ୍ୱବିଦ୍ୟାଳୟ ପକ୍ଷରୁ ଶିଳ୍ପୀଗୁରୁ ପଦ୍ମ ବିଭୂଷଣ ରଘୁନାଥ ମହାପାତ୍ର, ସିମ୍ପେ୍ଲକ୍ସ ଇନ୍‍ଫ୍ରାଷ୍ଟ୍ରକ୍‍ଚର ଲିମିଟେଡ୍‍ ମୁଖ୍ୟ ଡ. ବିଥଲ ଦାସ ମୁନ୍ଦ୍ରା, ଭରତୀୟ ଚାରିଟେବଲ୍‍ ଟ୍ରଷ୍ଟର ଅଧ୍ୟକ୍ଷ କିଶନଲାଲ୍‍ ଅଗ୍ରୱାଲ୍‍ଙ୍କୁ ସମ୍ମାନସୂଚକ ଡକ୍ଟରେଟ୍‍ ଡିଗ୍ରୀ ପ୍ରଦାନ କରାଯାଇଥିଲା । କିଟ୍‍ ବିଶ୍ୱବିଦ୍ୟାଳୟର ଭାରପ୍ରାପ୍ତ କୁଳାଧିପତି ପଦ୍ମଶ୍ରୀ ଡା.ସୁବ୍ରତ କୁମାର ଆଚାର୍ଯ୍ୟ କାର୍ଯ୍ୟକ୍ରମର ଅଧ୍ୟକ୍ଷତା କରିଥିବା ବେଳେ କୁଳପତି ପ୍ରଫେସର ହୃଷିକେଶ ମହାନ୍ତି ସମାବର୍ତ୍ତନ ବିବରଣୀ ପାଠ କରିଥିଲେ । ଶେଷରେ କୁଳସଚିବ ଡ. ସସ୍ମିତାରାଣୀ ସାମନ୍ତ ଧନ୍ୟବାଦ ଅର୍ପଣ କରିଥିଲେ । ଚଳିତବର୍ଷ ୨୦୧୬-୧୭ବ୍ୟାଚ୍‍ର ମୋଟ ୪୮୨୦ଜଣ ଛାତ୍ରଛାତ୍ରୀଙ୍କୁ ସ୍ନାତକ, ସ୍ନାତକୋତ୍ତର ଓ ପିଏଚ୍‍ଡି ଡିଗ୍ରୀ ପ୍ରଦାନ କରାଯାଇଥିଲା । ସେମାନଙ୍କ ମଧ୍ୟରୁ ୬୨ଜଣଙ୍କୁ ପିଏଚ୍‍ଡି ଡିଗ୍ରୀ ପ୍ରଦାନ କରାଯାଇଥିଲା । ଏହା ବ୍ୟତୀତ ତିନିଜଣଙ୍କୁ ପ୍ରତିÂାତା ସ୍ୱର୍ଣ୍ଣପଦକ, ୧୮ଜଣଙ୍କୁ କୁଳାଧିପତି ସ୍ୱର୍ଣ୍ଣପଦକ, ୨୬ଜଣଙ୍କୁ କୁଳପତି ରୌପ୍ୟ ପଦକ ବ୍ୟତୀତ ଛାତ୍ରଛାତ୍ରୀଙ୍କୁ ପ୍ରଦୁ୍ୟମ୍ନ ବଳ ସ୍ମାରକୀ ସ୍ୱର୍ଣ୍ଣ ପଦକ, ପିପିଏଲ୍‍ ସ୍ୱର୍ଣ୍ଣପଦକ, ନନୀବାଳା ସ୍ମାରକୀ ସ୍ୱର୍ଣ୍ଣ ପଦକ ପ୍ରଦାନ କରାଯାଇଛି । ଏଥିରେ ଅନ୍ୟମାନଙ୍କ କିଟ୍‍ ଓ କିସ୍‍ର ପ୍ରତିÂାତା ଅଚୁ୍ୟତ ସାମନ୍ତ, ସଭାପତି ଶାଶ୍ୱତୀ ବଳ, ଉପସଭାପତି ଉମାପଦ ବୋଷ, ସମ୍ପାଦକ ଆର୍‍ ଏନ୍‍ ଦାଶ, କିସ୍‍ ବିଶ୍ୱବିଦ୍ୟାଳୟ କୁଳପତି ଡ. ହରେକୃଷ୍ଣ ଶତପଥୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।

Share in top social networks!

୨୬ରେ କନ୍ଧମାଳ ଲିଟରେଚର ଫେଷ୍ଟିଭାଲ

କଳିଙ୍ଗ ଲିଟେରେଚର୍ ଫେଷ୍ଟିଭାଲ୍ ଏବଂ ଓଡିଶା ଡାଏରୀ ଫାଉଣ୍ଡେସନ ଦ୍ୱାରା କନ୍ଧମାଳ ପ୍ରୋଗ୍ରେସିଭ୍ ଫୋରମ୍ର ମିଳିତ ସହଯୋଗରେ ପ୍ରକୃତି, ସଂସ୍କୃତି ଓ ସାହିତ୍ୟର ସଂଯୋଗୀକରଣକୁ ନେଇ ଆସନ୍ତା ନଭେମ୍ବର ୨୬ ତାରିଖରେ ଫୁଲବାଣୀ ଠାରେ ଆୟୋଜିତ ହେବାକୁଯାଉଛି ‘କନ୍ଧମାଳ ଲିଟେରେଚର୍ ଫେଷ୍ଟିଭାଲ୍’ । ଓଡିଶା ଡାଏରୀ ଫାଉଣ୍ଡେସନ, କଳିଙ୍ଗ ଲିଟେରେଚର୍ ଫେଷ୍ଟିଭାଲ୍ ଅଭିଯାନ ମାଧ୍ୟମରେ ରାଜ୍ୟର ବିଭିନ୍ନ ଅଞ୍ଚଳରେ ଥିବା ସାହିତ୍ୟ ଓ ସଂସ୍କୃତିକୁ ଜାତୀୟ ସ୍ତରରେ ପହଞ୍ଚାଇବାର ପ୍ରୟାସ ଜାରି ରଖିଛି । ପ୍ରାକୃତିକ ସୌନ୍ଦର୍ଯ୍ୟରେ ସୁସଜ୍ଜିତ କନ୍ଧମାଳ ନିଜର ସାଂସ୍କୃତିକ ବିଭବ ଏବଂ ସାଧାରଣ ଜୀବନ ଶୈଳୀ ତଥା ସୁମଧୁର ବ୍ୟବହାରକୁ ନେଇ ବେଶ୍ ପରିଚିତ । ଜଣେ କବି, ଭାବୁକ, ସାହିତି୍ୟକ ତଥା ଲେଖକ ପାଇଁ ପ୍ରାଚୀନ ଗୁଣବତ୍ତା ଏଠାରେ ଗଚ୍ଛିତ ହୋଇ ରହିଛି । ଓଡିଶାର ସ୍ୱନାମଧନ୍ୟ ପ୍ରଖ୍ୟାତ ବ୍ୟକ୍ତିବିଶେଷ ପ୍ରଫେସର ବିଭୂତି ପଟ୍ଟନାୟକ, ଜୟନ୍ତ ମହାପାତ୍ର, ଫନି ମହାନ୍ତି, ପଦ୍ମଶ୍ରୀ ହଳଧର ନାଗ, ସଦାନନ୍ଦ ତ୍ରିପାଠୀ, ପରେଶ ପଟ୍ଟନାୟକ, ଚିରଶ୍ରୀ ଇନ୍ଦ୍ର ସିଂହ, ହିରଣ୍ମମୟୀ ମିଶ୍ର, ଭୀମ ପୃଷ୍ଟି, ସୁଚେତା ମିଶ୍ର, ଅଜୟ ସ୍ୱାଇଁ, ପ୍ରଜ୍ଞାଶ୍ରୀ ରଥ, ସୂର୍ଯ୍ୟ ମିଶ୍ର, ବିପିନ ନାୟକ, ବିରେନ୍ଦ୍ର କୁମାର ଦାସ, ସ୍ୱୟଂପ୍ରକାଶ, ସ୍ୱପ୍ନା ମିଶ୍ର, ଗାୟତ୍ରୀବାଳା ପଣ୍ଡା, ଅମୀୟ ମହାପାତ୍ର, କେଦାର ମିଶ୍ର, ଚନ୍ଦ୍ରଶେଖର ହୋତା, ମୁକୁଳ ମିଶ୍ର, ପବିତ୍ର ମୋହନ ଦାସ, ଡକ୍ଟର ଈଶ୍ୱର ଚନ୍ଦ୍ର ନାଏକ, ସ୍ୱାଗତିକା ସ୍ୱାଇଁ, ସରୋଜ ବଳ, ପ୍ରତୀକ୍ଷା ଜେନା, ବାଦଲ ମହାନ୍ତି ପ୍ରମୁଖ କନ୍ଧମାଳ ଲିଟେରେଚର୍ ଫେଷ୍ଟିଭାଲରେ ଯୋଗ ଦେବା ପାଇଁ ସମ୍ମତି ପ୍ରକାଶ କରିଛନ୍ତି ।
ପ୍ରକୃତିର ଅବଦାନ ହେଉଛି କନ୍ଧମାଳ । ସଭିଙ୍କ ସାଧନାର ପ୍ରୋସôାହନ । କନ୍ଧମାଳ ସହିତ ଜଡିତ ଓଡିଆ ସାହିତ୍ୟର ଇତିହାସକୁ ଆମେ ଏହା ମାଧ୍ୟମରେ ଖୋଜିବାକୁ ପ୍ରୟାସ କରିଛୁ ଏବଂ କନ୍ଧମାଳର ଉନ୍ନତ କଳା ଓ ସଂସ୍କୃତିକୁ ନେଇ ଏକ ଉସôବ ପାଳନ କରିବାକୁ ଯାଉଛୁ ବୋଲି ଆୟୋଜକ ତଥା କନ୍ଧମାଳ ଲିଟେରେଚର୍ ଫେଷ୍ଟିଭାଲ୍ର ପ୍ରତିÂାତା ବରେନ୍ଦ୍ର କୁମାର କହିଛନ୍ତି । କଳିଙ୍ଗ ଲିଟେରାରି ଫେଷ୍ଟିଭାଲର ନିର୍ଦେଶକ ତଥା ପ୍ରତିÂାତା ରଶ୍ମିରଞ୍ଜନ ପରିଡା କହିଛନ୍ତି ଯେ ଏପରି କାର୍ଯ୍ୟକ୍ରମ ଦ୍ୱାରା ଓଡିଆ ସାହିତ୍ୟକୁ ଦେଶ ବିଦେଶରେ ପରିଚିତ କରିବାର ଏକ ମାଧ୍ୟମ ସୃଷ୍ଟି ହେଉଛି । କନ୍ଧମାଳ ଲିଟେରାରି ଫେଷ୍ଟିଭାଲ ପ୍ରତିବର୍ଷ ଆୟୋଜନ କରିବାର ଯୋଜନା ରହିଛି ବୋଲି ଶ୍ରୀ ପରିଡା ସୂଚନା ଦେଇଛନ୍ତି ।

Share in top social networks!

ସପ୍ତମ ଅଲ ଓଡିଶା ଓପନ ସ୍ନୁକର ଚମ୍ପିଆନଶିପ ଆରମ୍ଭ

Snooker 1ଭିଣ୍ଟେଜ କ୍ଲବ ଓ ଓଡିଶା କୁ୍ୟ ସ୍ପୋର୍ଟସ ପକ୍ଷରୁ ସପ୍ତମ ଏମଆଇଇଟି ଅଲ ଓଡିଶା ଓପନ ସ୍ନୁକର ଚମ୍ପିଆନଶିପ ବୁଧବାରଠାରୁ ଆରମ୍ଭ ହୋଇଛି । ଏହି ଖେଳ ପ୍ରତି ଯୁବବର୍ଗଙ୍କୁ ସାମିଲ କରିବା ଉଦେ୍ଧଶ୍ୟରେ ଚଳିତ ବର୍ଷ ପ୍ରବେଶିକା ଦେୟ ରଖାଯାଇ ନାହିଁ । ଫଳରେ ଚଳିତ ବର୍ଷ ପ୍ରତିଯୋଗିତାରେ ରେର୍କଡ ସଂଖ୍ୟକ ୧୦୮ଜଣ ପ୍ରତିଯୋଗୀ ଅଂଶଗ୍ରହଣ କରିଛନ୍ତି ।
ପ୍ରତିଯୋଗିତା ସମ୍ପର୍କରେ ସୂଚନା ଦେଇ ଆୟୋଜନ କମିଟି ସଦସ୍ୟ ଗୋବିନ୍ଦ ଶର୍ମା କହିଛନ୍ତି ଯେ ପ୍ରତିଯୋଗିତାର ଚମ୍ପିଆନଙ୍କୁ ୨୫ହଜାର, ରନର୍ସ ଅପ ଖେଳାଳିଙ୍କୁ ୧୩ ହଜାର ଟଙ୍କାର ପୁରସ୍କାର ରାଶି ପ୍ରଦାନ କରାଯିବ । ସେହିପରି ସେମିଫାଇନାଲରେ ପରାଜିତ ଖେଳାଳିଙ୍କୁ ୬ହଜାର, କ୍ୱାର୍ଟର ଫାଇନାଲରେ ପରାଜିତଙ୍କୁ ୪ହଜାର ଓ ପ୍ରି କ୍ୱାର୍ଟର ଫାଇନାଲରେ ପରାଜିତ ଖେଳାଳିଙ୍କୁ ୧ହଜାର ଟଙ୍କାର ଆର୍ଥିକ ପୁରସ୍କାର ପ୍ରଦାନ କରାଯିବ । ସେହିପରି ସର୍ବାଧିକ ବ୍ରେକ (୭୦ରୁ ଅଧିକ) ପାଇଁ ୫ହଜାର ଓ ୧୦୦ରୁ ଅଧିକ ବ୍ରେକ୍‍ ପାଇଁ ୧୦ହଜାର ଟଙ୍କାର ପୁରସ୍କାର ପ୍ରଦାନ କରାଯିବ । ଚଳିତ ବର୍ଷର ପ୍ରତିଯୋଗିତାରେ ଅଧିକ ସଂଖ୍ୟକ ଯୁବ ଖେଳାଳି ସାମିଲ ହୋଇଥିଲା ବେଳେ ଶୀର୍ଷ ମାନ୍ୟତାପ୍ରାପ୍ତ ଖେଳାଳି ଓ ପୁରୁଣା ଖେଳାଳି ମଧ୍ୟ ଅଂଶଗ୍ରହଣ କରୁଛନ୍ତି ବୋଲି ଭିଣ୍ଟେଜ କ୍ଲବର ମାଲିକ ତଥା ଏମଆଇଇଟି ଗ୍ରୁପର ଅମୀୟ ରଞ୍ଜନ ନାୟକ ସୂଚନା ଦେଇଛନ୍ତି । ଏହି ପ୍ରତିଯୋଗିତା ନଭେମ୍ବର ୭ ତାରିଖ ପର୍ଯ୍ୟନ୍ତ ଚାଲିବ । ସାମ୍ବାଦିକ ସମ୍ମିଳନୀରେ ସତ୍ୟଦୀପ ଦାସ, ଶ୍ୟାମ ଅଗ୍ରୱାଲ ଓ ମିଶାଲ ସ୍ୱାଇଁ ପ୍ରମୁଖ ଉପସ୍ଥିତ ଥିଲେ ।

Share in top social networks!

ନଭେମ୍ବର୫ରେ ଜାତୀୟ ଭଲିବଲ ପ୍ରତିଯୋଗିତା

asanta nov 5 tarikhare lingaraj cup vally ball dibaratra turnament ra pokhariput lingaraj club parisarare trophy o jercy unmochita (3)
ଲିଙ୍ଗରାଜ ସ୍ପୋର୍ଟସ ଆସୋସିଏସନ ଆନୁକୂଲ୍ୟରେ ଆସନ୍ତା ନଭେମ୍ବର ୫ରେ ଏକ ଦିବସୀୟ ଦିବାରାତ୍ରି ଜାତୀୟ ଭଲିବଲ ପ୍ରତିଯୋଗିତା ଲିଙ୍ଗରାଜ ବିହାର ଖେଳ ପଡିଆରେ ଖେଳାଯିବ । ଏହି ପ୍ରତିଯୋଗିତାରେ ଓଡିଶା, ଆନ୍ଧ୍ରପ୍ରଦେଶ,ପଶ୍ଚିମବଙ୍ଗ ଓ ଛତିଶଗଡ ରାଜ୍ୟର ଖେଳାଳିମାନେ ଅଂଶଗ୍ରହଣ କରିବେ । ଖେଳ ପୂର୍ବାହ୍ନ ୧୦ଟାରୁ ଆରମ୍ଭ ହେବ । ଖେଳକୁ ଉପଭୋଗ କରିବା ଲାଗି ଉସôାହ ପ୍ରଦାନ କାରୀ ଚିୟର ଗାର୍ଲସ ଓ ଦର୍ଶକଙ୍କ ପାଇଁ ସମସ୍ତ ବ୍ୟବସ୍ଥା କରାଯାଇଛି । ଚମ୍ପିୟାନ ଖେଳାଳିଙ୍କୁ ନଗଦରାଶି ୧୦ହଜାର ଟଙ୍କା ସହିତ କପ ଓ ରନର୍ସଅଫ ଖେଳାଳିଙ୍କୁ ନଗଦ ୮ହଜାର ଟଙ୍କା ସହିତ ରନର୍ସକପ ପ୍ରଦାନ କରାଯିବ । ପ୍ରତିଯୋଗିତା ଲାଗି ଦଳର ଜର୍ସି ଉନ୍ମୋଚିତ ହୋଇଯାଇଛି । ପ୍ରଥମ ଥର ପାଇଁ ଆୟାଜିତ ହେବାକୁ ଥିବା ଏହି ପ୍ରତିଯୋଗିତାକୁ ସଫଳ କରିବା ଲାଗି ସମସ୍ତ ପ୍ରକାର ପ୍ରସ୍ତୁତି କରାଯାଇଛି ବୋଲି ଶନିବାର ଆୟୋଜିତ ସାମ୍ବାଦିକ ସମ୍ମିଳନୀ ଆସୋସିଏସନର ମୁଖପାତ୍ର ସୁରତ୍ନ କୁମାର ସାହୁ ସୂଚନା ଦେଇଛନ୍ତି ।

Share in top social networks!

୨୦୧୩ ଓ ୨୦୧୪ ମସିହା ପାଇଁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଘୋଷିତ

୨୦୧୩ ଓ ୨୦୧୪ ମସିହା ନିମନ୍ତେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଘୋଷଣା କରାଯାଇଛି । ଉପନ୍ୟାସ, କ୍ଷୁଦ୍ର
ଗଳ୍ପ, କାବ୍ୟକବତା, ନାଟକ ଓ ଏକାଙ୍କିକା, ପ୍ରବନ୍ଧ ଓ ସମାଲୋଚନା, ଜୀବନୀ ଓ ଭ୍ରମଣ ସାହିତ୍ୟ, ଅନୁବାଦ, ଶିଶୁ ସାହିତ୍ୟ ଏବଂ
ଗୀତିକବିତା ବିଭାଗରେ ପୁରସ୍କାରମାନ ଘୋଷିତ ହୋଇଛି । ୨୦୧୩ ମସିହା ପାଇଁ ୧୩ ଜଣଙ୍କୁ ଓ ୨୦୧୪ ମସିହା ପାଇଁ ୧୧
ଜଣଙ୍କୁ ପୁରସ୍କୃତ କରାଯିବ ।
୨୦୧୩ ମସିହା ନିମନ୍ତେ ଉପନ୍ୟାସ “ଢେଉ’ ପାଇଁ ବିଭୂିଭୂଷଣ ପ୍ରଧାନ, କ୍ଷୁଦ୍ରଗଳ୍ପ ପୁସ୍ତକ “ସନ୍ଦU ଶୈଶବ’ ପାଇଁ
ଦୀପ୍ତିରଞ୍ଜନ ପଟ୍ଟନାୟକ, କବିତା ନିମନ୍ତେ ବିମଳ ଜେନା, ସୁଚେତା ମିଶ୍ର ଓ କ୍ଷକ ନାୟକଙ୍କୁ ସେମାନଙ୍କ କବିତା ପୁସ୍ତକ ଯଥାକ୍ରମେ
“ନିବୃତ୍ତ ନିଷାଦ’, “ଅଜନ୍ମା’ ଓ “ଅସରନ୍ତି ଅନ୍ତାକ୍ଷରୀ’ ପାଇଁ, ନାଟକ ଏକାଙ୍କିକା ବିଭାଗରେ “ବରଂ ନିବାସ ରଣକ୍ଷେତ୍ରରେ’ ପାଇଁ
ରମେଶ ଦାସ, ପ୍ରବନ୍ଧ ଓ ସମାଲୋଚନା ପାଇଁ “ଓଡ଼ିଶା କଥା ଓ କଳ୍ପନାର ଦିଗ ଓ ଦିଗନ୍ତ’ ନିମନ୍ତେ କୃଷ୍ଣଚନ୍ଦ୍ର ପ୍ରଧାନ, ଜୀବନୀ
ଓ ଭ୍ରମଣ ସାହିତ୍ୟରେ ରାସବିହାରୀ ବେହେରା ଓ ପ୍ରଭାତୀ ମିଶ୍ରଙ୍କୁ ଯଥାକ୍ରମେ “ଅନନ୍ୟ ସୃଷ୍ଟି କାନଡା’ ଓ “ଭ୍ରମଣରୁ ଶିକ୍ଷା’ ପାଇଁ,
ଅନୁବାଦରେ “ଅଜାତ ସୁନ୍ଦରୀ ଓ ଅନ୍ୟାନ୍ୟ ଗଳ୍ପ’ ପାଇଁ ବିଜୟ କୁମାର ପ୍ରଧାନ, ଶିଶୁ ସାହିତ୍ୟ ବିଭାଗରେ ସୂର୍ଯ୍ୟମଣି ସାମନ୍ତରାୟ
ଓ ରବୀନ୍ଦ୍ର ନାଥ ମାଝୀଙ୍କୁ ଯଥାକ୍ରମେ “ଟିଂ କୁତୁକୁତୁ ଟିକି ଚଢେ଼ଇ’ ଓ “ନୀଳ ଠେକୁଆ’ ପାଇଁ ଏବଂ ଗୀତିକବିତା ବିଭାଗରେ
“ପଦୁଅଁ ପାପୁଲି’ର ଲେଖକ ଦେବେନ୍ଦ୍ର ଦାସଙ୍କ ନାମ ଘୋଷଣା କରାଯାଇଛିା ୨୦୧୩ ପାଇଁ କବିତା ବିଭାଗରେ ତିନି ଜଣଙ୍କୁ,
ଜୀବନୀ ଓ ଭ୍ରମଣ ସାହିତ୍ୟରେ ଦୁଇ ଜଣଙ୍କୁ ଓ ଶିଶୁ ସାହିତ୍ୟ ବିଭାଗରେ ଦୁଇ ଜଣଙ୍କୁ ମିଳିତ ଭାବରେ ପୁରସ୍କୃତ କରାଯିବା
୨୦୧୪ ମସିହା ପାଇଁ ଉପନ୍ୟାସ ବିଭାଗରେ ଇନ୍ଦିରା ଦାଶଙ୍କୁ ପୁସ୍ତକ “ନିର୍ବାଣ ଅଭିସାର’ ପାଇଁ, କ୍ଷୁଦ୍ରଗଳ୍ପ ବିଭାଗରେ
ଅଭୟ ବାରିକଙ୍କୁ ପୁସ୍ତକ “ମହାରାଜ’ ପାଇଁ, କାବ୍ୟ କବିତା ବିଭାଗରେ ବିପିନ୍ ନାୟକଙ୍କୁ “ସ୍ୱରଚିତ୍ର’ ଏବଂ ବାସୁଦେବ ସୁନାନୀଙ୍କୁ
“ବୋଧହୁଏ ଭଲପାଇବା ମୋତେ ଜଣାନାହିଁ’ ପାଇଁ, ନାଟକ ଓ ଏକାଙ୍କିକା ବିଭାଗେ ବିଜୟ କୁମାର ନନ୍ଦଙ୍କୁ ” ନାଟକ ସଂଗ୍ରହ’
ପାଇଁ, ପ୍ରବନ୍ଧ ଓ ସମାଲୋଚନା ବିଭାଗରେ ଅରବିନ୍ଦ ପଟ୍ଟନାୟକଙ୍କୁ “ଓଡ଼ିଶାରେ ଲୋକଧର୍ମର ପରମ୍ପରା’ ପାଇଁ, ଜୀବନୀ ଓ
ଭ୍ରମଣ ସାହିତ୍ୟ କ୍ଷେତ୍ରରେ ପି୍ରୟବ୍ରତ ପାତ୍ରଙ୍କୁ “ଅଭିଯାତ୍ରୀଙ୍କ-୨’ ଓ ଗଣେଶ ରାମ ନାହାକଙ୍କୁ “ପଶ୍ଚିମ ଓଡ଼ିଶାର ବରପୁତ୍ର’ ପାଇଁ,
ଅନୁବାଦ ବିଭାଗରେ ସୁଭାଷ ଶତପଥୀଙ୍କୁ “ତରଗୀସ୍ ଓ ଅନ୍ୟାନ୍ୟ ଗଳ୍ପ’ ପାଇଁ, ଶିଶୁ ସାହିତ୍ୟ ବିଭାଗରେ ବସନ୍ତ କିଶୋର ସାହୁଙ୍କୁ
“ଓସ୍ତପତର ପାନିଆ’ ଓ ଗୀତିକବିତା ବିଭାଗରେ ହୃଦାନନ୍ଦ ପାଣିଗ୍ରାହୀଙ୍କୁ “ଜହ୍ନ ଝିଲିମିଲି’ ପାଇଁ ପୁରସ୍କୃତ କରାଯିବ । ୨୦୧୪
ମସିହା ପାଇଁ କବିତା ଓ ଜୀବନୀ-ଭ୍ରମଣ ସାହିତ୍ୟ ବିଭାଗରେ ଯୁଗ୍ମ ପୁରସ୍କାର ଘୋଷଣା କରାଯାଇଛିା
ଆଜି ପୂର୍ବାହ୍ନରେ ଏକାଡେମୀ କାର୍ଯ୍ୟାଳୟରେ ସଭାପତି ହରିହର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକାରୀ ପରିଷଦ
ବୈଠକରେ ୨୦୧୩ ଓ ୨୦୧୪ ମସିହା ପାଇଁ ଉପରୋକ୍ତ ମର୍ମରେ ଏକାଡେମୀ ପୁରସ୍କାରର ଚୂଡାନ୍ତ ଫଳାଫଳ ଘୋଷିତ
ହୋଇଛି ।

Share in top social networks!

ବିଏମସି ହସପିଟାଲର ସମସ୍ୟା ନେଇ ଅହୋରାତ୍ର ଧାରଣାକୁ ଓହ୍ଲାଇଲା ସାମାଜିକ ସଂଗଠନ

IMG-20171026-WA0060
ବିଏମସି ଓ ସ୍ୱାସ୍ଥ୍ୟ ବିଭାଗ ଦେଇଥିବା ପ୍ରତିଶ୍ରୁତିକୁ ଦୁଇମାସ ହୋଇଗଲାଣି । ହେଲେ ପ୍ରତିଶ୍ରୁତି ଅନୁସାରେ ଅଦ୍ୟାବଧି ବିଏମସି ହସପିଟାଲର ସମସ୍ୟା ଦୂର ହୋଇ ପାରିଲା ନାହିଁଁ । ସମସ୍ୟା ସମାଧାନ ନ ହେବା ପ୍ରତିବାଦରେ ପୁରୁଣାଭୁବନେଶ୍ୱରର ଏକାମ୍ର ଜନଜାଗରଣ ମଞ୍ଚର ସଭାପତି ଭୀଷ୍ମ ନାରାୟଣ ନାୟକଙ୍କ ନେତୃତ୍ୱରେ ମଞ୍ଚର ସମସ୍ତ ସଦସ୍ୟ ଗୁରୁବାର ଠାରୁ ଅହୋରାତ୍ର ଧାରଣାରେ ବସିଛନ୍ତି ।
ଏଠାରେ ସୂଚନାଯୋଗ୍ୟ ଯେ ବିଏମସି ହସପିଟାଲ ହେଉଛି ପୁରୁଣାଭୁବନେଶ୍ୱର ଅଞ୍ଚଳବାସୀଙ୍କ ପାଇଁ ଏକମାତ୍ର ସରକାରୀ ହସ୍ପିଟାଲ । ରାତି ପାହିଲେ ଏଠାରେ ରୋଗୀଙ୍କ ଭିଡ ଦେଖାଯାଏ । ଆଶୁ ଚିକିସôା ହେଉ କିମ୍ବା ଗୁରୁତର ରୋଗୀଙ୍କୁ ଧରି ଲୋକେ ଉକ୍ତ ହସପିଟାଲକୁ ଆସିଥାନ୍ତି । ହସପିଟାଲରେ ରୋଗୀଙ୍କ ଭିଡକୁ ଦୃଷ୍ଟିରେ ରଖି ଭେଷଜ, ଶିଶୁ, ଚକ୍ଷୁ, ଅସ୍ଥିଶଲ୍ୟ, ଚର୍ମରୋଗ ଏବଂ ପ୍ରସୂତି ଭଳି ଗୁରୁତ୍ୱପୂର୍ଣ୍ଣ ବିଭାଗ ଖୋଲା ଯାଇଥିଲା । ଏପରିକି ୧୦୮ ବେଡ ଓ କ୍ୟାବନିର ସୁବିଧା ଉପଲବ୍ଧ ହୋଇଥିଲା । ହସପିଟାଲ ଭିତରେ ରୋଗୀଙ୍କ ରକ୍ତ, ମଳମୂତ୍ର ପରୀକ୍ଷା ସହ ଏକ୍ସ-ରେ,ଲାପ୍ରୋସ୍କୋପି, ଏଣ୍ଡୋସ୍କୋପି, ଅଲଟ୍ରା ସାଉଣ୍ଡ ଆଦି ସେବା ଯୋଗାଇ ଦିଆଯାଉଥିଲା । ଏବେ କିନ୍ତୁ ହସିପିଟାଲରେ ସେଭଳି ସୁବିଧା ଦେଖିବାକୁ ମିଳୁନି । ଅନେକ ଗୁରୁତର ରୋଗୀ ହସପିଟାଲକୁ ଆସି ନିରାଶ ହୋଇ ଫେରିବାକୁ ପଡୁଛି । ପୁଣି ରାତିରେ ରୋଗୀଙ୍କ ଔଷଧ ପାଇଁ ନିରାମୟ କେନ୍ଦ୍ରଟି ହୋଇପାରି ନାହିଁ । ଅନେକ ଯନ୍ତ୍ର ଚଳାଇବା ଲାଗି ଡାକ୍ତର ଓ ଟେକ୍ନିସିଆନଙ୍କ ଅଭାବ ଯୋଗୁ ସେଗୁଡିକ ନଷ୍ଟ ହେବାକୁ ବସିଲାଣି । ହସପିଟାଲଟି ମଲ୍ଟି ସ୍ପେଶାଲ ହସପିଟାଲ ଭାବେ ପରିଚିତ ହୋଇଥିବା ବେଳେ ବିଏମସି ଜାତୀୟ ସହରାଞ୍ଚଳ ସ୍ୱାସ୍ଥ୍ୟ ମିଶନ ହାତକୁ ଟେକି ଦେଇ ଜାତୀୟ ସହରାଞ୍ଚଳ ଗୋÂୀ ସ୍ୱାସ୍ଥ୍ୟକେନ୍ଦ୍ରର ମାନତ୍ୟା ଦେବାକୁ ବସିଛି । ଏହି ସମସ୍ୟା ସମ୍ପର୍କରେ ଅନେକ ଥର ବିଏମସିର ଉଚ୍ଚପଦସ୍ଥ ଅଧିକାରୀ , ସ୍ଥାନୀୟ ବିଧାୟକ, ସ୍ୱାସ୍ଥ୍ୟମନ୍ତ୍ରୀଙ୍କୁ ଅବଗତ କରାଯାଇଥିଲେ ମଧ୍ୟ ସରକାରଙ୍କ ପକ୍ଷରୁ କୌଣସି ପଦକ୍ଷେପ ନିଆଯାଉ ନାହିଁ । ଏହାର ପ୍ରତିବାଦରେ ଏକାମ୍ର ଜନଜାଗରଣ ମଞ୍ଚ ପକ୍ଷରୁ ଅଗଷ୍ଟ ୨୬ରେ ଧାରଣା ଦିଆଯାଇଥିଲା । ଧାରଣାର ୬ଦିନରେ ଘଟଣାସ୍ଥଳକୁ ବିଏମସି ମେୟର , ସ୍ଥାନୀୟ ବିଧାୟକ, ସାଂସଦ, ସ୍ୱାସ୍ଥ୍ୟମନ୍ତ୍ରୀ, କର୍ପୋରେଟର ପ୍ରମୁଖ ଯାଇ ହସପିଟାଲର ସମସ୍ୟା ଦୂର କରିବାକୁ ୩୦ଦିନ ସମୟ ନେଇଥିଲେ । ଇତିମଧ୍ୟରେ ଦୁଇମାସ ବିତିଯାଇଥିଲେ ମଧ୍ୟ କୌଣସି ସମସ୍ୟାର ସମାଧାନ ହୋଇପାରିନାହିଁ । ଏହାର ପ୍ରତିବାଦରେ ସାମାଜିକ ସଂଗଠନ ପୁଣି ଥରେ ଧାରଣାକୁ ଓହ୍ଲାଇଛି ।

Share in top social networks!