ଅଙ୍ଗନବାଡ଼ି କର୍ମୀମାନଙ୍କୁ ମୁଖ୍ୟମନ୍ତ୍ରୀଙ୍କ ଦୀପାବଳି ଭେଟି ;ମୁଖ୍ୟମନ୍ତ୍ରୀଙ୍କ ଘୋଷଣାକୁ ସ୍ୱାଗତ ଜଣାଇଲା ବିଜୁ ଶ୍ରମିକ ସାମ୍ମୁଖ୍ୟ

22310494_298539833885892_6299773108233734334_n
ଆଜି ରାଜ୍ୟରେ କାର୍ଯ୍ୟ କରୁଥିବା ଅଙ୍ଗନବାଡ଼ି କର୍ମୀ, ସହାୟିକା ଓ ପରିଚାରିକାମାନେ ହଜାର ହଜାର ସଂଖ୍ୟାରେ ବିଜୁ ଶ୍ରମିକ ସାମ୍ମୁଖ୍ୟ ମାଧ୍ୟମରେ ରାଜରାସ୍ତାକୁ ଓହ୍ଲାଇଥିଲେ । ବିଜୁ ଶ୍ରମିକ ସାମ୍ମୁଖ୍ୟର ନେତୃତ୍ୱରେ ଏକ ଶୋଭାଯାତ୍ରା ୟୁନିଟ୍‍ ୬ ଠାରୁ ବାହାରି ରାଜଭବନ ଛକ ପର୍ଯ୍ୟନ୍ତ ଯାଇଥିଲା ଓ ସେଠାରେ ଏକ ସାଧାରଣ ସଭା ଅନୁÂିତ ହୋଇଥିଲା ।

ମାନ୍ୟବର ମୁଖ୍ୟମନ୍ତ୍ରୀଙ୍କ ଉଦେ୍ଧଶ୍ୟରେ ଏକ ୧୧ ଦଫା ଦାବିପତ୍ର ସଭାସ୍ଥଳରେ ପାଠ କରାଯାଇ ପ୍ରତିନିଧିମାନଙ୍କ ମାଧ୍ୟମରେ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଦେବା ପାଇଁ ବିଭିନ୍ନ ନିର୍ବାଚନ ମଣ୍ଡଳୀ ଓ ଜିଲ୍ଲାରୁ ଆସିଥିବା କର୍ମକର୍ତ୍ତାମାନେ ସାମ୍ମୁଖ୍ୟ ରାଜ୍ୟ ସଭାପତି ରାଜୁ ସିଂହ ଓ ମହାସଚିବ ସୁବାଷ ସିଂହଙ୍କ ନେତୃତ୍ୱରେ ୨୦୦ରୁ ଊଦ୍ଧ୍ୱର୍ କର୍ମକର୍ତ୍ତାମାନେ ଯାଇ ମାନ୍ୟବର ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରି ନିଜର ଅଭାବ ଅସୁବିଧା ଜଣାଇଥିଲେ । ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଦାବିଗୁଡିକ ସହୃଦୟତାର ସହ ବିଚାର କରିବେ ବୋଲି ପ୍ରତିଶ୍ରୁତି ଦେଇଥିଲେ ।

ମୁଖ୍ୟମନ୍ତ୍ରୀ ଶ୍ରୀଯୁକ୍ତ ପଟ୍ଟନାୟକ ଅଙ୍ଗନବାଡ଼ି କର୍ମୀମାନଙ୍କ ପାଇଁ ଅପରାହ୍ଣରେ ସଚିବାଳୟ ଠାରେ ଭତ୍ତା ବୃଦ୍ଧି ସହ ଚିକିତ୍ସା ଓ ବୀମା ସୁବିଧା ଯୋଗାଇ ଦେବା ପାଇଁ ଘୋଷଣା କରିଥିଲେ । ଅଙ୍ଗନବାଡ଼ି କର୍ମୀ ୬ ହଜାର ଟଙ୍କା, ମିନି ଅଙ୍ଗନବାଡ଼ି କର୍ମୀଙ୍କୁ ୪୧୨୫ ଟଙ୍କା ଓ ସହାୟିକାଙ୍କୁ ୩ ହଜାର ଟଙ୍କା ମାସିକ ଭତ୍ତା ଦେବା ପାଇଁ ଘୋଷଣା କରିଥିଲେ । ଆଉ ଯାହା ସବୁ ଦାବି ଅଛି ସେଗୁଡିକ ବିଚାର କରି ଦେଖିବେ ବୋଲି ମୁଖ୍ୟମନ୍ତ୍ରୀ କହିଥିଲେ । ଏହାଦ୍ୱାରା ବିଜୁ ଶ୍ରମିକ ସାମ୍ମୁଖ୍ୟ (ବିଏସ୍‍ଏସ୍‍) ଓ ତା’ସହିତ
ସହବନ୍ଧିତ ସମସ୍ତ ଅଙ୍ଗନବାଡ଼ି କର୍ମଚାରୀମାନଙ୍କର ବିଜୟ ବୋଲି ବିଜୁ ଶ୍ରମିକ ସାମ୍ମୁଖ୍ୟର ନେତୃତ୍ୱମାନେ କହିବା ସହିତ ସର୍ବଶ୍ରୀ ବିଧାୟକ ଦେବାଶିଷ ସାମନ୍ତରାୟ (ଉପଦେଷ୍ଟା), ସଭାପତି ରାଜେନ୍ଦ୍ର ସିଂହ, ବିଧାୟିକା ଶ୍ରୀମତି ପ୍ରମିଳା ମଲିକ (ଉପଦେଷ୍ଟା), ମେୟର ଅନନ୍ତ ନାରାୟଣ ଜେନା (ଉପ-ସଭାପତି) ମହାସଚିବ ସୁବାଷ ସିଂହ, ବିଜେଡି ରାଜ୍ୟ ସଂପାଦକ ବିଜୟ ନାୟକ, ସଂପାଦକ ଯୁଗଳ ନାୟକ, ସୁରେନ୍ଦ୍ର କୁମାର ସ୍ୱାଇଁ, ସଂଯୁକ୍ତା ମହଲ, ରାଜେନ୍ଦ୍ର ଦାସ, ଶ୍ରୀମୟୀ ମିଶ୍ର, ବିଜେଡି ମୁଖପାତ୍ର ସୁଲୋଚନା ଦାସ, ଲତିକା ପ୍ରଧାନ, ନିବେଦିତା ନାୟକ, ସୁଲୋତା ଦେଓ, ଗୀତା ବସ୍ତିଆ ପ୍ରମୁଖ ଦଳୀୟ ମହିଳା ନେତୃତ୍ୱମାନେ ମାନ୍ୟବର
ମୁଖ୍ୟମନ୍ତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି ।

Share in top social networks!

ରାଜ୍ୟରେ ନୂଆ ୧୩ ଟି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ( ନୂତନ ) ଖୋଲିବ

 ୫ ଟି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର(ନୂତନ)ସି.ଏଚ୍.ସିକୁ ଉନ୍ନିତ
 ୬ଟି ସି.ଏଚ୍.ସିରେ ଉପଖଣ୍ଡ ଚିକିତ୍ସାଳୟ ଚିକିତ୍ସା ସୁବିଧା ସୁଯୋଗ ଉପଲବ୍ଧ ହେବ
 କୋଟପାଡ ସି.ଏଚ୍.ସିରେ ଶଯ୍ୟାସଂଖ୍ୟା ୩୦ କୁ ବୃଦ୍ଧି
IMG-20171013-WA0054
ରାଜ୍ୟରେ ଆଉ୧୩ ଟି ନୂଆ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର(ନୂତନ) ଖୋଲାଯିବା ସହିତ ୫ ଟି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର(ନୂତନ)କୁ ସି.ଏଚ୍.ସିକୁ ଉନ୍ନିତ କରାଯାଇଛି ଏବଂ ୬ଟି ସି.ଏଚ୍.ସିରେ ଉପଖଣ୍ଡ ଚିକିତ୍ସାଳୟ ଚିକିତ୍ସା ସୁବିଧା ସୁଯୋଗ ଉପଲବ୍ଧ କରାଯିବ ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ , ଆଇନ ମନ୍ତ୍ରୀ ପ୍ରତାପ ଜେନାଙ୍କ ଠାରୁ ପ୍ରକାଶ ।
ମନ୍ତ୍ରୀ ଶ୍ରୀ ଜେନା କହିଛନ୍ତି ଯେ ସାଧରଣ ଲୋକଙ୍କୁ ସ୍ୱାସ୍ଥ୍ୟସେବା ଯୋଗାଇ ଦେବା ନିମନ୍ତେ ଆବଶ୍ୟକତାକୁ ଦୃଷ୍ଟିରେ ରଖି ରାଜ୍ୟ ସରକାର ଆଉ ୧୩ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର(ନୂତନ) ଖୋଲିବା ପାଇଁ ନିଷ୍ପତି ଗ୍ରହଣ କରିଛନ୍ତି । ସେହି ସବୁ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର(ନୂତନ) ଯାଜପୁର ଜିଲ୍ଲା ଦଶରଥପୁର ବ୍ଲକ୍ର ଦକ୍ଷିଣବନ୍ଧ , ଯାଜପୁର ବ୍ଲକ୍ର କୁଞ୍ଜବିହାରିପୁର , ବିଞ୍ଝାରପୁର ବ୍ଲକ୍ର ସିଂହପୁର , ନବରଙ୍ଗପୁର ଜିଲ୍ଲାର ଝରିଗାଁ ବ୍ଲକ୍ର ବେଲ୍ଗାଁ , ବାଲେଶ୍ୱର ରେମୁଣା ବ୍ଲକ୍ର ମହାରାଜପୁର , ରୁପ୍ସା ବ୍ଲକ୍ର ରନସାହି , ଭୋଗରାଇ ବ୍ଲକ୍ର ଜୟରାମପୁର , ବଲାଙ୍ଗିର ଜିଲ୍ଲା ବଙ୍ଗମୁଣ୍ଡା ବ୍ଲକ୍ର ଜାମ୍ଖୁଂଟା , ସଇଁତଳା ବ୍ଲକ୍ର ବୁଢାବାହଲ , ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ବ୍ଲକ୍ର ବରିଡା , ପୁରୁଷୋତମପୁର ବ୍ଲକ୍ର ସୁନାଥରା , କୁକୁଡାଖଣ୍ଡି ବ୍ଲକ୍ର ହୁଗୁଳାପଟା ଏବଂ କଳାହାଣ୍ଡି ଜିଲ୍ଲା ଗୋଲମୁଣ୍ଡା ବ୍ଲକ୍ର ମହାଲିଙ୍ଗ ଠାରେ ଖୋଲାଯିବ । ଏହି ନୂତନ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଗୁଡିକ ପାଇଁ ଖୁବ୍ ଶୀଘ୍ର ଭିତିଭୂମି ସହିତ ଆବଶ୍ୟକ ମାନବ ସମ୍ବଳ ଆଦିର ବ୍ୟବସ୍ଥା କରାଯାଇ କାର୍ଯ୍ୟକ୍ଷମ କରାଯିବ ।
ସେହିପରି ବରଗଡ ଜିଲ୍ଲାର ଗାଇସିଲଟ୍ ବ୍ଲକ୍ର ଗାଇସିଲଟ୍ , କଳାହାଣ୍ଡି ଜିଲ୍ଲାର ଗୋଲମୁଣ୍ଡା ବ୍ଲକ୍ର ଗୋଲମୁଣ୍ଡା , ଜଗତସିଂହପୁର ଜିଲ୍ଲା ରଘୁନାଥପୁର ବ୍ଲକ୍ର ରେଢୁଆ ,ବାଲିକୁଦା ବ୍ଲକ୍ର ବୋରିକିନା ଏବଂ କଟକ ଜିଲ୍ଲା ମାହାଙ୍ଗା ବ୍ଲକ୍ର ଜଗନ୍ନାଥପୁର ଠାରେ ଥିବା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର(ନୂତନ)କୁ ଗୋÂୀସ୍ୱାସ୍ଥ୍ୟ କେନ୍ଦ୍ର ଭାବେ ଉନ୍ନିତ କରାଯାଇଛି । ଏତଦ୍ବ୍ୟତିତ କେନ୍ଦ୍ରାପଡା ଜିଲ୍ଲା ପଟାମୁଣ୍ଡାଇ , ନବରଙ୍ଗପୁର ଜିଲ୍ଲା ଉମରକୋଟ , ମାଲକାନଗିରି ଜିଲ୍ଲା କୁଦୁମୁଲୁଗୁମା ବ୍ଲକ୍ର ଚିତ୍ରକୋଣ୍ଡା , ମାଥିଲି ବ୍ଲକ୍ର ମାଥିଲି ନୂଆପଡା ଜିଲ୍ଲା ଖରିଆର ଏବଂ ଗଞ୍ଜାମ ଜିଲ୍ଲା ଆସ୍କା ଗୋÂୀ ସ୍ୱାସ୍ଥ୍ୟକେନ୍ଦ୍ରରେ ଉପଣ୍ଡ ଚିକିତ୍ସାଳୟ ସ୍ତରୀୟ ଚିକିତ୍ସା ବ୍ୟବସ୍ଥା ଓ ସୁବିଧା ସୁଯୋଗ ଉପଲବ୍ଧ କରାଯିବ । ଆହୁରି ମଧ୍ୟ କୋରାପୁଟ ଜିଲ୍ଲାର କୋଟପାଡ ଗୋÂୀ ସ୍ୱାସ୍ଥ୍ୟକେନ୍ଦ୍ରରେ ଆବଶ୍ୟକତାକୁ ଦୃଷ୍ଟିରେ ରଖି ଶଯ୍ୟା ସଂଖ୍ୟା ୩୦ କୁ ବୃଦ୍ଧି କରାଯାଇଛି । ଏ ନେଇ ଆଜି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ବିଜ୍ଞପ୍ତି ପ୍ରକାଶିତ ହୋଇଛି ।

Share in top social networks!

ଜାତୀୟ ପରିବାର ସ୍ୱାସ୍ଥ୍ୟ ସର୍ଭେ-୪ ସଂକ୍ରାନ୍ତ ରାଜ୍ୟ ରିପୋର୍ଟ ଉନ୍ମୋଚିତ

Odisha State Report of NFHS-4 released today_1

ବହୁ ପ୍ରତୀକ୍ଷିତ ଜାତୀୟ ପରିବାର ସର୍ଭେ (ଏନ.ଏଫ.ଏଚ.ଏସ.-୪) ସଂକ୍ରାନ୍ତ ଓଡ଼ିଶା ରାଜ୍ୟ ରିପୋର୍ଟ ଓଡ଼ିଶା ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ କମିସନର ତଥା ସଚିବଙ୍କ ଦ୍ୱାରା ଉନ୍ମୋଚିତ ହୋଇଛି । ଓଡ଼ିଶାର ଜନସାଧାରଣଙ୍କ କଲ୍ୟାଣ ଓ ସ୍ୱାସ୍ଥ୍ୟ ସମ୍ପର୍କିତ ଏକ ମିଶ୍ରିତ ଚିତ୍ର ଏନ.ଏଫ.ଏଚ.ଏସ.-୪ ଓଡ଼ିଶାରେ ପ୍ରତିଫଳିତ ହୋଇଛି । ଇଂଟରନ୍ୟାସନାଲ ଇନ୍ଷ୍ଟିଚ୍ୟୁଟ ଅଫ ପପୁଲେସନ ସାଇନ୍ସ, ମୁମ୍ବାଇ ଦ୍ୱାରା ଏହି ରିପୋର୍ଟ ପ୍ରସ୍ତୁତ କରାଯାଇଥିବାବେଳେ, ଏହି ସଂସ୍ଥା ପକ୍ଷରୁ ଜାତୀୟ ପରିବାର ସ୍ୱାସ୍ଥ୍ୟ ସର୍ଭେ-୪ର ସଂଯୋଜକବୃନ୍ଦ ଯେପରିକି ପ୍ରଫେସର ଏସ କେ ସିଂ, ଡଃ ମାନଓ ପ୍ରଧାନ, ଡଃ ଏଲ କେ ଦ୍ୱିବେଦୀ, ଡଃ ଏସ ପେଦଗାଓଁକର ପ୍ରମୁଖ ଉପସ୍ଥିତ ଥିଲେ । ଜାତୀୟ ପରିବାର ସ୍ୱାସ୍ଥ୍ୟ ସର୍ଭେ-୪ର ରାଜ୍ୟ ସଂଯୋଜକ ଡଃ ମାନସ ପ୍ରଧାନ ଏହି ରିପୋର୍ଟର୍ର ମୁଖ୍ୟାଂସ ସଂପର୍କରେ ବ୍ୟାଖ୍ୟା କରିଥିଲେ ।
ପ୍ରଜନନକ୍ଷମତା ପ୍ରତିସ୍ଥାପନ ସ୍ତରରେ, ପରିବାର ନିୟୋଜନ ଉପଯୋଗ ବଢ଼ିଛି
ଭାରତରେ ଏବଂ ଓଡ଼ିଶାରେ ଛୋଟ ପରିବାର ଆଦର୍ଶ ପାଲଟିଛି । ସାମ୍ପ୍ରତିକ ପ୍ରଜନନ କ୍ଷମତା ସ୍ତର ଅନୁଯାୟୀ ଓଡ଼ିଶାରେ ମହିଳା ଜୀବନକାଳ ମଧ୍ୟରେ ଦୁଇଟି ସନ୍ତାନର ଜନନୀ ହେଉଛନ୍ତି । ୧୦ ବର୍ଷରେ ଏନ.ଏଫ.ଏଚ.ଏସ.-୩ ଓ ଏନ.ଏଫ.ଏଚ.ଏସ.-୪ ମଧ୍ୟରେ ପ୍ରଜନନ କ୍ଷମତା ୦.୩ କମିଛି । ଭାରତର ଅନେକ ରାଜ୍ୟ ପ୍ରଜନନ କ୍ଷମତାର ପୁନଃସ୍ଥାପନ ସ୍ତର (ଜଣେ ମହିଳାଙ୍କର ଦୁଇଟି ସନ୍ତାନରୁ ସାମାନ୍ୟ ଅଧିକ ସ୍ତର) କିମ୍ବା ପ୍ରତିସ୍ଥାପନର ନିମ୍ନ ସ୍ତର ହାସଲ କରିଛନ୍ତି, ଓଡ଼ିଶା ସେହି ରାଜ୍ୟମାନଙ୍କ ମଧ୍ୟରୁ ଗୋଟିଏ । ଓଡ଼ିଶାରେ ମୋଟ୍ ପ୍ରଜନନ ହାର ଜଣେ ମହିଳା ପିଛା ୨.୧ ରହିଛି । ସହରାଂଚଳରେ ପ୍ରଜନନ ସ୍ତର ଜଣେ ମହିଳାରେ ୧.୭ ଶିଶୁ (ପୁନଃ ସ୍ଥାପନ ସ୍ତରଠାରୁ ଯଥେଷ୍ଟ ନିମ୍ନରେ) ରହିଛି । ଏପରିକି ଗ୍ରାମାଂଚଳରେ ପ୍ରଜନନ ପ୍ରତିସ୍ଥାପନ ସ୍ତରରେ (ଜଣେ ମହିଳାରେ ୨.୧ ଶିଶୁ) ରହିଛି ।
କମ୍ ବୟସରେ ବିବାହ ଏବେ ବି ଓଡ଼ିଶାରେ ପ୍ରଚଳିତ ରହିଛି- ବର୍ତମାନ ୨୦-୨୪ ବର୍ଷ ମଧ୍ୟରେ ପଦାର୍ପଣ କରିଥିବା ମହିଳାଙ୍କ ମଧ୍ୟରୁ ଏକ ପଂଚମାଂଶରୁ ଅଧିକ(୨୧%)ଙ୍କର ବିବାହ ଆଇନଗତ ବୈଧ ବିବାହ ବୟସ ୧୮ ବର୍ଷ ପୂର୍ବରୁ ହୋଇଛି । ତେବେ ଏନ୍.ଏଫ୍.ଏଚ୍.ଏସ୍.-୩ରେ କମ୍ ବୟସରେ ମହିଳାଙ୍କ ବିବାହ ୩୭ ପ୍ରତିଶତ ଥିବାବେଳେ ଏହା ଖସିଛି । ସର୍ବନିମ୍ନ ଆଇନଗତ ବୈଧ ବିବାହ ବୟସ (୨୧ ବର୍ଷ) ପୂର୍ବରୁ ପୁରୁଷଙ୍କ ବିବାହ ଏନ୍.ଏଫ୍.ଏଚ୍.ଏସ୍.-୩ରେ ୨୨% ଥିବା ବେଳେ ତାହା ୧୧% କୁ ଖସି ଆସିଛି । ୨୫-୨୯ ବୟସରେ ପଦାର୍ପଣ କରିଥିବା ବିବାହିତ ପୁରୁଷଙ୍କ ମଧ୍ୟରୁ ଏକ ଦଶମାଂଶ (୧୧%) ୨୧ ବର୍ଷ ପୂର୍ବରୁ ବିବାହ କରିଥିବା ଜଣାପଡ଼ିଛି ।
ବର୍ତମାନ ସ୍ଥିତିରେ ଗର୍ଭନିରୋଧକ ବ୍ୟବହାର କରୁଥିବା ବିବାହିତ ମହିଳାଙ୍କ ହାର ୫୭ ପ୍ରତିଶତ, ଯାହାକି ଏନ୍.ଏଫ୍.ଏଚ୍.ଏସ୍.-୩ର ହାରଠାରୁ ୬ ପ୍ରତିଶତ ଅଧିକ । ସହରାଂଚଳ ମହିଳାମାନେ ଅଧିକ ସଂଖ୍ୟାରେ (୬୧%) ଏହି ପଦ୍ଧତି ଉପଯୋଗ କରୁଛନ୍ତି, ଗ୍ରାମାଂଚଳରେ ଏହି ହାର ୫୭% । ଗର୍ଭନିରୋଧକ ପଦ୍ଧତି ଉପଯୋଗ ଓଡ଼ିଶାରେ ଜାତୀୟ ହାର ୫୪%ଠାରୁ ସାମାନ୍ୟ ଅଧିକ । ଓଡ଼ିଶାରେ ମହିଳା ବନ୍ଧ୍ୟାକରଣ ଏନ୍.ଏଫ୍.ଏଚ୍.ଏସ୍-୩ରେ ୬୫% ଥିବାବେଳେ ତାହା ୪୯%କୁ ଖସି ଆସିଛି । ଗର୍ଭନିରୋଧକ ବଟିକା ବ୍ୟବହାର ଏନ୍.ଏଫ୍.ଏଚ୍.ଏସ୍.-୩ ରେ ୭ ପ୍ରତିଶତ ଥିବାବେଳେ ତାହା ଏନ୍.ଏଫ୍.ଏଚ୍.ଏସ୍.-୪ରେ ୧୨ ପ୍ରତିଶତକୁ ବଢ଼ିଛି ।
ଜନ୍ମପୂର୍ବ, ପ୍ରସବକାଳୀନ ଓ ଜନ୍ମ ପରବର୍ତୀ ଯତ୍ନ
ତିନି ପଂଚମାଂଶରୁ ସାମନ୍ୟ ଅଧିକ ମହିଳା (୬୨%) ସେମାନଙ୍କର ଗତ ଥର ଗର୍ଭଧାରଣ ସମୟରେ ଅତିକମ୍ରେ ୪ ଥର ଜନ୍ମ ପୂର୍ବବର୍ତୀ ଯତ୍ନ (ଏଏନ୍ସି) ଉପଲବ୍ଧ ହୋଇଥିଲା ଏବଂ ୬୪% ଗର୍ଭଧାରଣର ପ୍ରଥମ ସୋପାନରେ ଜନ୍ମ ପୂର୍ବବର୍ତୀ ଯତ୍ନ ପାଇଥିଲେ, ଯାହାକି ଏନ୍.ଏଫ୍.ଏଚ୍.ଏସ୍.-୩ ଠାରୁ ଯଥଷ୍ଟେ ଅଧିକ ।
ଚାରି ପଂଚମାଂଶରୁ ଅଧିକ (୮୫%) ଶିଶୁ ଜନ୍ମ ସ୍ୱାସ୍ଥ୍ୟକେନ୍ଦ୍ରରେ ହୋଇଛି । ଏନ୍ଏଫ୍ଏଚ୍ଏସ୍-୩ଠାରୁ ୧୦ ବର୍ଷ ମଧ୍ୟରେ ସ୍ୱାସ୍ଥ୍ୟକେନ୍ଦ୍ରରେ ଶିଶୁ ଜନ୍ମ ଦ୍ୱିଗୁଣିତ ହୋଇଛି, କିନ୍ତୁ ଓଡ଼ିଶାରେ ଏବେ ବି ୧୪% ଶିଶୁ ଜନ୍ମ ଘରେ ହେଉଛି । ମହିଳାମାନେ ଶିଶୁ ଜନ୍ମର ଦୁଇ ଦିନ ମଧ୍ୟରେ ପ୍ରସବ ପରବର୍ତୀ ଯତ୍ନ ହାସଲ କରିବାକୁ ପରାମର୍ଶ ଦିଆଯାଇଛି । ମୋଟ ଉପରେ, ୭୯ ପ୍ରତିଶତ ମହିଳା ସନ୍ତାନ ପ୍ରସବର ଦୁଇ ଦିନ ମଧ୍ୟରେ ପ୍ରସବ ପରବର୍ତୀ ଯତ୍ନ ପାଉଛନ୍ତି, ମାତ୍ର ଘରେ ପ୍ରସବ କରୁଥିବା ମହିଳାଙ୍କ ମଧ୍ୟରୁ କେବଳ ଅଦେ୍ର୍ଧକ ଦୁଇ ଦିନ ମଧ୍ୟରେ ଏହି ଯତ୍ନ ପାଉଛନ୍ତି । ସର୍ଭେ ସମୟରେ ୫ ବର୍ଷର ଅନୁଧ୍ୟାନ ଅନୁଯାୟୀ ସନ୍ତାନ ପ୍ରସବ କରୁଥିବା ମହିଳାଙ୍କ ମଧ୍ୟରୁ ୭୩ ପ୍ରତିଶତ ଜନନୀ ସୁରକ୍ଷା ଯୋଜନା (ଜେଏସ୍ୱାଇ)ରେ ଆର୍ଥିକ ସହାୟତା ପାଇଛନ୍ତି, ଯାହାକି ଭାରତର ରାଜ୍ୟମାନଙ୍କ ତୁଳନାରେ ସର୍ବାଧିକ ।
ଉଲ୍ଲେଖନୀୟ ଭାବେ ନବଜାତ ଶିଶୁ ମୃତୁ୍ୟ ହାର କମିଛି, ସମ୍ପୂର୍ଣ୍ଣ ଟିକାକରଣ ବଢ଼ିଛି
ସମୟ ଅନୁଯାୟୀ ଓଡ଼ିଶାରେ ନବଜାତ ଶିଶୁ ମୃତୁ୍ୟହାର କମିଛି । ଏନ୍.ଏଫ୍.ଏଚ୍.ଏସ୍.-୪ରେ ୧୦୦୦ ଜନ୍ମିତ ଶିଶୁ କ୍ଷେତ୍ରରେ ମୃତୁ୍ୟ ହାର ୪୦% (ଯାହାକି ଜାତୀୟ ହାରାହାରି ହାର ସହ ପ୍ରାୟ ସମାନ), ଏନ୍.ଏଫ୍.ଏଚ୍.ଏସ୍.–୩ରେ ପ୍ରତି ୧୦୦୦ ଜନ୍ମିତ ଶିଶୁ କ୍ଷେତ୍ରରେ ମୃତୁ୍ୟ ହାର ୬୫% ତୁଳନାରେ ଏହା ଉଲ୍ଲେଖନୀୟ ଭାବେ କମିଛି । ଜନ୍ମର ବର୍ଷକ ମଧ୍ୟରେ ପ୍ରତି ୨୫ ଶିଶୁରେ ଜଣଙ୍କର ମୃତୁ୍ୟ ଘଟୁଥିବା ବେଳେ ୫ ବର୍ଷ ଛୁଇଁବା ପୂବରୁ ପ୍ରତି ୨୧ ଜଣ ଶିଶୁଙ୍କ ମଧ୍ୟରୁ ଜଣଙ୍କର ମୃତୁ୍ୟ ହେଉଛି ।
ଶିଶୁମାନେ ବର୍ଷକର ହୋଇଗଲେ ଗୋଟିଏ ଯକ୍ଷ୍ମା ପ୍ରତିରୋଧୀ ବିସିଜି ଟିକା, ଗୋଟିଏ ମିଳିମିଳା/ହାଡ଼ଫୁଟି ଟିକା ଏବଂ ପୋଲିଓ ଓ ଡିପିଟି ଟିକାର ୩ଟି ଲେଖାଏଁ ଡୋଜ୍ ନେବା କଥା । ୧୨-୧୩ ମାସର ଶିଶୁଙ୍କ ମଧ୍ୟରୁ ୭୯% ପିଲାବେଳେ ଦେଖା ଦେଉଥିବା ୬ଟି ପ୍ରମୁଖ ରୋଗ ନିରୋଧୀ ସମସ୍ତ ଟିକା ନେଉଛନ୍ତି, ଯାହାକି ଜାତୀୟ ହାର (୬୨%)ଠାରୁ ଅଧିକ । ଏନ୍.ଏଫ୍.ଏଚ୍.ଏସ୍.-୩ରେ ସମ୍ପୂର୍ଣ୍ଣ ଟିକାକରଣ ୫୨% ଥିବା ବେଳେ ୧୦ ବର୍ଷ ମଧ୍ୟରେ ଏ କ୍ଷେତ୍ରରେ ଉଲ୍ଲେଖନୀୟ ବୃଦ୍ଧି ହୋଇଛି । ଏଥିସହ ଓଡ଼ିଶାରେ ଏନ୍.ଏଫ୍.ଏଚ୍.ଏସ୍.-୩ ଏବଂ ଏନ୍.ଏଫ୍.ଏଚ୍.ଏସ୍.-୪ ସର୍ଭେ କାଳ ମଧ୍ୟରେ ଆବଶ୍ୟକ ଟିକାକରଣ ଉପଲବ୍ଧ କରାଇବା କ୍ଷେତ୍ରରେ ବୃଦ୍ଧି ପରିଲକ୍ଷିତ ହୋଇଛି ।
ଓଡ଼ିଶାରେ କମ୍ ବୟସର ଶିଶୁଙ୍କ କ୍ଷେତ୍ରରେ ଝାଡ଼ାବାନ୍ତି (ଡାଇରିଆ) ଏକ ପ୍ରମୁଖ ସ୍ୱାସ୍ଥ୍ୟ ସମସ୍ୟା ବିବେଚିତ ହୋଇଛି । ଯଦିଓ ଗତ ୫ ବର୍ଷ ମଧ୍ୟରେ ସନ୍ତାନ ଜନ୍ମ ଦେଇଥିବା ମହିଳାଙ୍କ ମଧ୍ୟରୁ ୯୭ ପ୍ରତିଶତ ଡାଇରିଆର ଚିକିତ୍ସା ପାଇଁ ଓରାଲ୍ ରିହାଇଡ୍ରେସନ୍ ସଲ୍ଟ (ଓଆରଏସ୍) ବିଷୟରେ ଜାଣିଛନ୍ତି, ଗତ ଦୁଇ ସପ୍ତାହ ମଧ୍ୟରେ ଡାଇରିଆରେ ପୀଡ଼ିତ ୫ ବର୍ଷରୁ କମ୍ ବୟସର ଶିଶୁଙ୍କ ମଧ୍ୟରୁ ମାତ୍ର ୬୯ ପ୍ରତିଶତ ଓଆରଏସ୍ ପ୍ୟାକେଟ୍ରୁ ପ୍ରସ୍ତୁତ ଦ୍ରବଣ ପିଇଛନ୍ତି । ମୋଟ୍ ଉପରେ, ଡାଇରିଆରେ ପୀଡ଼ିତ ୧୯ ପ୍ରତିଶତ ଶିଶୁଙ୍କୁ ତରଳ ଦ୍ରବଣ (ଗ୍ରୁଏଲ୍) ଦିଆଯାଇଛି ଏବଂ ତିନି ଚତୁର୍ଥାଂଶ ଗ୍ରୁଏଲ୍ ସମେତ ଓରାଲ ରିହାଇଡ୍ରେସନ୍ ଥେରାପି (ଓଆର୍ଟି), ପରିପୁଷ୍ଟ ତରଳ କିମ୍ବା ଓଆରଏସ୍ ବ୍ୟବହାର କରୁଛନ୍ତି ।
ଅପପୁଷ୍ଟି ଏବଂ ରକ୍ତହୀନତା
ଓଡ଼ିଶାରେ ଶିଶୁ ଏବଂ ବୟସ୍କଙ୍କ ପାଇଁ ଏକ ବଡ଼ ସ୍ୱାସ୍ଥ୍ୟ ସମସ୍ୟା ହେଉଛି ଅପପୁଷ୍ଟି । ୫ ବର୍ଷରୁ କମ୍ ବୟସର ଶିଶୁମାନଙ୍କ ମଧ୍ୟରୁ ଏକ ତୃତୀୟାଂଶରୁ ଅଧିକ (୩୪%) ଗେଡ଼ା ଅଥବା ସେମାନଙ୍କ ବୟସ ଅନୁପାତରେ ଛୋଟ ହେଉଛନ୍ତି, ଯାହା ସୂଚାଉଛି ସେମାନେ କିଛି କାଳ କୁପୋଷଣର ଶିକାର ହୋଇଛନ୍ତି । ୨୦ ପ୍ରତିଶତ କ୍ଷୀଣ ଶରୀରଧାରୀ ଅଥବା ଉଚ୍ଚତା ଅନୁଯାୟୀ ବହୁ ପତଳା ହେଉଛନ୍ତି ଯାହା ଦର୍ଶାଉଛି ଯେ ସେମାନଙ୍କୁ ଯଥେଷ୍ଟ ଖାଦ୍ୟ ମିଳି ନାହିଁ ଅଥବା କିଛି ଦିନ ତଳେ ରୋଗରେ ପଡ଼ି ଭଲ ହୋଇଛନ୍ତି । ପିଲାଙ୍କ ମଧ୍ୟରୁ ୩୪% କମ୍ ଓଜନର ହେଉଛନ୍ତି ଯାହା ଜୀର୍ଣ୍ଣ ଅଥବା ଅତି ଅପପୁଷ୍ଟିକୁ ସୂଚାଉଛି । ଏନ୍.ଏଫ୍.ଏଚ୍.ଏସ୍.-୩ରୁ ୧୦ ବର୍ଷ ମଧ୍ୟରେ ଗେଡ଼ା ହେବା ବ୍ୟତିକ୍ରମ ଉଲ୍ଲେଖନୀୟ ଭାବେ କମିଛି (୪୫%ରୁ ୩୪%) ଏବଂ କମ୍ ଓଜନ ହେବା ୪୧ ପ୍ରତିଶତରୁ ଖସି ୩୪ ପ୍ରତିଶତରେ ପହଂଚିଛି, କିନ୍ତୁ କ୍ଷୀଣ ଶରୀରଧାରୀ ହେବା ସମାନ (୨୦%) ରହିଛି ।
ଓଡ଼ିଶାରେ ୧୫ରୁ ୪୯ ବର୍ଷ ଯାଏ ବଢ଼ିଲା ବୟସର ମଣିଷ ଅପପୁଷ୍ଟି ଯୋଗୁଁ ଦୈତ ସମସ୍ୟାରେ ପଡୁୁଛନ୍ତି । ୪ ଜଣ ମହିଳାରେ ଜଣେ ଏବଂ ୫ ଜଣ ପୁରୁଷରେ ଜଣେ ଖୁବ୍ ପତଳା ଶରୀରଧାରୀ ହେଉଛନ୍ତି । (ଏନ୍ଏଫ୍ଏଚ୍ଏସ୍-୩ରେ ଏହା ମହିଳାଙ୍କ କ୍ଷେତ୍ରରେ ୪୧% ଓ ପୁରୁଷଙ୍କ କ୍ଷେତ୍ରରେ ୩୬% ଥିବାବେଳେ ଉଲ୍ଲେଖନୀୟ ସୁଧାର ଆସିଛି । ପୁରୁଷ ଓ ମହିଳାଙ୍କ ମଧ୍ୟରୁ ପ୍ରାୟ ୬ ଜଣରେ ଜଣେ (୧୭%) ଅଧିକ ଓଜନବିଶିଷ୍ଟ ଅଥବା ମେଦବହୁଳ ହେଉଛନ୍ତି । (ଏନ୍ଏଫ୍ଏଚ୍ଏସ୍-୩ରେ ଏହା ମହିଳାଙ୍କ କ୍ଷେତ୍ରରେ ୭% ଓ ପୁରୁଷଙ୍କ କ୍ଷେତ୍ରରେ ୬% ଥିବା ବେଳେ ଏଥିରେ ସୁଧାର ଆସିଛି) । ୧୫ରୁ ୪୯ ବର୍ଷ ମଧ୍ୟରେ ମହିଳା ଓ ପୁରୁଷଙ୍କ ମଧ୍ୟରୁ ୫ ଜଣଙ୍କ ମଧ୍ୟରୁ ଜଣେ ସେମାନଙ୍କ ଉଚ୍ଚତା ତୁଳନାରେ ଉପଯୁକ୍ତ ଓଜନର ଅଧିକାରୀ ହେଉଛନ୍ତି ।
ଭାରତରେ ସୁଷମ ଖାଦ୍ୟର ଅଭାବ ରକ୍ତହୀନତାର କାରଣ ହୋଇଥିବା ବେଳେ ଏହା ମଧ୍ୟ ମ୍ୟାଲେରିଆ, ସଂକ୍ରମଣ ଏବଂ ଅନ୍ୟ ସ୍ଥିତି ଯୋଗୁଁ ହେଉଛି । ୬ରୁ ୫୯ ମାସର ଶିଶୁଙ୍କ ମଧ୍ୟରୁ ପ୍ରାୟ ଅଦେ୍ର୍ଧକ (୪୫%) ରକ୍ତହୀନତାର ଶିକାର ହେଉଛନ୍ତି । ୨୫ ପ୍ରତିଶତ ସାମାନ୍ୟ ରକ୍ତହୀନତା, ୧୯ ପ୍ରତିଶତ ସ୍ୱଳ୍ପ ରକ୍ତହୀନତା ଏବଂ ୧ ପ୍ରତିଶତ ଜଟିଳ ରକ୍ତହୀନତାର ଶିକାର ହେଉଛନ୍ତି । ଏନ୍ଏଫ୍ଏଚ୍ଏସ୍-୩ ଠାରୁ ୧୦ ବର୍ଷ ମଧ୍ୟରେ ଓଡ଼ିଶାର ଶିଶୁଙ୍କ ମଧ୍ୟରେ ରକ୍ତହୀନତା ଆଶାତୀତ ଭାବେ କମିଥିଲେ (୨୦ ପ୍ରତିଶତକୁ) ମଧ୍ୟ ଏହା ଅଧିକାଂଶଙ୍କ ପାଇଁ ଜଟିଳତା ଆଣୁଛି । ରକ୍ତହୀନତା ମଧ୍ୟ ବୟସ୍କଙ୍କ କ୍ଷେତ୍ରରେ ସାଧାରଣ ଭାବେ ଦେଖା ଦେଉଛି । ଓଡ଼ିଶାରେ ମହିଳାଙ୍କ ମଧ୍ୟରୁ ଅର୍ଦ୍ଧାଧିକ (୫୧%) ରକ୍ତହୀନତାର ଶିକାର । ଏନ୍ଏଫ୍ଏଚ୍ଏସ୍-୩ ଠାରୁ ଓଡ଼ିଶାରେ ମହିଳାଙ୍କ କ୍ଷେତ୍ରରେ ରକ୍ତହୀନତା ୯ ଶତକଡ଼ା କମିଛି । ଗର୍ଭବତୀ ମହିଳାଙ୍କ ମଧ୍ୟରୁ ୪୮% ଏବଂ କ୍ଷୀର ଖୁଆଉଥିବା ମାଆଙ୍କ ମଧ୍ୟରୁ ୫୫% ରକ୍ତହୀନତାର ଶିକାର ।

Share in top social networks!

3 ଦିନିଆ ଜାପାନ ଗସ୍ତରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଭାରତ ଓ ଜାପାନ ମଧ୍ୟରେ ଟେକ୍ନିକାଲ ଇଂଟର୍ନ ଟ୍ରେନିଂ ପ୍ରୋଗ୍ରାମ
(ଟିଆଇଟିପି) ପାଇଁ ବୁଝାମଣା ପତ୍ର ସ୍ୱାକ୍ଷରିତ
• ଦକ୍ଷତା ବିକାଶ କ୍ଷେତ୍ରରେ ଭାରତ ଓ ଜାପାନ ମଧ୍ୟରେ ଦ୍ୱିପାକ୍ଷିକ ସହଯୋଗରେ ଅଭୂତପୂର୍ବ ବୃଦ୍ଧି ଘଟିବ

Japan 3

କେନ୍ଦ୍ର ପେଟ୍ରୋଲିୟମ, ପ୍ରାକୃତିକ ଗ୍ୟାସ, ଦକ୍ଷତା ବିକାଶ ତଥା ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଜାପାନ ଗସ୍ତ ଅବସରରେ ମଙ୍ଗଳବାର ଦିନ ଭାରତ
ଓ ଜାପାନ ମଧ୍ୟରେ ଟେକ୍ନିକାଲ ଇଂଟର୍ନ ଟ୍ରେନିଂ ପ୍ରୋଗ୍ରାମ (ଟିଆଇଟିପି) ପାଇଁ ଏକ ବୁଝାମଣା ପତ୍ର ସ୍ୱାକ୍ଷରିତ ହୋଇଛିା

ଟୋକିଓ ସ୍ଥିତ ସ୍ୱାସ୍ଥ୍ୟ, ଶ୍ରମ ଓ କଲ୍ୟାଣ ମନ୍ତ୍ରଣାଳୟ ଠାରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଭାରତ ପକ୍ଷରୁ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଜାପାନ ପକ୍ଷରୁ ସେଠାକାର ସ୍ୱାସ୍ଥ୍ୟ, ଶ୍ରମ ଓ କଲ୍ୟାଣ ମନ୍ତ୍ରୀ କାଟସୁନୋବୁ କାଟୋ ଏହି ବୁଝାମଣା ପତ୍ରରେ ସ୍ୱାକ୍ଷର କରିଥିଲେ । ଏହି ବୁଝାମଣା ପତ୍ର ସ୍ୱାକ୍ଷର ହେବା ଦ୍ୱାରା ଦକ୍ଷତା ବିକାଶ କ୍ଷେତ୍ରରେ ଭାରତ ଓ ଜାପାନ ମଧ୍ୟରେ ଦ୍ୱିପାକ୍ଷିକ ସହଯୋଗରେ ଅଭୂତପୂର୍ବ ବୃଦ୍ଧି ଘଟିବ ବୋଲି ଆଶା କରାଯାଉଛି ।

ଉଲ୍ଲେଖନୀୟ ଯେ ଜାପାନର ପ୍ରଧାନମନ୍ତ୍ରୀ ଶିଂଜେ ଆବେଙ୍କ ଗତ ସେପ୍ଟମ୍ବର ମାସରେ ଭାରତ ଗସ୍ତ ସମୟରେ ଉଭୟ ଦେଶ ପକ୍ଷରୁ ଜାରୀ କରାଯାଇଥିବା ଦ୍ୱିପାକ୍ଷିକ ଯୁଗ୍ମ ବକ୍ତବ୍ୟରେ ଜାପାନ ନିକଟରେ ଥିବା ଅତ୍ୟାଧୁନିକ ଜ୍ଞାନ କୌଶଳ ଓ ଭାରତର ମାନବ ସମ୍ବଳର ସହଯୋଗରେ ଉଭୟ ଦେଶ ସେମାନଙ୍କୁ ଉପôାଦନ ଓ ବୈଶ୍ୱିକ ଶିଳ୍ପ ନେଟବର୍କରେ ପରିବର୍ତିତ କରି ପାରିବା ସମ୍ପର୍କରେ ଉଲ୍ଲେଖ ରହିଥିଲା । ଏହି ଆଧାରରେ ଉଭୟ ଦେଶ ମଧ୍ୟରେ ସହଯୋଗ ବୃଦ୍ଧି ପାଇଁ ଏହି ବୁଝାମଣା
ପତ୍ର ସ୍ୱାକ୍ଷର କରା ଯାଇଛି ।

ଏହା ଦ୍ୱାରା ଭାରତର ଟେକ୍ନିକାଲ ଇଂଟର୍ନ ମାନେ ଜାପାନ ଯାଇ ସେଠାରେ ତିନି ବର୍ଷରୁ ପାଂଚ ବର୍ଷ ଯାଏ ପ୍ରଶିକ୍ଷଣ ହାସଲ କରି ପାରିବେ । ଜାପାନ ସରକାରଙ୍କ ତଥ୍ୟ ଅନୁସାରେ ୨୦୧୬ ଶେଷ ସୁଦ୍ଧା ବିଭିନ୍ନ ଦେଶର ୨୩,୦୦୦ ଟେକ୍ନିକାଲ ଇଂଟର୍ନ ମାନେ ଜାପାନରେ ପ୍ରଶିକ୍ଷଣ ହାସଲ କରୁଛନ୍ତି । ଭିଏତନାମ, ଚୀନ ଓ ଇଣ୍ଡୋନେସିଆରୁ ଟେକ୍ନିକାଲ ଇଂଟର୍ନମାନେ ଆସି ପ୍ରଶିକ୍ଷଣ ହାସଲ କରୁଛନ୍ତି । ଜାପାନରେ ଭାରତର ରାଷ୍ଟ୍ରଦୂତ ସୁଜନ ଆର. ଚିନୟ କହିଛନ୍ତି ଯେ ଜାପାନର ଟେକ୍ନିକାଲ ଇଂଟର୍ନ
ପ୍ରୋଗ୍ରାମରେ ଭାରତର ଭାଗିଦାରୀ ବଢିବାର ସୁଯୋଗ ରହିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଗାମୀ ଦିନରେ ବିଶ୍ୱକୁ ସର୍ବାଧିକ କୁଶଳୀ କାର୍ଯ୍ୟବଳ ଭାରତ ପ୍ରଦାନ କରିବ ବୋଲି ଯେଉଁ ଲକ୍ଷ୍ୟ ରଖିଛନ୍ତି ତାହାକୁ ପୂରଣ କରିବାରେ ଏହା ସହାୟତ ହେବ ବୋଲି କହିଛନ୍ତି ।

Share in top social networks!

ବିଦେ୍ୱଷ ଏବଂ ଅସହିଷ୍ଣୁତା-ମୋଦି ସରକାରଙ୍କ ଭୂଷଣ

ଡା. ଦାମୋଦର ରାଉତ
s20171014115226
ପ୍ରତିଥଯଶା ରାଷ୍ଟ୍ରପତି ତଥା ଆନ୍ତର୍ଜାତିକ ଖ୍ୟାତିସଂପନ୍ନ ବୈଜ୍ଞାନିକ ସ୍ୱର୍ଗତ କଲାମଙ୍କୁ ଆଜି ଯେତେବେଳେ ଭାରତବାସୀ ବିନମ୍ର ଶ୍ରଦ୍ଧାଞ୍ଜଳି ଜ୍ଞାପନ କରୁଛନ୍ତି ଠିକ୍ ସେତିକିବେଳେ ଭାରତୀୟ ଜନତା ପାର୍ଟି ଶାସିତ ଉତ୍ତରପ୍ରଦେଶ ରାଜ୍ୟର ବିଧାୟକ ସଂଗୀତ ସିଂ ସୋମ୍ ବିଶ୍ୱର ସପ୍ତମ ଆଶ୍ଚର୍ଯ୍ୟ ତାଜମହଲ ଭାରତୀୟ ସଂସ୍କୃତିର ଅତ୍ୟାଚାରର ପ୍ରତୀକ ବୋଲି କହୁଛନ୍ତି ଏବଂ ଅନ୍ୟପଟରେ ଆଉ ଜଣେ ସାଂସଦ ଅସାଦୁଦ୍ଦିନ୍ ଓଓ୍ୱାଇସି କହୁଛନ୍ତି ଲାଲକିଲ୍ଲା ଉପରେ ପ୍ରଧାନମନ୍ତ୍ରୀ ପତାକା ଉତ୍ତୋଳନ କରିବା କାର୍ଯ୍ୟରୁ ବିରତ ରୁହନ୍ତୁା ଭାରତୀୟ ଜନତା ପାର୍ଟି ଶାସିତ ରାଜ୍ୟରେ କେହି ଦଳିତ ଯଦି ନିଶ ରଖେ ତା’ ଉପରେ ନିର୍ମମ ଅତ୍ୟାଚାର କରାଯାଉଛିା ଉତ୍ତରପ୍ରଦେଶରେ ଶ୍ରୀ ଯୋଗୀ ମୁଖ୍ୟମନ୍ତ୍ରୀ ହେଲା ପରଦିନ ସ୍ୱୀକୃତିପ୍ରାପ୍ତ ସ୍ଲଟର ହାଉସ୍(ମାଂସ ଦୋକାନ)ରୁ ଜଣେ ମୁସଲମାନ ମାଂସ ନେଲାବେଳେ ତାକୁ ପିଟି ପିଟି ହତ୍ୟା କରାଗଲା ଏବଂ ସ୍ଲଟର ହାଉସଗୁଡ଼ିକ ବନ୍ଦ କରିଦେବା ପାଇଁ ସରକାର ନିର୍ଦ୍ଦେଶ ଦେଉଛନ୍ତିା ବିଭିନ୍ନତା ଭିତରେ ଏକତାର ଯେଉଁ ଆଦର୍ଶ ପାଇଁ ଆମ ଦେଶ ସମଗ୍ର ବିଶ୍ୱରେ ପରିଚିତ ଏବଂ ପ୍ରଶଂସିତ ଏବଂ ଯେଉଁ ଆଦର୍ଶକୁ ନେଇ ସାମ୍ରାଜ୍ୟବାଦୀ ବି୍ରଟିଶ ଶାସନରୁ ଏ ଦେଶ ମୁକ୍ତି ଲାଭ କରିଥ#ଲା ଆଜି ସେଇଠି ସ୍ୱାଧୀନତାର ୭୦ ବର୍ଷ ପରେ ଶ୍ରୀ ନରେନ୍ଦ୍ର ମୋଦିଙ୍କର ଶାସନ କାଳରେ ଏସବୁ ଯେଉଁ ଦୁଃଖଦ ଘଟଣା ସବୁ ଘଟୁଛି ଏଥ#ରେ ଦେଶର ଅଖଣ୍ଡତା ରହିବ ତ?
ଆମେ ଓଡ଼ିଶାବାସୀ ଜାଣିଥାଉ ଜଗତର ନାଥ ଶ୍ରୀଜଗନ୍ନାଥ ୫ ହଜାର ବର୍ଷ ତଳୁ ବିଶ୍ୱକୁ ମାନବବାଦର ବାର୍ତ୍ତା
ଦେଇଛନ୍ତିା ଶ୍ରୀୟା ଚଣ୍ଡାଳୁଣୀଙ୍କ ଘରକୁ ଲକ୍ଷ୍ମୀ ଠାକୁରାଣୀଙ୍କୁ ପଠାଇ ଅସ୍ପୃଶ୍ୟତା ଏକ କୁସଂସ୍କାର ବୋଲି କହି ସାରିଛନ୍ତିା ପୁଣି ବିଶ୍ୱ ମାନବସମାଜକୁ କହିଛନ୍ତି ଯେ କୋଟି କୋଟି ତାଙ୍କର ଭକ୍ତ ହେଲେ ହେଁ-ଶ୍ରେଷ୍ଠ ଭକ୍ତ ସାଲବେଗ, ଜାତିରେ ମୁସଲମାନା ଏଥ#ରୁ ସୂଚିତ ହୋଇଛି ସାଂପ୍ରଦାୟିକତା ଏକ ବିଷା ମାନବସମାଜ ସେଥ#ରେ ଜର୍ଜରିତ ହୁଅ ନାହିାଁ ବର୍ଷକରେ ଥରେ
ଶ୍ରୀଗୁଣ୍ଡିଚାା ମହାପ୍ରଭୁ ଶ୍ରୀ ଜଗନ୍ନାଥ ରନ# ସିଂହାସନକୁ ଛାଡ଼ି ସିଂହଦ୍ୱାରକୁ ଆସି ରଥାରୁଢ଼ ହୁଅନ୍ତି ଏବଂ ବିଶ୍ୱ ମାନବସମାଜକୁ ଆହ୍ୱାନ ଦେଇ କହିଥାନ୍ତି-”ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ଆସି ମତେ ଦର୍ଶନ କର, ପ୍ରଶାନ୍ତି ଲାଭ କରିବ, ମନରୁ ପାପାଚାର ଦୂର ହେବା ନିଜକୁ ପାପମୁକ୍ତ କରିବା ପାଇଁ ଭିଡ଼ ଠେଲି ମୋ ରଥ ଦଉଡ଼ି ଛୁଇଁ ଦିଆ’ ଆଧୁନିକ ଯୁଗରେ ତାଙ୍କର ବାଣୀକୁ କୁହାଯାଉଛି ଧର୍ମର୍ ନିରପେକ୍ଷତା ବା ଗecଫଝଚ୍ଚriଟmା
ବିଭିନ୍ନତା ଭିତରେ ଏକତାା ଆମ ଦେଶରେ ସବୁ ଧର୍ମ, ସବୁ ଜାତି, ସବୁ ବର୍ଣ୍ଣର ଲୋକ ବାସ କରନ୍ତିା ଆଜି ନୁହେଁ, କେଉଁ ଅନନ୍ତ କାଳରୁା ସେଇ ଆଦର୍ଶର ପୁନରୁତ୍ଥାନ ପାଇଁ ଜାତିର ଜନକ ମହାତ୍ମା ଗାନ୍ଧୀ ମୌଳବାଦୀଙ୍କ ଗୁଳିରେ ପ୍ରାଣ ହରାଇଥ#ଲୋ ତେବେ ସ୍ୱାଧୀନତାର ୭୦ ବର୍ଷ ପରେ ସାଂପ୍ରଦାୟିକତା, ଧର୍ମାନ୍ଧତା ଏବଂ ଅସ୍ପୃଶ୍ୟତା ଯେଭଳି ମୁଣ୍ଡ ଟେକିବା ଆରମ୍ଭ କରିଛି ସେଥ#ପ୍ରତି ରାଜନୈତିକ ଦଳମତ ନିର୍ବିଶେଷରେ ଭାରତୀୟ ଜନଗଣ ଦୃଷ୍ଟିପାତ କରିବା ଜରୁରୀ କି ନାହିଁ ଏହା ବିଚାର କରିବା ପାଇଁ ମୋର ନିବେଦନା
ସବୁଠାରୁ ମହତ୍ତ୍ୱପୂର୍ଣ୍ଣ ହେଲା ଏବେ ଗୁଜରାଟ ନିର୍ବାଚନ ପ୍ରଚାରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି କହିଛନ୍ତି ନେହେରୁ-ଗାନ୍ଧୀ ପରିବାର ଗୁଜରାଟୀଙ୍କୁ ଘୃଣା କରନ୍ତିା ସେ ବୋଧହୁଏ ଭୁଲି ଯାଉଛନ୍ତି ଗୁଜରାଟରେ ଜନ୍ମ ନେଇଥ#ବା ଜାତିର ଜନକ ମହାତ୍ମା ଗାନ୍ଧୀଙ୍କର ପଟ୍ଟଶିଷ୍ୟ ଥ#ଲେ ସ୍ୱର୍ଗତ ନେହେରୁା ଗାନ୍ଧିଜୀଙ୍କର ଆଦର୍ଶ ହିଁ କଂଗ୍ରେସର ଆଦର୍ଶ ବୋଲି ରହି ଆସିଛିା ସେଥ#ପାଇଁ ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହାରଲାଲ ନେହେରୁଙ୍କ ଅମଳରୁ ଗୁଜରାଟକୁ ସଂପୂର୍ଣ୍ଣ ନିଶାମୁକ୍ତ ରାଜ୍ୟ ଭାବେ ଘୋଷଣା କରିଛନ୍ତିା ଅବଶ୍ୟ ଏବେ ଗୁଜରାଟରେ ଲାଇସେନ୍ସପ୍ରାପ୍ତ ମଦଦୋକାନ ନଥ#ଲେ ମଧ୍ୟ ପ୍ରତିବର୍ଷ ଶହେ ଦୁଇଶହ ଲୋକ ବିଷାକ୍ତ ମଦ୍ୟପାନ କରି ମରୁଛନ୍ତିା ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ଦୃଷ୍ଟଭଙ୍ଗୀ କ’ଣ ବିଶ୍ୱର ବୃହତ୍ତମ ଗଣତନ୍ତ୍ରର ପ୍ରଧାନମନ୍ତ୍ରୀଙ୍କର ଆଚରଣ, ଉଚ୍ଚାରଣ ଏବଂ ତାଙ୍କ ଦଳର ନେତାମାନଙ୍କର ସାଂପ୍ରଦାୟିକତାର ସ୍ୱର ଭାରତ ବର୍ଷର ଭବିଷ୍ୟତ ପାଇଁ ଶୁଭଙ୍କର ହେବ ତ? କ୍ଷମତା ନୁହେଁ ଦେଶର ଅଖଣ୍ଡତା ଏବଂ ସାର୍ବଭୌମତ୍ୱ ପ୍ରତ୍ୟେକ ଭାରତୀୟଙ୍କ ଅମୂଲ୍ୟ ସଂପତ୍ତିା

Share in top social networks!

ଛୁଟି ନ ନେଇ ଅଭିଯୋଗ ପ୍ରକୋଷ୍ଠକୁ ଆସି ୩ ଶିକ୍ଷକ ନିଲମ୍ବିତ

ବିଦ୍ୟାଳୟ କର୍ତ୍ତୁପକ୍ଷଙ୍କଠାରୁ ଛୁଟି ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗର ଅଭିଯୋଗ ପ୍ରକୋଷ୍ଠକୁ ଶିକ୍ଷକ ଶିକ୍ଷୟିତ୍ରୀମାନେ ସେମାନଙ୍କ ବ୍ୟକ୍ତିଗତ ଅଭିଯୋଗ ଦାଖଲ କରିବା ପାଇଁ ଆସିବାର ବ୍ୟବସ୍ଥା ରହିଥ#ବା ବେଳେ ଏଥ#ରେ ବ୍ୟତିକ୍ରମ ଯୋଗୁଁ ୪ ଜଣ ଶିକ୍ଷକଙ୍କୁ ଦଣ୍ଡିତ କରାଯାଇଛି । ତା.୧୬.୧୦.୧୭ରିଖ ସୋମବାର ବିଭାଗୀୟ ଅଭିଯୋଗ ପ୍ରକୋଷ୍ଠରେ ନୂତନ ଭାବରେ କାର୍ଯ୍ୟରେ ଯୋଗ ଦେଇଥ#ବା ଶିକ୍ଷା ସଚିବ ଶ୍ରୀଯୁକ୍ତ ପ୍ରଦୀପ୍ତ ମହାପାତ୍ର ଅନ୍ୟ ବଭାଗୀୟ ଅଧ#କାରୀମାନଙ୍କ ସହିତ ଉପସ୍ଥିତ ରହି ଅଭିଯୋଗ ଶୁଣୁଥ#ବା ସମୟରେ କଟକ ଜିଲ୍ଲାର ୪ ଜଣ ଓ ଯାଜପୁର ଜିଲ୍ଲାର ଜଣେ ଶିକ୍ଷକ ସେମାନଙ୍କ ଦରମାହାର ସଂଶୋଧନ ସମ୍ପର୍କିତ ଅଭିଯୋଗ ଆଣି ଶିକ୍ଷା ସଚିବଙ୍କୁ ସାକ୍ଷାତ କରିଥ#ଲେ । ଉକ୍ତ ଶିକ୍ଷକମାନଙ୍କ ଅଭିଯୋଗ ଶୁଣାଣି ସମୟରେ ସେମାନେ ସ୍କୁଲ କର୍ତ୍ତୃପକ୍ଷଙ୍କ ଅନୁମତି ସହ ଛୁଟି ନେଇ ଆସିଛନ୍ତି କି ନାହିଁ, ତାହା ଜାଣିବାକୁ ଚାହିଁବାରୁ ସଂପୃକ୍ତ ଶିକ୍ଷକମାନେ ଛୁଟି ନେଇ ଆସିଛନ୍ତି ବୋଲି କହିଥ#ଲୋ ଶିକ୍ଷା ସଚିବ ଏହାର ସତ୍ୟତା ଜାଣିବା ପାଇଁ ଜିଲ୍ଲା ଶିକ୍ଷା ଅଧ#କାରୀମାନଙ୍କୁ ଟେଲିଫୋନ ଯୋଗେ ନିର୍ଦ୍ଦେଶ ଦେଇଥ#ଲେ ।
ଜିଲ୍ଲା ଶିକ୍ଷା ଅଧ#କାରୀମାନେ ଯାଞ୍ଚ୍ କରିବା ପରେ ଯାଜପୁର ଜିଲ୍ଲାର ଶିକ୍ଷକ ଜଣକ ଛୁଟି ନେଇଥ#ବା ବେଳେ କଟକ ଜିଲ୍ଲାର ୪ ଜଣ ଯାକ ଶିକ୍ଷକଙ୍କ ମଧ୍ୟରୁ କେହି ଛୁଟି ନେଇ ନଥ#ବା ନଜରକୁ ଆସିଥଲା । ଜିଲ୍ଲା ଶିକ୍ଷା ଅଧ#କାରୀଙ୍କ ଠାରୁ ଏହି ରିପୋର୍ଟ ପାଇବା ପରେ ସଚିବ ଶ୍ରୀ ମହାପାତ୍ର ବିରକ୍ତି ପ୍ରକାଶ କରିବା ସହ ତୁରନ୍ତ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ମାଧ୍ୟମିକ ଶିକ୍ଷା ନିର୍ଦ୍ଦେଶକଙ୍କୁ ନିର୍ଦ୍ଦେଶ ଦେଇଥ#ଲେ । ମାଧ୍ୟମିକ ଶିକ୍ଷା ନିର୍ଦ୍ଦେଶକଠାରୁ ନିର୍ଦ୍ଦେଶ ପାଇବା ପରେ ତୁରନ୍ତ ତିନିଜଣ ନିୟମିତ ଶିକ୍ଷକଙ୍କୁ ଜିଲ୍ଲା ଶିକ୍ଷାଧ#କାରୀ ନିଲମ୍ବନ କରିଥ#ବା ବେଳେ ଜଣେ ଚୁକ୍ତିଭିତ୍ତିକ ଶିକ୍ଷକଙ୍କୁ କୈଫିୟତ ତଲବ କରାଯାଇଛି । କଟକ ରାଣୀହାଟ ହାଇସ୍କୁଲର ଶିକ୍ଷକ ଶ୍ରୀ ଦେବପ୍ରସାଦ ତି୍ରପାଠୀ ଓ ଶ୍ରୀ ବ୍ରହ୍ମାନନ୍ଦ ତି୍ରପାଠୀ ଏବଂ ବାରଙ୍ଗ ଝୁନ୍ଝୁନ୍ଓ୍ୱାଲା ବିଦ୍ୟାପୀଠର ଶିକ୍ଷକ ଶ୍ରୀ ବିନୋଦ କୁମାର ନାୟକ ନିଲମ୍ବିତ ହୋଇଛନ୍ତି ।
ଅଧ#କାଂଶ ସମୟରେ ବହୁସଂଖ୍ୟକ ଶିକ୍ଷକଶିକ୍ଷୟିତ୍ରୀ ବିଦ୍ୟାଳୟରେ ଶିକ୍ଷାଦାନରେ ଅବହେଳା ପ୍ରଦର୍ଶନ କରି ଛୁଟି କିମ୍ବା ଅନୁମତି ନନେଇ ବିଭାଗୀୟ ଦପ୍ତର ଓ ନିର୍ଦ୍ଦେଶଳୟକୁ ବାରମ୍ବାର ଆସୁଥ#ବାରୁ ସଚିବ ଶ୍ରୀ ମହାପାତ ଅସନ୍ତୋଷ ପ୍ରକାଶ କରିବା ସହ ଏଥ#ରୁ ନିବୃତ୍ତ ରହିବା ପାଇଁ ନିର୍ଦ୍ଦେଶ ଦେଇଛନ୍ତି ।

Share in top social networks!

ମୁଖ୍ୟମନ୍ତ୍ରୀଙ୍କ ଅପାରଗତା କାରଣରୁ ଆଜି ରାଜ୍ୟର ମାଁ ଓ ଭଉଣୀମାନେ ଅବହେଳିତ, ନିର୍ଯ୍ୟାତିତ ଏବଂ ଅସୁରକ୍ଷିତ : ପ୍ରଭାତୀ ପରିଡା

 କୁନ୍ଦୁଲି ନାବାଳିକା ଗଣଦୁଷ୍କର୍ମ, ଛତ୍ରପୁର ନାବାଳିକା ଗଣଦୁଷ୍କର୍ମ ଆଦି ଜ୍ୱଳନ୍ତ ଉଦାହରଣ
 ପୀଡିତାକୁ ଯଥା ସମ୍ଭବ ନ୍ୟାୟ ପ୍ରଦାନ ଦାବୀ
 ଗୃହମନ୍ତ୍ରୀ ଭବେ ଖୋଦ୍ ମୁଖ୍ୟମନ୍ତ୍ରୀ ଏହି ଘଟଣାର ଜବାବ୍ ରଖନ୍ତୁ
PC_MahilaMorcha_PravatiParida_17

ଦୀର୍ଘ ବର୍ଷ ଧରି ଶାସନ କ୍ଷମତାରେ ଥିବା ଶାସକ ବିଜେଡିର ମୁଖିଆ ତଥା ମୁଖ୍ୟମନ୍ତ୍ରୀଙ୍କ ନିଜସ୍ୱ ଅଧିନରେ ଗୃହବିଭାଗ ପରିଚାଳିତ । ମାତ୍ର ତାଙ୍କର ଅପାରଗତା କାରଣରୁ ଆଜି ରାଜ୍ୟର ମାଁ ଓ ଭଉଣୀମାନେ ଅବହେଳିତ, ନିର୍ଯ୍ୟାତିତ ଏବଂ ଅସୁରକ୍ଷିତ । ଏପରିକି ମୁଖ୍ୟମନ୍ତ୍ରୀଙ୍କ ନିଜସ୍ୱ ଜିଲ୍ଲା ଗଂଜାମରେ ମଧ୍ୟ ଆଇନ ଶୃଙ୍ଖଳା ସଂପୂର୍ଣ୍ଣ ବିପର୍ଯ୍ୟସ୍ତ । ଏହାର ଜ୍ୱଳନ୍ତ ଉଦାହରଣ ହେଲା ସଦ୍ୟ ଘଟିତ କୁନ୍ଦୁଲି ନାବାଳିକା ଦୁଷ୍କର୍ମ ଘଟଣା ଏବଂ ଗତ କାଲି ଗଂଜାମ ଜିଲ୍ଲା ଛତ୍ରପୁର ନିକଟସ୍ଥ ନାବାଳିକା ଗଣ ଦୁଷ୍କର୍ମ ଘଟଣା ବୋଲି ବିଜେପି ମହିଳା ମୋର୍ଚ୍ଚା ରାଜ୍ୟ ସଭାନେତ୍ରୀ ଶ୍ରୀମତୀ ପ୍ରଭାତୀ ପରିଡା ଆଜି ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ।
ଶ୍ରୀମତୀ ପରିଡା କହିଛନ୍ତି ଯେ, ବିଭିନ୍ନ ଖବର କାଗଜ ଓ ଗଣମାଧ୍ୟମରେ ଏହି ଖବରଟି ପ୍ରକାଶ ପାଇବା ପରେ ମହିଳା ମୋର୍ଚ୍ଚାର ଏକ ପ୍ରତିନିଧି ଦଳ ରାଜ୍ୟ ସାଧାରଣ ସଂପାଦିକା ଶ୍ରୀମତୀ ବବିତା ପାତ୍ରଙ୍କ ନେତୃତ୍ୱରେ କୋରାପୁଟ ଗସ୍ତ କରି ବାସ୍ତବ ସ୍ଥିତିକୁ ଅନୁଧ୍ୟାନ କରିଥିଲେ । ଏହି ପ୍ରତିନଧି ଦଳ ପୀଡିତା ଓ ପୀଡିତାଙ୍କ ପରିବାର ସଦସ୍ୟଙ୍କୁ ଭେଟି ଘଟଣା ସଂପର୍କରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ଘଟଣା ପରେ ପୀଡିତାଙ୍କ ଭାଇ ସ୍ଥାନୀୟ ଥାନାରେ ଏଫ୍.ଆଇ.ଆର୍. ଦେବା ପାଇଁ ଗଲା ବେଳକୁ ତାଙ୍କୁ ର୍ଦୁବ୍ୟବହାର କରି ତଡି ଦେବା, ପୀଡିତା ଏବଂ ତା ପରିବାରକୁ ସୁରକ୍ଷା ଦେବା ପରିବର୍ତେ ଆକ୍ରୋଶମୂଳକ ଭାବେ ଖରାପ ବ୍ୟବହାର ପ୍ରଦର୍ଶନ କରିବା ଆଦି ଏହି ପ୍ରତିନଧି ଦଳର ସଦସ୍ୟମାନେ ଶୁଣିବାକୁ ପାଇଥିଲେ । ଏହା ପରେ ଉକ୍ତ ପ୍ରତିନିଧି ଦଳ ଘଟଣା ସଂର୍କରେ ଜିଲ୍ଲା ଏସ୍.ପି.ଙ୍କୁ ଭେଟି ବିସ୍ତୃତ ଆଲୋଚନା କରିଥିଲେ ସୁଦ୍ଧା ଏସ୍,ପି. ମହୋଦୟ କୈାଣସି ଉତର ନ ଦେଇ ନୀରବ ରହିଥିଲେ ବୋଲି ଶ୍ରୀମତୀ ପରିଡା ସୁଚନା ଦେଇଛନ୍ତି ।
ପୀଡିତାକୁ ନ୍ୟାୟ ମିଳୁ । ଆକ୍ରୋଶ ମୂଳକ ବ୍ୟବହାର ପ୍ରଦର୍ଶନ କରିବା ପରିବର୍ତେ ପୋଲିସ ପ୍ରଶାସନ ସହୃଦୟତାର ସହିତ ପୀଡିତା ଏବଂ ତାର ପରିବାର ପ୍ରତି ବନ୍ଧୁତାପୂର୍ଣ୍ଣ ବ୍ୟବହାର ପ୍ରଦର୍ଶନ କରୁ ବୋଲି ଶ୍ରୀମତୀ ପରିଡା ଦାବୀ କରିଛନ୍ତି ।
ରାଜ୍ୟରେ କୈାଣସି ଅପରାଧିକ ଘଟଣା ଘଟିଲେ ନିଜର ଅପାରଗତାକୁ ଲୁଚାଇବା ପାଇଁ ମୁଖ୍ୟମନ୍ତ୍ରୀଙ୍କ ଦ୍ୱାରା ତୁରନ୍ତ ଅନୁକଂପା ରାଶି ଘୋଷଣା ବର୍ତମାନ ତାଙ୍କର ଅଭ୍ୟାସରେ ପରିଣତ ହୋଇଛି । ଏହା କରି ମୁଖ୍ୟମନ୍ତ୍ରୀ ଅପରାଧିକୁ ଧରିବାରେ ବିଭାଗର ନିଷ୍କ୍ରିୟତାକୁ ଘୋଡାଇବାର ହୀନ ଉଦ୍ୟମ ଆରମ୍ଭ କରି ଦେଇଛନ୍ତି । ଏଭଳି ନିନ୍ଦନୀୟ ଉଦ୍ୟମରୁ ଦୁରେଇ ଯାଇ ମୁଖ୍ୟମନ୍ତ୍ରୀ ଅପରାଧୀମାନଙ୍କୁ ଧରି କଠୋର ଦଣ୍ଡ ବିଧାନ ପାଇଁ ପ୍ରୟାସ କରିବାକୁ ଶ୍ରୀମତୀ ପରିଡା ଦାବୀ ଜଣାଇଛନ୍ତି ।
ଏହି ଅବସରରେ ରାଜ୍ୟ ପ୍ରବକ୍ତା ସୁଦୀପ୍ତ ରାୟ, ମହିଳା ମୋର୍ଚ୍ଚା ରାଜ୍ୟ ସାଧାରଣ ସଂପାଦିକା ବବିତା ପାତ୍ର ଏବଂ କୋଷାଧକ୍ଷା ବିଜୟଲକ୍ଷ୍ମୀ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।

Share in top social networks!

ଆଙ୍ଗନବାଡିକର୍ମୀଙ୍କ ସମର୍ଥନରେ ସବୁ ଜିଲ୍ଲାପାଳ କାର୍ଯ୍ୟାଳୟ ସାମନାରେ ବିକ୍ଷୋଭ କରି ଆସନ୍ତା କାଲି ଦାବି ପତ୍ର ଦେବ ବିଜେପି ମହିଳା ମୋର୍ଚ୍ଚା

ଆଙ୍ଗନବାଡି କର୍ମୀ ଓ ସହାୟିକା ମାନଙ୍କ ଦାବି ସମାଧାନ ନ କରି ତାଙ୍କୁ ଖୋଲା ଆକାଶ ତଳେ ଛାଡି ଦେବା ଅଗଣତାନ୍ତ୍ରିକ : ପ୍ରଭାତୀ ପରିଡା
 ଜିଲ୍ଲାପାଳମାନଙ୍କୁ ଜିଲ୍ଲାରେ ଆଙ୍ଗନବାଡି କର୍ମୀଙ୍କ ଆନେ୍ଦାଳନ କାରଣରୁ ନିର୍ଦିଷ୍ଟ ଭାବେ କଣ କଣ ସମସ୍ୟା ସୃଷ୍ଟି ହୋଇଛି ଏହାକୁ ଅବଗତ କରାଇବ ମହିଳା ମୋର୍ଚା
 ତୃଣମୂଳ ସ୍ତରର ସମସ୍ୟା ଦୃଷ୍ଟିରୁ ରାଜ୍ୟ ସରକାର ଗଣତାନ୍ତ୍ରିକ ଆଲୋଚନା ମାଧ୍ୟମରେ ଆନେ୍ଦାଳନକୁ ପ୍ରତ୍ୟାହାର କରିବା ପାଇଁ ଆବଶ୍ୟକୀୟ ପଦକ୍ଷେପ ନେବା ପାଇଁ ଚାପ ସୃଷ୍ଟି କରାଯିବ
 ୭୨ ହଜାରରୁ ଉର୍ଧ ଅଙ୍ଗନବାଡି ସହ ଜଡିତ ମହିଳା ମାନେ ରାଜ୍ୟର ଗରୀବ, ମା ଓ ପିଲା ମାନଙ୍କୁ ପୁଷ୍ଟିଯୁକ୍ତ ଖାଦ୍ୟ ଓ ପିଲା ମାନଙ୍କ ଯତ୍ନ କ୍ଷେତ୍ରରେ ଗୁରୁତ୍ୱପୂର୍ଣ ଭୂମିକା ନେଉଛନ୍ତି
 ୭୮ ପ୍ରତିଶତ ପରିବାର ମୋଦିଙ୍କ ଖାଦ୍ୟ ସୁରକ୍ଷା ଯୋଜନାରେ ଚାଉଳ ପାଉଥିବାରୁ ଖାଦ୍ୟ ସୁରକ୍ଷା ନୁହେଁ ଓଡିଶାରେ ପୁଷ୍ଟି ସୁରକ୍ଷା ବଡ ସମସ୍ୟା ଭାବେ ମୁଣ୍ଡ ଟେକିଛି
 ଗର୍ଭବତୀ ମହିଳା ଓ ଶିଶୁଙ୍କ ପୁଷ୍ଟି ସୁରକ୍ଷା ପାଇଁ ଅଙ୍ଗନବାଡି କର୍ମୀ ମାନେ ଆନେ୍ଦାଳନ ଛାଡି କର୍ମସ୍ଥଳକୁ ଯିବା ଅତ୍ୟନ୍ତ ଜରୁରୀ
 କେନ୍ଦ୍ର ମନ୍ତ୍ରୀ ସମସ୍ୟାର ସମାଧାନରେ କେନ୍ଦ୍ର ସରକାରଙ୍କ ସହଯୋଗର ହାତ ବଢାଇଛନ୍ତି
 ଓଡିଶା ନୁହେଁ କେନ୍ଦ୍ର ପାଖରେ ଦାବି କରନ୍ତୁ ବୋଲି କହୁଥିବା ରାଜ୍ୟର ମହିଳା ଓ ଶିଶୁ କଲ୍ୟାଣ ମନ୍ତ୍ରୀ ଦାୟିତ୍ୱହୀନ ମନ୍ତବ୍ୟରୁ ନିବୃତ ରୁହନ୍ତୁ

PC_MahilaMorcha_PravatiParida_17
ଦୀର୍ଘ ଦିନ ଧରି ନ୍ୟାୟ ପାଇଁ ରାଜଧାନୀର ଖୋଲା ଆକାଶ ତଳେ ଧାରଣା ଦେଉଥିବା ଆଙ୍ଗନବାଡି କର୍ମୀ ଓ ସହାୟିକା ମାନଙ୍କ ସହ ସେମାନଙ୍କ କାମର ଲାଭାର୍ଥୀ ଗାଁ- ଗଣ୍ଡାର ଗରୀବ ମା ଭଉଣୀ ଓ ପିଲାଙ୍କ ସମସ୍ୟାକୁ ନେଇ ସବୁ ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ କରି ବିଜେପି ମହିଳା ମୋର୍ଚା ତରଫରୁ ଦାବି ପତ୍ର ଦିଆ ଯିବ ବୋଲି ଏକ ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି ବିଜେପି ମହିଳା ମୋର୍ଚା ରାଜ୍ୟ ସଭାନେତ୍ରୀ ଶ୍ରୀମତୀ ପ୍ରଭାତୀ ପରିଡା ।
ଶ୍ରୀମତୀ ପରିଡା କହିଛନ୍ତି ଯେ ଆସନ୍ତା କାଲି ଅକ୍ଟୋବର ୧୮ ତାରିଖ ଦିନ ସବୁ ଜିଲ୍ଲାପାଳଙ୍କୁ ବିିଜେପି ମହିଳା ମୋର୍ଚାର ପ୍ରତିନିଧି ମାନେ ସାକ୍ଷାତ କରି ଜିଲ୍ଲାରେ ଆଙ୍ଗନବାଡି କର୍ମୀଙ୍କ ଆନେ୍ଦାଳନ କାରଣରୁ ନିର୍ଦିଷ୍ଟ ଭାବେ କଣ କଣ ସମସ୍ୟା ସୃଷ୍ଟି ହୋଇଛି ଏହାକୁ ଅବଗତ କରାଇବେ । ଏହା ସହ ସମସ୍ୟାର ଆଶୁ ସମାଧାନ ପାଇଁ ତୃଣମୂଳ ସ୍ତରର ସମସ୍ୟା ଦୃଷ୍ଟିରୁ ରାଜ୍ୟ ସରକାର ଗଣତାନ୍ତ୍ରିକ ଆଲୋଚନା ମାଧ୍ୟମରେ ଆନେ୍ଦାଳନକୁ ପ୍ରତ୍ୟାହାର କରିବା ପାଇଁ ଆବଶ୍ୟକୀୟ ପଦକ୍ଷେପ ନେବା ପାଇଁ ଚାପ ସୃଷ୍ଟି କରିବା ଉପରେ ଏହି ଜିଲ୍ଲାପାଳଙ୍କ ସାକ୍ଷାତ ସମୟରେ ମହିଳା ମୋର୍ଚା ଗୁରୁତ୍ୱ ଦେବ ବୋଲି ସେ ସୂଚନା ଦେଇଛନ୍ତି ।
(ପୃÂା: ୧/୨)

ସେ କହିଛନ୍ତି ଯେ ୭୨ ହଜାରରୁ ଉର୍ଧ ଅଙ୍ଗନବାଡି ସହ ଜଡିତ ମହିଳା ମାନେ ରାଜ୍ୟର ଗରୀବ, ମା ଓ ପିଲା ମାନଙ୍କୁ ପୁଷ୍ଟିଯୁକ୍ତ ଖାଦ୍ୟ ଓ ପିଲା ମାନଙ୍କ ଯତ୍ନ କ୍ଷେତ୍ରରେ ଗୁରୁତ୍ୱପୂର୍ଣ ଭୂମିକା ନେଉଛନ୍ତି । ସରକାରୀ ଯୋଜନାର ତୃଣମୂଳ ସ୍ତରରେ ସାଧାରଣ ଗରୀବ ପରିବାରର ମା ଓ ପିଲାଙ୍କ ପାଖରେ ସୁଫଳ ପହଂଚାଇବାର ସରକାରଙ୍କର ସେମାନେ ସିଧା ସିଧା ପ୍ରତିନିଧି । ଦୀର୍ଘ ଏକ ମାସରୁ ଉର୍ଧ କାଳ ଧରି ଓଡିଶାର ଆଙ୍ଗନବାଡି କର୍ମୀ ଓ ସହାୟିକା ମାନେ ରାଜଧାନୀର ଖୋଲା ଆକାଶ ତଳେ ଦିନ ରାତି ଧାରଣା ଓ ପ୍ରତିବାଦରେ ବସିବା ମାମଲାରେ ରାଜ୍ୟ ସରକାରଙ୍କର ଉଦାସୀନତାକୁ ଘୋର ଚିନ୍ତାର ବିଷୟ ବୋଲି ସେ କହିଛନ୍ତି ।
ରାଜ୍ୟରେ ଗାଁ ଗଣ୍ଡାର ଗରୀବ, ମହିଳା ଶିଶୁଙ୍କ ଯତ୍ନ ନେଉଥିବା ଅଙ୍ଗନବାଡି କର୍ମୀ ଓ ସହାୟିକାଙ୍କୁ ଦେଶର ବିଭିନ୍ନ ରାଜ୍ୟ ସରକାର ସରକାରୀ ଚାକିରିଆର ମାନ୍ୟତା ଓ ଆନୁଷଙ୍ଗିକ ସୁବିଧା ପ୍ରଦାନ କରୁଥିବା ବେଳେ ଓଡିଶା ସରକାର ଏହି ମା ଭଉଣୀ ମାନଙ୍କୁ ମାସେରୁ ଉର୍ଧ ଖରା ବର୍ଷାରେ ପକାଇ କାହିଁକି ନିର୍ଯ୍ୟାତନା ଦେଉଛି ବୋଲି ସେ ପ୍ରଶ୍ନ କରିଛନ୍ତି ।
ମୋଦି ସରକାର ଖାଦ୍ୟ ସୁରକ୍ଷା ଯୋଜନାରେ ରାଜ୍ୟର ୭୮ ପ୍ରତିଶତ ପରିବାରକୁ ସାମିଲ କରିବା ପାଇଁ ଚାଉଳର ବ୍ୟବସ୍ଥା କରିଛନ୍ତି । ଏଥି ପାଇଁ ରାଜ୍ୟରେ ଖାଦ୍ୟ ସୁରକ୍ଷା ବଡ ସମସ୍ୟା ନୁହେଁ । ମାତ୍ର ରାଜ୍ୟରେ ପୁଷ୍ଟି ନିରାପତା ଏକ ବଡ ସମସ୍ୟା ରୂପରେ ମୁଣ୍ଡ ଟେକିଛି । ଗାଁର ଗର୍ଭବତୀ ମା ଓ ଶିଶୁ ମାନଙ୍କ ପୁଷ୍ଟିକର ଖାଦ୍ୟ ତଥା କେନ୍ଦ୍ର ସରକାରଙ୍କ ଯୋଜନାରେ ଯୋଗାଇ ଦିଆ ଯାଉଥିବା ଟେକ ହୋମ ରାସନ ଯୋଗାଣ କ୍ଷେତ୍ରରେ ଆଙ୍ଗନବାଡି କର୍ମୀ ମାନଙ୍କର ଗୁରୁତ୍ୱପୂର୍ଣ ଭୂମିକା ଦୃଷ୍ଟିରୁ ଘଟଣାକୁ ରାଜ୍ୟ ସରକାର ଏତେ ମାତ୍ରାରେ ଖାମଖିଆଲି ଭାବେ ନେବା ଠିକ ହେଉ ନାହିଁ ବୋଲି ଶ୍ରୀମତୀ ପରିଡା କହିଛନ୍ତି ।
କିଛି ଦିନ ତଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ମେନକା ଗାନ୍ଧୀଙ୍କୁ ସାକ୍ଷାତ କରି ଓଡିଶାର ସମସ୍ୟା ସମ୍ପର୍କରେ ଆଲୋଚନା କରିଥିଲେ । କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଧାରଣା ସ୍ଥଳକୁ ଯାଇ ଆଙ୍ଗନବାଡି ମା ଭଉଣୀଙ୍କ ସମସ୍ୟା ସମାଧାନରେ କେନ୍ଦ୍ର ଓ ରାଜ୍ୟ ସରକାରଙ୍କ ଯୁଗ୍ମ ଭୂମିକା ଦୃଷ୍ଟିରୁ ସହଯୋଗର ହାତ ବଢାଇବାର ପ୍ରତିଶ୍ରୁତି ମଧ୍ୟ ଦେଇଥିଲେ ।
ମାତ୍ର ରାଜ୍ୟର ମହିଳା ଓ ଶିଶୁ ବିକାଶ ମନ୍ତ୍ରୀ ପ୍ରଫୁଲ୍ଲ ସାମଲ ବାରମ୍ବାର ରାଜ୍ୟ ସରକାରଙ୍କ ପାଖରେ ନୁହେଁ କେନ୍ଦ୍ର ସରକାରଙ୍କ ପାଖରେ ଦାବି କର ବୋଲି ଦାୟିତ୍ୱହୀନ ମନ୍ତବ୍ୟ ଦେଇ ଆଙ୍ଗନବାଡି ବ୍ୟବସ୍ଥାରେ ରାଜ୍ୟ ସରକାରଙ୍କ ଗୁରୁତ୍ୱପୂର୍ଣ ଦାୟିତ୍ୱରୁ ମୁହଁ ଲୁଚାଇବା ଭଳି ବ୍ୟବହାର କରୁଛନ୍ତି ବୋଲି ଶ୍ରୀମତୀ ପରିଡା ଅଭିଯୋଗ କରିଛନ୍ତି ।
ଏହି ଅବସରରେ ରାଜ୍ୟ ମୁଖପାତ୍ର ଶ୍ରୀ ସୁଦୀପ୍ତ ରାୟ, ମହିଳା ମୋର୍ଚ୍ଚା ରାଜ୍ୟ ସାଧାରଣ ସଂପାଦିକା ବବିତା ପାତ୍ର ଏବଂ ମହିଳା ମୋର୍ଚ୍ଚା ରାଜ୍ୟ କୋଷାଧ୍ୟକ୍ଷା ବିଜୟଲକ୍ଷ୍ମୀ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।

Share in top social networks!

ଆଗାମୀ ନିର୍ବାଚନରେ ସବୁ ବୁଥ୍ରେ ଭିଭିପ୍ୟାଟ୍ ବ୍ୟବହାର ହେବ

ମାନ୍ୟବର ସୁପି୍ରମ୍ କୋର୍ଟଙ୍କ ଆଦେଶ ଅନୁସାରେ ଭାରତର ନିର୍ବାଚନ କମିଶନ ଆଗାମୀ ଲୋକସଭା ନିର୍ବାଚନ, ରାଜ୍ୟ ବିଧାନସଭା ନିର୍ବାଚନ ଓ ଉପନିର୍ବାଚନ ସମୟରେ ସମସ୍ତ ମତଦାନ କେନ୍ଦ୍ରରେ ଇଭିଏମ୍ ସହ ଭିଭିପ୍ୟାଟ୍(VVPଅT) ମେସିନ ବ୍ୟବହାର କରିବାକୁ ସମସ୍ତ ରାଜ୍ୟ ମୁଖ୍ୟ ନିର୍ବାଚନ ଅଧ#କାରଙ୍କୁ ନିର୍ଦ୍ଦେଶ ଦେଇଛନ୍ତିା ମତଦାନ କେନ୍ଦ୍ରରେ ଇଭିଏମ୍ ସହ ଭିଭିପ୍ୟାଟ୍ ବ୍ୟବହାର ଫଳରେ ଜଣେ ଭୋଟର ତା’ର ମନପସନ୍ଦର ପ୍ରାର୍ଥୀଙ୍କ ସପକ୍ଷରେ ଭୋଟଟି ଯାଇଛି କି ନାହିଁ ତାହା ଜାଣିପାରିବା

Share in top social networks!

ମହାତ୍ମା ଗାନ୍ଧୀ ଦ୍ୱିବାର୍ଷିକ ହିନ୍ଦି ଲିଖନ ପୁରସ୍କାର ଯୋଜନା

ରାଷ୍ଟ୍ରୀୟ ମାନବ ଅଧ#କାର ଆୟୋଗ ତରଫରୁ ମାନବ ଅଧ#କାର ସଂପର୍କିତ ବିଭିନ୍ନ ବିଷୟରେ ହିନ୍ଦି ଭାଷାରେ ସୃଜନାତ୍ମକ ଲେଖାର ବିକାଶ ନିମନ୍ତେ “ମାନବ ଅଧ#କାର’ ଉପରେ ମହାତ୍ମା ଗାନ୍ଧୀ ଦ୍ୱିବାର୍ଷିକୀ ହିନ୍ଦିଲିଖନ ପୁରସ୍କାର ଯୋଜନା ପାଇଁ ହିନ୍ଦି ଭାଷାରେ ଲେଖାଯାଇଥ#ବା କିମ୍ବା ଅନୁଦିତ ହୋଇଥ#ବା ପାଣ୍ଡୁଲିପି ଆହ୍ୱାନ କରାଯାଇଛିା ପ୍ରତ୍ୟେକ ପୁସ୍ତକ/ପାଣ୍ଡୁଲିପିରେ ଅତିକମରେ ୩ ହଜାର ସଂଖ୍ୟା ବିଶିଷ୍ଟ ଶବ୍ଦ ଥ#ବା ଆବଶ୍ୟକା ଏଥ# ନିମନ୍ତେ ପୁସ୍ତକ/ପାଣ୍ଡୁଲିପି ପଠାଇବାର ଶେଷ ତାରିଖ ୨୦୧୮ ମସିହା ମାର୍ଚ୍ଚ ୩୧ ତାରିଖ ରହିଛିା ଯୋଗ୍ୟ ବିବେଚିତ ପ୍ରତିଯୋଗୀଙ୍କୁ ପ୍ରଥମ ପୁରସ୍କାର ଭାବେ ୭୫ ହଜାର ଟଙ୍କା, ଦ୍ୱିତୀୟ ପୁରସ୍କାର ଭାବେ ୫୦ ହଜାର ଟଙ୍କା ଓ ତୃତୀୟ ପୁରସ୍କାର ଭାବେ ୪୦ ହଜାର ଟଙ୍କା ପ୍ରଦାନ କରାଯିବା ସବିଶେଷ ବିବରଣୀ ନିମନ୍ତେ ସହାୟକ ନିର୍ଦ୍ଦେଶକ, ରାଷ୍ଟ୍ରୀୟ ମାନବ ଅଧ#କାର ଆୟୋଗ, ମାନବ ଅଧ#କାର ଭବନ, ନୂଆଦିଲ୍ଲୀ ସହ ଯୋଗାଯୋଗ କରିବାକୁ ରାଜ୍ୟ ମାନବ ଅଧ#କାର ଆୟୋଗର ଉପଶାସନ ସଚିବ ଶ୍ରୀମତୀ ଜ୍ୟୋତି ଏମ୍ ପ୍ରଧାନ ଜଣାଇଛନ୍ତିା

Share in top social networks!