୨୦୧୩ ଓ ୨୦୧୪ ମସିହା ପାଇଁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଘୋଷିତ

୨୦୧୩ ଓ ୨୦୧୪ ମସିହା ନିମନ୍ତେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଘୋଷଣା କରାଯାଇଛି । ଉପନ୍ୟାସ, କ୍ଷୁଦ୍ର
ଗଳ୍ପ, କାବ୍ୟକବତା, ନାଟକ ଓ ଏକାଙ୍କିକା, ପ୍ରବନ୍ଧ ଓ ସମାଲୋଚନା, ଜୀବନୀ ଓ ଭ୍ରମଣ ସାହିତ୍ୟ, ଅନୁବାଦ, ଶିଶୁ ସାହିତ୍ୟ ଏବଂ
ଗୀତିକବିତା ବିଭାଗରେ ପୁରସ୍କାରମାନ ଘୋଷିତ ହୋଇଛି । ୨୦୧୩ ମସିହା ପାଇଁ ୧୩ ଜଣଙ୍କୁ ଓ ୨୦୧୪ ମସିହା ପାଇଁ ୧୧
ଜଣଙ୍କୁ ପୁରସ୍କୃତ କରାଯିବ ।
୨୦୧୩ ମସିହା ନିମନ୍ତେ ଉପନ୍ୟାସ “ଢେଉ’ ପାଇଁ ବିଭୂିଭୂଷଣ ପ୍ରଧାନ, କ୍ଷୁଦ୍ରଗଳ୍ପ ପୁସ୍ତକ “ସନ୍ଦU ଶୈଶବ’ ପାଇଁ
ଦୀପ୍ତିରଞ୍ଜନ ପଟ୍ଟନାୟକ, କବିତା ନିମନ୍ତେ ବିମଳ ଜେନା, ସୁଚେତା ମିଶ୍ର ଓ କ୍ଷକ ନାୟକଙ୍କୁ ସେମାନଙ୍କ କବିତା ପୁସ୍ତକ ଯଥାକ୍ରମେ
“ନିବୃତ୍ତ ନିଷାଦ’, “ଅଜନ୍ମା’ ଓ “ଅସରନ୍ତି ଅନ୍ତାକ୍ଷରୀ’ ପାଇଁ, ନାଟକ ଏକାଙ୍କିକା ବିଭାଗରେ “ବରଂ ନିବାସ ରଣକ୍ଷେତ୍ରରେ’ ପାଇଁ
ରମେଶ ଦାସ, ପ୍ରବନ୍ଧ ଓ ସମାଲୋଚନା ପାଇଁ “ଓଡ଼ିଶା କଥା ଓ କଳ୍ପନାର ଦିଗ ଓ ଦିଗନ୍ତ’ ନିମନ୍ତେ କୃଷ୍ଣଚନ୍ଦ୍ର ପ୍ରଧାନ, ଜୀବନୀ
ଓ ଭ୍ରମଣ ସାହିତ୍ୟରେ ରାସବିହାରୀ ବେହେରା ଓ ପ୍ରଭାତୀ ମିଶ୍ରଙ୍କୁ ଯଥାକ୍ରମେ “ଅନନ୍ୟ ସୃଷ୍ଟି କାନଡା’ ଓ “ଭ୍ରମଣରୁ ଶିକ୍ଷା’ ପାଇଁ,
ଅନୁବାଦରେ “ଅଜାତ ସୁନ୍ଦରୀ ଓ ଅନ୍ୟାନ୍ୟ ଗଳ୍ପ’ ପାଇଁ ବିଜୟ କୁମାର ପ୍ରଧାନ, ଶିଶୁ ସାହିତ୍ୟ ବିଭାଗରେ ସୂର୍ଯ୍ୟମଣି ସାମନ୍ତରାୟ
ଓ ରବୀନ୍ଦ୍ର ନାଥ ମାଝୀଙ୍କୁ ଯଥାକ୍ରମେ “ଟିଂ କୁତୁକୁତୁ ଟିକି ଚଢେ଼ଇ’ ଓ “ନୀଳ ଠେକୁଆ’ ପାଇଁ ଏବଂ ଗୀତିକବିତା ବିଭାଗରେ
“ପଦୁଅଁ ପାପୁଲି’ର ଲେଖକ ଦେବେନ୍ଦ୍ର ଦାସଙ୍କ ନାମ ଘୋଷଣା କରାଯାଇଛିା ୨୦୧୩ ପାଇଁ କବିତା ବିଭାଗରେ ତିନି ଜଣଙ୍କୁ,
ଜୀବନୀ ଓ ଭ୍ରମଣ ସାହିତ୍ୟରେ ଦୁଇ ଜଣଙ୍କୁ ଓ ଶିଶୁ ସାହିତ୍ୟ ବିଭାଗରେ ଦୁଇ ଜଣଙ୍କୁ ମିଳିତ ଭାବରେ ପୁରସ୍କୃତ କରାଯିବା
୨୦୧୪ ମସିହା ପାଇଁ ଉପନ୍ୟାସ ବିଭାଗରେ ଇନ୍ଦିରା ଦାଶଙ୍କୁ ପୁସ୍ତକ “ନିର୍ବାଣ ଅଭିସାର’ ପାଇଁ, କ୍ଷୁଦ୍ରଗଳ୍ପ ବିଭାଗରେ
ଅଭୟ ବାରିକଙ୍କୁ ପୁସ୍ତକ “ମହାରାଜ’ ପାଇଁ, କାବ୍ୟ କବିତା ବିଭାଗରେ ବିପିନ୍ ନାୟକଙ୍କୁ “ସ୍ୱରଚିତ୍ର’ ଏବଂ ବାସୁଦେବ ସୁନାନୀଙ୍କୁ
“ବୋଧହୁଏ ଭଲପାଇବା ମୋତେ ଜଣାନାହିଁ’ ପାଇଁ, ନାଟକ ଓ ଏକାଙ୍କିକା ବିଭାଗେ ବିଜୟ କୁମାର ନନ୍ଦଙ୍କୁ ” ନାଟକ ସଂଗ୍ରହ’
ପାଇଁ, ପ୍ରବନ୍ଧ ଓ ସମାଲୋଚନା ବିଭାଗରେ ଅରବିନ୍ଦ ପଟ୍ଟନାୟକଙ୍କୁ “ଓଡ଼ିଶାରେ ଲୋକଧର୍ମର ପରମ୍ପରା’ ପାଇଁ, ଜୀବନୀ ଓ
ଭ୍ରମଣ ସାହିତ୍ୟ କ୍ଷେତ୍ରରେ ପି୍ରୟବ୍ରତ ପାତ୍ରଙ୍କୁ “ଅଭିଯାତ୍ରୀଙ୍କ-୨’ ଓ ଗଣେଶ ରାମ ନାହାକଙ୍କୁ “ପଶ୍ଚିମ ଓଡ଼ିଶାର ବରପୁତ୍ର’ ପାଇଁ,
ଅନୁବାଦ ବିଭାଗରେ ସୁଭାଷ ଶତପଥୀଙ୍କୁ “ତରଗୀସ୍ ଓ ଅନ୍ୟାନ୍ୟ ଗଳ୍ପ’ ପାଇଁ, ଶିଶୁ ସାହିତ୍ୟ ବିଭାଗରେ ବସନ୍ତ କିଶୋର ସାହୁଙ୍କୁ
“ଓସ୍ତପତର ପାନିଆ’ ଓ ଗୀତିକବିତା ବିଭାଗରେ ହୃଦାନନ୍ଦ ପାଣିଗ୍ରାହୀଙ୍କୁ “ଜହ୍ନ ଝିଲିମିଲି’ ପାଇଁ ପୁରସ୍କୃତ କରାଯିବ । ୨୦୧୪
ମସିହା ପାଇଁ କବିତା ଓ ଜୀବନୀ-ଭ୍ରମଣ ସାହିତ୍ୟ ବିଭାଗରେ ଯୁଗ୍ମ ପୁରସ୍କାର ଘୋଷଣା କରାଯାଇଛିା
ଆଜି ପୂର୍ବାହ୍ନରେ ଏକାଡେମୀ କାର୍ଯ୍ୟାଳୟରେ ସଭାପତି ହରିହର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକାରୀ ପରିଷଦ
ବୈଠକରେ ୨୦୧୩ ଓ ୨୦୧୪ ମସିହା ପାଇଁ ଉପରୋକ୍ତ ମର୍ମରେ ଏକାଡେମୀ ପୁରସ୍କାରର ଚୂଡାନ୍ତ ଫଳାଫଳ ଘୋଷିତ
ହୋଇଛି ।

Share in top social networks!

ନୂଆ ଦିଲ୍ଲୀରେ ଦ୍ବିତୀୟ ଆନ୍ତର୍ଯାତୀୟ ଓଡିଆ ଭାଷା ସମ୍ମିଳନୀ ଫେବୃଆରୀ ୨୦ରେ୤

jualoramଦିଲ୍ଲୀସ୍ଥିତ ପ୍ରବାସୀ ବୁଦ୍ଧିଜୀବୀ ଓଡିଆ ସଂଗଠନ “ଦି ଇଣ୍ଟେଲେକ୍ଟସ୍‌” ଆନୁକୂଲ୍ୟରେ ଆସନ୍ତା ଫେବୃଆରୀ ୨୦ ତାରିଖରେ ଅନୁଷ୍ଠିତ ହେବାକୁ ଯାଉଛି ଦ୍ବିତୀୟ ଓଡିଆ ଭାଷା ସମ୍ମିଳନୀ୤ ଏହାର ଲୋଗୋ ଗତକାଲି କେନ୍ଦ୍ର ମନ୍ତ୍ରୀ ଶ୍ରୀଯୁକ୍ତ ଜୁଏଲ୍‌ ଓରାମ ଆନୁଷ୍ଠାନିକ ଭାବେ ଉନ୍ମୋଚନ କରିଛନ୍ତି୤ ଓଡିଆ ଭାଷାକୁ ଶାସ୍ତ୍ରୀୟ ମାନ୍ୟତା ଘୋଷଣା ଦିବସ ଓ ବିଶ୍ବମାତୃଭାଷା ଦିବସ ପାଳନ ପରିପ୍ରେକ୍ଷୀରେ ଏହି କାର୍ଯ୍ୟକ୍ରମ ଆୟୋଜନ କରାଯାଉଛି୤ ରାଷ୍ଟ୍ରୀୟ ରାଜଧାନୀରେ ଓଡିଆ ଭାଷା ଓ ସଂସ୍କୃତିର ପ୍ରଚାର ପ୍ରସାର ପାଇଁ କାର୍ଯ୍ୟରତ ଏହି ସାଂସ୍କୃତିକ ସଂଗଠନ ଗତ ବର୍ଷ ଭଳି ଓଡିଆ ଭାଷାର ବିଶିଷ୍ଠ ସାହିତ୍ୟକ, ଗବେଷକ, ସମାଲୋଚକ, ଭାଷାତତ୍ତ୍ବବିତ୍‌ ଓ ବିଶିଷ୍ଠ ନାଗରିକ ମାନଙ୍କୁ ଓଡିଶାରୁ ଓ ଓଡିଶା ବାହାରୁ ନିମନ୍ତ୍ରଣ କରାଯାଉଛି୤ ସେମାନଙ୍କ ମଧ୍ୟରେ ଡଃ ଜଗନ୍ନାଥ ପ୍ରସାଦ ଦାଶ, ଡଃ ବିଭୁତି ପଟ୍ଟନାୟକ, ଡଃ ପ୍ରଶନ୍ନ ପାଟ୍ଟସାହାଣୀ, ଡଃ ଅମରେନ୍ଦ୍ର ଖଟୁଆ, ଡଃ ଗୌରହରି ଦାଶ, ଡଃ ଦେବଦାସ ଛୋଟରାୟ, ଡଃ ନଟବର ଶତପଥି, ଡଃ ବସନ୍ତ ପଣ୍ଡା, ଡଃ ଯଶୋଧାରା ମିଶ୍ର, ଶ୍ରୀଯୁକ୍ତ ଶଙ୍କର ପରିଡା, ସାଂସଦ ବୈର୍ଷ୍ଣବ ପରିଡା, ଶ୍ରୀଯୁକ୍ତ ସୌମ୍ୟରଞ୍ଜନ ପଟ୍ଟନାୟକ, ଗଜାନନ ମିଶ୍ର, କୁକୁ ଦାଶ ତଥା ଅନେକ ସାହିତ୍ୟକ ଓ ଭାଷାବିତ୍‌ ଯୋଗଦେବେ ବୋଲି ସଂଗଠନର ଅଧ୍ୟକ୍ଷ ତଥା ସମ୍ମିଳନୀର ଆବାହକ ଶ୍ରୀ ଦେବେନ୍ଦ୍ର ରାଉତ ପ୍ରକାଶ କରିଛନ୍ତି୤ ଭାଷା ଓ ସାହିତ୍ୟ ପାଇଁ ବିଶିଷ୍ଠ ବ୍ୟକ୍ତିତ୍ବଙ୍କୁ ଏହି ସମ୍ମିଳନୀରେ ସମ୍ମାନୀତ କରାଯିବ୤ ଆସନ୍ତା ୬ ତାରିଖ ଶନିବାର ଦିନ ସମ୍ମାନ ଚୟନ ସମିତି ତରଫରୁ ଦିଲ୍ଲୀ ଓଡିଆ ଭାଷା ସମ୍ମାନ ଘୋଷଣା କରାଯିବ୤
ଇତ୍ୟ ଅବସରରେ ଓଡିଆ ଭାଷାର ବିଭିନ୍ନ ସମସ୍ୟା ଓ ତାର ସମାଧାନର ଦିଗ ବିଷୟରେ ଆଲୋଚନା କରାଯିବ୤ ଏହି କାର୍ଯ୍ୟକ୍ରମକୁ ସଫଳତାର ସହିତ ସମ୍ପାଦନା କରିବା ପାଇଁ ବହୁ ବିଶିଷ୍ଠ ଓଡିଆ ବ୍ୟକ୍ତିତ୍ବଙ୍କୁ ନେଇ କେନ୍ଦ୍ର ମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ଏକ ସମ୍ବର୍ଦ୍ଧନା କମିଟି ଗଠନ କରାଯାଇଛି, ଅନ୍ୟମାନଙ୍କ ମଧ୍ୟରେ ଶ୍ରୀଯୁକ୍ତ ଏ ଭି ସ୍ବାମୀ, ଭଗବାନ ପ୍ରକାଶ, ଅନିତା ପଣ୍ଡା, ରୋଜାଲିନ୍‌ ପାଟ୍ଟସାହାଣୀ, ରାମଚନ୍ଦ୍ର ଖୁଣ୍ଟିଆ, ରବି ପାଣି, ପ୍ରସନ୍ନ ଦାଶ, ସତ୍ୟନାରାୟଣ ସାହୁ, କିଶୋର ଦ୍ବିବେଦୀ, ବିରଜା ମହାପାତ୍ର, କାମଦେବ ବିଶ୍ବାଳ, ଅରୁଣ କୁମାର ରଥ, ତୁଷାର କାନ୍ତ ସାହୁ, ଦେବିପ୍ରସାଦ ଦାସ ତଥା ଅନେକବୁଦ୍ଧିଜୀବୀ ଓଡିଆ ଏହି କମିଟିର ସଦସ୍ୟ ଅଛନ୍ତି୤
ଏହି ସମ୍ମିଳନୀକୁ ସଫଳ କରିବା ପାଇଁ ଦିଲ୍ଲୀସ୍ଥିତ ଅନ୍ୟ ସମସ୍ତ ଓଡିଆ ସଂଗଠନକୁ ନିମନ୍ତ୍ରଣ କରାଯାଇଛି ବୋଲି ସମ୍ମିଳନୀର ସଂଯୋଜକ ଶ୍ରୀ ସଂଗ୍ରାମ ଧର ପ୍ରକାଶ କରିଛନ୍ତି୤ ଏହି କାର୍ଯ୍ୟକ୍ରମକୁ ପରିଚାଳନାର ଦାୟିତ୍ବ ବହନ କରିଛନ୍ତି ସଂଗଠନର କର୍ମକର୍ତ୍ତା ଶ୍ରୀ ଦେବରାଜ ମହାନ୍ତି, ଭକ୍ତବନ୍ଧୁ ନାୟକ, ପରମବ୍ରହ୍ମ ତ୍ରୀପାଠୀ, ସହସ୍ରାଂସୁ ମହାପାତ୍ର, ସତ୍ୟବ୍ରତ ସାମଲ, ଅନିରୁଦ୍ଧ ନାୟକ, ସଞ୍ଜୟ ପରିଡା, ଅକ୍ଷୟ ବିଶ୍ବାଳ ଓ ଅନ୍ୟମାନେ୤

Share in top social networks!

ଦ୍ୱିତୀୟ ଚନ୍ଦ୍ରଭାଗା କବିତା ମହୋତ୍ସବ ଉଦ୍ୟାପିତ

chandrabhagafestସେଞ୍ଚୁରିଅନ ବିଶ୍ୱବିଦ୍ୟାଳୟ ତଥା କେତେକ କବି ଓ କବିତାପ୍ରେମୀଙ୍କ ସମ୍ମିଳିତ ଉଦ୍ୟମରେ ଦ୍ୱିତୀୟ ଚନ୍ଦ୍ରଭାଗା କବିତା ମହୋତ୍ସବ ଗତ ୯ ଓ ୧୦ ଜାନୁଆରୀରେ କୋଣାର୍କ ଯାତ୍ରୀ ନିବାସରେ ଅନୁଷ୍ଠିତ ହୋଇଯାଇଛି ।
ଏହି ମହୋତ୍ସବକୁ ଉଦ୍ଘାଟନ କରି ବିଶିଷ୍ଟ ଭାଷାବିତ୍ ତଥା ପଦ୍ମଶ୍ରୀ ଡ. ଦେବୀ ପ୍ରସନ୍ନ ପଟ୍ଟନାୟକ
କହିଥିଲେ ଯେ କବିତା ସୃଜନ ହେଉଛି ଶବ୍ଦକୁ ସଂଯୋଜନା କରି ଅର୍ଥପୂର୍ଣ୍ଣ ଢଙ୍ଗରେ ଆବେଗ ଓ ଭାବକୁ
ପରିପ୍ରକାଶ କରିବାର କଳା । ଉତ୍ସବର ଅନ୍ୟତମ ଅତିଥି ତଥା ଦିଲ୍ଲୀ ବିଶ୍ୱବିଦ୍ୟାଳୟର ଇଂରାଜୀ ପ୍ରଧ୍ୟାପିକା
ସୁକ୍ରିତା ପଲ୍ କୁମାର ଭାରତୀୟ କବିତା ଉପରେ ଆଲୋକପାତ କରିବା ସହିତ କବିତା ଲିଖନର ପ୍ରକ୍ରିୟା
ସଂପର୍କରେ ନିଜର ବକ୍ତବ୍ୟ ରଖିଥିଲେ । ବରିଷ୍ଠ ପ୍ରାଧ୍ୟାପକ ତଥା ଚନ୍ଦ୍ରଭାଗା କବିତା ମହୋତ୍ସବ କମିଟିର
ସଭାପତି ଶ୍ରୀ ମନୋରଂଜନ ମହାନ୍ତି ଏଭଳି ଏକ ଉତ୍ସବ ଆୟୋଜନର ପ୍ରାସଙ୍ଗିକତା ଓ ଆବଶ୍ୟକତା ଉପରେ
ଗୁରୁତ୍ୱ ପ୍ରଦାନ କରିଥିଲେ ।
ଏହି ମହୋତ୍ସବର ବିଭିନ୍ନ ଅଧିବେଶନରେ ପୃଥିବୀର ବିଭିନ୍ନ ପ୍ରାନ୍ତରୁ କବିମାନଙ୍କ କବିତା ପଠନ
କରାଯାଇଥିବା ବେଳେ ବିଶିଷ୍ଟ କବି ଜୟନ୍ତ ମହାପାତ୍ର ଓ ସୁଦୀପ୍ ସେନ ମଧ୍ୟ ନିଜର କବିତା ପଠନ
କରିଥିଲେ । ନାରୀବାଦ ତଥା ପ୍ରତିରୋଧ, ଶାନ୍ତି ଓ ମୁକ୍ତିଭିତ୍ତିକ କବିତାମାନ ପଠନ କରାଯାଇଥିବା ବେଳେ
କବି ସମରେନ୍ଦ୍ର ନାୟକ ଓ ପଙ୍କଜ ସିଂହଙ୍କ ପ୍ରତି ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଇଥିଲା । କବିତାର ଧାରାରେ
ନୂତନ ପିଢ଼ିକୁ ସାମିଲ କରିବା ପାଇଁ ଉଦ୍ଧିଷ୍ଟ ଯୁବ ଓ କିଶୋର ଅଧିବେଶନରେ ସେଞ୍ଚୁରିଅନ ବିଶ୍ୱବିଦ୍ୟାଳୟ
ସମେତ ବିଭିନ୍ନ ଅନୁଷ୍ଠାନର ଛାତ୍ରଛାତ୍ରୀମାନେ କବିତା ପଠନ କରିଥିଲେ । ଏହି ଅବସରରେ କବି ସୁଦୀପ୍
ସେନଙ୍କ ପୁସ୍ତକ ‘ଏରୋଟେକ୍ସଟ୍’ କବି ଜୟନ୍ତ ମହାପାତ୍ରଙ୍କ ଦ୍ୱାରା ଉନ୍ମୋଚିତ ହୋଇଥିଲା । ଅନ୍ୟମାନଙ୍କ
ମଧ୍ୟରେ ଏହି ମହୋତ୍ସବରେ ବାସୁଦେବ ସୁନାନୀ, ଆଶୁତୋଷ ପରିଡ଼ା, ବିଜୟ ଉପାଧ୍ୟାୟ, ଚିରଶ୍ରୀ ଇନ୍ଦ୍ରସିଂ,
ଅପର୍ଣ୍ଣା ମହାନ୍ତି, କନକଲତା ମହାକୁଡ଼, ରାଧାରାଣୀ ମହାପାତ୍ର, ଶୈଳଜ ରବି ପ୍ରମୁଖ ଉପସ୍ଥିତ ଥିଲେ ଓ
ଚନ୍ଦ୍ରଭାଗା କବିତା ମହୋତ୍ସବ କମିଟିର ଆବାହକ ପ୍ରଧ୍ୟାପକ ଚନ୍ଦ୍ରଭାନୁ ପଟ୍ଟନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ
ଏହା ଅନୁଷ୍ଠିତ ହୋଇଥିଲା ।

Share in top social networks!

କାଦମ୍ବିନୀ ଜାତୀୟ ଲେଖକ ସମ୍ମିଳନୀରେ ମତପ୍ରକାଶ ‘କାଦମ୍ବିନୀ ପତ୍ରିକା ହାଟ’ ଉଦାହରଣ ସୃଷ୍ଟି କରିଛି

kadambiniwritersଓଡ଼ିଆ ସମେତ ଭାରତର ବିଭିନ୍ନ ଭାଷାର ଲେଖକମାନଙ୍କୁ ଗୋଟିଏ ମଞ୍ଚରେ ଏକତ୍ରିତ କରିବା, ପୁଣି ବିଭିନ୍ନ
ଭାଷାର ପତ୍ରପତ୍ରିକାଗୁଡ଼ିକୁ ‘ପ୍ରତିକା ହାଟ’ରେ ପ୍ରଦର୍ଶନ କରି ‘କାଦମ୍ବିନୀ’ ଭାରତୀୟ ସାହିତ୍ୟ ଜଗତରେ ଉଦାହରଣ ସୃଷ୍ଟି କରିଛି । ଏହା
ଭାରତୀୟ ସାହିତ୍ୟକୁ ସମୃଦ୍ଧ କରିବା ସହ ଏହାର ଏକ ସୁଦୂରପ୍ରସାରୀ ପ୍ରଭାବ ରହିଛି । ଏଭଳି ଏକ ସଫଳ ଆୟୋଜନ କରି ‘କାଦମ୍ବିନୀ’
ମହତ କାର୍ଯ୍ୟ କରୁଛି ବୋଲି ଆଜି କିଟ୍‍ କନ୍‍ଭେନ୍‍ସନ୍‍ ସେଣ୍ଟର୍‍ରେ ଆୟୋଜିତ ‘ଜାତୀୟ ଲେଖକ ସମ୍ମିଳନୀ’, ‘କାଦମ୍ବିନୀ ପତ୍ରିକାହାଟ’
ଓ ‘କୁନାକୁନି ମେଳା’ରେ ଯୋଗଦେଇ ଦେଶର ବିଶିଷ୍ଟ ଲେଖକମାନେ ମତପ୍ରକାଶ କରିଛନ୍ତି ।
ବରିଷ୍ଠ କଥାକାର ପ୍ରଫେସର ଶାନ୍ତନୁ କୁମାର ଆଚାର୍ଯ୍ୟଙ୍କ ସଭାପତିତ୍ୱରେ ଅନୁଷ୍ଠିତ ‘ଜାତୀୟ ଲେଖକ ସମ୍ମିଳନୀ’ରେ ସମ୍ମାନିତ ଅତିଥିଭାବେ
ଯୋଗ ଦେଇଥିଲେ ବିଶିଷ୍ଟ ରାଜସ୍ଥାନୀ ସାହିତି୍ୟକ ପଦ୍ମଶ୍ରୀ ଚନ୍ଦ୍ର ପ୍ରକାଶ ଦେବଲ, ବିଶିଷ୍ଟ ରାଜସ୍ଥାନୀ ସାହିତି୍ୟକ ଓ ମଞ୍ଚ ନିଦେ୍ର୍ଧଶକ ଡକ୍ଟର
ଅର୍ଜୁନ ଦେଓ ଚାରଣ, ବିଶିଷ୍ଟ ଅହମିୟା ସାହିତି୍ୟକ ଶ୍ରୀଯୁକ୍ତ ହରେକୃଷ୍ଣ ଡେକା, ବିଶିଷ୍ଟ ଚଳଚ୍ଚିତ୍ର ନିଦେ୍ର୍ଧଶକ ଶ୍ରୀଯୁକ୍ତ ପି. ଶେଷାଦ୍ରୀ, ବିଶିଷ୍ଟ
ସମ୍ପାଦକ, ‘ବିଜୟାବାଣୀ’ ଶ୍ରୀଯୁକ୍ତ ହରି ପ୍ରକାଶ କୋନେମନେ, ବିଶିଷ୍ଟ ଚଳଚ୍ଚିତ୍ର ନିଦେ୍ର୍ଧଶିକା ଓ ଅଭିନେତ୍ରୀ ଶ୍ରୀମତୀ ପାର୍ବତୀ ଘୋଷ ଓ
ବିଶିଷ୍ଟ ମଞ୍ଚ ତଥା ଚଳଚ୍ଚିତ୍ର ଅଭିନେତ୍ରୀ ଡକ୍ଟର ସାଓଲୀ ମିତ୍ର । ସମ୍ମାନିତ ବକ୍ତା ଥିଲେ ବିଶିଷ୍ଟ ସାହିତି୍ୟକ ଶ୍ରୀଯୁକ୍ତ ହର ପ୍ରସାଦ ଦାସ, ବରିଷ୍ଠ
ସାହିତି୍ୟକା ତଥା ଉପସଭାପତି, ଓଡ଼ିଶା ସାହିତ୍ୟ ଏକାଡ଼େମୀ ଶ୍ରୀମତୀ ଗାୟତ୍ରୀ ସରାଫ୍‍, ବରିଷ୍ଠ ସାହିତି୍ୟକ ତଥା କେନ୍ଦ୍ର ସାହିତ୍ୟ ଅକାଦେମି
ଓଡ଼ିଆ ଭାଷା ପରିଷଦର ଆବାହକ ଡକ୍ଟର ଗୌରହରି ଦାସ ଓ ସାହିତି୍ୟକା ଶ୍ରୀମତୀ ପାରମିତା ଶତପଥୀ । ଏଥିରେ ଆଲୋଚନାର ବିଷୟ
ରହିଥିବା ‘ମୁଁ ଓ ମୋର ସୃଜନ ଜଗତ’ ସଂପର୍କିତ ମନ୍ତବ୍ୟ ପ୍ରଦାନ କରିଥିଲେ ଅତିଥି ଓ ବକ୍ତାଗଣ । ଏହି ଅବସରରେ ପ୍ରଖ୍ୟାତ କବି ଡକ୍ଟର
ରାଜେନ୍ଦ୍ର କିଶୋର ପଣ୍ଡାଙ୍କୁ ‘କାଦମ୍ବିନୀ ସାରସ୍ୱତ ସମ୍ମାନ-୨୦୧୬’, ‘ଗୋକର୍ଣ୍ଣିକା’ ପତ୍ରିକାର ସମ୍ପାଦକ ଶ୍ରୀଯୁକ୍ତ ରମାକାନ୍ତ ଜେନାଙ୍କୁ
‘କାଦମ୍ବିନୀ ସମ୍ପାଦକ ସମ୍ମାନ-୨୦୧୬’ ଏବଂ ସାହିତି୍ୟକ ଶ୍ରୀଯୁକ୍ତ ଭଗବାନ ନାୟକ ବର୍ମା, ସାହିତି୍ୟକା ଶ୍ରୀମତୀ ପ୍ରଫୁଲ୍ଲତା ମହାପାତ୍ର,
ସାହିତି୍ୟକ ଶ୍ରୀଯୁକ୍ତ ଭାଗୀରଥି ଦାସ ଓ ସାହିତି୍ୟକା ଶ୍ରୀମତୀ କୁମୁଦଲତା ମହାନ୍ତିଙ୍କୁ ‘କାଦମ୍ବିନୀ ସାରସ୍ୱତ ସମ୍ବର୍ଦ୍ଧନା-୨୦୧୬’ପ୍ରଦାନ
କରାଯାଇଥିଲା । ସେଥିସହ ଯୁବ ଗଳ୍ପ ପ୍ରତିଭାମାନଙ୍କୁ ଉତ୍ସାହିତ କରିବା ପାଇଁ ‘କାଦମ୍ବିନୀ’ର ବିଶେଷ ପ୍ରୟାସ ‘କାଦମ୍ବିନୀ ଗଳ୍ପ ଉନ୍ମେଷ’
ପ୍ରତିଯୋଗିତାରେ ବିଜୟୀ ସୋନାଲୀ ମାଦେଳୀ, ଯୋଗେଶ୍ୱର ପଣ୍ଡା, ଶ୍ରୀକାନ୍ତ କୁମାର ବାରିକ, ଅସିତ କୁମାର ଷଡ଼ଙ୍ଗୀ ଓ କୈଳାସ
ବେହେରାଙ୍କୁ ମଧ୍ୟ ପୁରସ୍କୃତ କରାଯାଇଥିଲା । ଏଥିରେ ‘କାଦମ୍ବିନୀ’ର ପ୍ରତିଷ୍ଠାତା ଡ. ଅଚୁ୍ୟତ ସାମନ୍ତ ସ୍ୱାଗତ ଭାଷଣ ଓ ଅତିଥି ପରିଚୟ
ପ୍ରଦାନ କରିଥିବା ବେଳେ ‘କାଦମ୍ବିନୀ’ ଓ ‘କୁନିକଥା’ର ସମ୍ପାଦିକା ଡ. ଇତି ସାମନ୍ତ ଧନ୍ୟବାଦ ଅର୍ପଣ କରିଥିଲେ ।
ଦ୍ୱିତୀୟ ପର୍ଯ୍ୟାୟରେ ଅନୁଷ୍ଠିତ ହୋଇଥିଲା ‘କୁନାକୁନି ମେଳା’ । ଏହି ଅବସରରେ ‘କୁନିକଥା’ ଆୟୋଜିତ ରାଜ୍ୟସ୍ତରୀୟ ଗଳ୍ପ ପ୍ରତିଯୋଗିତାର
କୃତୀ ଶିଶୁ ପ୍ରତିଯୋଗୀମାନଙ୍କୁ ପୁରସ୍କାର ସହ ସମ୍ମାନିତ କରାଯାଇଥିଲା । ଏଥିରେ ଅତିଥି-କଳାକାର ଭାବେ ଇଣ୍ଡିଆନ୍‍ ଆଇଡଲ୍‍ ଜୁନିଅର୍‍-
୨୦୧୫ ସୁଶ୍ରୀ ଅନନ୍ୟା ଶ୍ରୀତମ୍‍ ନନ୍ଦ, ନୃତ୍ୟଶିଳ୍ପୀ ତଥା ଇଣ୍ଡିଆନ୍‍ ଡ୍ୟାନ୍ସିଂ ସୁପରଷ୍ଟାର୍‍-୨୦୧୩ର ଦ୍ୱିତୀୟ ରନର୍ସଅପ୍‍, ସୁଶ୍ରୀ ପଦ୍ମିନୀ
ପଟ୍ଟନାୟକ, ଇଣ୍ଡିଆନ୍‍ ଆଇଡ୍‍ଲ ଜୁନିଅର୍‍ – ୨୦୧୩ର ପ୍ରତିଯୋଗୀ ଆର୍ଯ୍ୟନ୍‍ ଦାସ, ବଲିଉଡ୍‍ର ଶିଶୁ ଅଭିନେତା ମାଷ୍ଟର ଜିନୀତ୍‍ ରଥ
ଓ ଶିଶୁ ଅଭିନେତା ତଥା ରାଷ୍ଟ୍ରୀୟ ବାଳ ପୁରସ୍କାର – ୨୦୧୫ ବିଜେତା ଅନିମେଷ ଘୋଷଙ୍କ ସମେତ ଓଡ଼ିଶାର ଲବ୍ଧ ପ୍ରତିଷ୍ଠିତ ଶତାଧିକ
ଶିଶୁ ପ୍ରତିଭାମାନେ ଅଂଶଗ୍ରହଣ କରି ସଙ୍ଗୀତ, ନୃତ୍ୟ ଓ ଅଭିନୟ ପ୍ରଦର୍ଶନ କରିଥିଲେ ।
ସମ୍ମିଳନୀ ଆରମ୍ଭରେ ‘କାଦମ୍ବିନୀ ପତ୍ରିକା ହାଟ’କୁ ଉଦ୍‍ଘାଟନ କରିଥିଲେ ଅତିଥିଗଣ । ଏହି ‘ପତ୍ରିକା ହାଟ’ରେ ଓଡ଼ିଆ ସମେତ ବିଭିନ୍ନ
ଭାଷାର ପାଞ୍ଚଶହରୁ ଊଦ୍ଧ୍ୱର୍ ପତ୍ରପତ୍ରିକା ଅଂଶଗ୍ରହଣ କରିଥିଲେ । ଦିବସବ୍ୟାପୀ ଅନୁଷ୍ଠିତ ଏହି ସମ୍ମିଳନୀରେ ପାଞ୍ଚହଜାରରୁ ଊଦ୍ଧ୍ୱର୍ ପାଠକ,
ଲେଖକ, ଶିଶୁସାହିତି୍ୟକ, ପ୍ରକାଶକ, ସିନେ କଳାକାର, ସଙ୍ଗୀତଶିଳ୍ପୀ ଓ ସାହିତ୍ୟାନୁରାଗୀ ଯୋଗଦାନ କରିଥିଲେ ।

Share in top social networks!

ଟାଟା ଷ୍ଟିଲ ଭୁବନେଶ୍ୱର ଲିଟେରାରୀ ମିଟ୍ର ପ୍ରଥମ ସଂସ୍କରଣ ଉଦ୍ଘାଟିତ

tatalitfestଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ, ଟାଟା ଷ୍ଟିଲ ଭାରତ ଓ ଦକ୍ଷିଣ-ପୂର୍ବ ଏସିଆର ପରିଚାଳନା ନିଦେ୍ର୍ଧଶକ ଶ୍ରୀ ଟିଭି ନରେନ୍ଦ୍ରନ୍ଙ୍କ ଉପସ୍ଥିିତିରେ ଭୁବନେଶ୍ୱରସ୍ଥିତ ଲଳିତ କଳା ଏକାଡେମୀର ଆଞ୍ଚଳିକ କେନ୍ଦ୍ରରେ ଆଜି ଟାଟା ଷ୍ଟିଲ ଭୁବନେଶ୍ୱର ଲିଟେରାରୀ ମିଟ୍କୁ ଆନୁଷ୍ଠାନିକ ଭାବେ ଉଦ୍ଘାଟନ କରିଛନ୍ତି । ଏହି ଅବସରରେ ପ୍ରତିଷ୍ଠିତ ସାମ୍ବାଦିକ ଶ୍ରୀ ରାଜଦୀପ ସରଦେଶାଇ, ବରିଷ୍ଠ କଂଗ୍ରେସ ନେତା ଶ୍ରୀ ଜୟରାମ ରମେଶ ଓ ସାହିତ୍ୟ ଏବଂ ଗଣମାଧ୍ୟମ କ୍ଷେତ୍ରର ଅନ୍ୟ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ । ଉଦ୍ଘାଟନୀ ସମାରୋହରେ ଶ୍ରୀ ନବୀନ ପଟ୍ଟନାୟକ ଅରବିନ୍ଦ ବେହେରାଙ୍କ ଦ୍ୱାରା ‘ରୋମାନ୍ସ ଅଫ୍ ଟାଟା ଷ୍ଟିଲ’ର ଓଡ଼ିଆ ଅନୁବାଦ ପୁସ୍ତକକୁ ଉନ୍ମୋଚନ କରିଥିଲେ ।

ସାହିତ୍ୟ କ୍ଷେତ୍ରରେ ଟାଟା ଷ୍ଟିଲର ଏହି ପଦକ୍ଷେପକୁ ପ୍ରଶଂସା କରିବା ସହିତ ଶ୍ରୀ ନବୀନ ପଟ୍ଟନାୟକ ଆଞ୍ଚଳିକ ସାହିତ୍ୟର ବିକାଶ ଉପରେ ଗୁରୁତ୍ୱାରୋପ କରିଥିଲେ । ଏହାସହିତ “ସାହିତ୍ୟ ଜୀବନର ଗୁଢତତ୍ତ୍ୱକୁକୁ ପ୍ରକାଶ” କରିଥାଏ ବୋଲି ସେ ମତ ପ୍ରକାଶ କରିଥିଲେ । ବିଭିନ୍ନ ସାହିତି୍ୟକ ଉପନ୍ୟାସ ଓ ଗ୍ରନ୍ଥ ଆଞ୍ଚଳିକ ଭାଷାରେ ଥିବା ସତ୍ତ୍ୱେ ତାହାକୁ ଆବଶ୍ୟକ ଗୁରୁତ୍ୱ ମିଳୁପାରି ନାହିଁ । ସେଥିପାଇଁ ବର୍ତ୍ତମାନ “ଆଞ୍ଚଳିକ ସାହିତ୍ୟ” ର ଉନ୍ନତି ପାଇଁ ଅନୁବାଦ ଉପରେ ଧ୍ୟାନ ଦେବାକୁ ପଡ଼ିବ ବୋଲି ସେ ଏହି ଅବସରରେ କହିଥିଲେ ।

ଏହି ଅବସରରେ ଉଦ୍ବୋଧନ ଦେଇ ଶ୍ରୀ ଟି ଭି ନରେନ୍ଦ୍ରନ୍ କହିଥିଲେ ଯେ, ଓଡ଼ିଆ ସାହିତ୍ୟରେ ଅନେକ ପ୍ରସିଦ୍ଧ ଲେଖକ ଥିବା ସହିତ ଉଚ୍ଚକୋଟୀର ସାହିତି୍ୟକ ସଂକଳନମାନ ରହିଛି । ରାଜ୍ୟର ପୁସ୍ତକ ଓ ସାହିତ୍ୟ ପ୍ରେମୀଙ୍କ ପାଇଁ ଟାଟା ଷ୍ଟିଲ ଭୁବନେଶ୍ୱର ଲିଟେରାରୀ ମିଟ୍ ଏକ ଉପଯୁକ୍ତ ମଞ୍ଚ ଯାହା ମାଧ୍ୟମରେ ସେମାନେ ନିଜ ସାହିତ୍ୟ ପ୍ରେମ ଓ ଭାବର ଆଦାନପ୍ରଦାନ କରିପାରିବେ । ଚଳିତ ବର୍ଷ ଭୁବନେଶ୍ୱର ଲିଟେରାରୀ ମିଟ୍ ଦେଶର ପ୍ରମୁଖ ସାହିତି୍ୟକଙ୍କୁ ଗୋଟିଏ ମଞ୍ଚରେ ଏକତ୍ରିତ କରିପାରିଛି । ଓଡ଼ିଶାର ବିଭିନ୍ନ ପିଢୀ ସହ ସମ୍ପର୍କ ସ୍ଥାପନ ନିମନ୍ତେ ଏହା ଟାଟା ଷ୍ଟିଲ ପାଇଁ ଏକ ସୁଯୋଗ ବୋଲି ସେ ମତବ୍ୟକ୍ତ କରିଥିଲେ ।

ଏହି ଦୁଇ ଦିନିଆ ଲିଟେରାରୀ ମିଟ୍ରେ ଅନେକ ପ୍ରାସଙ୍ଗିକ ବିଷୟବସ୍ତୁ ଉପରେ ଆଲୋଚନା ଓ ବିତର୍କ ଦେଖିବାକୁ ମିଳିବ । ଏହି ଲିଟେରାରୀ ମିଟ୍ରେ ରାଜ୍ୟ ଓ ଦେଶରୁ ବିଭିନ୍ନ ପରିଚିତ ବ୍ୟକ୍ତିତ୍ୱ ଯଥା ଦେବୀଦତ୍ତ ପଟ୍ଟନାୟକ, ଶ୍ରୀ ଦୀନାନାଥ ପାଠୀ, ଶ୍ରୀମତି ନିବେଦିତା ମହାନ୍ତି, ଶ୍ରୀ ସମ୍ପଦ ମହାପାତ୍ର, ଶ୍ରୀ ଅଭିରୁଖ ସେନ୍, ଶ୍ରୀ ଡେରେକ୍ ଓବ୍ରାଏନ୍, ଶ୍ରୀ ସାରନାଥ ବାନାର୍ଜି, ଶ୍ରୀ ନୀଳମାଧବ ପଣ୍ଡା, ପ୍ରଫେସର ସୁଗତୋ ବୋଷ, ଶ୍ରୀ ଅନିରୁଦ୍ଧ ଭଟାଚାର୍ଯ୍ୟ, ଶ୍ରୀ କୁନାଲ ବାଶୁ, ଶ୍ରୀମତି ଜାଜ୍ଞସେନୀ ଚକ୍ରବର୍ତ୍ତୀ, ଶ୍ରୀ ବାଲାଜୀ ଭିତ୍ତଲ, ଶ୍ରୀ ସୁଜିତ ମହାପାତ୍ର, ଡଃ ମିନତୀ ମିଶ୍ର, ଶ୍ରୀ ଅନନ୍ତ ମହାପାତ୍ର, ଶ୍ରୀ ଜତିନ୍ଦ୍ର ନାୟକ ଓ ଶ୍ରୀ ସବ୍ୟସାଚୀ ନାୟକ ପ୍ରମୁଖ ଉପସ୍ଥିତ ରହିବେ ।

ଏଠାରେ ସୂଚନାଯୋଗ୍ୟ ଯେ, ଟାଟା ଷ୍ଟିଲ ଭୁବନେଶ୍ୱର ଲିଟେରାରୀ ମିଟ୍ “ଟାଟା ଷ୍ଟିଲ ଓଡ଼ିଶା ଉତ୍ସବ” ଅନ୍ତର୍ଗତ ଦ୍ୱିତୀୟ କାର୍ଯ୍ୟକ୍ରମ । ଟାଟା ଷ୍ଟିଲ ଏବଂ ଓଡ଼ିଶାର କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରାଳୟ ସହଯୋଗରେ ଭୁବନେଶ୍ୱରସ୍ଥିତ କଳିଙ୍ଗ ଷ୍ଟାଡ଼ିୟମ୍ରେ ଆୟୋଜିତ ହେବାକୁଥିବା ଟାଟା ଷ୍ଟିଲ ଭୁବନେଶ୍ୱର ହାଫ୍ ମାରାଥନ୍ ଏହି ୫ଦିନିଆ ଉତ୍ସବର ଶେଷ କାର୍ଯ୍ୟକ୍ରମ ।

Share in top social networks!

ଶ୍ରୀ ବିଶ୍ୱକେଶ୍ ତ୍ରିପାଠୀଙ୍କ ଐତିହାସିକ ତଥ୍ୟ ସମ୍ବଳିତ ପୁସ୍ତକ “ଖାରବେଳ- ଦ ୱାରିଅର ସିକର” ପୁସ୍ତକ ଉନ୍ମୋଚିତ

kharvelaବିଶିଷ୍ଟ ଲେଖକ ତଥା ଅବସରପ୍ରାପ୍ତ ଆଇପିଏସ୍ ଶ୍ରୀ ବିଶ୍ୱକେଶ ତ୍ରିପାଠୀଙ୍କ ପୁସ୍ତକ “ଖାରବେଳ-ଦ ୱାରିଅର ସିକର” ଆଜି ଭୁବନେଶ୍ୱରସ୍ଥିତ ଭାରତୀୟ ବିଦ୍ୟାଭବନ ଠାରେ ଉନ୍ମୋଚିତ ହୋଇଯାଇଛି ।
ଐତିହାସିକ କିମ୍ବଦନ୍ତୀକୁ ନେଇ ଏହି ପୁସ୍ତକଟି ସୁନାମଧନ୍ୟ ସାହିତି୍ୟକ ପଦ୍ମବିଭୂଷଣ ଡକ୍ଟର ସୀତାକାନ୍ତ ମହାପାତ୍ରଙ୍କ କରକମଳରେ ଉନ୍ମୋଚିତ ହୋଇଯାଇଛି । ଉନ୍ମୋଚନ ଉସôବରେ ଉକôଳ ବିଶ୍ୱବିଦ୍ୟାଳୟ ଇଂରାଜୀ ବିଭାଗ ମୁଖ୍ୟ ହିମାଂଶୁ ମହାପାତ୍ର, ବିଶିଷ୍ଟ ନାଟ୍ୟକାର ଅନନ୍ତ ମହାପାତ୍ର ତଥା ସାହିତ୍ୟ ଜଗତର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।
ଏହି ଐତିହାସିକ ଉପନ୍ୟାସଟି ଐର ରାଜବଂଶର ଶକ୍ତିଶାଳୀ ତଥା ମହାପରାକ୍ରମୀ ସମ୍ରାଟ ଖାରବେଳଙ୍କ ଜୀବନୀ ଉପରେ ଆଧାରିତ ଯିଏକି ଭାରତ ବର୍ଷର ଅର୍ଦ୍ଧାଧିକ ଭାଗରେ ନିଜର ବିଜୟଗାଥା ଉଡାଉଥିଲେ । ବାରବର୍ଷର ତାଙ୍କ ଯୁଦ୍ଧ ଅଭିଜାନରେ ସେ ଅସୀମ ବୀରତ୍ୱ ପ୍ରଦର୍ଶନ କରିଥିଲେ ଏବଂ ଏହି ଅଭିଜାନରେ ସେ କଳିଙ୍ଗ ସମେତ ଅନ୍ୟ ଦେଶମାନଙ୍କୁ ନିଜ ଅକ୍ତିଆରକୁ ଆଣିଥିଲେ । ଦକ୍ଷିଣ ଏବଂ ପଶ୍ଚିମ କଳିଙ୍ଗର ସମସ୍ତ ସାମ୍ରାଜ୍ୟରେ ସେ ବିଜୟଲାଭ କରିଥିଲେ । ସେ ମଗଧକୁ ପରାସ୍ତ କରିଥିଲେ, ଏବଂ ଉତ୍ତର-ପଶ୍ଚିମ ଭାରତରେ ଗ୍ରୀକ୍ର ମୁଖ୍ୟ ସେନାପତି ଡିମେଟ୍ରିୟସ୍ଙ୍କ ରାଜୁତିକୁ ବନ୍ଦ କରି ମଥୁରାରେ ପହଞ୍ଚôଥିଲେ । ଖାରବେଳ ତାଙ୍କୁ ପରାସ୍ତକରି ଗ୍ରୀକ୍କୁ ବିଦାୟ କରିଦେଇଥିଲେ । ମାତ୍ର ୩୪ବର୍ଷ ବୟସରେ ଆକଷ୍ମିକ ଭାବେ ତାଙ୍କର ବିଜୟ ତରବାରୀ ସ୍ଥିର ହୋଇଯାଇଥିଲା ।
ପାଟଳିପୁତ୍ରକୁ ପରାସ୍ତ କରିବା ପରେ, ସମ୍ରାଟ ଖାରବେଳ ମଗଧ ରାଜକୁମାରୀଙ୍କ କକ୍ଷକୁ ପ୍ରବେଶ କରି ତାଙ୍କୁ ବିବାହ କରିବାକୁ ପ୍ରସ୍ତାବ ଦେଇଥିଲେ । ସେହି କକ୍ଷରେ ଏମିତି କିଛି ଘଟଣା ଘଟିଥିଲା ଯାହାପାଇଁ ସେ ଯୁଦ୍ଧ ପରିତ୍ୟାଗ କରିଥିଲେ । ତାପରଠାରୁ ତାଙ୍କ ଜୀବନଶୈଳୀରେ ବ୍ୟାପକ ପରିବର୍ତ୍ତନ ଆସିଥିଲା ଏବଂ ସେ ନୂତନ ଦେବତାଙ୍କୁ ଅନୁସନ୍ଧାନ କରିଥିଲେ ଯିଏକି ଏହି ଯୁଦ୍ଧ ଏବଂ ସମସ୍ତ କଷ୍ଟକୁ ନିବାରଣ କରିପାରିବେ । ଏହାପରେ ଖାରବେଳ ପରାକ୍ରମି ଯୋଦ୍ଧାରୁ ସାଧକ ହୋଇଯାଇଥିଲେ । ତାଙ୍କର ଏହି ମହତ୍ ଅନୁସନ୍ଧାନରେ ତାଙ୍କ ରାଣୀ ରତିକା, ମନ୍ତ୍ରୀ ସୁମିତ୍ର, ବନ୍ଧୁ ତଥା ମାଲବ୍ୟର ରାଜା ଇନ୍ଦ୍ରଦୁ୍ୟମ୍ନ, ଇନ୍ଦ୍ରଦୁ୍ୟମ୍ନଙ୍କ ରାଣୀ ଗୁଣ୍ଡିଚା, ତାଙ୍କ ଉପଦେଷ୍ଠା ବିଦ୍ୟାପତି ଏବଂ ବହୁ ବ୍ୟକ୍ତି ସାହାଯ୍ୟ କରିଥିଲେ । ଖାରବେଳ ଶବର ଜାତିର ଦେବତା ଜଗନ୍ତଙ୍କୁ ପୂଜା କରି ଦେଶର ସମସ୍ତ ଜାତି ଏବଂ ଧର୍ମରେ ଶାନ୍ତି ଆଣିବାନିମନ୍ତେ ପ୍ରଚେଷ୍ଟା କରିଥିଲେ । ଏଥିପାଇଁ ସେ ଶବର ରାଜା ବିଶ୍ୱାବସୁଙ୍କ ସହ ବିଦ୍ୟାପତିଙ୍କ ମାଧ୍ୟମରେ ସମ୍ପର୍କ ସ୍ଥାପନ କରିଥିଲେ ଯିଏକି ବିଶ୍ୱାବସୁଙ୍କ ଝିଅଙ୍କୁ ଭଲ ପାଉଥିଲେ । ଖାରବେଳଙ୍କ ଏ ପ୍ରଚେଷ୍ଠାରେ ବିଶ୍ୱାବସୁ ରାଜି ହୋଇ ସମଗ୍ର ଭାରତୀୟଙ୍କ ଦେବତା ଭାବେ ଜଗନ୍ତଙ୍କୁ ପ୍ରତିଷ୍ଠିତ କରିଥିଲେ ଯାହାକୁ ସମଗ୍ର ଜଗତ ଏବେ ପ୍ରଭୁ ଜଗନ୍ନାଥଙ୍କ ନାମରେ ପୂଜା କରୁଛନ୍ତି ।
ଶ୍ରୀ ବିଶ୍ୱକେଶ୍ ତ୍ରିପାଠୀଙ୍କ ଦ୍ୱାରା ଓଡିଆ ଭାଷାରେ ୬ ଗୋଟି ପୁସ୍ତକ, ୬ ଗୋଟି କ୍ଷୁଦ୍ର କବିତାସଙ୍କଳନ ଏବଂ ଇଂରାଜୀ ଭାଷାରେ କୋଣାର୍କ ଉପରେ ଏକ ଧାରାବାହିକ କବିତା ରଚିତ ହୋଇଥିବାବେଳେ “ଟେରୋରିଜ୍ମ୍ ଆଣ୍ଡ ଇନ୍ସର୍ଜେନ୍ସି ଇନ୍ ଇଣ୍ଡିଆ” ଏବଂ “ମାଇଁ ଲାଇଫ୍ ଆଣ୍ଡ ଟାଇମ୍ସ ଇନ୍ ଆଇପିଏସ୍” ପୁସ୍ତକରେ ନିଜ ପୋଲିସ୍ ଜୀବନର ଅନୁଭୂତିକୁ ବେଶ୍ ସୁନ୍ଦର ଭାବେ ବର୍ଣ୍ଣନା କରିଛନ୍ତି । ଏହି ପୁସ୍ତକଟି ଶ୍ରୀ ତ୍ରିପାଠୀଙ୍କର ଦ୍ୱିତୀୟ ଐତିହାସିକ ଉପନ୍ୟାସ, ଏହା ପୂର୍ବରୁ ସିନ୍ଧୁ ସଭ୍ୟତା ଉପରେ ଆଧାରିତ ଏକ ଐତିହାସିକ ତଥ୍ୟସମ୍ବଳିତ ପୁସ୍ତକ “ଇନ୍ ଦ କ୍ରାଡେଲ୍ସ ଅଫ୍ ସେଭେନ୍ ସିଷ୍ଟର୍ସ” ଉନ୍ମୋଚିତ ହୋଇଯାଇଛି ।kharvela

Share in top social networks!

ଟାଟା ଷ୍ଟିଲ ଓଡ଼ିଶା ଉତ୍ସବ-୨୦୧୬ ପାଇଁ ଟାଟା ଷ୍ଟିଲର ପ୍ରସ୍ତୁତି

tataoduଟାଟା ଷ୍ଟିଲ ପକ୍ଷରୁ ପ୍ରଥମ ଥର ପାଇଁ ଓଡ଼ିଶାର ରାଜଧାନୀ ଭୁବନେଶ୍ୱରରେ ଜାନୁଆରୀ ୫ରୁ ଜାନୁଆରୀ ୧୦,୨୦୧୬ ମଧ୍ୟରେ ଟାଟା ଷ୍ଟିଲ ଓଡ଼ିଶା ଉତ୍ସବ-୨୦୧୬ର ଆୟୋଜନ କରାଯାଉଛି । ଓଡ଼ିଆ କଳା, ସଂସ୍କୃତି, ସାହିତ୍ୟ ଓ କ୍ରୀଡ଼ାର ପାଳନ ଓ ପ୍ରସାର ଲକ୍ଷ୍ୟରେ କମ୍ପାନୀ ପକ୍ଷରୁ ଲଗାତର ୩ଟି ଉତ୍ସବ ଯଥା ଆର୍ଟ-ଇନ୍-ଇଣ୍ଡଷ୍ଟ୍ରି, ଭୁବନେଶ୍ୱର ଲିଟେରାରୀ ମିଟ୍ ଓ ହାଫ୍ ମାରାଥନ୍ର ଆୟୋଜନ କରାଯାଉଛି ।

ଭୁବନେଶ୍ୱରସ୍ଥିତ ଲଳିତ କଳା ଏକାଡେମୀରେ ଜାନୁଆରୀ ୫ରୁ ୭ ମଧ୍ୟରେ ଆୟୋଜିତ ହେବାକୁ ଥିବା ଆର୍ଟ-ଇନ୍-ଇଣ୍ଡଷ୍ଟ୍ରି ଶିବିରରେ ଶ୍ରୀ ଜତିନ ଦାସ ଓ ଶ୍ରୀ ବିନୋଦ ଶର୍ମାଙ୍କ ଭଳି ଖ୍ୟାତିସମ୍ପନ୍ନ ଚିତ୍ରକାର ଅନ୍ୟ ପ୍ରତିଯୋଗୀଙ୍କ ସହିତ ଏହି କାର୍ଯ୍ୟକ୍ରମରେ ଯୋଗଦେବା ସହ ଚିତ୍ର ଓ ରେଖାଚିତ୍ର ଆଙ୍କିବାର କାର୍ଯ୍ୟକ୍ରମ ରହିଛି । ଓଡ଼ିଶାର ୧୪ଜଣ ବିଶିଷ୍ଟ ଚିତ୍ରକାର ଏହି ୩ଦିନିଆ ଶିବିରରେ ନିଜ ପ୍ରତିଭାର ପ୍ରଦର୍ଶନ କରିବେ । ଚିତ୍ରାଙ୍କନ ଛାତ୍ରଛାତ୍ରୀଙ୍କ ପାଇଁ କର୍ମଶାଳା ଓ ବିଭିନ୍ନ ଖ୍ୟାତିସମ୍ପନ୍ନ ଚିତ୍ରକାରଙ୍କ ସହ ସେମାନଙ୍କ ଆଲୋଚନା ଏହି ଶିବିରର ମୁଖ୍ୟ ଆକର୍ଷଣ । ଟାଟା ଷ୍ଟିଲ ଆନ୍ତଃ ବିଦ୍ୟାଳୟ ଚିତ୍ରାଙ୍କନ ପ୍ରତିଯୋଗିତା ମାଧ୍ୟମରେ ଓଡ଼ିଶାର ବିଭିନ୍ନ ସ୍ଥାନରୁ ଚୟନ ହୋଇଥିବା ପ୍ରତିଯୋଗୀମାନଙ୍କୁ ସମ୍ମାନ ସ୍ୱରୁପ ଏହି ଶିବିରରେ ଆମନ୍ତ୍ରଣ କରାଯିବା ସହ ଅଂଶଗ୍ରହଣ କରିବା ସହ ନାମୀଦାମୀ ଚିିତ୍ରକାରଙ୍କଠାରୁ ଶିକ୍ଷା ଗ୍ରହଣ ସହ ନିଜ ପ୍ରତିଭାର ପ୍ରଦର୍ଶନ ମଧ୍ୟ କରିପାରିବେ ।

ସେହିପରି ଜାନୁଆରୀ ୯ରୁ ୧୦ ମଧ୍ୟରେ ଲଳିତ କଳା ଏକାଡେମୀରେ ଟାଟା ଷ୍ଟିଲ ଭୁବନେଶ୍ୱର ଲିଟେରାରୀ ମିଟ୍ର ଆୟୋଜନ କରାଯିବ । ଏଥିରେ ଶ୍ରୀ ଜୟରାମ ରମେଶ, ଶ୍ରୀ ଦେବୀଦତ ପଟ୍ଟନାୟକ, ପ୍ରଫେସର ସୁଗତୋ ବୋଷ, ଶ୍ରୀ ରାଜଦୀପ ସରଦେଶାଇ ଭଳି ସାହିତ୍ୟ ଜଗତର ପ୍ରତିଷ୍ଠିତ ବ୍ୟକ୍ତି, ଚିନ୍ତକ ଓ ମତ ସୃଷ୍ଟିକାରୀମାନଙ୍କୁ ଏକତ୍ରିତ କରିବ । ଏହି କାର୍ଯ୍ୟକ୍ରମରେ ପୁସ୍ତକ ଉନ୍ମୋଚନ, ପୁସ୍ତକ ପଠନ, ଆଲୋଚନା ଓ ବିତର୍କ ହେବାର କାର୍ଯ୍ୟକ୍ରମ ରହିଛି ।

ଟାଟା ଷ୍ଟିଲ ପକ୍ଷରୁ ଜାନୁଆରୀ ୧୦ତାରିଖ ଦିନ ଟାଟା ଷ୍ଟିଲ ଭୁବନେଶ୍ୱରର ହାଫ୍ ମାରାଥନ୍ର ଆୟୋଜନ କରାଯାଉଛି । ଓଡ଼ିଶା ସରକାରଙ୍କ କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରାଳୟ ସହଯୋଗରେ ଆୟୋଜିତ ହେବାକୁଥିବା ଏହି ପ୍ରତିଯୋଗିତା ପ୍ରତିବର୍ଷ ହେବାର ପ୍ରସ୍ତାବ ରହିଛି । ୨୧.୧ କିଲୋମିଟର ହାଫ୍ ମାରାଥନ୍ ବ୍ୟତୀତ ଅନୁଷ୍ଠାନ, କଲେଜ ଓ କର୍ପୋରେଟ୍ ସଂସ୍ଥା ପାଇଁ ୧୦ କିଲୋମିଟର ଓ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଛାତ୍ରଛାତ୍ରୀଙ୍କ ପାଇଁ ୫ କିଲୋମିଟର ଦୂରତାର ଦୌଡ଼ ପ୍ରତିଯୋଗିତାର ଆୟୋଜନ କରାଯିବ । ବିଭିନ୍ନ ବିଭାଗରେ ବିଜେତାମାନଙ୍କୁ ମୋଟ ୯ ଲକ୍ଷ ୧୪,୦୦୦ ଟଙ୍କାର ପୁରସ୍କାର ରାଶି ପ୍ରଦାନ କରାଯିବ । ୩ଟି ବିଭାଗରେ ପୁରସ୍କାର ପ୍ରଦାନ କରାଯାଉଥିବାବେଳେ ଉଭୟ ଓ ପୁରୁଷ ମହିଳା ବିଭାଗର ୨୧.୧ କିଲୋମିଟର ଦୌଡ଼ର ଚମ୍ପିୟାନ୍ମାନଙ୍କୁ ସର୍ବାଧିକ ୧,୦୦,୦୦୦ ଟଙ୍କା ଲେଖାଏଁ ପୁରସ୍କାର ପ୍ରଦାନ କରାଯିବ । ପ୍ରତିଯୋଗୀମାନେ ଙ୍ଗଙ୍ଗଙ୍ଗ.ଗ୍ଧଗ୍ଦଭଭଗ୍ଦକ୍ସକ୍ସଙ୍କଦ୍ଭ.ମକ୍ଟଜ୍ଞ ୱେବ୍ସାଇଟ୍ରେ କିମ୍ବା ବ୍ୟକ୍ତିଗତ ଭାବେ କଳିଙ୍ଗ ଷ୍ଟାଡ଼ିୟମ୍ରେ ନିଜ ନାମ ପଞ୍ଜୀକରଣ କରିପାରିବେ ।

ଏହି ଅବସରରେ ଉଦ୍ବୋଧନ ଦେଇ ଟାଟା ଷ୍ଟିଲ ଭୁବନେଶ୍ୱରର ମୁଖ୍ୟ ଆବାସିକ କାର୍ଯ୍ୟନିର୍ବାହୀ ଶ୍ରୀ ମଣିକାନ୍ତ ନାୟକ କହିଥିଲେ ଯେ, ସମାଜରେ କଳା ଓ ସଂସ୍କୃତିର ପ୍ରସାର ପାଇଁ ନାଗରିକଙ୍କୁ ଉତ୍ସାହିତ ଓ ସହଯୋଗ କରିବା ଲକ୍ଷ୍ୟରେ କମ୍ପାନୀ କର୍ପୋରେଟ୍ ଦର୍ଶନର ଅଂଶବିଶେଷ ଭାବେ ଟାଟା ଷ୍ଟିଲ ଏହି ୨ଟି କାର୍ଯ୍ୟକ୍ରମ ସହ ସଂଶ୍ଲିଷ୍ଟ ହୋଇଛି । ଓଡ଼ିଶା ସହିତ ଦୀର୍ଘଦିନର ସମ୍ପର୍କରେ ଟାଟା ଷ୍ଟିଲ, ରାଜ୍ୟର ଶିକ୍ଷା, ସ୍ୱାସ୍ଥ୍ୟ, ଜୀବନଜୀବିକା, ଦକ୍ଷତା ବିକାଶ, ଗ୍ରାମୀଣ ଭିତିିଭୂମି, କଳା ଓ କ୍ରୀଡ଼ା ଭଳି କ୍ଷେତ୍ରରେ ଓ ସମାଜର ଅନ୍ତର୍ଭୁକ୍ତକାରୀ ବିକାଶ ପାଇଁ ଯୋଗଦାନ କରିଆସିଛି ଏବଂ ଟାଟା ଷ୍ଟିଲ ଓଡ଼ିଶା ଉତ୍ସବ-୨୦୧୬ ଏହି ଦିଗରେ ଆଉ ଏକ ପଦକ୍ଷେପ ।

ଓଡ଼ିଶାର ଉଚ୍ଚମାନର ସାଂସ୍କୃତିକ ଐତିହ୍ୟ ରହିଛି, ଏହାକୁ ନେଇ ଏହାର ଅଧିବାସୀ ଗର୍ବ କରନ୍ତି ଏବଂ ବର୍ଷ ବର୍ଷ ଧରି ଏହାର ସଂରକ୍ଷଣ କରିଆସିଛନ୍ତି ବୋଲି ଟାଟା ଷ୍ଟିଲ ଭାରତ ଓ ଦକ୍ଷିଣ-ପୂର୍ବ ଏସିଆର କର୍ପୋରେଟ୍ କମୁ୍ୟନିକେସନ୍ ବିଭାଗ ଚିଫ୍ ଶ୍ରୀ କୁଲଭିନ୍ ସୁରୀ ଏହି ଅବସରରେ କହିଥିଲେ । ଏହା ସହିତ ଟାଟା ଷ୍ଟିଲ କଳା ଓ ସଂସ୍କୃତିର ବିକାଶ ପାଇଁ ସର୍ବଦା ପଦକ୍ଷେପମାନ ନେଇଆସିଛି, ଯେହେତୁ ସାମାଜିକ ବିକାଶର ଏହା ଏକ ମୁଖ୍ୟ ଉପାଦାନ । ଏହି କ୍ଷେତ୍ରରେ ଓଡ଼ିଶାରେ ମଧ୍ୟ କମ୍ପାନୀର ଉଦ୍ୟମ ଜାରି ରହିଛି ବୋଲି ସେ ମତ ପ୍ରକାଶ କରିଥିଲେ ।

Share in top social networks!

ଶତାବ୍ଦୀର ସ୍ୱପ୍ନାଙ୍କନ: ସମୃଦ୍ଧଭାଷା ଶକ୍ତିଶାଳୀ ଓଡିଶା

ଓଡିଶା ସରକାରି ଭାଷା ଅଧିନିୟମ୧୯୫୪ର ବିଧିବଦ୍ଧ କାର୍ଯ୍ୟକାରିତା ଓ ଓଡିଆଭାଷାରେ ଓଡିଶା ଶାସନର ପ୍ରୟୋଗାତ୍ମକ ମୂଲ୍ୟବୋଧ ପ୍ରତିଷ୍ଠା ନିମନ୍ତେ ଓଡିଶା ସରକାର ଓ ଓଡିଆ ଭାଷା ସଂଗ୍ରାମ ସମିତିର ସମ୍ପାଦିତ ଚୁକ୍ତି ଅନୁଯାୟୀ ଗଠିତ ମନ୍ତ୍ରୀସ୍ତରୀୟ କମିଟିର ନିଷ୍ପତ୍ତି ମୁଖ୍ୟମନ୍ତ୍ରୀଙ୍କ ଅନୁମୋଦନ ଲାଭ କରିବା ସହିତ କାର୍ଯ୍ୟନିର୍ବାହୀ ନିଦେ୍ର୍ଧଶନାମା ପ୍ରଣୟନ କରାଯାଇଥିବାରୁ ଓଡିଆ ଭାଷା ସଂଗ୍ରାମ ସମିତି ଓଡିଶା ସରକାର ଓ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଅଭିବାଦନ ଓ କୃତଜ୍ଞତା ଜଣାଉଛି । ସମଗ୍ର ପୃଥିବୀର ପ୍ରଥମ ଭୂଖଣ୍ଡ ଓ ଭାରତବର୍ଷର ଭାଷାଭିତ୍ତିକ ସର୍ବପ୍ରଥମ ରାଜ୍ୟର ମାନ୍ୟତା ଲାଭ କରିଥିବା ଓଡିଶାର ଭାଷା ଏବେ ମହାଭାରତୀୟ ଶାସ୍ତ୍ରୀୟ ମର୍ଯ୍ୟାଦାର ମହିମା ବିମଣ୍ଡିତ ହୋଇସାରିଥିବାବେଳେ ଓଡିଶାର ଶାସନ, ପ୍ରଶାସନ, ଗଣମାଧ୍ୟମ, ସର୍ବସାଧାରଣ ଓ ବ୍ୟକ୍ତିଜୀବନରେ ଭାଷାର ପ୍ରୟୋଗାତ୍ମକ ମୂଲ୍ୟବୋଧ ଏକାନ୍ତ ଜରୁରୀ । ଓଡିଆଭାଷାକୁ ଜ୍ଞାନବିଜ୍ଞାନ ଓ ରୋଜଗାରର ଭାଷାରେ ପରିଣତ କରିବାପାଇଁ ଓଡିଆଭାଷା ସଂଗ୍ରାମ ସମିତିର ଦାବିକୁ ଓଡିଶା ସରକାର ନିସର୍ତ୍ତରେ ଗ୍ରହଣ କରିଥିବାବେଳେ ଓଡିଆ ଭାଷାର ସାର୍ବଜନୀନ ପ୍ରୟୋଗପାଇଁ ମନ୍ତ୍ରୀସ୍ତରୀୟ କମିଟିର ଉଦ୍ୟମ ଅବ୍ୟାହତ ରହିଛି । ଇତ୍ୟବସରରେ ଓଡିଶା ସରକାର ଆଉପାଦେ ଆଗକୁ ଯାଇ ସ୍ୱତନ୍ତ୍ର ପ୍ରଦେଶ ଗଠନର ୧୯୩୬ ଆଧାରରେ ଓଡିଶାଅ୧୦୦ “ଶତାବ୍ଦୀର ଓଡିଶା” ଭାଷା, ସଂସ୍କୃତି ଓ ସାମଗ୍ରିକ ସମୃଦ୍ଧିର ବିକଶିତ ନକ୍ସାଙ୍କନ ଏକ ଉଲ୍ଲେଖନୀୟ ପଦକ୍ଷେପ । ଭାଷା ହେଉଛି ଗୋଟିଏ ଜାତିର ପ୍ରାଣସ୍ପନ୍ଦନ । ଭାଷାର ବିକାଶ ନ ହେଲେ ଯେକୌଣସି ଜାତିର ସାମଗ୍ରିକ ବିକାଶ ସମ୍ଭବପର ନୁହେଁ । ସ୍ୱତନ୍ତ୍ର ଭାଷାଭିତ୍ତିକ ପ୍ରଦେଶ ଗଠନର ଅଶୀ ବର୍ଷ ଓ ଓଡିଆଭାଷା ସରକାରୀ ଅଧିନିୟମ୧୯୫୪ ଷାଠିଏ ବର୍ଷ ପରେ ଭାଷା ଆଧାରରେ ଓଡିଶା ସରକାରଙ୍କ ଶତାବ୍ଦୀ-ଓଡିଶାର ସାମଗ୍ରିକ ବିକାଶର ସ୍ୱପ୍ନଲେଖ ଓଡିଶାର ପ୍ରମୁଖ ପୁନର୍ଜାଗରଣର ପର୍ବ ଭାବରେ ଇତିହାସରେ ଲିପିବଦ୍ଧ ହୋଇ ରହିବ । ଓଡିଆଭାଷାରେ ଓଡିଆ ଶାସନର ଏହି ସୁମହତ ଆନେ୍ଦାଳନକୁ ଶକ୍ତିଶାଳୀ ଓ କ୍ରିୟାଶୀଳ କରିବାପାଇଁ ସରକାରି, ବେସରକାରି ଓ ବ୍ୟକ୍ତିଗତ ସ୍ତରରେ ଓଡିଶାର ପ୍ରତ୍ୟେକ ଓଡିଆ ଉଦ୍ୟମ ଅବ୍ୟାହତ ରଖିବା ନିମନ୍ତେ ଓଡିଆ ଭାଷା ସଂଗ୍ରାମ ସମିତିର ସାନୁନୟ ଅନୁରୋଧ ।

Share in top social networks!

ଓଡ଼ିଆ ମୁକ୍ତ ବିଶ୍ୱବିଦ୍ୟାଳୟ ପ୍ରତିଷ୍ଠା ହେବ: ଓଡ଼ିଆ ଭାଷାକୁ ସବୁସ୍ତରରେ ପ୍ରଚଳିତ କରିବା ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ

cmreviewodiaଓଡ଼ିଶା ସରକାରୀ ଭାଷା ଆଇନ ୧୯୫୪କୁ ସରକାରୀ ଓ ବେସରକାରୀ ସ୍ତରରେ କାର୍ଯ୍ୟକାରୀ କରିବା ପାଇଁ ଏକ ବୈଠକ ଆଜି ସଚିବାଳୟଠାରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥ#ଲାା ଓଡ଼ିଆ ଭାଷାକୁ ବିଭିନ୍ନ ସ୍ତରରେ ବ୍ୟାପକ ବ୍ୟବହାରକୁ ଉତ୍ସାହିତ କରିବା ପାଇଁ ଓଡ଼ିଆ ଭାଷା ଡଟ୍ ଗଭ୍ ଡଟ୍ ଇନ୍ ନାମରେ ଏକ େଓ୍ୱବ୍ସାଇଟ୍ ଆରମ୍ଭ କରାଯାଇଛିା ଏଥ#ରେ ଓଡ଼ିଆ ଭାଷା ଓ ସାହିତ୍ୟ ସଂପର୍କରେ ଅନେକ ତଥ୍ୟ ସନ୍ନିବେଶିତ ହୋଇଛିା ଏଠାରେ ସୂଚନାଯୋଗ୍ୟ ଯେ ଏ ସଂପର୍କରେ ଅନୁଧ୍ୟାନ କରି ରିପୋର୍ଟ ଦେବା ପାଇଁ ଗତ ଜୁଳାଇ ମାସରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ଶ୍ରୀ ଦେବୀ ପ୍ରସାଦ ମିଶ୍ରଙ୍କ ଅଧ୍ୟକ୍ଷତାରେ ମୁଖ୍ୟମନ୍ତ୍ରୀ ଏକ କମିଟି ଗଠନ କରିଥ#ଲୋ ପୂର୍ବରୁ ଏହି କମିଟିର ବୈଠକ ତିନି ଥର ଅନୁଷ୍ଠିତ ହୋଇଯାଇଛିା ଏହି କମିଟିରେ ସଂସଦୀୟ ବ୍ୟାପାର ମନ୍ତ୍ରୀ ଶ୍ରୀ ବିକ୍ରମ କେଶରୀ ଆରୁଖ, ସ୍ୱାସ୍ଥ୍ୟ ଏବଂ ସୂଚନା ଓ ଲୋକସଂପର୍କ ମନ୍ତ୍ରୀ ଶ୍ରୀ ଅତନୁ ସବ୍ୟସାଚୀ ନାୟକ, ପଞ୍ଚାୟତିରାଜ ଓ ଆଇନ ମନ୍ତ୍ରୀ ଡ. ଅରୁଣ କୁମାର ସାହୁ ଏବଂ ଶକ୍ତି ମନ୍ତ୍ରୀ ଶ୍ରୀ ପ୍ରଣବ ପ୍ରକାଶ ଦାସ ସଦସ୍ୟ ଅଛନ୍ତିା ବୈଠକରେ ମନ୍ତ୍ରୀସ୍ତରୀୟ କମିଟି ସଦସ୍ୟମାନଙ୍କ ସମେତ ମୁଖ୍ୟ ଶାସନ ସଚିବ, ଉନ୍ନୟନ କମିଶନର, ମୁଖ୍ୟମନ୍ତ୍ରୀଙ୍କ ଅତିରିକ୍ତ ମୁଖ୍ୟ ସଚିବ, ଉଚ୍ଚଶିକ୍ଷା ଓ ସୂଚନା ପ୍ରଯୁକ୍ତି ବିଦ୍ୟା ବିଭାଗର ପ୍ରମୁଖ ସଚିବ ଦ୍ୱୟ ଓ ସଂସ୍କୃତି ସଚିବ ପ୍ରମୁଖ ଉପସ୍ଥିତ ଥ#ଲୋ
ଏ ସଂପର୍କରେ ଆଜି ଅପରାହ୍ନରେ ଭାଷା ଅଧ#ନିୟମ କମିିଟିର ଅଧ୍ୟକ୍ଷ ତଥା ଶିଳ୍ପ, ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଶ୍ରୀ ଦେବୀ ପ୍ରସାଦ ମିଶ୍ର ଉପସ୍ଥିତ ଗଣମାଧ୍ୟମ ପ୍ରତିନିଧ#ମାନଙ୍କୁ ସୂଚନା ଦେଇ କହିଲେ ଯେ ଜାନୁଆରୀ ମାସ ପ୍ରଥମ ସପ୍ତାହରେ ଭାଷା କମିଟିର ପରବର୍ତ୍ତୀ ବୈଠକ ବସି ଏହାର କାର୍ଯ୍ୟକାରିତା ଓ ଅନ୍ୟାନ୍ୟ ଦିଗ ଉପରେ ଆଲୋଚନା କରିବୋ ଉପରୋକ୍ତ ନିଷ୍ପତ୍ତିଗୁଡିକର କାର୍ଯ୍ୟକାରିତା ସଂପର୍କରେ ମୁଖ୍ୟମନ୍ତ୍ରୀ ପ୍ରତି ତିନିମାସରେ ସମୀକ୍ଷା କରିବୋ
ବୈଠକରେ ଗୃହୀତ ନିଷ୍ପତ୍ତି ଅନୁଯାୟୀ ରାଜ୍ୟର ବିଭିନ୍ନ ବିଦ୍ୟାଳୟ, ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟଗୁଡିକରେ ଖାଲି ଥ#ବା ଓଡ଼ିଆ ଶିକ୍ଷକ/ଅଧ୍ୟାପକ ପଦବୀ ପୂରଣ ପାଇଁ ତ୍ୱରିତ ପଦକ୍ଷେପ ନିଆଯିବା ଓଡ଼ିଆ ମୁକ୍ତ ବିଶ୍ୱବିଦ୍ୟାଳୟ ପ୍ରତିଷ୍ଠା କରାଯିବା ଦିଲ୍ଲୀ ବିଶ୍ୱବିଦ୍ୟାଳୟ ଓ ବନାରସ ହିନ୍ଦୁ ବିଶ୍ୱବିଦ୍ୟାଳୟ ପରି ବିଖ୍ୟାତ ଶିକ୍ଷାନୁଷ୍ଠାନମାନଙ୍କରେ ଓଡ଼ିଆ ଭାଷାରେ ଉଚ୍ଚ ଗବେଷଣା ପାଇଁ ଚେୟାର ପ୍ରତିଷ୍ଠା କରାଯିବା ସୂଚନାଯୋଗ୍ୟ ଯେ ପୂର୍ବରୁ ଦିଲ୍ଲୀ ଜବାହାରଲାଲ ବିଶ୍ୱବିଦ୍ୟାଳୟରେ ଏକ ଚେୟାର ପ୍ରତିଷ୍ଠା ପାଇଁ ସରକାରୀ ନିଷ୍ପତ୍ତି ନେଇସାରିଛନ୍ତିା ସମସ୍ତ ସରକାରୀ ବିଜ୍ଞାପନ, ନିମନ୍ତ୍ରଣପତ୍ର ଓ ନାମଫଳକକୁ ଓଡ଼ିଆ ଭାଷାରେ ହିଁ କରାଯିବା ରାଜ୍ୟରେ ଥ#ବା ବିଭିନ୍ନ ବ୍ୟବସାୟିକ ପ୍ରତିଷ୍ଠାନଗୁଡିକର ଫଳକ ମଧ୍ୟ ଅନୁରୂପ ଭାବରେ ଓଡ଼ିଆ ଭାଷାରେ କରିବା ପାଇଁ କଡା ପଦକ୍ଷେପ ନିଆଯିବା ପ୍ରତିବର୍ଷ ଅପ୍ରେଲ ମାସରେ ଓଡ଼ିଆ ଭାଷା ସପ୍ତାହ ପାଳନ କରାଯିବା ଏଥ#ପାଇଁ ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତା ଆୟୋଜନ କରାଯିବା
ଜନସାଧାରଣଙ୍କ ପାଇଁ ଉପଯୋଗୀ ସମସ୍ତ ସରକାରୀ ନିର୍ଦ୍ଦେଶାବଳୀକୁ ଓଡ଼ିଆ ଭାଷାରେ ପ୍ରସ୍ତୁତ କରାଯିବ ଓ ଏହା େଓ୍ୱବ୍ସାଇଟ୍ରେ ମଧ୍ୟ ଉପଲବ୍ଧ ହେବା ଲୋକସେବା ଅଧ#କାର ଆଇନର ନିୟମାବଳୀକୁ ଓଡ଼ିଆରେ ପ୍ରସ୍ତୁତ କରି ଏଥ#ରେ ସ୍ଥାନିତ କରାଯିବା ଓଡ଼ିଆ ଭାଷାରେ ଉଚ୍ଚତର ଗବେଷଣା ଓ ଉଚ୍ଚଶିକ୍ଷାକୁ ପ୍ରୋତ୍ସାହିତ କରିବା ପାଇଁ ସ୍ୱତନ୍ତ୍ର ବୃତ୍ତି ପ୍ରଦାନ କରାଯିବା ଓଡ଼ିଆ ଭାଷାରେ ଥ#ବା ଭଲ ଭଲ ପୁସ୍ତକକୁ ଡିଜିଟାଲାଇଜ୍ କରାଯାଇ ସଂରକ୍ଷିତ ରଖାଯିବା ଅନ୍ୟ ରାଜ୍ୟମାନଙ୍କରେ ସେମାନଙ୍କ ଭାଷାର ବିକାଶ ପାଇଁ ଗ୍ରହଣ କରିଥ#ବା ପଦକ୍ଷେପଗୁଡିକୁ ଅନୁଧ୍ୟାନ କରାଯାଇ ଆମ ରାଜ୍ୟରେ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବା ଉଚ୍ଚ ବିଦ୍ୟାଳୟ, ମହାବିଦ୍ୟାଳୟ ଏବଂ ବିଶ୍ୱସ୍ତରରେ ଓଡ଼ିଶାର ସ୍ୱନାମଧନ୍ୟ ସାହିତି୍ୟକମାନଙ୍କ ନାମରେ ଉଚ୍ଚସ୍ତରୀୟ ତର୍କ ପ୍ରତିଯୋଗିତା କରାଇ ରାଜ୍ୟସ୍ତରୀୟ ପ୍ରତିଭା ଚିହ୍ନଟ କରାଯିବା
ଓଡ଼ିଆ ଭାଷା ବିଷୟ ନଥ#ବା ବିଶ୍ୱବିଦ୍ୟାଳୟଗୁଡିକରେ ଓଡ଼ିଆ ଭାଷାରେ ସ୍ନାତକୋତ୍ତର ଶିକ୍ଷା ଏବଂ ଉଚ୍ଚତର ଗବେଷଣା ସୁଯୋଗ ସୃଷ୍ଟି କରାଯିବା ଓଡ଼ିଆ ପ୍ରଶାସନିକ ଶବ୍ଦକୋଷରେ ଥ#ବା ସରକାରୀ/ବିଭାଗୀୟ/ବୈଷୟିକ ଶବ୍ଦଗୁଡିକର ତର୍ଜମା କରାଯାଇ ତାହାର ସରଳୀକରଣ ତଥା ସାଧାରଣ ବ୍ୟବହାର ଉପଯୋଗୀ କରାଯିବା ସହଜ ବ୍ୟବହାର ଉପଯୋଗୀ ଇଂରାଜୀ-ଓଡ଼ିଆ ଭାଷାନ୍ତର ଏବଂ ଅନୁବାଦ ସୁବିଧା ଥ#ବା କମ୍ପୁ୍ୟଟର କି-ବୋର୍ଡର ପ୍ରଚଳନ କରାଯିବା ଓଡ଼ିଆ ଭାଷାର ଉନ୍ନତିକରଣ ପାଇଁ ପ୍ରଯୁକ୍ତି ଦକ୍ଷତା ଥ#ବା ଓଡ଼ିଆମାନଙ୍କ ସହିତ ଅନ୍ଲାଇନ୍-ସହଭାଗିତା ବୃଦ୍ଧି କରାଯିବା
ଉପରୋକ୍ତ ନିଷ୍ପତ୍ତିଗୁଡିକର କାର୍ଯ୍ୟକାରିତା ସଂପର୍କରେ ମୁଖ୍ୟମନ୍ତ୍ରୀ ପ୍ରତି ତିନିମାସରେ ସମୀକ୍ଷା କରିବୋ ଏହି ଅବସରରେ ସାଧାରଣ ପ୍ରଶାସନ ବିଭାଗର ପ୍ରମୁଖ ସଚିବ ଶ୍ରୀ ଜି.ଭି.ଜି ଶର୍ମା ଉପସ୍ଥିତ ଥ#ଲୋ

Share in top social networks!

ସାହିତି୍ୟକମାନେ ଅବ୍ୟବସ୍ଥା ବିରୋଧରେ ସ୍ୱର ଉତ୍ତୋଳନ କରିବା ଜରୁରୀ

ଅସହିଷ୍ଣୁତା ତଥା ଭାବପ୍ରବଣର ସ୍ୱାଧୀନତା ବିପନ୍ନ ହେବା କାରଣ ଦର୍ଶାଇ ସାହିତି୍ୟକମାନେ ପୁରସ୍କାର ଫେରାଇଦେବା ଏକ ପ୍ରତୀକଧର୍ମୀ ପ୍ରତିବାଦା କିନ୍ତୁ
ଜଣେ ଲେଖକ ତା’ର ଲେଖନୀ ବଳରେ ଯଥାର୍ଥ ମତ ପ୍ରଦାନ କରି ପ୍ରତିବାଦୀ ହୋଇପାରିବା ତେଣୁ ସାହିତି୍ୟକମାନେ ନିଜ ଲେଖା ମାଧ୍ୟମରେ ଅବ୍ୟବସ୍ଥା ଓ
ଅବିଗୁଣ ବିରୋଧରେ ସ୍ୱର ଉତ୍ତୋଳନ କରିବା ଉଚିତ ବୋଲି ଏଠାରେ ବକ୍ତାମାନେ ଉଲ୍ଲେଖ କରିଛନ୍ତିା

ସ୍ଥାନୀୟ କୃଷକ ସମାଜରେ ଅନୁଷ୍ଠିତ ଭୁବନେଶ୍ୱର ସାହିତ୍ୟ ସମାଜର ମାସିକ ଅଧ#ବେଶନରେ ହିଂସା ଓ ଅସହିଷ୍ଣୁତା ବିରୋଧରେ ସାହିତି୍ୟକ ଓ ବୁଦ୍ଧିଜୀବୀମାନଙ୍କର ପୁରସ୍କାର ଫେରସ୍ତ ପ୍ରସଙ୍ଗ ଅଲୋଚିତ ହୋଇଥ#ଲାା ଡ. ଦିନନାଥ ପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ଆଡଭୋକେଟ୍ ଗୁରୁ ମହାନ୍ତି, ଡ. ବିଜୟ କୁମାର ମହାନ୍ତି, ଡ. ସୁଧୀର କୁମାର ସାହୁ, କବି ରକ୍ଷକ ନାୟକ, ଅନୁବାଦକ ଓ ସଂଗଠକ ସୌମେନ୍ଦ୍ର ଜେନା, ମନମୋହନ ମିଶ୍ର ଓ ଚକ୍ରଧର ଦାସ ପ୍ରମୁଖ ମତାମତ ରଖ#ଥ#ବା ବେଳେ ବିଶିଷ୍ଟ କବି ସୂର୍ଯ୍ୟ ମିଶ୍ର ପ୍ରସଙ୍ଗକୁ ନେଇ ପ୍ରାରମ୍ଭିକ ମନ୍ତବ୍ୟ ଦେଇଥ#ଲୋ

ପବିତ୍ର ମୋହନ କର ଓ ପ୍ରଣବ ମିଶ୍ରଙ୍କ ସଂଯୋଜନାରେ ଅନୁଷ୍ଠିତ କବିତା ପାଠୋତ୍ସବରେ କୀର୍ତ୍ତିମୟୀ ମହାନ୍ତି, ସୁଧା ପଟ୍ଟନାୟକ, ଭଗବାନ ବିଶ୍ୱାଳ, କୃଷ୍ଣଚନ୍ଦ୍ର
ସୁଆର, ମନିକା ମହାପାତ୍ର, ଡ. ଅଭୟ ନାରାୟଣ ନାୟକ, ମଂଜୁଲତା ମହାନ୍ତି, ଉଦୟନାଥ ତ୍ରିପାଠୀ, ବଂଶୀଧର ସେଠୀ, ନିରାକାର ମହାଳିକ, ଆହ୍ଲାଦିନୀ,
ଗୋପାଳକୃଷ୍ଣ ଶ୍ରୀଚନ୍ଦନ, ଭିକାରୀ ଧଳ, ଭାଗିରଥୀ ସେଠୀ, ଦିଲ୍ଲୀପ କୁମାର ତ୍ରିପାଠୀ, ଲଡୁ କିଶୋର ପଢିହାରୀ, ସବିତା ଶତପଥୀ, ରୋହିତ କୁମାର ପ୍ରମୁଖ
ସ୍ୱରଚିତ କବିତା ପାଠ କରିଥ#ଲୋ ଅନୁଷ୍ଠାନର ସଂପାଦିକା ମୀନତି ଦାଶ(ମାନୀ) ଶେଷରେ ଧନ୍ୟବାଦ ଅର୍ପଣ କରିଥ#ଲୋ

Share in top social networks!