ବିଶ୍ୱ ହକି ଲିଗ୍‍ ଫାଇନାଲ ଆଉ ୧୮ ଦିନ ୨୪ରୁ ଖେଳାଳିଙ୍କ ଆଗମନ

ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ବିଶ୍ୱ ହକି ଲିଗ୍‍ର ଫାଇନାଲ ମ୍ୟାଚ ଆଉ ମାତ୍ର ୧୮ ଦିନ ପରେ ଖେଳାଯିବ । ଡିସେମ୍ବର ୧ରୁ ଖେଳାଯିବାକୁ ଥିବା ପ୍ରତିଯୋଗିତା ଲାଗି ରାଜ୍ୟ କ୍ରୀଡା ବିଭାଗ ପକ୍ଷରୁ ବିଭିନ୍ନ କାର୍ଯ୍ୟ ଜୋରଦାର ଆଗେଇ ଚାଲିଛି । ପ୍ରତିଯୋଗିତାରେ ମୋଟ ୮ଟି ଦଳ ଅଂଶଗ୍ରହଣ କରୁଥିବାବେଳେ ୨୨ଟି ମ୍ୟାଚ ଖେଳାଯିବ । ଏଥିପାଇଁ ୨୪ରୁ ବିଭିନ୍ନ ଦଳର ଖେଳାଳିମାନେ ଭୁବନେଶ୍ୱର ଆଗମନ କରିବେ । ଖେଳାଳି ଓ ଅଫିସିଆଲଙ୍କ ରହଣୀ ଲାଗି କ୍ରୀଡ଼ା ବିଭାଗ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଥିବା ୮ଟି ଦଳ ମଧ୍ୟରୁ ଘରୋଇ ଭାରତର ପୂର୍ବ ପ୍ରଦର୍ଶନକୁ ନେଇ ଆଲୋକପାତ ।
ଆୟୋଜକ ଭାରତ ବିଶ୍ୱ ହକି ଲିଗ୍‍ର ପ୍ରଥମ ଦୁଇଟି ସଂସ୍କରଣରେ ପ୍ରତିନିଧିତ୍ୱ କରିବା ସହିତ ଫାଇନାଲ ମଧ୍ୟ ଖେଳିବାରେ ସୁଯୋଗ ପାଇଛି । ବିଶ୍ୱ ହକି ଲିଗ୍‍ର ପ୍ରଥମ ସଂସ୍କରଣ ୨୦୧୨ ଅଗଷ୍ଟ ୧୭ରୁ ଆରମ୍ଭ ହୋଇ ୨୦୧୪ ଜାନୁଆରୀ ୧୮ରେ ଶେଷ ହୋଇଥିଲା । ୪୫ଟି ଦେଶ ଅଂଶଗ୍ରହଣ କରିଥିବା ଏହି ପ୍ରତିଯୋଗିତାର ପ୍ରଥମ ସଂସ୍କରଣରେ ଭାରତ ଷÂ ସ୍ଥାନ ହାସଲ କରିଥିଲା । ଲିଗ୍‍ ଓ ସେମିଫାଇନାଲ ରାଉଣ୍ଡରେ ଉନ୍ନତ ପ୍ରଦର୍ଶନ କରି ଫାଇନାଲ ରାଉଣ୍ଡକୁ ଉନ୍ନୀତ ହୋଇଥିଲା । ଫାଇନାଲ ଦିଲ୍ଲୀରେ ଖେଳାଯାଇଥିଲେ ମଧ୍ୟ ଘରୋଇ ଦଳ ଭାରତ ପ୍ରଥମ ୩ଟି ସ୍ଥାନରେ ରହିବାରେ ସକ୍ଷମ ହୋଇନଥିଲା । ପ୍ରତିଯୋଗିତାର ଦ୍ୱିତୀୟ ସଂସ୍କରଣ ୨୦୧୪ ଜୁଲାଇ ୧ରୁ ଆରମ୍ଭ ହୋଇ ୨୦୧୫ ଡିସେମ୍ବର ୬ରେ ଶେଷ ହୋଇଥିଲା । ୫୬ଟି ଦଳ ଅଂଶଗ୍ରହଣ କରିଥିବା ଉକ୍ତ ପ୍ରତିଯୋଗିତାରେ ଭାରତ ତୃତୀୟ ସ୍ଥାନ ହାସଲ କରିବାରେ ସକ୍ଷମ ହୋଇଥିଲା । ଛତିଶଗଡର ରାୟପୁରେ ଫାଇନାଲ ପ୍ରତିଯୋଗିତା ଖେଳାଯାଇଥିଲା । ଏଥିରେ ଭାରତ ସେମିଫାଇନାଲକୁ ଉନ୍ନୀତ ହୋଇଥିଲ ।ା ସେମିଫାଇନାଲରେ ପରାଜିତ ଦୁଇ ଦଳ ଭାରତ ଓ ନେଦରଲ୍ୟାଣ୍ଡ ମଧ୍ୟରେ ତୃତୀୟ ସ୍ଥାନ ପାଇଁ ମ୍ୟାଚ ଖେଳାଯାଇଥିଲା । ଏଥିରେ ଭାରତ ଲିଗ୍‍ ପର୍ଯ୍ୟାୟରେ ଚମକ୍ରାର ପ୍ରଦର୍ଶନ କରି ସେମିଫାଇନାଲକୁ ଉନ୍ନୀତ ହୋଇଥିଲା । ସେମିଫାଇନାଲରେ ଫାଇନାଲ ଯୋଗ୍ୟତା ଲାଗି ୨୦ଟି ଦଳ ମଧ୍ୟରେ ପ୍ରତିଦ୍ୱନ୍ଦିତା ହୋଇଥିଲା । ଭାରତ ଏଥିରେ ସପ୍ତମ ସ୍ଥାନ ହାସଲ କରି ଫାଇନାଲ ଖେଳିବା ଲାଗି ଯୋଗ୍ୟତା ହାସଲ କରିଛି । ବିଶ୍ୱ ହକି ଲିଗ୍‍ ପାଇଁ ପ୍ରସ୍ତୁତି ଅନ୍ତିମ ପର୍ଯ୍ୟାୟରେ ପହଞ୍ଚିଛି । ୨୪ରୁ ବିଭିନ୍ନ ଦେଶର ଖେଳାଳିଙ୍କ ଆଗମନ ହେବ । ପ୍ରଥମେ ଭାରତୀୟ ଦଳ ପହଞ୍ଚିବ । ପରେ ୨୮ ମଧ୍ୟରେ ସମସ୍ତ ଦଳ ଭୁବନେଶ୍ୱରରେ ପହଞ୍ଚିବେ । ଖେଳାଳିମାନଙ୍କ ରହଣି, ସୁରକ୍ଷା ଓ ଅଭ୍ୟାସ ଲାଗି ସମସ୍ତ ପ୍ରକାର ସୁବନେ୍ଦାବସ୍ତ କରାଯାଇଛି ବୋଲି କ୍ରୀଡା ଓ ଯୁବ ସେବା ବିଭାଗ ସଚିବ ବିଶାଳ ଦେବ କହିଛନ୍ତି ।

Share in top social networks!

ଉଦୀୟମାନ ଚେସ୍ ଖେଳାଳୀ ସିଦ୍ଧାନ୍ତ ମହାପାତ୍ରଙ୍କୁୁ ଆଦାନୀ ଫାଉଣ୍ଡେସନ୍ ତରଫରୁ ପ୍ରୋସôାହନ

ଆଜି ଧାମରା ବନ୍ଦର ପରିସର ମଧ୍ୟରେ ଏକ ସୋ÷ଜନ୍ୟମୂଳକ ସାକ୍ଷାତକାର ଅବସରରେ ଉଦୀୟମାନ ଚେସ୍ ଖେଳାଳୀ ସିଦ୍ଧାନ୍ତ ମହାପାତ୍ରଙ୍କୁ ଧାମରା ବନ୍ଦର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ସୁବ୍ରତ ତ୍ରିପାଠୀ ସମ୍ବର୍ଦ୍ଧନା କରିବା ସହ ପ୍ରୋସôାହନ ରାଶି ପ୍ରଦାନ କରିଥିଲେ । ଭଦ୍ରକ ଜିଲ୍ଲା ଚୂଡାମଣି ଗ୍ରାମର ମାତା ଜ୍ୟୋସ୍ନାମୟୀ ମହାପାତ୍ର ଓ ପିତା ମୁକ୍ତିକାନ୍ତ ମହାପାତ୍ରଙ୍କ ସୁପୁତ୍ର ଶ୍ରୀ ସିଦ୍ଧାନ୍ତ ମହାପାତ୍ର ଅତୀତରେ ରାଜ୍ୟ ତଥା ଦେଶ ଏବଂ ଆନ୍ତର୍ଜାତୀୟ ସ୍ତରରେ ବହୁ କୃତିତ୍ୱ ହାସଲ କଲାପରେ ଇଟ୍ଟାଲୀରେ ଅନୁÂିତ ହେବାକୁ ଯାଉଥିବା ୱାର୍ଲଡ୍ ଚେସ୍ ଚାମ୍ପିୟନସିପ୍ ରେ ଅଂଶଗ୍ରହଣ କରିବା ଉପଲକ୍ଷେ ଆଦାନୀ ଫାଉଣ୍ଡେସନ୍ ତରଫରୁ ଏହି ସହାୟତା ରାଶି ପ୍ରଦାନ କରାଯାଇଛି । ନିକଟ ଅତୀତରେ ୱାର୍ଲଡ୍ ଚେସ୍ ଫେଡେରେସନ୍ ତରଫରୁ ଇଂଟରନ୍ୟାସନାଲ୍ ମାଷ୍ଟର (ଓଗ) ପଦବୀ ପାଇବାରେ ଯୋଗ୍ୟ ବିବେଚିତ ହୋଇଥିଲେ । ଶ୍ରୀ ସିଦ୍ଧାନ୍ତ ମହାପାତ୍ର ଆମ ରାଜ୍ୟର ୬ତମ ଇଂଟରନ୍ୟାସନାଲ୍ ମାଷ୍ଟର (ଓଗ) ।

ଏହି ଅବସରରେ ଶ୍ରୀ ସିଦ୍ଧାନ୍ତ ମହାପାତ୍ର ଆଦାନୀ ଫାଉଣ୍ଡେସନକୁ ଧନ୍ୟବାଦ ଦେବା ସହ କହିଥିଲେ ଯେ, ନିକଟ ଭବିଷ୍ୟତରେ ଗ୍ରାଣ୍ଡ ମାଷ୍ଟର ଟାଇଟଲ୍ ଜିତିବା ମୋର ଲକ୍ଷ୍ୟ ଏବଂ ଏଥିନିମିତ ଆପଣମାନଙ୍କ ସହଯୋଗ କାମନା କରୁଛି ।

Share in top social networks!

ଶବର କପ୍ ଫୁଟବଲ୍ ଫାଇନାଲରେ ଭବାନୀପାଟଣା କ୍ରୀଡ଼ା ଛାତ୍ରାବାସ

ଭବାନୀପାଟଣା କ୍ରୀଡ଼ା ଛାତ୍ରାବାସ ଟାଇବ୍ରେକର ୪-୩ ଗୋଲରେ ଭୁବନେଶ୍ୱର କ୍ଲବ-୭୩କୁ ପରାସ୍ତ କରି ଦ୍ୱିତୀୟ ଦଳଭାବେ ୨୦ତମ ଶବର କପ୍ ଫୁଟବଲ୍ ପ୍ରତିଯୋଗିତାର ଫାଇନାଲ୍ରେ ପ୍ରବେଶ କରିଛି । ଖୋର୍ଦ୍ଧା ଜିଲ୍ଲା ଶବର କ୍ରୀଡ଼ା ସଂଘ ଆନୁକୂଲ୍ୟରେ ରାଧାଚରଣପୁର ଖେଳ ପଡ଼ିଆରେ ଚାଲିଥିବା ଏହି ପ୍ରତିଯୋଗିତାରେ ରବିବାର ଟାଇଟଲ୍ ଲଢେ଼ଇରେ ଏହି କଳାହାଣ୍ଡି ଦଳ କଟକ ମଙ୍ଗଳା କ୍ଲବକୁ ଭେଟିବ ।
ପ୍ରଥମାର୍ଦ୍ଧର ୧୨ ମିନିଟ୍ବେଳେ କଳାହାଣ୍ଡି ଦଳର ୧୦ ନମ୍ବର ଖେଳାଳୀ ଜିସୁ ହେମ୍ବ୍ରମ୍ ଏକ ସୁନ୍ଦର ଗୋଲ୍ କରି ଦଳକୁ ୧-୦ରେ ଅଗ୍ରଣୀ କରାଇଥିଲେ । ଦ୍ୱିତୀୟାର୍ଦ୍ଧରେ ଗୋଲ ପରିଶୋଧ କରିବାକୁ ଭୁବନେଶ୍ୱର ଦଳ ଘନଘନ ଆକ୍ରମଣ କରିଥିଲା ଓ ୪୨ତମ ମିନିଟ୍ରେ ସଫଳତା ପାଇଥିଲା । ଭୁବନେଶ୍ୱର ପକ୍ଷରୁ ସିଦ୍ଧାନ୍ତ ଦାସ ଏକ ଗୋଲ୍ କରି ମ୍ୟାଚ୍କୁ ବରାବର ସ୍ଥିତିକୁ ନେଇ ଆସିଥିଲେ । ଏହା ପରେ ପରେ ୪୫ତମ ମିନିଟ୍ରେ ଭୁବନେଶ୍ୱର ପକ୍ଷରୁ ପ୍ରତିଶ ନାୟକ ପୁଣି ଏକ ଗୋଲ୍ କରି ଦଳକୁ ୨-୧ରେ ଅଗ୍ରଣୀ କରାଇଥିଲେ । ଭୁବନେଶ୍ୱର ଦଳ ଅଗ୍ରଣୀ କରିବା ପରେ କଳାହାଣ୍ଡି ଦଳ ପ୍ରତିଯୋଗିତାରୁ ବିଦାୟ ନେବା ଭଳି ଜଣାପଡ଼ୁଥିଲା । କିନ୍ତୁ ଶେଷଭାଗରେ ୫୭ ମିନିଟ୍ବେଳେ କଳାହାଣ୍ଡି ପକ୍ଷରୁ ୭ ନମ୍ବର ଖେଢ଼ଳାଳୀ ପ୍ରଶାନ୍ତ ଶ୍ରୀହରି ଏକ ଗୋଲ୍ କରିବାରୁ ପୁଣି ମ୍ୟାଚ୍ ୨-୨ ଗୋଲ୍ ସମାନସ୍ଥିତିକୁ ଆସି ଯାଇଥିଲା । ତେଣୁ ଶେଷରେ ଫଇସଲା ପାଇଁ ଟାଇବ୍ରେକର ପଦ୍ଧତି ଅବଲମ୍ବନ କରାଯାଇଥିଲା । କଳାହାଣ୍ଡି ପକ୍ଷରୁ ଇନ୍ଦ୍ର ପଡ଼ିଆମୀ, ଜୟସିଂହ ଗାଗରାଇ, ମନ୍ଜିତ୍ କିସାନ, ପ୍ରଶାନ୍ତ ଶ୍ରୀହରି ଗୋଲ କରିଥିବାବେଳେ ଭୁବନେଶ୍ୱର ପକ୍ଷରୁ ସିଦ୍ଧାନ୍ତ ଦାସ, ପ୍ରତିଶ ନାୟକ ଓ ଗୁଡୁ ମଙ୍ଗରାଜ ଗୋଲ୍ କରିବାରେ ସକ୍ଷମ ହୋଇଥିଲେ । ମ୍ୟାଚ୍ ପରିଚାଳନା କରିଥିଲେ ଶିବ ପ୍ରସାଦ ଦାସ, ପ୍ରିୟବ୍ରତ ବାହିନୀପତି, ଅବିନାଶ ପଟ୍ଟନାୟକ ଓ ପ୍ରଫୁଲ୍ଲ ବେହେରା ।

Share in top social networks!

ଶବର କପ୍ ଫୁଟବଲ୍:ଭବାନୀପାଟଣା କ୍ରୀଡ଼ା ଛାତ୍ରାବାସ ସେମିରେ

ଭବାନୀପାଟଣା କ୍ରୀଡ଼ା ଛାତ୍ରାବାସ ୧-୦ ଗୋଲ୍ରେ ବିଜୟୀ ହୋଇ ବିଂଶତମ ଶବର କପ୍ ଫୁଟବଲ୍ ପ୍ରତିଯୋଗିତାରେ ଶେଷ ଦଳଭାବେ ସେମିଫାଇନାଲ୍ ରାଉଣ୍ଡରେ ପ୍ରବେଶ କରିଛି । ପ୍ରତିିଯୋଗିତାର ଆୟୋଜକ ଖୋର୍ଦ୍ଧା ଜିଲ୍ଲା ଶବର କ୍ରୀଡ଼ାସଂଘକୁ ପରାସ୍ତ କରି ଭବାନୀପାଟଣା ଦଳ ଏହି ସଫଳତା ପାଇଛି । ଶୁକ୍ରବାର ଅନୁÂିତ ହେବାକୁ ଥିବା ଦ୍ୱିତୀୟ ସେମିଫାଇନାଲ୍ ମ୍ୟାଚ୍ରେ ଭବାନୀପାଟଣା ଦଳ ଭୁବନେଶ୍ୱର କ୍ଲବ-୭୩ କୁ ଭେଟିବ ।
ସ୍ଥାନୀୟ ରାଧାଚରଣପୁର ଖେଳ ପଡ଼ିଆରେ ଭରପୁର ଦର୍ଶକଙ୍କ ଭିତରେ ଅନୁÂିତ ହୋଇଥିବା ଏହି ମ୍ୟାଚ୍ର ପ୍ରଥମାର୍ଦ୍ଧରେ ଦୁଇ ଦଳ ପରସ୍ପରକୁ କଡ଼ା ଟକ୍କର ଦେଇଥିଲେ । ଭବାନୀପାଟଣା ଦଳ କେତୋଟି ସୁଯୋଗ ପାଇଥିଲେ ବି ଗୋଲ୍ କରିବାରେ ସଫଳ ହୋଇନଥିଲେ । କିନ୍ତୁ ଦ୍ୱିତୀୟାର୍ଦ୍ଧରେ ଭବାନୀପାଟଣା ଦଳ ଘନଘନ ଆକ୍ରମଣ କରିଥିଲେ । ୫୫ ମିନିଟ୍ବେଳେ ଭବାନୀପାଟଣା ଦଳର ୧୪ ନମ୍ବର ଖେଳାଳୀ ମନ୍ଜିତ କିଶାନ୍ ପଡ଼ିଆ ମଝିରୁ ଏକାକୀ ବଲ୍ ନେଇ ବଡ଼ ଚମକ୍ରାରଭାବେ ଗୋଲ୍ କରିଥିଲେ । ପ୍ରତିପକ୍ଷ ଶବର କ୍ରୀଡ଼ାସଂଘର ରକ୍ଷଣଭାଗ ମନ୍ଜିତ୍ଙ୍କୁ ଅଟକାଇ ପାରିନଥିଲେ । ତେବେ ଗୋଲ ପରିଶୋଧ କରିବା ପାଇଁ ଶବର କ୍ରୀଡ଼ାସଂଘ ଉଦ୍ୟମ କରିଥିଲେ ବି ଭବାନୀପାଟଣା ଖେଳାଳୀମାନେ ସୁଯୋଗ ଦେଇନଥିଲେ । ମ୍ୟାଚ୍ ପରିଚାଳନା କରିଥିଲେ ଅଶୋକ କୁମାର କହଁର, ବିଦେଶୀ ନାଏକ, ପ୍ରିୟବ୍ରତ ବାହିନୀପତି ଓ ଉପେନ୍ଦ୍ର ନାଏକ ।

Share in top social networks!

ସତ୍ୟ ନାଡେଲାଙ୍କ ପୁସ୍ତକ ‘ହିଟ୍ ରିଫ୍ରେସ୍’ ନେଇ ଅନିଲ୍ କୁମ୍ବଲେଙ୍କ ସହିତ ଆଲୋଚନା

Microsoft CEO Satya Nadella in conversation with former Indian Cricketer Anil Kumble

ମାଇକ୍ରୋସଫ୍ଟ ଇଣ୍ଡିଆ ସିଇଓ ସତ୍ୟ ନାଡେଲା ତାଙ୍କ ପୁସ୍ତକ ‘ହିଟ୍ ରିଫ୍ରେସ୍’ ସମ୍ପର୍କରେ ଅନିଲ୍ କୁମ୍ବଲେଙ୍କ ସହିତ ଆଲୋଚନା କରିଛନ୍ତି ।

ଏହି ସ୍ୱତନ୍ତ ଆଲୋଚନା ମାଇକ୍ରୋସଫ୍ଟ ଏବଂ ହାରପେର କଲିନ୍ସ୍ର ମିଳିତ ସହଯୋଗରେ ଆୟୋଜିତ ହୋଇଯାଇଛି । ଏହି ଅବସରରେ ସତ୍ୟ ଭବିଷ୍ୟତ ଜ୍ଞାନକୌଶଳ ଏବଂ ସମାଜରେ ଏହାର ପ୍ରଭାବ ତଥା ଖେଳ ଦୁନିଆରେ ଏହାର ଉଲ୍ଲେଖନୀୟ ପ୍ରଭାବ ସମ୍ପର୍କରେ ମତ ଉପସ୍ଥାପନ କରିଥିଲେ ।

‘ହିଟ୍ ରିଫ୍ରେସ୍’ ପୁସ୍ତକରେ ସତ୍ୟ ୩ ପ୍ରମୁଖ ଜ୍ଞାନକୌଶଳ ସମ୍ପର୍କରେ ବର୍ଣ୍ଣନା କରିଛନ୍ତି । ଯାହାଦ୍ୱାରା ଦେଶର ଆର୍ଥିକ କ୍ଷେତ୍ର ଓ ସମାଜ ଉପରେ ପଡୁଥିବା ପ୍ରଭାବ ସମ୍ପର୍କରେ ବର୍ଣ୍ଣନା କରାଯାଇଛି । ଏଥିରେ ଡିଜିଟାଲ ୱାର୍ଲ୍ଡ, ଆର୍ଟିଫିସିଆଲ୍ ଇଂଟେଲଜେନ୍ସି, କ୍ୱାଂଟମ୍ କମ୍ପୁ୍ୟଟିଙ୍ଗ ଅଭିଜ୍ଞତା ପ୍ରଭୃତି ସମ୍ପର୍କରେ ତଥ୍ୟ ଉପସ୍ଥାପନ କରାଯାଇଛି ।

ସତ୍ୟ ଓ ଅନିଲ୍ ଏହି ଜ୍ଞାନକୌଶଳର ସକରାତ୍ମକ ପ୍ରଭାବ କିପରି କ୍ରିକେଟ୍ ଖେଳରେ ଅନୁଭୁତ ହେଉଛି ସେ ସମ୍ପର୍କରେ ବିସ୍ତୃତ ଆଲୋଚନା କରିଛନ୍ତି । ଏହା ଦ୍ୱାରା କିପରି ଦର୍ଶକ ଓ ଖେଳାଳି ଉପକୃତ ହୋଇପାରୁଛନ୍ତି ସେ ସମ୍ପର୍କରେ ସେମାନେ ଆଲୋକପାତ କରିଛନ୍ତି ।

ଏହି ଅବସରରେ ଚୁମ୍ବକ ଡିଜାଇନିଂ ପ୍ରା.ଲିଃ.ର ସିଇଓ ବିବେକ ପ୍ରଭାକର, ଗୋ କ୍ୱିର ପ୍ରତିÂାତା ତଥ ।ସିଇଓ ବିଶାଳ ଗୋଣ୍ଡାଲ ଏବଂ କ୍ୟାସ୍ କରୋ ଡଟ୍ କମ୍ ଏବଂ ପୁ୍ୟରିଙ୍ଗ୍ ପାଉଣ୍ଡସ୍ ଲି.ର ସହ ପ୍ରତିÂାତା ସ୍ୱାତୀ ଭାର୍ଗବ ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ ।

Share in top social networks!

ଶବର କପ ଫୁଟବଲ୍ ଫାଇନାଲରେ କଟକ ମଙ୍ଗଳା କ୍ଲବ

sabar sports

ସ୍ଥାନୀୟ ରାଧାଚରଣପୁର ଖେଳ ପଡ଼ିଆରେ ବୁଧବାର ଅନୁÂିତ ହୋଇଥିବା ପ୍ରଥମ ସେମିଫାଇନାଲ ମ୍ୟାଚ୍ରେ ୩-୦ ଗୋଲ୍ର ବୃହତ୍ ବ୍ୟବଧାନରେ ବିଜୟୀ ହୋଇ କଟକ ମଙ୍ଗଳା କ୍ଲବ ବିଂଶତମ ଶବର କପ୍ ଫୁଟବଲ୍ ଟାଇଟଲ ପାଇଁ ଦାବିଦାର ହୋଇଛି । ଜଟଣୀ ଫ୍ରେଣ୍ଡସ୍ ପାରାଡାଇଜ୍କୁ ଏଭଳି ଏକପାଖିଆଭାବେ ପରାସ୍ତ କରି କଟକ ଦଳ ଏହି ଯୋଗ୍ୟତା ଅର୍ଜନ କରିଛି ।
ପ୍ରଥମାର୍ଦ୍ଧରେ ଦୁଇ ଦଳ ପରସ୍ପରକୁ କଡ଼ା ଟକ୍କର ଦେଇ ଖେଳିଥିଲେ । ଫଳରେ କେହି କାହାରିକୁ ଗୋଲ ଦେବାରେ ସମର୍ଥ ହୋଇନଥିଲେ । ଦ୍ୱିତୀୟାର୍ଦ୍ଧରେ କିନ୍ତୁ କଟକ ଦଳ ଅଧିକ ଆକ୍ରମଣାତ୍ମକ ପନ୍ଥା ଆପଣେଇଥିଲା । ତେଣୁ ଦ୍ୱିତୀୟାର୍ଦ୍ଧର ୬Â ମିନିଟ୍ରେ କଟକ ପକ୍ଷରୁ ୧୧ ନମ୍ବର ଖେଳାଳୀ ଆପୁଲ୍ ଦାସ ପ୍ରଥମ ଗୋଲ୍ କରି ଦଳକୁ ୧-୦ରେ ଅଗ୍ରଣୀ କରାଇଥିଲେ । ଏହା ପରେ ଗୋଲ୍ ପରିଶୋଧ କରିବାକୁ ଜଟଣୀ ଦଳ ବହୁ ଉଦ୍ୟମ କରିଥିଲେ ବି କଟକ ଦଳର ରକ୍ଷଣଭାଗ ସବୁ ଭଣ୍ଡୁର କରି ଦେଇଥିଲେ । ମ୍ୟାଚ୍ର ଶେଷଭାଗ ଆଡ଼କୁ ଜଟଣୀ ଦଳ ଖେଳାଳୀମାନଙ୍କ ଭିତରେ ତାଳମେଳ ନରହିବା ସୁଯୋଗରେ କଟକ ଦଳ ପୁଣି ୨ଟି ଗୋଲ୍ କରିଥିଲା । ୨୫ତମ ମିନିଟ୍ରେ ଦଳ ପକ୍ଷରୁ ୧୦ ନମ୍ବର ଖେଳାଳୀ ସଂଜୟ ସାହୁ ଓ ୨୭ତମ ମିନିଟ୍ରେ ୧୬ ନମ୍ବର ଖେଳାଳୀ ଅନୀଲ ସାସମଲ ଗୋଲ୍ କରି ବିଜୟ ବ୍ୟବଧାନ ୩-୦କୁ ନେଇ ଯାଇଥିଲେ । ମ୍ୟାଚ୍ ପରିଚାଳନା କରିଥିଲେ ରଜତ ମଲ୍ଲିକ, ରାଜୁ ମହାନ୍ତି, ଅଶୋକ କୁମାର କହଁର ଓ ବିଦେଶୀ ନାଏକ । ଗୁରୁବାର ଲିଗ୍ ମ୍ୟାଚ୍ରେ ଭବାନୀପାଟଣା କ୍ରୀଡ଼ା ଛାତ୍ରାବାସ ସହ ଆୟୋଜକ ଶବର କ୍ରୀଡ଼ାସଂଘର ମୁକାବିଲା ହେବ ।

Share in top social networks!

ହକି ଲିଗ୍ ସୁରକ୍ଷା ବ୍ୟବସ୍ଥା ସମୀକ୍ଷା କଲେ ଡିଜିପି

ଡିସେମ୍ବର-୧ରୁ ୧୦ ତାରିଖ ପର୍ଯ୍ୟନ୍ତ କଳିଙ୍ଗ ଷ୍ଟାଡିୟମରେ ୱାର୍ଲ୍ଡ ହକି ଲିଗ୍ ଫାଇନାଲ ଅନୁÂିତ ହେବ । ଭାରତ ସମେତ ବିଶ୍ୱର ଶ୍ରେÂ ୮ଟି ଦଳ ଲିଗ୍ରେ ଭାଗ ନେବେ । ଆସନ୍ତା ୨୨ ତାରିଖରେ ଭାରତ ଟିମ୍ ଭୁବନେଶ୍ୱରରେ ପହଞ୍ଚିବ ବୋଲି ଜଣାପଡିଛି । ଏହାକୁ ଦୃଷ୍ଟିରେ ରଖି ପୁଲିସ୍ ମହାନିଦେ୍ର୍ଧଶକ (ଡିଜିପି) ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା, କ୍ରିଡା ନିଦେ୍ର୍ଧଶକ ଭିନିଲ କ୍ରିଷ୍ଣା, ପୁଲିସ୍ କମିଶନର ୱାଇବି ଖୁରାନିଆ ଓ ଡିସିପି ସତ୍ୟବ୍ରତ ଭୋଇ ଷ୍ଟାଡିୟମରେ ପହଞ୍ଚି ସୁରକ୍ଷା ବ୍ୟବସ୍ଥା ଯାଞ୍ଚ କରିବା ସହ ଫିଲ୍ଡର ଉନ୍ନତିମୂଳକ କାର୍ଯ୍ୟ ଉପରେ ସମୀକ୍ଷା କରିଛନ୍ତି । ବିମାନବନ୍ଦରଠାରୁ ଖେଳପଡିଆ ପର୍ଯ୍ୟନ୍ତ କଡା ସୁରକ୍ଷା ବ୍ୟବସ୍ଥା କରାଯିବ । ଷ୍ଟାଡିୟମରେ ସିସିଟିଭି ଲାଗିବ । ଟ୍ରାଫିକ୍ ଓ ପାର୍କିଂକୁ ଗୁରୁତ୍ୱ ଦିଆଯିବ । ଗ୍ୟାଲେରୀକୁ ପାଣି ବୋତଲ ଆଦି ଛଡାଯିବ ନାହିଁ । ଦର୍ଶକଙ୍କୁ ଗ୍ୟାଲେରୀ ଭିତରେ ପିଇବା ପାଣି ଯୋଗାଇ ଦିଆଯିବ ବୋଲି ଡିଜିପି ସୂଚନା ଦେଇଛନ୍ତି । ସେହିପରି ୯ ହଜାର ଦର୍ଶକଙ୍କ ପାଇଁ ଗ୍ୟାଲେରୀରେ ବ୍ୟବସ୍ଥା ହୋଇଛି । ଏବେଠୁ ଅନ୍ ଲାଇନ୍ରେ ଟିକେଟ୍ ବିକ୍ରି କରାଯାଉଛି । ୨୦୧୮ରେ କଳିଙ୍ଗ ଷ୍ଟାଡିୟମରେ ହକି ବିଶ୍ୱକପ୍ ଅନୁÂିତ ହେବ । ଏଥିପାଇଁ ଉପରୋକ୍ତ ଲିଗ୍କୁ ଅଧିକ ଗୁରୁତ୍ୱ ଦିଆଯାଉଛି ବୋଲି କ୍ରିଡା ନିଦେ୍ର୍ଧଶକ ଭିନିଲ କ୍ରିଷ୍ଣା କହିଛନ୍ତି ।

Share in top social networks!

ଶବର କପ୍ ଫୁଟବଲ୍ ଫ୍ରେଣ୍ଡସ୍ ପାରାଡାଇଜ୍ ସେମିରେ

IMG-20171107-WA0018
ପ୍ରଥମାର୍ଦ୍ଧରେ ଗୋଟିଏ ଓ ଦ୍ୱିତୀୟାର୍ଦ୍ଧରେ ଗୋଟିଏ ଏମିତି ଦୁଇଟି ଗୋଲ୍ ଦେଇ ଜଟଣୀ ଫ୍ରେଣ୍ଡସ୍ ପାରାଡାଇଜ୍ ଫୁଟବଲ୍ ଟିମ୍ ବିଂଶତମ ଶବର କପ୍ ସେମି ଫାଇନାଲ ରାଉଣ୍ଡରେ ପ୍ରବେଶ କରିଛି । ବାଲେଶ୍ୱର କ୍ରୀଡ଼ା ଛାତ୍ରାବାସକୁ ୨-୦ ଗୋଲ୍ରେ ପରାସ୍ତ କରି ଜଟଣୀ ଦଳ ଏହି ସଫଳତା ପାଇଛି ।
ପ୍ରଥମାର୍ଦ୍ଧର ୧୮ତମ ମିନିଟ୍ରେ ଜଟଣୀ ପକ୍ଷରୁ ୯ନମ୍ବର ଖେଳାଳୀ ସୁଜିତ୍ ବାରିକ୍ ପଡ଼ିଆ ମଝିରୁ ବଡ଼ ସୁନ୍ଦରଭାବେ ବଲ୍ ନେଇ ଚମକ୍ରାର ଢ଼ଙ୍ଗରେ ଗୋଲ୍ ସ୍କୋର୍ କରିଥିଲେ । ବାଲେଶ୍ୱର ଦଳର ରକ୍ଷଣଭାବକୁ ବଡ଼ ଚତୁରତାର ସହ ପରାସ୍ତ କରି ସୁଜିତ୍ ଏକାକୀ ଦଳକୁ ଏହି ସଫଳତା ଦେଇଥିଲେ । ଗୋଲ ପରିଶୋଧ କରିବା ପାଇଁ ବାଲେଶ୍ୱର ଦଳ ଘନଘନ ପ୍ରତି ଆକ୍ରମଣ କରିଥିଲେ ବି ଜଟଣୀର ରକ୍ଷଣଭାଗ ଏଥିପାଇଁ କୌଣସି ସୁଯୋଗ ଦେଇନଥିଲେ । ପ୍ରଥମାର୍ଦ୍ଧରେ ୦-୧ ଗୋଲ୍ରେ ପଛୁଆ ଥିବାରୁ ବାଲେଶ୍ୱର ଦଳ ଦ୍ୱିତୀୟାର୍ଦ୍ଧରେ ପୁଣି ଆକ୍ରମଣାତ୍ମକ କ୍ରୀଡ଼ା ପ୍ରଦର୍ଶନ କରିଥିଲା । ମାତ୍ର ୯ତମ ମିନିଟ୍ରେ ଜଟଣୀ ପକ୍ଷରୁ ୧୨ ନମ୍ବର ଖେଳାଳୀ ଭରତ ମୁଣ୍ଡା ପୁଣି ଏକ ଆକର୍ଷଣୀୟ ଗୋଲ୍ କରି ଦଳକୁ ୨-୦ରେ ଅଗ୍ରଣୀ ଦେଇଥିଲେ । ସାଥୀ ଖେଳାଳୀ ସୁଜିତ୍ଙ୍କ ଏକ ପାସ୍କୁ ଭରତ ଗୋଲପୋଷ୍ଟ ଭିତରକୁ ପଠାଇବାରେ କୌଣସି ତ୍ରୁଟି କରିନଥିଲେ । ବାଲେଶ୍ୱର ଦଳ ମ୍ୟାଚ୍ ଶେଷଭାଗକୁ ଦୁଇଟି ସୁଯୋଗ ପାଇଥିଲେ ବି ଗୋଲ୍ କରିବାରେ ସଫଳ ହୋଇନଥିଲା । ମ୍ୟାଚ୍ ପରିଚାଳନା କରିଥିଲେ ରାଜେନ୍ଦ୍ର କୁମାର ମହାନ୍ତି, ଅଶୋକ କୁମାର କହଁର, ପ୍ରଫୁଲ୍ଲ କୁମାର ବେହେରା ଓ ବିଦେଶୀ କୁମାର ନାଏକ । ଖୋର୍ଦ୍ଧା ଜିଲ୍ଲା ଶବର କ୍ରୀଡ଼ାସଂଘ ଆନୁକୂଲ୍ୟରେ ସ୍ଥାନୀୟ ରାଧାଚରଣପୁର ଖେଳ ପଡ଼ିଆରେ ଚାଲିଥିବା ଏହି ପ୍ରତିଯୋଗିତାରେ ଯୁବସମାଜସେବୀ ମନ୍ମଥ କୁମାର ମହାପାତ୍ର ଅତିଥିଭାବେ ଯୋଗ ଦେଇଥିଲେ । ବୁଧବାର ପ୍ରଥମ ସେମି ଫାଇନାଲ୍ରେ କଟକ ମଙ୍ଗଳା କ୍ଲବକୁ ଜଟଣୀ ଫ୍ରେଣ୍ଡସ୍ ପାରାଡାଇଜ୍ ଦଳ ଭେଟିବ ।

Share in top social networks!

ଓଡିଶା ପହଞ୍ଚିଲା ତାମିଲନାଡୁ ଦଳ

ଡ୍ରିମ୍ସ କ୍ରିକେଟ ଗ୍ରାଉଣ୍ଡରେ ଚଳିତ ରଣଜୀ ସିଜିନ୍‍ ଗ୍ରୁପ-ସି ର ଏକ ଲିଗ୍‍ ମ୍ୟାଚ ଘରୋଇ ଓଡ଼ିଶା ଓ ତାମିଲନାଡୁ ମଧ୍ୟରେ ଖେଳାଯିବ । ଉଭୟ ଦଳ ଚତୁର୍ଥ ରାଉଣ୍ଡ ମ୍ୟାଚ ଖେଳିବେ । ଏଥିପାଇଁ ସୋମବାର ଅପରାହ୍ଣରେ ତାମିଲନାଡୁ ଦଳ କଟକରେ ପହଞ୍ଚିଛି । ଖେଳାଳିମାନେ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ପହଞ୍ଚିବା ପରେ ସ୍ୱତନ୍ତ୍ର ବସ୍‍ରେ କଟକର ଏକ ହୋଟେଲରେ ପହଞ୍ଚିଥିଲେ । ଦଳର ବୋଲିଂ କୋଚ ଲକ୍ଷ୍ମୀପତି ବାଲାଜି ଓ ବ୍ୟାଟିଂ କୋଚ ହୃଷିକେଶ କାନିତକରଙ୍କ ସମେତ ଅଧିନାୟକ ଅଭିନନ୍ଦ ମୁକୁନ୍ଦ,କୌଶିକ ଗାନ୍ଧି, ବାବା ଇନ୍ଦ୍ରଜିତ,ବିଜୟ ଶଙ୍କର, ଏମ. ଏସ୍‍ ୱାସିଙ୍ଗଟନ୍‍ ସୁନ୍ଦର, ଏନ. ଜଗଦିଶାନ(ୱିକେଟକିପର), କେ. ବିଘ୍ନେସ, ରାହିଲ ସାହା, ବାବା ଅପରାଜିତ ପ୍ରମୁଖ ପହଞ୍ଚିଛନ୍ତି । ଆଉ କିଛି ଖେଳାଳି ମଙ୍ଗଳବାର ପହଞ୍ଚିବାର କାର୍ଯ୍ୟକ୍ରମ ରହିଛି । ଚଳିତ ସିଜିନ୍‍ରେ ଉଭୟ ଦଳର ପ୍ରଦର୍ଶନକୁ ଦେଖିଲେ ତାମିଲନାଡୁ ଏପର୍ଯ୍ୟନ୍ତ ୩ଟି ଲିଗ୍‍ ମ୍ୟାଚ ଖେଳି ଦୁଇଟି ପ୍ରଥମ ଇନିଂସ ଆଗୁଆ ଓ ଗୋଟିଏ ପ୍ରଥମ ଇନିଂସ ପଛୁଆ ସହ ୭ ପଏଣ୍ଟ ହାସଲ କରି ଗ୍ରୁପ ଚତୁର୍ଥ ସ୍ଥାନରେ ରହିଛନ୍ତି । ଦଳ ମୁମ୍ବଇ ଓ ତି୍ରପୁରା ବିପକ୍ଷରେ ମ୍ୟାଚ ଡ୍ର ରଖି ପ୍ରଥମ ଇନିଂସ ଅଗ୍ରଣୀ ହାସଲ କରିଥିବାବେଳେ ଆନ୍ଧ୍ରପ୍ରଦେଶ ବିପକ୍ଷରେ ପ୍ରଥମ ଇନିଂସରେ ପଛୁଆ ରହିଥିଲା । ନକଆଉଟ୍‍କୁ ଉନ୍ନୀତ ହେବା ଲାଗି ଦଳ ପାଇଁ ଉକ୍ତ ମ୍ୟାଚ ବେଶ ଗୁରୁତ୍ୱପୂର୍ଣ୍ଣ ।ସେହିପରି ଓଡ଼ିଶା ୩ଟି ଲିଗ୍‍ ମ୍ୟାଚରୁ ମାତ୍ର ୨ ପଏଣ୍ଟ ହାସଲ କରି ଗ୍ରୁପ ଅନ୍ତିମ ସ୍ଥାନରେ ରହିଛି । ଓଡ଼ିଶା ତ୍ରିପୁରା ବିପକ୍ଷ ଅମୀମାଂଶିତ ମ୍ୟାଚ ଓ ଆନ୍ଧ୍ରପ୍ରଦେଶ ବିପକ୍ଷରେ ପ୍ରଥମ ଇନିଂସ ପଛୁ୍ରା ରହି ୧ ପଏଣ୍ଟ ଲେଖାଏଁ ହାସଲ କରିଥିବାବେଳେ ମୁମ୍ବଇ ନିକଟରୁ ପରାଜିତ ହୋଇଥିଲା । ଓଡ଼ିଶା ଦଳ ଡ୍ରିମ୍ସରେ ଅଭ୍ୟାସ ଆରମ୍ଭ କରିଥିବାବେଳେ ତାମିଲନାଡୁ ମଙ୍ଗଳବାର ଅପରାହ୍ଣରେ ଅଭ୍ୟାସ କରିବେ ।

Share in top social networks!

ପୁରୁଷ ହକି ବିଶ୍ୱକପ ପରିଚାଳନା ଲାଗି ୧୬ କମିଟି

ଆସନ୍ତା ୨୦୧୮ ନଭେମ୍ବର ୨୮ରୁ ଡିସେମ୍ବର୧୬ ତାରିଖ ପର୍ଯ୍ୟନ୍ତ କଳିଙ୍ଗ ଷ୍ଟାଡିୟମଠାରେ ଅନୁÂିତ ହେବାକୁ ଥିବା ଓଡିଶା ପୁରୁଷ ହକି ବିଶ୍ୱକପ ପ୍ରତିଯୋଗିତାକୁ ସୂଚାରୁ ରୂପେ ପରିଚାଳନା କରିବା ଲାଗି କ୍ରୀଡା ଓ ଯୁବସେବା ବିଭାଗ ପକ୍ଷରୁ ୧୬ଟି କମିଟି ଗଠନ କରାଯାଇଛି । ପ୍ରତିଯୋଗିତାକୁ ପରିଚାଳନା ଲାଗି ବିଭାଗୀୟ ମନ୍ତ୍ରୀଙ୍କ ଅଧ୍ୟକ୍ଷତାରେ ଏକ ପରିଚାଳନା କମିଟି ଗଠନ କରାଯାଇଛି । ପ୍ରତିଯୋଗିତା ଲାଗି ପରିଚାଳନା କମିଟି ବିଭିନ୍ନ ଯୋଜନା ଓ ବଜେଟ ଅନୁମୋଦନ କରିବ । ଏହି କମିଟି ବ୍ୟତୀତ କାର୍ଯ୍ୟନିର୍ବାହୀ, ଅର୍ଥ ଓ ପରିଚାଳନା, ଖେଳାଳି ଏବଂ ଅଫିସିଆଲଙ୍କ ରହଣି ଓ ଖାଦ୍ୟପେୟ, ପରିବହନ, ଉତ୍ସବ, ଅଭ୍ୟର୍ଥନା, ସୁରକ୍ଷା, ପୂର୍ତ୍ତ, ସ୍ୱେଚ୍ଛାସେବୀ, ମେଡିକାଲ ଆଣ୍ଡ ଡୋପିଂ, ମାର୍କେଟିଂ, ପ୍ରଚାର, ପ୍ରୋଟୋକଲ, ଷ୍ଟାଡିୟମ କୋ-ଅର୍ଡିନେସନ ଓ ସହର ଭିତ୍ତିଭୂମି ବିକାଶ ଏବଂ ସୌନ୍ଦର୍ଯ୍ୟକରଣ କମିଟି ଗଠନ କରାଯାଇଛି । ଉପରୋକ୍ତ କମିଟିଗୁଡିକ ଆସନ୍ତା ଡିସେମ୍ବର ୧ରୁ ୧୦ ତାରିଖ ପର୍ଯ୍ୟନ୍ତ ଅନୁÂିତ ହେବାକୁ ଥିବା ଓଡିଶା ହକି ପୁରୁଷ ୱାର୍ଲଡ ଲିଗ୍‍ ଫାଇନାଲ ପାଇଁ ମଧ୍ୟ କାର୍ଯ୍ୟ କରିବ ।

Share in top social networks!