ଆସନ୍ତା ୧୪ରୁ ତିନିଦିନ ବ୍ୟାପୀ ସଂସ୍କୃତି ବିଭାଗ ପକ୍ଷରୁ ରାଜ୍ୟସ୍ତରୀୟ ଓଡ଼ିଆ ନବବର୍ଷ ମହୋତ୍ସବ

ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ରାଜ୍ୟସ୍ତରୀୟ ଓଡ଼ିଆ ନବବର୍ଷ ମହୋତ୍ସବ ଚଳିତ
ମାସ ୧୪ରୁ ୧୬ ତାରିଖ ପର୍ଯ୍ୟନ୍ତ ଭୁବନେଶ୍ୱରର ଉତ୍କଳ ମଣ୍ଡପଠାରେ ଆୟୋଜିତ ହେଉଛିା ଓଡ଼ିଶା ସଙ୍ଗୀତ ନାଟକ
ଏକାଡେମୀ, ଓଡ଼ିଶା ସାହିତ୍ୟ ଏକାଡେମୀ, ଓଡ଼ିଶା ଲଳିତ କଳା ଏକାଡେମୀ, ଓଡ଼ିଆ ଭାଷା ପ୍ରତିଷ୍ଠାନ, ରାଜ୍ୟ
ସଂଗ୍ରହାଳୟ ଓ ରାଜ୍ୟ ଅଭିଲେଖାଗାରଙ୍କ ମିଳିତ ସହଯୋଗରେ ଅନୁଷ୍ଠିତ ଏହି ଉତ୍ସବରେ ସଂସ୍କୃତିକ କାର୍ଯ୍ୟକ୍ରମ,
ପ୍ରଦର୍ଶନୀ, ଆଲୋଚନା ଚକ୍ର, କବିତା ଆସର, ବିଭିନ୍ନ ପ୍ରତିଯୋଗିତାମାନ ଅନୁଷ୍ଠିତ ହେବ ବୋଲି ସଂସ୍କୃତି ବିଭାଗ
ନିର୍ଦ୍ଦେଶକ ବିଜୟ କୁମାର ନାୟକ ପ୍ରକାଶ କରିଛନ୍ତିା
ଅଭିଲେଖାଗାରଠାରେ ଆଜି ସନ୍ଧ୍ୟାରେ ସାମ୍ବାଦିକମାନଙ୍କୁ ଶ୍ରୀ ନାୟକ କହିଛନ୍ତି ଯେ ତିନିଦିନ ବ୍ୟାପୀ
ଆୟୋଜିତ ଏହି ମହୋତ୍ସବ ଅବସରରେ ପ୍ରତ୍ୟେକ ଦିନ ଉତ୍କଳ ମଣ୍ଡପଠାରେ ସନ୍ଧ୍ୟା ୬.୩୦ ସମୟରେ ସାଂସ୍କୃତିକ
କାର୍ଯ୍ୟକ୍ରମ ପରିବେଷଣ କରାଯିବା ଓଡ଼ିଶା ଲଳିତ କଳା ଏକାଡେମୀ ଆନୁକୂଲ୍ୟରେ ସେଠାରେ ସ୍ୱନାମଧନ୍ୟ
ଶିଳ୍ପୀମାନଙ୍କ ଦ୍ୱାରା ଚିତ୍ରକଳା ପ୍ରଦର୍ଶନୀ ସାଙ୍ଗକୁ ମୃତ୍ତିକାଶିଳ୍ପୀ ଓ ମୁଖାଶିଳ୍ପୀମାନଙ୍କ ଶିବିର ଆୟୋଜନ କରାଯିବା ରାଜ୍ୟ
ସଂଗ୍ରହାଳୟ ତରଫରୁ ହସ୍ତତନ୍ତ ଓ ପଟ୍ଟଚିତ୍ର ପ୍ରଦର୍ଶନୀ ଅନୁଷ୍ଠିତ ହେବା ୧୬ ତାରିଖ ସନ୍ଧ୍ୟାରେ ଉତ୍କଳ ମଣ୍ଡପଠାରେ
ଓଡ଼ିଶା ହସ୍ତତନ୍ତ, ପାରମ୍ପରିକ ସଙ୍ଗୀତ, ଅଳଙ୍କାର ଓ ବେଶପୋଷାକର ସମନ୍ୱୟରେ ଏକ ମଞ୍ଚ ପ୍ରଦର୍ଶନ ଉପସ୍ଥାପିତ ହେବ
ା ଓଡ଼ିଆ ଭାଷା ପ୍ରତିଷ୍ଠାନ ପକ୍ଷରୁ ପୂର୍ବରୁ ଆୟୋଜିତ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀ ତଥା କର୍ମଚାରୀମାନଙ୍କୁ
ପୁରସ୍କାର ବିତରଣ କରାଯିବା
୧୫ ତାରିଖ ଦିନ ପୂର୍ବାହ୍ନ ୧୧ଟାରେ ଓଡ଼ିଶା ସାହିତ୍ୟ ଏକାଡେମୀ ପକ୍ଷରୁ ରାଜ୍ୟ ଅଭିଲେଖାଗାରଠାରେ
“ଓଡ଼ିଶାରେ ଶିବ ଉପାସନା’ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହେବା ରାଜ୍ୟ ସଂଗ୍ରହାଳୟଠାରେ ଝୋଟି, ଚିତା ଓ
ମୁରୁଜ, ଓଡ଼ିଶାର ପିଠାପଣା ଓ ତରକାରୀ ପସ୍ତୁତି ପ୍ରତିଯୋଗିତା ଏବଂ ୧୬ ତାରିଖ ଦିନ ସେହିଠାରେ ହୁଳହୁଳି
ପ୍ରତିଯୋଗିତା ଅନୁଷ୍ଠିତ ହେବା ଓଡ଼ିଶା ସାହିତ୍ୟ ଏକାଡେମୀ ପକ୍ଷରୁ ଅଭିଲେଖାଗାରଠାରେ ୧୬ ତାରିଖ ଦିନ ପୂର୍ବାହ୍ନରେ
ଅନୁଷ୍ଠିତ ହେବାକୁ ଥ#ବା କବିତା ପର୍ବରେ ରାଜ୍ୟର ବିଭିନ୍ନ ଅଞ୍ଚଳରୁ କବିମାନେ ଅଂଶଗ୍ରହଣ କରିବୋ
ତିନିଦିନ ବ୍ୟାପୀ ଆୟୋଜିତ ହେବାକୁ ଥ#ବା ଏହି ମହୋତ୍ସବର ପ୍ରଥମ ସନ୍ଧ୍ୟାରେ ଅର୍ଥ ଓ ଅବକାରୀ ମନ୍ତ୍ରୀ ଶ୍ରୀ
ଶଶିଭୂଷଣ ବେହେରା, ସାଂସଦ ଡ. ପ୍ରସନ୍ନ ପାଟ୍ଟଶାଣୀ, ବିଧାୟକ ଶ୍ରୀ ବିଜୟ କୁମାର ମହାନ୍ତି, ଶ୍ରୀ ପ୍ରିୟଦର୍ଶୀ ମିଶ୍ର,
ମେୟର ଶ୍ରୀ ଅନନ୍ତ ନାରାୟଣ ଜେନା, ପ୍ରସିଦ୍ଧ କବି ପଦ୍ମଭୂଷଣ ଶ୍ରୀ ରମାକାନ୍ତ ରଥ, ବିଶିଷ୍ଟ ସାହିତି୍ୟକା ତଥା ଚଳଚ୍ଚିତ୍ର
ଅଭିନେତ୍ରୀ ଡ. ମାଳବିକା ରାୟ ଓ ଦ୍ୱିତୀୟ ସନ୍ଧ୍ୟାରେ ମନ୍ତ୍ରୀ ଶ୍ରୀ ପ୍ରଫୁଲ୍ଲ ସାମଲ, ବିଧାୟକ ଶ୍ରୀ ଦେବୀ ପ୍ରସାଦ ମିଶ୍ର,
ବିଧାୟକ ଶ୍ରୀ ବିଜୟ କୁମାର ମହାନ୍ତି, ଶ୍ରୀ ପ୍ରିୟଦର୍ଶୀ ମିଶ୍ର ଏବଂ ଉଦ୍ଯାପନୀ ସନ୍ଧ୍ୟାରେ ପର୍ଯ୍ୟଟନ, ଓଡ଼ିଆ ଭାଷା,
ସାହିତ୍ୟ, ସଂସ୍କୃତି ମନ୍ତ୍ରୀ ଶ୍ରୀ ଅଶୋକ ଚନ୍ଦ୍ର ପଣ୍ଡା, ରାଜ୍ୟସଭା ସଦସ୍ୟ ଶ୍ରୀ ସୌମ୍ୟରଞ୍ଜନ ପଟ୍ଟନାୟକ, ବିଶିଷ୍ଟ
ସାହିତି୍ୟକା ପଦ୍ମଶ୍ରୀ ଡ. ପ୍ରତିଭା ରାୟ ଅତିଥ# ଭାବରେ ଯୋଗଦେବୋ ବିଭାଗୀୟ କମିଶନର ତଥା ଶାସନ ସଚିବ ଶ୍ରୀ
ମନୋରଞ୍ଜନ ପାଣିଗ୍ରାହୀ ଓ ବିଭାଗୀୟ ନିର୍ଦ୍ଦେଶକ ଶ୍ରୀ ବିଜୟ କୁମାର ନାୟକ ମଧ୍ୟ ପ୍ରତ୍ୟହ ସନ୍ଧ୍ୟାରେ ମଞ୍ଚାସୀନ ହେବେ
ା ସେହିପରି “ଓଡ଼ିଶାରେ ଶିବ ଉପାସନା’ ଆଲୋଚନାଚକ୍ରରେ ଡ. ଅର୍ଚ୍ଚନା ନାୟକ, ଡ. ଅରବିନ୍ଦ ପଟ୍ଟନାୟକ, ଡ. ଅସିତ
ମହାନ୍ତି ଓ ଡ. ସୁରେନ୍ଦ୍ର ମିଶ୍ର ଯୋଗଦେଉଥ#ବାବେଳେ କବିତା ପର୍ବରେ ଡ. ପ୍ରତିଭା ଶତପଥୀ, ସାହିତ୍ୟ ଏକାଡେମୀ
ସଭାପତି ହରିହର ମିଶ୍ର ଓ କବି ଅଶ୍ୱିନୀ କୁମାର ମିଶ୍ର ଯୋଗଦେବୋ
ପ୍ରଥମ ସନ୍ଧ୍ୟାରେ “ବନ୍ଦେ ଉତ୍କଳ ଜନନୀ’ ପରିବେଷଣ ସହିତ ଗୁରୁ ନିରଞ୍ଜନ ରାଉତ ଓ ତାଙ୍କ ଦଳଙ୍କ ଦ୍ୱାରା
ଓଡ଼ିଶୀ ନୃତ୍ୟ ପରିବେଷିତ ହେବା ବଡମ୍ବାର ଶିଳ୍ପୀମାନେ “ଢଣକୋଇଲା’ ପରିବେଷଣ କରିବା ସାଙ୍ଗକୁ ବର୍ଣ୍ଣାଳୀ ହୋତା
ଓ ତାଙ୍କ ସାଥ# ଏବଂ ମହେନ୍ଦ୍ର ଆଚାର୍ଯ୍ୟ ଏବଂ ତାଙ୍କ ସାଥ# ସୁଗମ ସଂଗୀତ ଗାନ କରିବୋ ଦ୍ୱିତୀୟ ସନ୍ଧ୍ୟାରେ “ତୁହିମା
ଜନମ ଭୂମି’ ପରିବେଷଣ ସହିତ କେଉଁଝରର ଶିଳ୍ପୀମାନଙ୍କ ଦ୍ୱାରା “ଝୁମର’ ଓ ରଘୁରାଜପୁରର ଶିଳ୍ପୀମାନଙ୍କ ଦ୍ୱାରା
ଗୋଟିପୁଅ ନୃତ୍ୟ ପରିବେଷିତ ହେବା ବିଭୁ କିଶୋର ଓ ଅଭିଜିତ୍ ମିଶ୍ର ତଥା ଅନ୍ୟମାନେ ସୁଗମ ସଂଗୀତ ଗାନ
କରିବୋ ଉଦ୍ଯାପନୀ ସନ୍ଧ୍ୟାରେ “ତୁଙ୍ଗ ଶିଖରୀ ଚୂଳ’ ପରିବେଷଣ ସହିତ ସମ୍ବଲପୁରୀ ଓ ବାଲେଶ୍ୱରର ଶିଳ୍ପୀମାନଙ୍କ
ଦ୍ୱାରା “ଚଢେ଼ଇଆ’ ନୃତ୍ୟ ପରିବେଷିତ ହେବା ସୁବାସ ଦାସ, ସୌରଭ ନାୟକ ଓ ସୋହିନୀ ମିଶ୍ରଙ୍କ ସହିତ ଅନ୍ୟମାନେ
ସୁଗମ ସଂଗୀତ ଗାନ କରିବେ ବୋଲି ସୂଚନା ଦିଆଯାଇଛିା
ଓଡ଼ିଆ ସଂସ୍କୃତି, ଐତିହ୍ୟ ଓ ପରମ୍ପରାକୁ ଆଧାର କରି ଆୟୋଜିତ ଏହି ମହୋତ୍ସବର ପ୍ରତିଟି କାର୍ଯ୍ୟକ୍ରମକୁ
ସର୍ବାଙ୍ଗ ସୁନ୍ଦର ଓ ସଫଳ କରିବା ପାଇଁ ସଂସ୍କୃତିପ୍ରେମୀ, ବୁଦ୍ଧିଜୀବୀ, ଗବେଷକ ତଥା କଳାପ୍ରେମୀମାନଙ୍କ ସହଯୋଗ
କାମନା କରାଯାଉଛିା ଝୋଟି, ଚିତା ଓ ମୁରୁଜ, ଓଡ଼ିଶୀ ପିଠାପଣା ଓ ତରକାରୀ ପ୍ରସ୍ତୁତି ଏବଂ ହୁଳହୁଳି
ପ୍ରତିଯୋଗିତାରେ ଆଗ୍ରହୀ ପ୍ରତିଯୋଗୀମାନେ ଅଂଶଗ୍ରହଣ କରିବାକୁ ମଧ୍ୟ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ
ପକ୍ଷରୁ ଅନୁରୋଧ କରାଯାଉଛିା
ଏହି ସାମ୍ବାଦିକ ସମ୍ମିଳନୀରେ ସଂସ୍କୃତି ବିଭାଗର ଯୁଗ୍ମ ନିର୍ଦ୍ଦେଶକ ସଂଘମିତ୍ରା ଶତପଥୀ, ଓଡ଼ିଶା ଲଳିତ କଳା
ଏକାଡେମୀର ସଂପାଦକ ମାନସ ଜେନା, ସଂଗୀତ ନାଟକ ଏକାଡେମୀ ସଂପାଦକ ବିଜୟ ଜେନା, ଭାଷା ପ୍ରତିଷ୍ଠାନର
ନିର୍ଦ୍ଦେଶିକା ତମସାରାଣୀ ଦାସମହାପାତ୍ର ଓ ଅଭିଲେଖାଗାରର ଅଧୀକ୍ଷକ ସୂଚିସ୍ମିତା ମନ୍ତ୍ରୀ ଉପସ୍ଥିତ ଥ#ଲୋ

Share in top social networks!

ଡାକ ବିଭାଗ ସହ ମିଶି ଓଡିଶା, ଆସାମ, ଛତିଶଗଡ, ଝାଡଖଣ୍ଡ, ମଧ୍ୟ ପ୍ରଦେଶରେ ବିଦ୍ୟୁତ ସଂଯୋଗ ହୋଇ ନଥିବା ଗୃହର ସର୍ଭେ କଲା ଶକ୍ତି ମନ୍ତ୍ରଣାଳୟ

ଶକ୍ତି ଏବଂ ଅକ୍ଷୟ ଶକ୍ତି ରାଷ୍ଟ୍ରମନ୍ତ୍ରୀ (ସ୍ୱାଧୀନ ଦାୟିତ୍ୱ) ଶ୍ରୀ ରାଜ କୁମାର ସିଂ ରାଜ୍ୟ ସଭାରେ ଏକ ଲିଖିତ ପ୍ରଶ୍ନର ଉତ୍ତରରେ ପ୍ରକାଶ କରିଛନ୍ତି ଯେ ଦେଶରେ ମୋଟ 18.10 କୋଟି ଗ୍ରାମୀଣ ଗୃହ ମଧ୍ୟରୁ 14.16 କୋଟି ଗୃହ (78.24%)କୁ ବିଦ୍ୟୁତୀକରଣ କରାଯାଇଛି । ସୌଭାଗ୍ୟ ୱେବ-ପୋର୍ଟାଲରେ ସଂପୃକ୍ତ ଡିସକମ ମାନଙ୍କ ଦ୍ୱାରା ବିଦ୍ୟୁତ ସଂଯୋଗ କରାଯାଇଥିବା ଗୃହମାନଙ୍କ ସମ୍ବନ୍ଧରେ ତଥ୍ୟ ଉପଲବ୍ଧ କରାଯାଇଛି । ପୁନଶ୍ଚ ଆସାମ, ଛତିଶଗଡ, ଝାଡଖଣ୍ଡ, ମଧ୍ୟପ୍ରଦେଶ ଏବଂ ଓଡ଼ିଶାରେ ବିଦ୍ୟୁତ ସଂଯୋଗୀକରଣ ହୋଇନଥିବା ଗୃହ ମାନଙ୍କ ବାବଦରେ ସର୍ଭେ କରିବା ପାଇଁ ଶକ୍ତି ମନ୍ତ୍ରଣାଳୟ ଡାକ ବିଭାଗର ସହାୟତା ନେଇଥିବା ମନ୍ତ୍ରଣାଳୟ ତରଫରୁ ପ୍ରକାଶ କରାଯାଇଛି ।

ଭାରତ ସରକାର 2016ରେ 13,320 କୋଟି ଟଙ୍କା ବ୍ୟୟ ବରାଦରେ ପ୍ରଧାନମନ୍ତ୍ରୀ ସହଜ ବିଦ୍ୟୁତ ହର ଘର ଯୋଜନା –‘ସୌଭାଗ୍ୟ’ର ଶୁଭାରମ୍ଭ କରିଥିଲେ ଏବଂ ଏଥିରେ ବଜେଟରୁ 12,320 କୋଟି ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଇ ଥିଲା । ଏହି ଯୋଜନାର ଉଦ୍ଦେଶ୍ୟ ହେଉଛି ଦେଶର ଗ୍ରାମୀଣ ଏବଂ ସହରାଂଚଳର ସମସ୍ତ ଗୃହକୁ ବିଦ୍ୟୁତ ସଂଯୋଗ ପ୍ରଦାନ କରିବା ।

Share in top social networks!

ଏଡଭାଣ୍ଟେଜ ଆସାମ-ବିଶ୍ୱ ନିବେଶକ ସମ୍ମିଳନୀ 2018ର ଉଦ୍ଘାଟନୀ ଅଧିବେଶନକୁ ପ୍ରଧାନମନ୍ତ୍ରୀଙ୍କ ସମ୍ବୋଧନ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଗୌହାଟୀ ଠାରେ ଏଡଭାଂଟେଜ ଆସାମ-ବିଶ୍ୱ ନିବେଶକ ସମ୍ମିଳନୀର ଉଦଘାଟନୀ ଅଧିବେଶନରେ ଉଦ୍ବୋଧନ ଦେଇଛନ୍ତି ।

ଏହି ସମ୍ମିଳନୀକୁ ଆସିଥିବା ପ୍ରତିନିଧିମାନଙ୍କୁ ସ୍ୱାଗତ ଜଣାଇ ପ୍ରଧାନମନ୍ତ୍ରୀ କହିଥିଲେ ଯେ ଉତ୍ତର-ପୂର୍ବାଂଚଳ ଏବେ କେନ୍ଦ୍ର ସରକାରଙ୍କ ଏକ୍ଟ ଇଷ୍ଟ ନୀତିର କେନ୍ଦ୍ରସ୍ଥଳୀରେ ରହିଛି । ଏକ୍ଟ ଇଷ୍ଟ ନୀତିର ଉଦ୍ଦେଶ୍ୟ ହେଉଛି ଆସିଆନ ରାଷ୍ଟ୍ରଗୁଡ଼ିକ ସହ ଜନ-ଜନ ଯୋଗାଯୋଗ, ବାଣିଜ୍ୟିକ ସମ୍ବନ୍ଧ ଏବଂ ଅନ୍ୟାନ୍ୟ ସମ୍ପର୍କ ବୃଦ୍ଧି କରିବା ବୋଲି ସେ ଉଲ୍ଲେଖ କରିଥିଲେ ।

ନିକଟରେ ଅନୁଷ୍ଠିତ ଆସିଆନ-ଭାରତ ସ୍ମାରକ ଶିଖର ସମ୍ମିଳନୀ ଭାରତ ଓ ଆସିଆନ ମଧ୍ୟରେ ଭାଗିଦାରୀର 25ବର୍ଷ ପୂର୍ତ୍ତିକୁ ପାଳନ କରିଥିଲା ବୋଲି ପ୍ରଧାନମନ୍ତ୍ରୀ ସ୍ମରଣ କରାଇଦେଇଥିଲେ । ସେ ଆହୁରି କହିଥିଲେ ଯେ ଭାରତ ଏବଂ ଆସିଆନ ରାଷ୍ଟ୍ରଗୁଡ଼ିକ ମଧ୍ୟରେ ସମ୍ପର୍କ ହଜାର ହଜାର ବର୍ଷ ପୁରୁଣା । ସେ କହିଥିଲେ ଯେ ନୂଆଦିଲ୍ଲୀରେ ଅନୁଷ୍ଠିତ ସାଧାରଣତନ୍ତ୍ର ଦିବସ କାର୍ଯ୍ୟକ୍ରମରେ 10ଟି ଆସିଆନ ରାଷ୍ଟ୍ରମୁଖ୍ୟଙ୍କୁ ଆତିଥ୍ୟ ପ୍ରଦାନ କରିବା ଭାରତ ପାଇଁ ଗୌରବର ବିଷୟ ଥିଲା ।

ଉତ୍ତର-ପୂର୍ବାଂଚଳର ସମତୁଲ ଏବଂ ଦ୍ରୁତ ଅଭିବୃଦ୍ଧି ଦ୍ୱାରା ଭାରତର ଅଭିବୃଦ୍ଧି ଆହୁରି ତ୍ୱରାନ୍ୱିତ ହୋଇପାରିବ ବୋଲି ପ୍ରଧାନମନ୍ତ୍ରୀ ଜୋର ଦେଇ କହିଥିଲେ । ଲୋକମାନଙ୍କ ଜୀବନ ଧାରଣ ମାନରେ ଉନ୍ନତି ଆଣିବା କେନ୍ଦ୍ର ସରକାରଙ୍କ ସମସ୍ତ ଯୋଜନାର ଉଦ୍ଦେଶ୍ୟ ବୋଲି ସେ କହିଥିଲେ । ସେ କହିଥିଲେ ଯେ “ସହଜ ଜୀବନଧାରଣ” ସୁନିଶ୍ଚିତ କରିବା ଆମର ଲକ୍ଷ୍ୟ ।

ପ୍ରଧାନମନ୍ତ୍ରୀ କହିଥିଲେ ଯେ ସାଧାରଣ ବଜେଟରେ ଘୋଷଣା କରାଯାଇଥିବା “ଆୟୁଷ୍ମାନ ଭାରତ” ଯୋଜନା ସାରା ବିଶ୍ୱରେ ଏହି ଶ୍ରେଣୀର ସର୍ବବୃହତ ଯୋଜନା । ସେ କହିଥିଲେ ଯେ ଏହି ସ୍ୱାସ୍ଥ୍ୟସେବା ଯୋଜନା ଦ୍ୱାରା 45ରୁ 50 କୋଟି ଜନସାଧାରଣ ଉପକୃତ ହୋଇପାରିବେ । ଗରିବଙ୍କ କଲ୍ୟାଣ ପାଇଁ କେନ୍ଦ୍ର ସରକାରଙ୍କ ଦ୍ୱାରା ନିଆଯାଇଥିବା ଅନ୍ୟ ପଦକ୍ଷେପଗୁଡ଼ିକ ବିଷୟରେ ମଧ୍ୟ ସେ ଉଲ୍ଲେଖ କରିଥିଲେ ।

ଶ୍ରୀ ନରେନ୍ଦ୍ର ମୋଦୀ କହିଥିଲେ ଯେ କୃଷି ପାଇଁ ବ୍ୟୟଭାର ହ୍ରାସ କରିବା ଏବଂ ଅମଳ ହୋଇଥିବା ଫସଲର ଉପଯୁକ୍ତ ମୂଲ୍ୟ ପ୍ରଦାନ କରି କୃଷକଙ୍କ ଆୟ ଦୁଇଗୁଣା କରିବା ଦିଗରେ କେନ୍ଦ୍ର ସରକାର କାର୍ଯ୍ୟ କରୁଛନ୍ତି । କୃଷକଙ୍କ କଲ୍ୟାଣ ପାଇଁ କେନ୍ଦ୍ର ସରକାରଙ୍କ ଦ୍ୱାରା ନିଆଯାଇଥିବା ଅନ୍ୟ ପଦକ୍ଷେପଗୁଡ଼ିକ ସମ୍ପର୍କରେ ମଧ୍ୟ ସେ ଉଲ୍ଲେଖ କରିଥିଲେ ।

ଲୋକମାନଙ୍କୁ ସୁଲଭ ବାସଗୃହ ଯୋଗାଇ ଦେବା ନିମନ୍ତେ ନିଆଯାଇଥିବା ପଦକ୍ଷେପ ସମ୍ପର୍କରେ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ । ସେ କହିଥିଲେ ଯେ ଉଜ୍ଜ୍ୱଳା ଯୋଜନା ଏଲଇଡି ବଲ୍ବ ବିତରଣ କରାଯିବା କାରଣରୁ ବହୁସଂଖ୍ୟକ ପରିବାରରେ ବିଦ୍ୟୁତ ବିଲ ସଂଚୟ ହୋଇପାରିଛି । ଜାତୀୟ ବାଉଁଶ ମିଶନର ପୁନର୍ଗଠନ କରାଯିବା ଉତ୍ତର-ପୂର୍ବାଂଚଳ ପାଇଁ ଲାଭଜନକ ହେବ ବୋଲି ସେ ଉଲ୍ଲେଖ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ କେନ୍ଦ୍ର ସରକାରରେ ପ୍ରଶାସନିକ ଢାଂଚାରେ ସୁଧାର ଅଣାଯିବା ଫଳରେ ବିଭିନ୍ନ ପ୍ରକଳ୍ପର କାର୍ଯ୍ୟାନ୍ୱୟନ ତ୍ୱରାନ୍ୱିତ ହୋଇପାରିଛି ।

ମୁଦ୍ରା ଯୋଜନା ଅଧୀନରେ ଉଦ୍ୟୋଗୀମାନଙ୍କ ପାଇଁ ବାଧାମୁକ୍ତ ଋଣ ପ୍ରଦାନ କରାଯିବା ସମ୍ପର୍କରେ ମଧ୍ୟ ପ୍ରଧାନମନ୍ତ୍ରୀ କହିଥିଲେ । ସୂକ୍ଷ୍ମ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ (ଏମଏସଏମଇ)ଗୁଡ଼ିକୁ ଟିକସ ରିହାତି ଦିଆଯିବା ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ମଧ୍ୟ ସେ ଉଲ୍ଲେଖ କରିଥିଲେ ।

କଳାଧନ ଏବଂ ଦୁର୍ନୀତିର ମୂଳୋତ୍ପାଟନ ପାଇଁ କେନ୍ଦ୍ର ସରକାରଙ୍କ ପ୍ରତିବଦ୍ଧତାକୁ ପ୍ରଧାନମନ୍ତ୍ରୀ ଦୋହରାଇଥିଲେ । ସେ କହିଥିଲେ ଯେ ଗତ ତିନି ବର୍ଷ ମଧ୍ୟରେ କେନ୍ଦ୍ର ସରକାର ଅର୍ଥନୈତିକ ସଂସ୍କାର ପାଇଁ ବହୁ ଯୁଗାନ୍ତକାରୀ ପଦକ୍ଷେପ ନେଇଛନ୍ତି । ଯାହାର ଫଳସ୍ୱରୂପ ଭାରତ ଆଜି ବିଶ୍ୱ ବ୍ୟାଙ୍କ ବ୍ୟବସାୟିକ ସୁଗମତା (ଇଜ ଅଫ ଡୁଇଂ ବିଜନେସ) ମାନ୍ୟତାରେ 42ଟି ସ୍ଥାନ ଉପରକୁ ଉଠି 190ଟି ଦେଶ ମଧ୍ୟରୁ 100ତମ ସ୍ଥାନକୁ ଉନ୍ନିତ ହୋଇଛି ବୋଲି ସେ ଉଲ୍ଲେଖ କରିଥିଲେ ।

ମହାନ ଆସାମୀ ସଂଗୀତଜ୍ଞ ଭୂପେନ ହଜାରିକାଙ୍କ କଥନର ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ ଆମ ସ୍ୱାଧୀନତା ସଂଗ୍ରାମୀମାନଙ୍କ ସ୍ୱପ୍ନ ଏବଂ ସଂକଳ୍ପ ପୂରଣ କରିବା ଆମ ସମସ୍ତଙ୍କ ମିଳିତ ଉତ୍ତରଦାୟିତ୍ୱ । 2022 ସୁଦ୍ଧା ନୂତନ ଭାରତ ନିର୍ମାଣରେ ଯୋଗଦାନ ଦେବା ଲାଗି ପ୍ରଧାନମନ୍ତ୍ରୀ ଆହ୍ୱାନ କରିଥିଲେ ।

ଉତ୍ତର-ପୂର୍ବାଂଚଳରେ ନୂଆ ପରିବହନ ଭିତ୍ତିଭୂମି ନିର୍ମାଣ କରିବା ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ ।

ଆସାମରେ ଏବେ ଏକ ବ୍ୟବସାୟ ଏବଂ ବିକାଶ ଅନୁକୂଳ ପରିବେଶ ସୃଷ୍ଟି କରାଯାଇପାରିଥିବାରୁ ସେ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୱାଲଙ୍କୁ ଅଭିନନ୍ଦନ ଜଣାଇଥିଲେ ।

Share in top social networks!

ସିକ୍କିମ ଓ ଲଦାଖର ITBP ପରିଭ୍ରମଣକାରୀ ଛାତ୍ରଗୋଷ୍ଠୀ ସହ ପ୍ରଧାନମନ୍ତ୍ରୀଙ୍କ ମତ ବିନିମୟ

T201802062379ଦେଶର ବିଭିନ୍ନ ଅଞ୍ଚଳ ଗସ୍ତ କରୁଥିବା ସିକ୍କିମ ଓ ଲାଦାଖର 53ଜଣ ITBP ପରିଭ୍ରମଣକାରୀ ଛାତ୍ର ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି । ପ୍ରଧାନମନ୍ତ୍ରୀଙ୍କ ସହ ଅନୌପଚାରିକ କଥାବାର୍ତ୍ତା ବେଳେ ITBP ଛାତ୍ରମାନେ ଏକ ସମୃଦ୍ଧ ଓ ଭ୍ରଷ୍ଟାଚାର ମୁକ୍ତ ଭାରତ ଗଠନ ସମ୍ପର୍କରେ ସେମାନଙ୍କର ଭବିଷ୍ୟଦୃଷ୍ଟି ଅବଗତ କରାଇଥିଲେ । ସେମାନଙ୍କ ସ୍ଵପ୍ନ ସାକାର କରିବା ଲାଗି ଆବଶ୍ୟକ ପ୍ରୟାସ କରିବାକୁ ପ୍ରଧାନମନ୍ତ୍ରୀ ପ୍ରେରଣା ଦେଇଥିଲେ । ଜୀବନକୁ ଅଧିକ କ୍ରିୟାଶୀଳ ଓ ଫଳଦାୟକ କରିବା ଲାଗି ସେମାନେ ଶାରୀରିକ ଓ ମାନସିକସ୍ତରରେ ସତେଜ ରହିବାକୁ ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ । ଏଥିଲାଗି ଯୋଗର ଭୂମିକା ସମ୍ପର୍କରେ ସେ ଛାତ୍ରମାନଙ୍କ ସହ ଆଲୋଚନା କରିଥିଲେ ।

ପ୍ରଧାନମନ୍ତ୍ରୀ ଜ୍ଞାନ ଆହରଣର ମହିମା ବିଷୟରେ ଗୁରୁତ୍ଵ ଦେଇଥିଲେ ଏବଂ କହିଥିଲେ ଯେ, ସବୁବେଳେ ଜଣେ ଅଧ୍ୟୟନକାରୀ ଛାତ୍ର ଭାବେ ନିଜକୁ ପରିଗଣିତ କରି ଆଗକୁ ବଢିବା ଆବଶ୍ୟକ ।

ପରିଭ୍ରମଣକାରୀ ଛାତ୍ରମାନେ ଆଲୋଚନା କାଳରେ ଡିଜିଟାଲ ଭାରତ ସମ୍ପର୍କରେ ଅଧିକ ଜାଣିବାକୁ ଚାହିଁଥିଲେ । ବେନଗଦୀ କାରବାର ସମ୍ପର୍କରେ ମଧ୍ୟ ଆଲୋଚନା ହୋଇଥିଲା । ପ୍ରଧାନମନ୍ତ୍ରୀ ପ୍ରତ୍ୟକ୍ଷ ଲାଭ ହସ୍ତାନ୍ତର କାର୍ଯ୍ୟକ୍ରମ ଦ୍ଵାରା ଲୋକେ କିଭଳି ଉପକୃତ ହେଉଛନ୍ତି ସେ ସମ୍ପର୍କରେ ବୁଝାଇଥିଲେ ।

ପ୍ରଧାନମନ୍ତ୍ରୀଙ୍କ ଦ୍ଵାରା ଲିଖିତ “Exam Warriors” ପୁସ୍ତକ ସମ୍ପର୍କରେ ଛାତ୍ରମାନେ ଉଲ୍ଲେଖ କରିଥିଲେ । ଏହି ଅବସରରେ ପ୍ରଧାନମନ୍ତ୍ରୀ ଚାପମୁକ୍ତ ଜୀବନ ବିତାଇବାକୁ ଛାତ୍ରମାନଙ୍କୁ ପରାମର୍ଶ ଦେଇଥିଲେ ।

Share in top social networks!

କଳାଧନ ଓ ଦୁର୍ନୀତି ବିରୋଧୀ ଲଢ଼େଇ ବନ୍ଦ ହେବ ନାହିଁ: ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନୂଆଦିଲ୍ଲୀଠାରେ ଏନସିସି ରାଲିରେ ଉଦ୍ବୋଧନ ଦେଇଛନ୍ତି । ଏହି ଅବସରରେ ସେ କହିଥିଲେ ଯେ ଏଠାରେ ସମବେତ ହୋଇଥିବା ପ୍ରତ୍ୟେକ ଯୁବ ଏନସିସି କ୍ୟାଡେଟଙ୍କର ନିଜସ୍ୱ ବ୍ୟକ୍ତିତ୍ୱ ଏବଂ ପରିଚୟ ରହିଛି । କିନ୍ତୁ, ସେ ଉଲ୍ଲେଖ କରିଥିଲେ ଯେ, ଆସନ୍ତା ଏକ ମାସ ମଧ୍ୟରେ ନୂଆ ବନ୍ଧୁତା ସୃଷ୍ଟି ହେବ ଏବଂ ପରସ୍ପର ଠାରୁ ଅନେକ କିଛି ଶିଖିବାର ସୁଯୋଗ ମିଳିବ । ଏନସିସି କ୍ୟାମ୍ପ ପ୍ରତ୍ୟେକ ଯୁବକଙ୍କୁ ଭାରତର ବିବିଧ ସଂସ୍କୃତି ବିଷୟରେ ଶିକ୍ଷା ଦେଇଥାଏ ବୋଲି ସେ କହିଥିଲେ । ଏହା ପ୍ରତ୍ୟେକ ଯୁବ ତାରକାଙ୍କୁ ଦେଶ ପାଇଁ କିଛି ଭଲ କାମ କରିବା ଦିଗରେ ପ୍ରେରଣା ଯୋଗାଇଥାଏ ବୋଲି ସେ ପ୍ରକାଶ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଏନସିସି କ୍ୟାମ୍ପରୁ ହାସଲ ହୋଇଥିବା ଏହି ଉତ୍ସାହ ଜୀବନ ସାରା କ୍ୟାଡେଟମାନଙ୍କ ସହିତ ରହିବ । ସେ କହିଥିଲେ ଯେ ଜାତୀୟ ସମର ଶିକ୍ଷାର୍ଥୀ ବାହିନୀ କେବଳ ପୋଷାକ କିମ୍ବା ଏକରୂପତା ନୁହେଁ ଏହା ଏକତାର ବାର୍ତ୍ତା ଦେଇଥାଏ । ଏନସିସି ଜରିଆରେ ଆମେ ଦଳ ଗଠନ କରିଥାଉ ଯାହା ନିର୍ଦ୍ଦିଷ୍ଟ ଲକ୍ଷ୍ୟ ଓ ଅଭିଯାନରେ କାର୍ଯ୍ୟ କରିଥାଏ ଏବଂ ଅନ୍ୟମାନଙ୍କୁ ଅନୁପ୍ରାଣିତ କରେ ବୋଲି ସେ ଉଲ୍ଲେଖ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଏନସିସି 7ଟି ଗୌରବମୟ ଦଶନ୍ଧି ପୂରଣ କରିସାରିଲାଣି । ଏହା ବହୁ ଲୋକଙ୍କୁ ନିର୍ଦ୍ଦିଷ୍ଟ ଲକ୍ଷ୍ୟ ନେଇ କାର୍ଯ୍ୟ କରିବା ଶିଖାଇଛି । ଯାହା ଆମେ ହାସଲ କରୁଛୁ, ଆମେ ତା’କୁ ଆଜି ପାଳନ କରୁଛୁ ଏବଂ ଆଗାମୀ ଦିନରେ ଏନସିସିରେ ଅଭିଜ୍ଞତାକୁ କିପରି ଆହୁରି ପ୍ରଭାବଶାଳୀ କରାଯାଇପାରିବ ସେ ସମ୍ପର୍କରେ ଚିନ୍ତାକରୁଛୁ ବୋଲି ପ୍ରଧାନମନ୍ତ୍ରୀ କହିଥିଲେ । ଆସନ୍ତା 5 ବର୍ଷ ମଧ୍ୟରେ ଏନସିସି 75 ବର୍ଷ ପୂରଣ କରିବାକୁ ଯାଉଥିବାରୁ ଏଥିପାଇଁ କାର୍ଯ୍ୟ ଯୋଜନା ଚୂଡ଼ାନ୍ତ କରିବା ଲାଗି ସେ ସମସ୍ତ ଅଂଶୀଦାରମାନଙ୍କୁ ଆହ୍ୱାନ ଦେଇଥିଲେ ।

ଶ୍ରୀ ନରେନ୍ଦ୍ର ମୋଦୀ କହିଥିଲେ ଯେ ଭାରତର ଯୁବପିଢ଼ି ଏବେ ଦୁର୍ନୀତିକୁ ଗ୍ରହଣ କରିବା ଲାଗି ପ୍ରସ୍ତୁତ ନୁହନ୍ତି । କଳାଧନ ଏବଂ ଦୁର୍ନୀତି ବିରୋଧରେ ଲଢ଼େଇ ବନ୍ଦ ହେବ ନାହିଁ ବୋଲି ସେ ଦୃଢ଼ତାର ସହ ଦୋହରାଇଥିଲେ । ଏହି ଲଢ଼େଇ ଭାରତର ଯୁବପିଢ଼ିଙ୍କ ଭବିଷ୍ୟତ ପାଇଁ ବୋଲି ସେ ଉଲ୍ଲେଖ କରିଥିଲେ ।

ଭୀମ ଆପ ଜରିଆରେ ଡିଜିଟାଲ କାରବାରକୁ ପ୍ରୋତ୍ସାହିତ କରିବା ଏବଂ ଅନ୍ୟମାନଙ୍କୁ ଏହି ବ୍ୟବସ୍ଥା ସହ ଯୋଡ଼ିହେବା ଲାଗି ଉତ୍ସାହିତ କରିବାକୁ ପ୍ରଧାନମନ୍ତ୍ରୀ ଏନସିସି କ୍ୟାଡେଟମାନଙ୍କୁ ଆହ୍ୱାନ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ପୂର୍ବରୁ ଲୋକମାନେ ବିଶ୍ୱାସ କରୁଥିଲେ ଯେ ଧନୀ ଏବଂ କ୍ଷମତାଶାଳୀଙ୍କର କୌଣସି କ୍ଷତି ହୋଇନଥାଏ । କିନ୍ତୁ ଆଜି ପରିସ୍ଥିତି ବଦଳିଯାଇଛି ବୋଲି ସେ ଉଲ୍ଲେଖ କରିଥିଲେ । ମୁଖ୍ୟମନ୍ତ୍ରୀ ରହିଥିବା ଲୋକମାନେ ଆଜି ସେମାନଙ୍କ ଦୁର୍ନୀତି ପାଇଁ ଜେଲରେ ଅଛନ୍ତି ବୋଲି ସେ ଦୃଢ଼ୋକ୍ତି ପ୍ରକାଶ କରିଥିଲେ ।

ଆଧାର ବିଷୟରେ ଉଲ୍ଲେଖ କରି ସେ କହିଥିଲେ ଯେ ଏହା ଭାରତର ବିକାଶଧାରାକୁ ସୁଦୃଢ଼ କରିବାରେ ମହାନ ଯୋଗଦାନ ଦେଇଛି । ପୂର୍ବରୁ ଯାହା ବାଟମାରଣା ହେଉଥିଲା ତାହା ଏବେ ପ୍ରକୃତ ହିତାଧିକାରୀଙ୍କ ନିକଟରେ ପହଂଚୁଛି ବୋଲି ସେ ଉଲ୍ଲେଖ କରିଥିଲେ ।

Share in top social networks!

ଓଡ଼ିଶୀ ସଙ୍ଗୀତ ଓ ଘଟମ୍ ବାଦନରେ ସଙ୍ଗୀତମୁଖର ରାଜାରାଣୀ

DSC_0130ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ଓଡ଼ିଶା ସଙ୍ଗୀତ ନାଟକ ଏକାଡେ଼ମୀ ଦ୍ୱାରା ଆୟୋଜିତ ରାଜାରାଣୀ ସଙ୍ଗୀତ ମହୋତ୍ସବ ଆଜି ଦ୍ୱିତୀୟ ବର୍ଣ୍ଣାଢ୍ୟ ଓ ଚିତ୍ତାକର୍ଷକ ସନ୍ଧ୍ୟା ସାଙ୍ଗକୁ ଓଡ଼ିଶୀ ସଙ୍ଗୀତ ଓ ଘଟମ୍ ବାଦନର ମୁର୍ଚ୍ଛନାରେ ରାଜାରାଣୀ ମନ୍ଦିର ପ୍ରାଙ୍ଗଣ ମୁଖରିତ ହୋଇଥିଲା । ଆଜି ସନ୍ଧ୍ୟାର ପ୍ରଥମ କାର୍ଯ୍ୟକ୍ରମ ଥିଲା ବିଖ୍ୟାତ ଗାୟକ ମାତୃପ୍ରସାଦ ଦାସ ଓ ହିମାଂଶୁ ଶେଖର ସ୍ୱାଇଁଙ୍କ ଦ୍ୱାରା ଓଡ଼ିଶୀ ସଙ୍ଗୀତର ବିଭିନ୍ନ ବିଭାବର ନିଖୁଣ ତଥା ସୁନ୍ଦର ପରିବେଷଣ । ସେମାନଙ୍କର ପ୍ରଥମ ପ୍ରସ୍ତୁତି ଥିଲା କବିସୂର୍ଯ୍ୟ ବଳଦେବ ରଥଙ୍କ ରଚନାରୁ ପ୍ରବନ୍ଧ ମଧୁରେ ମନ୍ଦ ମନ୍ଦ ହୋଇ ଗନ୍ଧବହ ପ୍ରସରିଲା ଯାହା ରାଗ କାମୋଦୀ ଓ ତାଳ ତ୍ରିପଟା ଉପରେ ନିବଦ୍ଧ । ପରେ ପରେ କାଳି ଚରଣ ପଟ୍ଟନାୟକଙ୍କ ରଚନାରୁ ପ୍ରବନ୍ଧ ମଧୁ ମଳୟ ମନ୍ଦ ବହିଲାରେ ଯାହା ରାଗ ବସ୍ତ ଓ ତାଳ ଏକତାଳୀ ଉପରେ ପର୍ଯ୍ୟବେସିତ ଥିଲା । ସେମାନଙ୍କର ପରବର୍ତ୍ତୀ ପରିବେଷଣ ଥିଲା ବେଣୁଧରଙ୍କ ରଚନାରୁ ପ୍ରବନ୍ଧ ରାଧେ ଅନାଅ ଗୋ ରାଗ ନଳିନୀଗୌଡ଼ା ଓ ତାଳ ଆଡ଼ତାଳି ଉପରେ ନିବଦ୍ଧ । ସୁନ୍ଦର ଓ ନିଖୁଣ ରାଗ ବିସ୍ତାର, ଆଳଙ୍କାରିକ ସର୍ଜନା ସାବଲୀଳ ଓ ଭାବୋଦ୍ଧୀପକ ପରିବେଷଣ ଦ୍ୱାରା ସେମାନେ ଶ୍ରୋତାମାନଙ୍କୁ ମନ୍ତ୍ରମୁଗ୍ଧ କରିଥିଲେ । ଓଡ଼ିଶୀ ସଙ୍ଗୀତରେ ମର୍ଦଳରେ ସହଯୋଗିତା କରିଥିଲେ ବୁଦ୍ଧନାଥ ସ୍ୱାଇଁ, ହାରମୋନିୟମ୍‍ରେ ସୁରେନ୍ଦ୍ର କୁମାର ତ୍ରିପାଠୀ, ବେହେଲାରେ ଅମିତ୍ କୁମାର ଦାସ ଏବଂ ମଞ୍ଜିରାରେ ସହଯୋଗ କରିଥିଲେ ସୀତାକାନ୍ତ ଜେନା ।

ସନ୍ଧ୍ୟାର ଦ୍ୱିତୀୟ କାର୍ଯ୍ୟକ୍ରମ ଥିଲା ବିଶିଷ୍ଟ ଘଟମ୍ ବାଦକ ଭିକ୍କୁ ଭିନାୟକରମ୍ଙ୍କ ଦ୍ୱାରା ଘଟମ୍ ବାଦନ । ତାଙ୍କର ପ୍ରଥମ ପ୍ରସ୍ତୁତିରେ ଥିଲା ଶିବ ତାଣ୍ଡବ ପରେ ପରେ ତାଙ୍କର ସପ୍ତ ତାଳ ଉପରେ ବାଦନ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲା । ତାଙ୍କୁ ଯନ୍ତ୍ରାଂଶରେ ସହଯୋଗ କରିଥିଲେ ତାଙ୍କର ପୁତ୍ର ଭି.ସେଲଭାଗଣେଶ, ତାଙ୍କର ନାତି ଏସ୍. ସ୍ୱାମିନାଥନ୍ ଏବଂ ଏ. ଗଣେଶନ୍ । ଘଟମ୍ ଉପରେ ତାଙ୍କର ଆଙ୍ଗୁଠି ଚାଳନା ଅତ୍ୟନ୍ତ ଚମକ୍ରାର ତଥା ଶୃତିମଧୁର ଥିଲା ଯାହା ଦର୍ଶକମାନଙ୍କୁ ଶୀତୁଆ ସଂଧ୍ୟାରେ ବେଶ୍ ଆନନ୍ଦ ପ୍ରଦାନ କରିଥିଲା ।

ଦ୍ୱିତୀୟ ସନ୍ଧ୍ୟାରେ ଅତିଥି ଭାବରେ ପ୍ରଦୀପ ପ୍ରଜ୍ୱୋଳନ କରିଥିଲେ ବିଶିଷ୍ଟ ମର୍ଦ୍ଧଳ ବାଦକ ଗୁରୁ ସଚ୍ଚିଦାନନ୍ଦ ଦାସ ଏବଂ ପର୍ଯ୍ୟଟନ ବିଭାଗର ସହ ନିଦେ୍ର୍ଧଶକ ଡ଼. ସୁନିଲ କୁମାର ପଟ୍ଟନାୟକ । କାର୍ଯ୍ୟକ୍ରମକୁ ସଂଚାଳନା କରିଥିଲେ ଡ଼. ସଙ୍ଗୀତା ଗୋସାଇଁ ଓ ଡ଼. ଭିଦୁଲା ରାମଲକ୍ଷ୍ମୀ । ପର୍ଯ୍ୟଟନ ବିଭାଗର ଫଟୋଗ୍ରାଫର ଶ୍ରୀ ସୁଦର୍ଶନ ବଟୁ ଉକ୍ତ କାର୍ଯ୍ୟକ୍ରମର ଫଟୋ ଉତ୍ତୋଳନ କରି ବିଭିନ୍ନ ମିଡ଼ିଆଙ୍କୁ ଯୋଗାଉଥିଲେ ।

Share in top social networks!

ଆସନ୍ତା କାଲି ଦିନିକିଆ ଓଡିଶା ଗସ୍ତରେ ଆସୁଛନ୍ତି କେନ୍ଦ୍ର ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରୀ ଥାୱର ଚନ୍ଦ ଗହଲୋତ

ଭୁବନେଶ୍ୱର, ତା ୧୮/୦୧ : ଆସନ୍ତାକାଲି କେନ୍ଦ୍ର ସମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରୀ ଥାୱର ଚନ୍ଦ ଗହଲୋତ ସକାଳ ୯ ଟା ୧୦ମିନିଟ୍ ସମୟରେ ଭୁବନେଶ୍ୱର ବିମାନବନ୍ଦରରେ ଆସି ପହଚିଂବେ । ତାପରେ ମାନ୍ୟବର ମନ୍ତ୍ରୀ ଶ୍ରୀ ଗହଲୋତ ରୋଡ୍ ଦେଇ କଟକ ଜିଲ୍ଲା ଅଡସପୁର ଠାରେ ୧୦ଟା ୩୦ ମିନିଟରେ ପହଂଚି ସ୍ୱାମୀ ବିବେକାନନ୍ଦ ଜାତୀୟ ଥଇଥାନ ପ୍ରଶିକ୍ଷଣ ଏବଂ ଅନୁସଦ୍ଧାନ ସଂସ୍ଥାର ୧୦୦ଟି ବେଡ୍ ବିଶିଷ୍ଟ ଏକ କୋଠାର ଭିତିପସ୍ତର ସ୍ଥାପନା କରିବେ । କାର୍ଯ୍ୟକ୍ରମ ପରେ ମନ୍ତ୍ରୀ ଶ୍ରୀ ଗହଲୋତ ଭୁବନେଶ୍ୱର ଫେରି ବିମାନବନ୍ଦରରୁ ଅପରାହ୍ନ ୪ ଟା ୨୦ମିନିଟ୍ରେ ଦିଲ୍ଲୀ ଅଭିମୁଖେ ଯାତ୍ରା କରିବେ ।

Share in top social networks!

ଭାରତ ସରକାରଙ୍କ ତରଫରୁ ସୌରଶକ୍ତି ବିକାଶ ପାଣ୍ଠିକୁ 350 ମିଲିଅନ ଡଲାର ସହାୟତା

2017 ଡିସେମ୍ବର 6ରେ ଆନ୍ତର୍ଜାତିକ ସୌର ସଙ୍ଗଠନ (ISA) ରାଜିନାମା କାର୍ଯ୍ୟକାରୀ ହୋଇଛି । ଏହା ଫଳରେ ଆଇଏସଏ ଆଇନତଃ ଏକ ଆନ୍ତର୍ଜାତିକ ଚୁକ୍ତିଭିତ୍ତିକ ଆନ୍ତଃ-ସରକାରୀ ସଂଗଠନରେ ପରିଣତ ହୋଇଛି । ଏପର୍ଯ୍ୟନ୍ତ 19ଟି ଦେଶ ଏହି ସଙ୍ଗଠନକୁ ଅଙ୍ଗୀକାର କରିବା ସହ 48ଟି ଦେଶ ଆଇଏସଏ ଢ଼ାଂଚାଗତ ରାଜିନାମାରେ ସ୍ୱାକ୍ଷର କରିଛନ୍ତି ।

କାର୍ଯ୍ୟକାରୀ ହେବା ପରେ ଏହାର ଏକ କାର୍ଯ୍ୟକ୍ରମ ସ୍ୱରୂପ ଆାଇଏସଏ ଆବୁଧାବିଠାରେ 2018 ଜାନୁଆରୀ 17-18ରେ ଭବିଷ୍ୟତ ବିଶ୍ୱ ଶକ୍ତି ସମ୍ମିଳନୀ (WFES) ଅନ୍ତର୍ଗତ ଦୁଇଦିନିଆ ଆନ୍ତର୍ଜାତିକ ସୌର ସଙ୍ଗଠନ ମଂଚର ଆୟୋଜନ କରିଥିଲା । ଏଠାରେ ଆଇଏସଏ, ଏହାର କାର୍ଯ୍ୟଧାରା ଏବଂ କାର୍ଯ୍ୟକ୍ରମ ସମ୍ବନ୍ଧରେ ସୂଚନା ପ୍ରଦାନ କରିବା ପାଇଁ ଆଇଏସଏ ପାଭିଲିଅନର ସ୍ଥାପନା କରାଯାଇଥିଲା ।

ଆଇଏସଏ ମଂଚର ପ୍ରଥମ ଦିନ ଆଇଏସଏ ଶକ୍ତି ମନ୍ତ୍ରୀମାନଙ୍କୁ ନେଇ ଏକ ମନ୍ତ୍ରୀସ୍ତରୀୟ ବୈଠକର ଆୟୋଜନ କରାଯାଇଥିଲା । ଏହି ବୈଠକରେ ଆଇଏସଏ ସଦସ୍ୟ ରାଷ୍ଟ୍ରମାନଙ୍କର 7 ଜଣ ମନ୍ତ୍ରୀ ଭାଗ ନେଇଥିଲେ । ବିଶ୍ୱବ୍ୟାପୀ ସୌର ଶକ୍ତିର ବ୍ୟବହାର, ଅଭିନବ ପଦକ୍ଷେପ, ପୁଞ୍ଜିନିବେଶ, ସୌର ପ୍ରକଳ୍ପ ପାଇଁ ବୈଷୟିକ ଜ୍ଞାନକୌଶଳର ଆଦାନ ପ୍ରଦାନ ମାଧ୍ୟମରେ ସୌର ଶକ୍ତି ଉତ୍ପାଦନ ବୃଦ୍ଧି ନେଇ ମିଳିତ ଭାବେ ପ୍ରୟାସ ଏବଂ ସହାୟତା ପ୍ରକ୍ରିୟାର ଲାଭ ଉପରେ ସେମାନେ ସେମାନଙ୍କର ମତ ପ୍ରଦାନ କରିଥିଲେ ।

ଏହି ଅବସରରେ ନିଜ ସମ୍ବୋଧନରେ ଭାରତ ସରକାରଙ୍କ ଶକ୍ତି, ନୂତନ ଏବଂ ଅକ୍ଷୟ ଶକ୍ତି ରାଷ୍ଟ୍ରମନ୍ତ୍ରୀ (ସ୍ୱାଧୀନ ଦାୟିତ୍ୱ) ଶ୍ରୀ ରାଜକୁମାର ସିଂ ପ୍ରଥମ ବିଦେଶୀ ପ୍ରସାରକ ଆଇଏସଏ ମଞ୍ଚର ଆୟୋଜନ ପାଇଁ ଆଇଏସଏକୁ ଅଭିନନ୍ଦନ ଜଣାଇଥିଲେ । ସେ କହିଲେ ଯେ ଗତ କିଛି ବର୍ଷ ହେବ ଅକ୍ଷୟ ଶକ୍ତି ଶସ୍ତାରେ ଉପଲବ୍ଧ ହୋଇପାରୁଛି ଏବଂ ଏହାକୁ ଆଗାମୀ ସମୟରେ ପାରମ୍ପରିକ ଶକ୍ତିର ବିକଳ୍ପ ଭାବେ ବ୍ୟବହାର କରାଯାଇ ପାରିବ ଯାହାକି ଏକ ଉତ୍ତମ ବିକାଶ । ସେ ମଧ୍ୟ କହିଲେ ଯେ ଅକ୍ଷୟ ଉର୍ଜା କ୍ଷେତ୍ରରେ ଭାରତରେ ଦ୍ରୂତଗତିରେ କାର୍ଯ୍ୟକ୍ରମ ଚାଲୁ ରହିଛି ଏବଂ 2020 ପୂର୍ବରୁ ଦେଶରେ 175 ଗିଗାୱାଟ ଅକ୍ଷୟ ଶକ୍ତି ଉର୍ଜା କ୍ଷମତା ହାସଲ କରାଯାଇ ପାରିବ । ମନ୍ତ୍ରୀ କହିଲେ ଯେ ସୌର ଶକ୍ତି ପ୍ରକଳ୍ପ ଲାଗି ଆଇଏସଏ ପ୍ରଚୁର ପରିମାଣର ଅନୁଦାନ ସଂଗ୍ରହ କରିବ । ନିଜ ସମ୍ବୋଧନରେ ଶ୍ରୀ ସିଂ ଘୋଷଣା କରିଥିଲେ ଯେ ସୌର ପ୍ରକଳ୍ପ ଗୁଡ଼ିକୁ ଆର୍ଥିକ ସହାୟତା ପ୍ରଦାନ କରିବା ପାଇଁ ଭାରତ ସରକାର 350 ମିଲିଅନ ଡଲାରର ଏକ ସୌର ଉନ୍ନୟନ ଅନୁଦାନ ପାଣ୍ଠି ପ୍ରତିଷ୍ଠା କରୁଛନ୍ତି ।

ମନ୍ତ୍ରୀସ୍ତରୀୟ ଅଧିବେଶନକୁ ଆନୁଷ୍ଠାନିକ ଭାବେ ଉଦଘାଟନ କରି ଏବଂ ଅଂଶଗ୍ରହଣକାରୀମାନଙ୍କୁ ସ୍ୱାଗତ କରି ଆଇଏସଏର ମଧ୍ୟବର୍ତ୍ତିକାଳୀନ ସାଧାରଣ ନିର୍ଦ୍ଦେଶକ ଶ୍ରୀ ଉପେନ୍ଦ୍ର ତ୍ରିପାଠୀ ସୂଚନା ପ୍ରଦାନ କରିଥିଲେ ଯେ ବିଭିନ୍ନ କମ୍ପାନୀ ଏବଂ ବ୍ୟାଙ୍କରମାନଙ୍କ ସହ ସୌର ପ୍ରକଳ୍ପ ବାବଦରେ 9ଟି ବୁଝାମଣା ସ୍ୱାକ୍ଷର ପତ୍ର ଆଦାନ ପ୍ରଦାନ ହୋଇଛି । ସେ ମଧ୍ୟ ସୂଚନା ପ୍ରଦାନ କରିଥିଲେ ଯେ ଆଇଏସଏ ଅଧୀନରେ 2018 ଏପ୍ରିଲ ସୁଦ୍ଧା 100 ରୁ ଉର୍ଦ୍ଧ୍ଵ ପ୍ରକଳ୍ପ ସ୍ୱାକ୍ଷର କରାଯିବ । ଖୁବ କମ ସମୟ ମଧ୍ୟରେ ଆଇଏସଏକୁ ଏକ ବାସ୍ତବତାରେ ପରିଣତ କରିଥିବାରୁ ସେ ବିଭିନ୍ନ ସଦସ୍ୟ ଦେଶ ଏବଂ ଅଂଶୀଦାରମାନଙ୍କୁ ଧନ୍ୟବାଦ ପ୍ରଦାନ କରିଥିଲେ । 2018 ଏପ୍ରିଲ 19-21 ମଧ୍ୟରେ ଭାରତ ସରକାରଙ୍କ ନୂତନ ଏବଂ ଅକ୍ଷୟ ଉର୍ଜା ମନ୍ତ୍ରଣାଳୟ ସହଯୋଗରେ ଅନୁଷ୍ଠିତ ହେବାକୁ ଥିବା ଦ୍ୱିତୀୟ ରି-ଇନଭେଷ୍ଟ ସମ୍ବନ୍ଧରେ ସେ ସୂଚନା ପ୍ରଦାନ କରିବା ସହ ସମସ୍ତଙ୍କୁ ଆମନ୍ତ୍ରଣ କରିଥିଲେ ।

ମନ୍ତ୍ରୀସ୍ତରୀୟ ବୈଠକ ପରେ ତିନୋଟି ବୈଷୟିକ ପାନେଲ ଆଲୋଚନା ହୋଇଥିଲା । ଏଗୁଡ଼ିକ ହେଲା- ଆଇଏସଏ ଏକ ଟ୍ରିଲିଅନ ଡଲାର ସୁଯୋଗ, ଆଇଏସଏ ରାଷ୍ଟ୍ରମାନଙ୍କରେ ସୌର ଅଭିନବତା ପାଇଁ ଆର ଆଣ୍ଡ ଡି ପ୍ରତିଷ୍ଠାନ ଗୁଡ଼ିକର ନେଟୱର୍କିଂ, ଇନକ୍ୟୁବେସନ ଆଣ୍ଡ ଷ୍ଟାର୍ଟଅପ୍ସ ଏବଂ ଆଇଏସଏ ଦେଶ ମାନଙ୍କ ମଧ୍ୟରେ ସୌର ଶକ୍ତି ସାମର୍ଥ୍ୟ ବୃଦ୍ଧି ଲାଗି କାର୍ଯ୍ୟକ୍ରମ । ଏହି ଅଧିବେଶନ ଗୁଡ଼ିକରେ ଶକ୍ତିମନ୍ତ୍ରୀ, ନୀତି ନିର୍ଦ୍ଧାରକ, ବିବିଧ କ୍ଷେତ୍ରୀୟ ବ୍ୟାଙ୍କ ଏବଂ ଆର୍ଥିକ ପ୍ରତିଷ୍ଠାନ, ଆର ଆଣ୍ଡ ଡି ପ୍ରତିଷ୍ଠାନ ଏବଂ ଇନୋଭେଟର, ସୌର ପ୍ରକଳ୍ପ ନିର୍ମାଣକାରୀ, ପୁଞ୍ଜିନିବେଶକ ଏବଂ ଅଂଶୀଦାରମାନେ ଭାଗ ନେଇଥିଲେ ।

Share in top social networks!

ଆଞ୍ଚଳିକ ବୈଷମ୍ୟ ଦୂର କରିବା ଲାଗି 115 ଅତି ପଛୁଆ ଜିଲ୍ଲାର ବିକାଶ ଅନିବାର୍ଯ୍ୟ : ନରେନ୍ଦ୍ର ମୋଦୀ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଅନଗ୍ରସର ଜିଲ୍ଲାଗୁଡ଼ିକର ଜିଲ୍ଲାପାଳ ଏବଂ ଜିଲ୍ଲାଧିକାରୀମାନଙ୍କ ସହ ଆଲୋଚନା କରିଛନ୍ତି । ନୂଆଦିଲ୍ଲୀର ଡ. ଆମ୍ବେଦକର ଆନ୍ତର୍ଜାତିକ କେନ୍ଦ୍ରଠାରେ ନୀତି ଆୟୋଗ ପକ୍ଷରୁ ଆୟୋଜିତ ସମ୍ମିଳନୀ ଅବସରରେ ଏହି ଆଲୋଚନା ହୋଇଥିଲା ।

2022 ସୁଦ୍ଧା ନୁଆ ଭାରତ ନିର୍ମାଣର ସ୍ୱପ୍ନକୁ ସାକାର କରିବା ଲାଗି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସଂକଳ୍ପକୁ ଦୃଷ୍ଟିରେ ରଖି ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା । ନିର୍ଦ୍ଦିଷ୍ଟ ବିକାଶ ମାନଦଣ୍ଡରେ ପଛୁଆ ରହିଥିବା 115ଟି ଜିଲ୍ଲାର ଦ୍ରୁତ ବିକାଶ ଲାଗି କେନ୍ଦ୍ର ସରକାର ଏକ ବୃହତ୍ତ ନୀତିଗତ ପ୍ରୟାସ ଆରମ୍ଭ କରିଛନ୍ତି ।

6ଟି ଗ୍ରୁପରେ ଅଧିକାରୀମାନେ ପୁଷ୍ଟିସାଧନ, ଶିକ୍ଷା, ମୌଳିକ ଭିତ୍ତିଭୂମି, କୃଷି, ଜଳସମ୍ପଦ, ବାମପନ୍ଥୀ ଉଗ୍ରବାଦର ନିରାକରଣ ଓ ଆର୍ଥିକ ଅନ୍ତର୍ଭୂକ୍ତିକରଣ ଏବଂ ଦକ୍ଷତା ବିକାଶ ସମ୍ପର୍କରେ ରିପୋର୍ଟମାନ ଉପସ୍ଥାପନ କରିଥିଲେ ।

ଏହି ଅବସରରେ ଉପସ୍ଥିତ କେନ୍ଦ୍ରମନ୍ତ୍ରୀ ଏବଂ କେନ୍ଦ୍ର ସରକାରଙ୍କ ବରିଷ୍ଠ ଅଧିକାରୀଙ୍କ ସହିତ ଜିଲ୍ଲାପାଳମାନଙ୍କୁ ଉଦବୋଧନ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ଡ. ଆମ୍ବେଦକର ଆନ୍ତର୍ଜାତୀୟ କେନ୍ଦ୍ରରେ ଏହା ପ୍ରଥମ ସରକାରୀ କାର୍ଯ୍ୟକ୍ରମ ହୋଇଥିବାରୁ ଏହା ବିଶେଷ ଗୁରୁତ୍ୱ ବହନ କରୁଛି ।

ସେ କହିଥିଲେ ଯେ କେତେକ ଅଂଚଳ ତୁଳନାତ୍ମକ ଭାବେ ପଛୁଆ ରହିବା ସେହି ଅଂଚଳର ଲୋକମାନଙ୍କ ପ୍ରତି ଅନ୍ୟାୟ । ଏହି ପରିପ୍ରେକ୍ଷୀରେ, ସେ କହିଥିଲେ, 115ଟି ପଛୁଆ ଜିଲ୍ଲାର ବିକାଶ ପାଇଁ ପ୍ରୟାସ ଦ୍ୱାରା ଡ.ଆମ୍ବେଦକରଙ୍କ ସ୍ୱପ୍ନ ସାକାର ହୋଇପାରିବ । ସେ ସର୍ବଦା ବଂଚିତଙ୍କ ଉତ୍ଥାନ ପାଇଁ ପ୍ରୟାସ କରିଥିଲେ ।

ଜନଧନ ଯୋଜନା, ଶୌଚାଳୟ ନିର୍ମାଣ ଏବଂ ଗ୍ରାମାଂଚଳ ବିଦ୍ୟୁତିକରଣ ସମ୍ପର୍କରେ ଉଦାହରଣ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ଦୃଢ଼ ସଂକଳ୍ପ ରହିଲେ ଆମ ଦେଶ ପାଇଁ କିଛି ବି ଅସମ୍ଭବ ନୁହେଁ । ମୃତ୍ତିକା ପରୀକ୍ଷଣ ଭଳି ସମ୍ପୂର୍ଣ୍ଣ ନୂଆ ପ୍ରୟାସର ସଫଳତା ସମ୍ପର୍କରେ ମଧ୍ୟ ସେ ଉଦାହରଣ ଦେଇଥିଲେ ।

ବର୍ତ୍ତମାନ ଭାରତରେ ଅପାର ସମ୍ଭାବନା, ବିଶାଳ ସାମର୍ଥ୍ୟ ଏବଂ ସୀମାହୀନ ସୁଯୋଗ ରହିଛି ବୋଲି ସେ ଜୋର ଦେଇଥିଲେ । ଏହି ପରିପ୍ରେକ୍ଷୀରେ, ପ୍ରଧାନମନ୍ତ୍ରୀ ସହଜ ବ୍ୟବସାୟ କାରବାର (ଇଜ ଅଫ ଡୁଇଂ ବିଜନେସ)ରେ ସୁଧାର ସମ୍ପର୍କରେ ଉଲ୍ଲେଖ କରିଥିଲେ । ଏହି ସଫଳତା ପାଇଁ ସେ ସରକାରୀ ଅଧିକାରୀ ଏବଂ ଟିମ ଇଣ୍ଡିଆକୁ ଶ୍ରେୟ ଦେଇଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ସମାଧାନର ସୂତ୍ର କେବେହେଲେ ଉପରସ୍ତରରୁ ଥୋପାଯାଏ ନାହିଁ । ତେଣୁ କ୍ଷେତ୍ର ତଥା ପ୍ରଶାସନର ତୃଣମୂଳ ସ୍ତରରେ ରହିଥିବା ଲୋକମାନେ ସମାଧାନ ପାଇଁ ଯୋଗଦାନ କରିବା ଉଚିତ । ଏହି ପରୀପ୍ରେକ୍ଷୀରେ, ବର୍ତ୍ତମାନ ପିଢ଼ି ନିକଟରେ ରହିଥିବା ସ୍ପଷ୍ଟ ଚିନ୍ତାଧାରା ଏବଂ ଦୃଢ଼ ବିଶ୍ୱାସକୁ ସେ ପ୍ରଶଂସା କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଆଂଚଳିକ ବୈଷମ୍ୟକୁ ଅନିଶ୍ଚିତ କାଳ ପର୍ଯ୍ୟନ୍ତ ବଢ଼ିବାକୁ ଦିଆଯିବା ଉଚିତ ନୁହେଁ । ତେଣୁ ପଛୁଆ ଜିଲ୍ଲାଗୁଡ଼ିକର ବିକାଶ ଗୁରୁତ୍ୱପୂର୍ଣ୍ଣ । ସେ କହିଥିଲେ ଯେ ସଫଳତାର କାହାଣୀ ଏହି ଅଂଚଳରେ ନକାରାତ୍ମକ ଚିନ୍ତାଧାରା ଏବଂ ମନୋବୃତ୍ତିକୁ ବଦଳାଇବାରେ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇବ । ତେଣୁ ପ୍ରଥମେ ଏହି ମନୋବୃତ୍ତିକୁ ନିରାଶାବାଦରୁ ଆଶାବାଦକୁ ପରିବର୍ତ୍ତନ କରିବାର ଆବଶ୍ୟକତା ରହିଥିବା ସେ ବର୍ଣ୍ଣନା କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ବିକାଶ ପାଇଁ ଜନ ଆନ୍ଦୋଳନ ନିମନ୍ତେ ପ୍ରମୁଖ ଦଳରେ ରହିଥିବା ବୁଦ୍ଧିମତାଗୁଡ଼ିକର ସମ୍ମିଶ୍ରଣର ଆବଶ୍ୟକତା ରହିଛି । ଏହି ପରିପ୍ରେକ୍ଷୀରେ ଜିଲ୍ଲାସ୍ତରରେ ମାନସମନ୍ଥନ ଉପରେ ସେ ଗୁରୁତ୍ୱାରୋପ କରିଥିଲେ । ସ୍ୱଚ୍ଛ ଭାରତ ଅଭିଯାନର ଉଦାହରଣ ଦେଇ ସେ କହିଥିଲେ ଯେ ଲୋକମାନଙ୍କ ସମ୍ପୃକ୍ତି ପାଇଁ ବ୍ୟବସ୍ଥିତ ପ୍ରକ୍ରିୟାର ଆବଶ୍ୟକତା ରହିଛି । ବିକାଶ ଲକ୍ଷ୍ୟର ଉପଲବ୍ଧୀରେ ସକାରାତ୍ମକ ବର୍ଣ୍ଣନା ଏବଂ ଆଶାବାଦ ସୃଷ୍ଟି କରିବା ଉପରେ ସେ ଗୁରୁତ୍ୱାରୋପ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଅନଗ୍ରସର ଜିଲ୍ଲାଗୁଡ଼ିକରେ ଲୋକମାନଙ୍କ ଆଶାଆକାଂକ୍ଷାକୁ ହୃଦବୋଧ କରି ସେଗୁଡ଼ିକର ସମାଧାନ କରିବା ଆବଶ୍ୟକ । ସରକାରୀ ଯୋଜନା ସହିତ ଲୋକମାନଙ୍କ ଆଶାଆକାଂକ୍ଷାକୁ ଯୋଡ଼ିବା ଲାଗି ଜନସାଧାରଣଙ୍କ ସମ୍ପୃକ୍ତିର ଆବଶ୍ୟକତା ରହିଛି । ସେ କହିଥିଲେ ଯେ ବିକାଶ ଲକ୍ଷ୍ୟଗୁଡ଼ିକୁ ପହଁଚାଇବା ଜରିଆରେ 115ଟି ଅନଗ୍ରସର ଜିଲ୍ଲାର ଜିଲ୍ଲାପାଳଙ୍କ ନିକଟରେ ଦୀର୍ଘସ୍ଥାୟୀ ସନ୍ତୋଷ ପ୍ରାପ୍ତ କରିବାର ସୁଯୋଗ ରହିଛି । ସେ କହିଥିଲେ ଯେ ଜୀବନପଥରେ ଆସୁଥିବା ଆହ୍ୱାନର ମୁକାବିଲା କରିବା ଦ୍ୱାରା ଲକ୍ଷ୍ୟ ହାସଲ କରିବା ସମ୍ଭବ ହୋଇଥାଏ ଏବଂ ଏହି ଜିଲ୍ଲାପାଳମାନଙ୍କ ନିକଟରେ ସେହି ସୁଯୋଗ ରହିଛି । ବାବାସାହେବ ଆମ୍ବେଦକରଙ୍କ ଜୟନ୍ତୀ 14 ଏପ୍ରିଲ ପୂର୍ବରୁ ତିନି ମାସ ମଧ୍ୟରେ ନିଷ୍ଠାପର ଉଦ୍ୟମ କରି ଆଖିଦୃଶିଆ ପରିଣାମ ହାସଲ ପାଇଁ ସେ ଆହ୍ୱାନ କରିଥିଲେ । ସେ କହିଥିଲେ, ଏପରି ଉତ୍ତମ ପ୍ରଦର୍ଶନ କରିଥିବା ଏକ ଜିଲ୍ଲାକୁ ଆସନ୍ତା ଏପ୍ରିଲରେ ସେ ଗସ୍ତ କରିବାକୁ ଚାହିଁବେ । ସେ କହିଥିଲେ ଯେ ଏହି 115ଟି ଜିଲ୍ଲା ବିକଶୀତ ନୂଆ ଭାରତର ମୂଳଦୁଆ ହୋଇପାରିବ ।

Share in top social networks!

ବ୍ୟାଙ୍କ ଖାତାକୁ ପ୍ରତ୍ୟକ୍ଷ ରିହାତି ହସ୍ତାନ୍ତର

କେନ୍ଦ୍ର ଶାସିତ ଅଞ୍ଚଳ ଚଣ୍ଡିଗଡ଼, ପୁଡୁଚେରୀ ଏବଂ ଦାଦରା ଓ ନଗର ହାବେଳୀର ସହରାଚଂଳରେ ଖାଦ୍ୟ ରିହାତି ବାବଦରେ ଅର୍ଥ ସ୍ଥାନାନ୍ତର ଯୋଜନା କାର୍ଯ୍ୟକାରୀ କରାଯାଇଛି । ଖାଦ୍ୟ ରିହାତି ବାବଦ ଅର୍ଥ ସ୍ଥାନାନ୍ତର ନିୟମ – 2015 ର ବ୍ୟବସ୍ଥା ଅନୁସାରେ ଏହି ଯୋଜନା ଲାଗୁ ହୋଇଥାଏ, ଯେଉଁଠାରେ ଅନ୍ୟାନ୍ୟ ବ୍ୟବସ୍ଥା ସହିତ ରିହାତି ବାବଦ ଅର୍ଥ ସ୍ଥାନାନ୍ତର ଯୋଜନା କାର୍ଯ୍ୟାନ୍ୱୟନ ପାଇଁ ଚିହ୍ନଟ କରାଯାଇଥିବା ଅଂଚଳ, ଯେଉଁମାନେ ପ୍ରସ୍ତୁତି ସଂପର୍କୀତ କିଛି ସର୍ତ୍ତ ପୂରଣ କରୁଥିବେ ଓ ପ୍ରସ୍ତୁତି କରିଥିବେ । ଚିହ୍ନଟ ଅଂଚଳର ସଂଜ୍ଞା ରାଜ୍ୟ ଓ କେନ୍ଦ୍ର ଶାସିତ ଅଂଚଳର ନିୟମ ଅନୁସାରେ ନିର୍ଦ୍ଧାରଣ କରାଯାଏ, ରାଜ୍ୟ ଓ କେନ୍ଦ୍ର ଶାସିତ ଅଂଚଳର ନିର୍ଦ୍ଦିଷ୍ଟ ଭାଗରେ ରାଜ୍ୟ ଓ କେନ୍ଦ୍ର ଶାସିତ ଅଂଚଳର ସରକାରଙ୍କର ଲିଖିତ ସହମତିରେ ଏହି ଯୋଜନା ଲାଗୁ କରାଯାଏ । ସେଥିପାଇଁ ଏନ୍ଏଫଏସ୍ଏମ୍ ବ୍ୟବସ୍ଥା ଅନୁସାରେ ଖାଦ୍ୟ ରିହାତି ବାବଦରେ ଅର୍ଥ ସ୍ଥାନାନ୍ତର ଯୋଜନା କାର୍ଯ୍ୟକାରୀ କରିବା ଅଥବା ସୁଲଭ ମୂଲ୍ୟ ଭଣ୍ଡାର ମାଧ୍ୟମରେ ଖାଦ୍ୟ ଶସ୍ୟ ବଂଟନ କରିବା ଉଭୟ ରାଜ୍ୟ ଓ କେନ୍ଦ୍ର ଶାସିତ ଅଂଚଳ ଗୁଡିକ ପାଇଁ ଇଚ୍ଛାଧୀନ ବିଷୟ ।

ଉପଭୋକ୍ତା ବ୍ୟାପାର, ଖାଦ୍ୟ ଓ ସାଧାରଣ ବଂଟନ ରାଷ୍ଟ୍ରମନ୍ତ୍ରୀ ଶ୍ରୀ ସି.ଆର ଚୌଧୁରୀ ଆଜି ରାଜ୍ୟସଭାରେ ଏହି ସୂଚନା ଦେଇଛନ୍ତି ।

Share in top social networks!