ଓଡିଆ ଝିଅ ଅନିଶା ଆଚାର୍ଯ୍ୟ ଙ୍କ ଦ୍ଵାରା ସମ୍ପାଦିତ ଲଘୁ ଚଳଚିତ୍ର ୨୦୧୫ ଷ୍ଟୁଡେଣ୍ଟ ଅସ୍କାର ସ୍ଵର୍ଣ ପୁରଷ୍କାରରେ ସମ୍ମାନିତ

odiafilmଗତ କାଲି ୨୦୧୫ ମସିହାର ଷ୍ଟୁଡେଣ୍ଟ ଆକାଡେମି ଆୱାର୍ଡ (ଷ୍ଟୁଡେଣ୍ଟ ଅସ୍କାର) ପୁରସ୍କାର ପ୍ରଦାନ ସମାରୋହ ସମାପନ ହୋଇଅଛି । ଆନ୍ତର୍ଜାତୀୟ ସ୍ତରରେ ଚଳଚିତ୍ର କ୍ଷେତ୍ରରେ ଉଦ୍ଦିୟମାନ ଛାତ୍ର ପ୍ରତିଭାକୁ ବିଶ୍ଵ ଚଳଚିତ୍ର ଉଦ୍ୟୋଗରେ ନିଜ କଳାର ପ୍ରଦର୍ଶନ କରିବା ପାଇଁ ଏକ ସୁଯୋଗ ଓ ମଞ୍ଚ ପ୍ରଦାନ କରିବା ଉଦ୍ଦେଶ୍ୟରେ ଏହି ଷ୍ଟୁଡେଣ୍ଟ ଅସ୍କାର ସମ୍ମାନ ୧୯୭୨ ମସିହାରେ ସଂସ୍ଥାପିତ କରାଯାଇ ଅଛି । ପ୍ରତି ବର୍ଷ ସ୍ଵର୍ଣ, ରୋପ୍ୟ ଏବଂ ବ୍ରଞ୍ଜ ପୁରଷ୍କାରମାନ ପାଞ୍ଚଟି ବିଭାଗରେ ଦିଆଜାଇ ଥାଏ — ବିକଳ୍ପ, ଆନିମେଶନ, ବିଦେଶୀ, ବୃତ୍ତଚିତ୍ତ୍ର ଓ ବର୍ଣନାତ୍ମକ । ଏ ବର୍ଷ ୨୮୨ ଆମେରିକିୟ ୯୩ ଅନ୍ୟ ଦେଶର କଲେଜ ଓ ବିଶ୍ବବିଦ୍ୟାଳୟରୁ ଏକ ରେକର୍ଡ ସଂଖ୍ୟକ ୧୬୮୬ ଚଳଚିତ୍ର ଏ ପ୍ରତିଯୋଗିତାରେ ଭାଗ ନେଇଥିଲେ ।
ଆମେରିକାନ ଫିଲ୍ମ ଇନଷ୍ଟିଚିଉଟ (ଏ. ଏଫ. ଆଇ.) ର ୨୦୧୪ ବ୍ୟାଚ ର ଏକ ଛାତ୍ର ଛାତ୍ରୀ ଦଳଙ୍କ ଦ୍ଵାରା ପ୍ରସ୍ତୁତ ବର୍ଣ୍ଣନାତ୍ମକ ଲଘୁ ଚଳଚିତ୍ର “ଡ଼େ ୱାନ” ଚଳିତ ବର୍ଷର ସମ୍ମାନଜନକ ଷ୍ଟୁଡେଣ୍ଟ ଆକାଡେମି ଆୱାର୍ଡ (ଷ୍ଟୁଡେଣ୍ଟ ଅସ୍କାର) ସ୍ଵର୍ଣ ପୁରଷ୍କାର ପାଇଛି । ଏହି ଚଳଚିତ୍ରଟି ଓଡିଆ ଝିଅ ଅନିଶା ଆଚାର୍ଯ୍ୟ ଙ୍କ ଦ୍ଵାରା ସମ୍ପାଦିତ, ଏବଂ ହେନରୀ ହିଊଜଙ୍କ ଦ୍ଵାରା ନିର୍ଦ୍ଦେଶିତ । ଗତ କାଲି ସନ୍ଧ୍ୟାରେ ଲସ ଏଞ୍ଜେଲେସର ସାମୁଏଲ ଗୋଲ୍ଡ ୱିନ ଥିଏଟର ରେ ଅନୁଷ୍ଠିତ ଏକ ବର୍ଣାଢ୍ୟ ସମାରୋହରେ ପ୍ରସିଦ୍ଧ କଳାକାର ମିଶେଲ ରଡରିଗସ ଏହି ସ୍ଵର୍ଣ ପୁରଷ୍କାର ପ୍ରଦାନ କରିଥିଲେ । ଏହି ଚଳଚିତ୍ରଟିର ବିଷୟ ବସ୍ତୁ, ଆମେରିକୀୟ ସେନା ସହିତ ଅନୁବାଦକ ରୂପେ ଯୋଗ ଦେଇଥିବା ଏକ ଛାଡପତ୍ରିୟ ଆଫଗାନି ମହିଳାଙ୍କର କାର୍ଯ୍ୟ ଯୋଗଦାନର ପ୍ରଥମ ଦିବସର ଅତି ମର୍ମସ୍ପର୍ଶୀ ଅନୁଭବ ଉପରେ ଆଧାରିତ । ଏହା ଉଲ୍ଲେଖନୀୟ ଯେ ଲଘୁ ଚଳଚିତ୍ର “ଡେ ୱାନ” ଏ ବର୍ଷ ଅନେକ ଅନ୍ୟ ପୁରସ୍କାର ମଧ୍ୟ ପାଇ ସାରିଛି, ଯଥା: ଷ୍ଟୁଡେଣ୍ଟ ଏମୀ, ଷ୍ଟୁଡେଣ୍ଟ ବାଫତା ପୁରସ୍କାର ଇତ୍ୟାଦି । (www.dayonefilm.com)
ଅନିଶା ଆଚାର୍ଯ୍ୟ ଓଡିଶାର ସ୍ଵାଧୀନତା ସଂଗ୍ରାମୀ ସ୍ବର୍ଗତ କୀର୍ତ୍ତନ ବିହାରୀ ଆଚାର୍ଯ୍ୟ ଓ ତାରାମଣି ଆଚାର୍ଯ୍ୟ ଙ୍କର ନାତୁଣୀ ଏବଂ ସମାଜ ବିକାଶ ବିଶେଷଜ୍ଞ ଡ. ଜଗବନ୍ଧୁ ଆଚାର୍ଯ୍ୟଙ୍କର ଝିଅ । ବେଙ୍ଗାଲୁରୁ ସ୍ଥିତ ଏନ. ଆଇ. ଏଫ. ଟି. ଅନୁଷ୍ଠାନରେ ପ୍ରଡ଼କ୍ଟ ଓ ଗ୍ରାଫିକ ଡିଜାଇନ ରେ ଡିଗ୍ରୀ ହାସଲ କରିବା ପରେ, ଅନିଶା ଲସ ଏଞ୍ଜେଲେସ ସ୍ଥିତ ଆମେରିକାନ ଫିଲ୍ମ ଇନଷ୍ଟିଚିଉଟ (ଏ. ଏଫ. ଆଇ.) ରେ ଦୁଇ ବର୍ଷ ଅଧ୍ୟୟନ କରି ଚଳଚିତ୍ର ସମ୍ପାଦନ ରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି । ବାସ୍ତବିକ ଜୀବନ କାହାଣୀ କୁ ମର୍ମସ୍ପର୍ଶୀ, ହୃଦୟ ସଞ୍ଚାରକ ଓ ଆତ୍ମା ଉତ୍ତୋଳକ କରିବା ପାଇଁ ଚଳଚିତ୍ର ଏକ ମହାନ ମାଧ୍ୟମ ବୋଲି ଅନିଶା ବିଶ୍ଵାସ କରନ୍ତି ।

Share in top social networks!

ନାଲ୍‍କୋ ପକ୍ଷରୁ ଆନ୍ତର୍ଜାତୀୟ ମହିଳା ଦିବସ ପାଳିତ

intwomenଆନ୍ତର୍ଜାତୀୟ ମହିଳା ଦିବସ ଅବ୍ୟବହିତ ପୂର୍ବରୁ ମାର୍ଚ୍ଚ୍‍ ୭ ତାରିଖରେ, ନ୍ୟାସନାଲ୍‍ ଆଲୁମିନିୟମ୍‍ କମ୍ପାନୀ ଲିମିଟେଡ୍‍ (ନାଲ୍‍କୋ) ପକ୍ଷରୁ ଭୁବନେଶ୍ୱର ଠାରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହି ଅବସରରେ, ମହିଳା, ଶିଶୁ ଓ ଭିନ୍ନକ୍ଷମଙ୍କ ବିକାଶ ନିମନ୍ତେ କାର୍ଯ୍ୟ କରୁଥିବା ସ୍ୱେଚ୍ଛାସେବୀ ଅନୁଷ୍ଠାନ ଆଇନାର ସମ୍ପାଦିକା ଶ୍ରୀମତୀ ସ୍ନେହମଞ୍ଜରୀ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇଥରଲେ । ନାଲ୍‍କୋର ଅଧ୍ୟକ୍ଷ ତଥା ପରିଚାଳନା ନିଦେ୍ର୍ଧଶକ ଶ୍ରୀ ଅଂଶୁମାନ ଦାସ, ନିଦେ୍ର୍ଧଶକ (ମାନବସମ୍ବଳ) ଶ୍ରୀ ଏସ୍‍.ସି. ପାଢୀ ଓ କାର୍ଯ୍ୟନିର୍ବାହୀ ନିଦେ୍ର୍ଧଶକ (ମାନବସମ୍ବଳ ଓ ପ୍ରଶାସନ) ଶ୍ରୀ ଏ.କେ. ସାହୁ ପ୍ରମୁଖ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ଆନ୍ତର୍ଜାତୀୟ ମହିଳା ଦିବସର ଗୁରୁତ୍ୱ ତଥା ମହିଳା ସଶକ୍ତିକରଣ ସମ୍ପର୍କରେ ସେମାନଙ୍କ ମତାମତ ଉପସ୍ଥାପନ କରିଥିଲେ ।
କାର୍ଯ୍ୟକ୍ରମର ପ୍ରାରମ୍ଭରେ, ସିନିଅର୍‍ ମ୍ୟାନେଜର୍‍ (ଏଚ୍‍ଆର୍‍ଡି) ଶ୍ରୀମତୀ ଗୀତା ମହାପାତ୍ର ସ୍ୱାଗତ ଭାଷଣ ପ୍ରଦାନ କରିଥିଲେ । ନିଦେ୍ର୍ଧଶକ (ବାଣିଜ୍ୟ) ଶ୍ରୀମତୀ ସୋମା ମଣ୍ଡଳଙ୍କ ଅନୁପସ୍ଥିତିରେ ଶୁଭଦର୍ଶିନୀ ସେନାପତି ତାଙ୍କ ବାର୍ତ୍ତା ପାଠ କରିଥିଲେ । ଶ୍ରୀମତୀ ନୀଳିମା କଙ୍ଗାରୀ ଧନ୍ୟବାଦ ଜ୍ଞାପନ କରିଥିଲେ । ଉର୍ମି ଅଧିରା ରାୟ କାର୍ଯ୍ୟକ୍ରମର ପରିଚାଳନା କରିଥିଲେ । ଶେଷରେ, ନାରୀ ସଶକ୍ତିକରଣ ଉପରେ ଆଧାରିତ ଏକ କ୍ଷୁଦ୍ର ନାଟିକା ‘ଯୁଗରୁ ଯୁଗାନ୍ତ, ନାରୀ ଅପରାଜେୟ’ ପରିବେଷିତ ହୋଇଥିଲା ।

Share in top social networks!

ମହିଳା ନାଁରେ ହେବ ରାସନ କାର୍ଡ: ଯୋଗାଣ ସଚିବ

alibhaଭୁବନେଶ୍ୱରରେ ଅଲିଭା ଗ୍ରାମ ପଞ୍ଚାୟତ ମହିଳା ପ୍ରତିନିଧି ମହାସଂଘର ଦୁଇଦିନିଆ ରାଜ୍ୟସ୍ତରୀୟ ସମ୍ମିଳନୀ ଉଦ୍ଘାଟିତ ହୋଇଯାଇଛି । ଏହାକୁ ଖାଦ୍ୟଯୋଗାଣ ଓ ଖାଉଟି କଲ୍ୟାଣ ବିଭାଗ ସଚିବ ମଧୂସୁଦନ ପାଢୀ ଉଦ୍ଘାଟନ କରିଥିଲେ । ସେ କହିଥିଲେ, ଖାଦ୍ୟ ସୁରକ୍ଷା ଆଇନ ଅଧିନରେ ରାଜ୍ୟର ୩ କୋଟି ୨୬ ଲକ୍ଷ ଲୋକ ଅର୍ନ୍ତଭୂକ୍ତ ହେବେ । ଘରର ମହିଳାଙ୍କ ନାମରେ ଏହି କାର୍ଡ ହିତାଧିକାରୀଙ୍କୁ ପ୍ରଦାନ କରାଯିବ ବୋଲି ସେ ସୂଚନା ଦେଇଥିଲେ । ଅନ୍ୟତମ ଅତିଥି ସୁପ୍ରିମ କୋର୍ଟ ଦ୍ୱାରା ଗଠିତ ଖାଦ୍ୟ ଅଧିକାର ଓ ନିରାପତ୍ତା କମିଟିର ଉପଦେଷ୍ଟା ରାଜକିଶୋର ମିଶ୍ର ଅଭିଯୋଗ ଶୁଣାଣୀ ପକ୍ରିୟାକୁ ତ୍ୱରାନ୍ୱିତ କରିବା ଉପରେ ଗୁରୁତ୍ୱ ଦେଇଥିଲେ । ଏ କ୍ଷେତ୍ରରେ ପଞ୍ଚାୟତ ପ୍ରତିନିଧିମାନଙ୍କ ଅତି ଗୁରୁତ୍ୱପୂର୍ଣ୍ଣ ବୋଲି ସେ କହିଥିଲେ ।
ଏହି ସମ୍ମୀଳନୀରେ ଅନୁଗୁଳ, ଦେବଗଡ, ଢେଙ୍କାନାଳ, ଗଜପତି, ଖୋର୍ଦ୍ଧା, କଳାହାଣ୍ଡି, ନୂଆପଡା ଆଦି ୮ଟି ଜିଲ୍ଲାର ଶତାଧିକ ମହିଳା ପଞ୍ଚାୟତ ପ୍ରତିନିଧି ଯୋଗ ଦେବା ସେମାନଙ୍କର ଗୁରୁତ୍ୱପୂର୍ଣ୍ଣ ମତ ଉପସ୍ଥାପନ କରିଥିଲେ । ରାଜ୍ୟ ମହିଳା କମିଶନର ସଦସ୍ୟା କୁସୁମ ରଥ ଓ ସ୍ନୋହାଞ୍ଜଳୀ ମହାନ୍ତି ବକ୍ତବ୍ୟ ରଖି ମହିଳା ମାନଙ୍କର ସୁରକ୍ଷାକୁ ନେଇ ପଞ୍ଚାୟତ ସ୍ତରରେ ମହିଳା, କମିଶନର ଭୂମିକା ଉପରେ ଗୁରୁତ୍ୱାରୋପ କରିଥିଲେ । ବିଶେଷ ଭାବେ ଏକୁଟିଆ ରହୁଥିବା ମହିଳା ପଞ୍ଚାୟତରେ ବିବାହ ପଂଜିକରଣ ଓ ମହିଳା ହିଂସା ଅଭିଯୋଗ, ଦୁଇ ସନ୍ତାନ ନୀତି ଉଚ୍ଛେଦ ଆଜି ଉପରେ ଆଲୋଚନା କରିଥିଲେ । ଏହି ଉସôବରେ ହଙ୍ଗର ପ୍ରୋଜେକ୍ଟର ଲିତାଲୀ ଦାସ ସ୍ୱାଗତ ଭାଷଣ ଦେଇଥିବା ବେଳେ ସଂଗଠନର ରାଜ୍ୟ ସଂଯୋଜକ ସୁକାନ୍ତ ମହାପାତ୍ର ଏହି କାର୍ଯ୍ୟକ୍ରମର ଆଭିମୁଖ୍ୟ ସମ୍ପର୍କରେ କହିଥିଲେ ଓ ଏହି କାର୍ଯ୍ୟକ୍ରମକୁ ଜିଲ୍ଲା ସ୍ତରରେ ଆଗେଇ ନେଇଥିବା ସ୍ୱେଚ୍ଛାସେବୀ ଅନୁଷ୍ଠାନ ଆଇ.ଡବ୍ଲୁ.ଡି, ପିକକ୍, ଦାପ୍ତା, ପିପାର, ନାରୀ ସୁରକ୍ଷା ସମିତି, ଆୟୁଷକାମ, ନିପିଡିତ୍ ଙ୍କୁ କୃତଜ୍ଞତା ଜଣାଇଥିଲେ । ଅଲିଭା ମହାସଂଘର ଉଦେ୍ଧଶ୍ୟ ଓ କାର୍ଯ୍ୟକ୍ରମ ଉପରେ ତଥ୍ୟ ଉପସ୍ଥାପନ କରିଥିଲେ । ଏହି ଦୁଇ ଦିନିଆ ସମ୍ମିଳନୀରେ ମହିଳା ହିଂସା, ଖାଦ୍ୟ ସୁରକ୍ଷା, ଆଦର୍ଶ ପଞ୍ଚାୟତ, ଦୁଇ ସନ୍ତାନ ନୀତି ଆଦି ପ୍ରସଙ୍ଗ ଉପରେ ପ୍ରତିନିଧି ମାନେ ଆଲୋଚନା କରି ଏକ ସ୍ମାରକପତ୍ର ପ୍ରସ୍ତୁତ କରିଥିଲେ । ଏହାକୁ ବିଭିନ୍ନ ସ୍ତରରେ ପ୍ରଦାନ କରାଯିବ । ଏଥିରେ ଅର୍ଚ୍ଚନା ସାହୁ, ବିମଳା ସାହୁ, ପଦ୍ମାବତୀ ସାହୁ, ଜୟଶ୍ରୀ ପଟେଲ, ମମତା ବେହେରା ଦଳେଇ, ଗୀତାଞ୍ଜଳୀ କହଁର, ଇନ୍ଦୁମତୀ ପଟେଲ, କଲ୍ୟାଣୀ ବେହେରା, ସଂଯୁକ୍ତା ବେହେରା ପ୍ରମୁଖ ମହିଳା ପଂଚାୟତ ପ୍ରତିନିଧି ଅଲିଭା ମହାସଂଘର ଜିଲ୍ଲାସ୍ତରୀୟ କାର୍ଯ୍ୟକ୍ରମ ସମ୍ପର୍କରେ ଆଲୋକପାତ କରିଥିଲେ ।

Share in top social networks!

‘ମୃତ୍ୟୁ ଘୋଷଣା ପୂର୍ବରୁ କରାଯାଇଥିଲା ପ୍ରସୂତିଙ୍କ ଅନ୍ତିମ ସଂସ୍କାର’ ; ସାନି ତଦନ୍ତ ନିର୍ଦ୍ଦେଶ ଦେଲେ ମାନବାଧିକାର କମିଶନ

Odishan-MAP-2
ଜଣେ ପ୍ରସୂତି ମହିଳାଙ୍କ ମୃତ୍ୟୁଘଟଣା ପଛରେ ଥିବା ସ୍ୱାସ୍ଥ୍ୟ କର୍ମଚାରୀଙ୍କ ଗୁରୁତର ଅବହେଳା ପାଦକୁ ଆସିଛି । ପ୍ରସୂତିଙ୍କ ଅବସ୍ଥା ଗୁରୁତର ଥିବାରୁ ଏକ ଗଜପତି ଜିଲ୍ଲା ମୁଖ୍ୟ ଚିକିତ୍ସାଳୟରୁ ବ୍ରହ୍ମପୁର ମେଡିକାଲ କଲେଜ ହସ୍ପିଟାଲକୁ ଆମ୍ବୁଲାନ୍ସ ଯୋଗେ ପଠାଯାଇଥିଲା । କିନ୍ତୁ ବାଟରେ ରୋଗୀଙ୍କ ସାଥିରେ ଥିବା ଲୋକେ ଭାବିଲେ ପ୍ରସୂତିଙ୍କ ମୃତ୍ୟୁ ଘଟିଛି । ତେଣୁ ସେମାନେ ତାଙ୍କୁ ଡାକ୍ତରଖାନା ନେଲେ ନାହିଁ । ମୃତ୍ୟୁ ସମ୍ପର୍କରେ ଡାକ୍ତରଙ୍କୁ ମଧ୍ୟ ପଚାରିଲେ ନାହିଁ । ସିଧା ଗାଁକୁ ନେଇ ତାଙ୍କର ଅନ୍ତିମ ସଂସ୍କାର କରିଦେଲେ । ଏକ ମାମଲାର ଶୁଣାଣୀ ସମୟରେ ଜାତୀୟ ମାନବାଧିକାର କମିଶନଙ୍କ ନିକଟରେ ଏହି ତଥ୍ୟ ରଖିଛନ୍ତି ରାଜ୍ୟ ସ୍ୱାସ୍ଥ୍ୟ ସଚିବ । ଏହାପରେ କମିଶନ ଏହି ଘଟଣାର ସାନି ତଦନ୍ତ କରିବା ଲାଗି ନିର୍ଦ୍ଦେଶ ଦେଇଛନ୍ତି । ଅଜପତି ଜିଲ୍ଲା ଗୁମା ବ୍ଲକ ଅନ୍ତର୍ଗତ ମା ଧଉଳା ଗାଁର ଗର୍ଭବତୀ ମହିଳା ସ୍ମିତା ବଡରଇତ ୨୦୧୩ ମସିହା ଫେବୃୟାରୀ୨୫ରେ ଗୁମା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିଲେ । ୨୬ତାରିଖରେ ସେ କନ୍ୟା ସନ୍ତାନଟିକୁ ଜନ୍ମ ଦେବା ପରେ ତାଙ୍କ ଅବସ୍ଥା ଗୁରୁତର ହୋଇପଡିଥିଲେ ମଧ୍ୟ ଚିକିତ୍ସାର ଅବହେଳା କରାଯାଇଥିଲା । ତାଙ୍କୁ ଏମକେସିଜି ମେଡିକାଲ ଆଣିବା ବାଟରେ ତାଙ୍କର ମୃତ୍ୟୁ ଘଟିଥିଲା । ଏଭଳି ଘଟଣା ମାନବାଧିକାରର ଉଲଂଘନ ବୋଲି ଦର୍ଶାଇ ମାନବାଧିକାରକର୍ମୀ ଶ୍ରୀ ଅଖଣ୍ଡ ଜାତୀୟ ମାନବାଧିକାର କମିଶନଙ୍କ ନିକଟରେ ପିଟିସନ ଦାୟର କରିଥିଲେ । ଏହାର ବିଚାର କରି କମିଶନ ସ୍ୱାସ୍ଥ୍ୟ ସଚିବଙ୍କୁ ନୋଟିସ ଜାରି କରି କାର୍ଯ୍ୟାନୁଷ୍ଠାନ ରିପୋର୍ଟ ମାଗିଥିଲେ । ସ୍ୱାସ୍ଥ୍ୟ ବିଭାଗ ସଚିବ ମାନବାଧିକାର କମିଶନଙ୍କ ନିକଟରେ ଦାଖଲ କରିଥିବା ରିପୋର୍ଟରେ କୁହାଯାଇଛି ଯେ, ସ୍ମିତାଙ୍କ ଚିକିତ୍ସା ରେ କୌଣସି ଅବହେଳା ହୋଇନାହିଁ । ତାଙ୍କୁ ପ୍ରାଥମିକ ଚିକିତ୍ସା କେନ୍ଦ୍ରରୁ ଜିଲ୍ଲା ମୁଖ୍ୟ ଚିକିତ୍ସାଳୟ ନିଆଯାଇଥିଲା । ୨୬ତାରିଖ ସକାଳ ୮ଟା ୨୦ରେ ସେ ସେଠାରେ ପହଞ୍ଚିଥିଲେ । କିନ୍ତୁ ତାଙ୍କୁ ଏମକେସିଜି ମେଡିକାଲ ପଠାଯିବା ବାଟରେ ପୂର୍ବାହ୍ନ ୧୧ଟା ୧୦ରେ ତାଙ୍କ ସହ ଥିବା ସହାୟକ ଦେଖିଥିଲେ ଯେ ସ୍ମିତାଙ୍କ ଶ୍ଵାସକ୍ରିୟା ବନ୍ଦ ହୋଇଯାଇଛି ଓ ଭାବିନେଇଥିଲେ ଯେ ତାଙ୍କର ମୃତ୍ୟୁ ଘଟିଛି । ସ୍ମିତାଙ୍କୁ କୌଣସି ଡାକ୍ତର ମୃତ୍ୟୁ ଘୋଷଣା କରିନଥିଲେ ମଧ୍ୟ ତାଙ୍କ ଅନ୍ତିମ ସଂସ୍କାର କରାଯାଇଥିଲା । ଏ ସମ୍ପର୍କରେ କୌଣସି ହସ୍ପିଟାଲ କର୍ତ୍ତୃପକ୍ଷଙ୍କୁ ଅବଗତ କରାଯାଇନଥିଲା । ସ୍ୱାସ୍ଥ୍ୟ ବିଭାଗଙ୍କ ଏହି ରିପୋର୍ଟ ଉପରେ ଆବେଦନକାରୀ ଅଖଣ୍ଡ ମାନବାଧିକାର କମିଶନଙ୍କ ନିକଟରେ ନିଜର ଯୁକ୍ତି ରଖିଛନ୍ତି । ସେ ଦର୍ଶାଇଛନ୍ତି ଯେ ଆମ୍ବୁଲାନ୍ସ ସେବା ସ୍ୱାସ୍ଥ୍ୟ ବିଭାଗ ଦ୍ଵାରା ପରିଚାଳିତ । ତେଣୁ ଏହାର ଚଳାଚଳ ମଧ୍ୟ ସ୍ୱାସ୍ଥ୍ୟ କର୍ମଚାରୀମାନେ ନିୟନ୍ତ୍ରଣ କରିବା କଥା । ତେଣୁ ରୋଗୀଙ୍କ ସହାୟକ ଙ୍କ କଥାରେ ଆମ୍ବୁଲାନ୍ସଟି ରୋଗୀଙ୍କୁ ହସ୍ପିଟାଲ ନନେଇ କିପରି ତାଙ୍କ ଗାଁକୁ ନେଇଥିଲା ? ପ୍ରସୂତିଙ୍କ ଅଧିକ ରକ୍ତସ୍ରାବ ହେଉଥିଲେ ମଧ୍ୟ ରକ୍ତ ଦିଆଗଲା ନାହିଁ । ସେହିଭଳି ପ୍ରସୂତି ମହିଳାଙ୍କ ଚିକିତ୍ସା ରେକର୍ଡ ରଖିବାକୁ ବ୍ୟବହୃତ ଫଟୋଗ୍ରାଫ ମଧ୍ୟ କରାଯାଇନଥିଲା । ଆବେଦନକାରୀଙ୍କ ଏସବୁ ଯୁକ୍ତି ପରେ କମିଶନ ଏହି ଘଟଣାର ସାନି ତଦନ୍ତ କରିବାକୁ ସ୍ୱାସ୍ଥ୍ୟ ସଚିବଙ୍କୁ ନିର୍ଦ୍ଦେଶ ଦେଇଛନ୍ତି । ୬ ସପ୍ତାହ ମଧ୍ୟରେ ରିପୋର୍ଟ ଦାଖଲ କରିବା ପାଇଁ ନିର୍ଦ୍ଦେଶନାମାରେ କୁହାଯାଇଛି ।

Share in top social networks!

ରାଷ୍ଟ୍ରସେବିକା ସମିତି,ଓଡିଶା ତରଫରୁ ବିଶାଳ ପଥ ସଞ୍ଚଳନ

Odishan-MAP-13ରାଷ୍ଟ୍ରସେବିକା ସମିତି,ଓଡିଶା ତରଫରୁ ବିଶାଳ ପଥ ସଞ୍ଚଳନ ଆଜି ଖାରବେଳ ନଗରସ୍ଥିତ ଶ୍ରୀରାମ ମନ୍ଦିର ନିକଟରୁ ବାହାରି ଶ୍ରୀୟାଛକ ,ଗିରିଦୁର୍ଗାଛକ ,ମାଷ୍ଟରକ୍ୟାଣ୍ଟିନ,ରାଜମହଲ,ୟୁନିଟ୍-୨ ଦେଇ ୟୁନିଟ୍-୩ ସ୍ଥିତ ସରସ୍ଵତୀ ଶିଶୁ ବିଦ୍ୟାମନ୍ଦିର ନିକଟରେ ପହଞ୍ଚିଥିଲା । ପଥ ମାଧ୍ୟମରେ ମାଆ ମାଉସୀମାନେ ଏହି ସଞ୍ଚଳନରେ ୨୦୦ରୁ ଉର୍ଦ୍ଧ୍ଵ ସେବିକା ବୀରବେଶରେ ସଜ୍ଜିତ ହୋଇ ବୀର ବାଦ୍ୟ ବଜାଇ ସହର ପରିକ୍ରମା କରିଥିଲେ ବୋଲି ସମିତିର ମିଡିଆ ସଂଯୋଜକ ଶ୍ରୀ ଗୋଲଖ ଚନ୍ଦ୍ର ଦାସ ଜନାଇଛନତି । ସୂଚନାଯୋଗ୍ୟ ଯେ, ମହିଳାମାନଙ୍କୁ ଶାରୀରିକ,ମାନସିକ ତଥା ଆଧ୍ୟାତ୍ମିକ ଦୃଷ୍ଟିରୁ ସମର୍ଥ କରବା ସ୍ଵସଂରକ୍ଷଣ ନାରୀସମାଜ ଗଠନ କରିବା ହିଁ ରାଷ୍ଟ୍ର ସେବିକାର ମୂଳଲକ୍ଷ୍ୟ । ସ୍ତ୍ରୀ ହିଁ ରାଷ୍ଟ୍ରର ଆଧାର ଶକ୍ତି । ବଳବାନ ସଂସ୍କାରୀତ ନାରୀହିଁ ସନାଜକୁ ଉଚ୍ଚତମ ମାର୍ଗରେ ପରିଚାଳିତ କରି ଭାରତ ତଥା ସମଗ୍ର ବିଶ୍ଵକୁ ସମୃଦ୍ଧ ଏବଂ ସମନ୍ଵିତ କରିବାରେ ସାହାଯ୍ୟ କରିବ । ଏଥିପାଇଁ ପ୍ରତିବର୍ଷ ରାଷ୍ଟ୍ର ସେବିକା ସମିତି ତରଫରୁ ଗ୍ରୀଷ୍ମ କାଳୀନ ଶିକ୍ଷା ବର୍ଗ ଭାରତ ବର୍ଷର ପ୍ରତ୍ୟେକ ପ୍ରାନ୍ତରେ ଅନୁଷ୍ଠିତ ହୁଏ । ନାରିସମାଜ ଗଠନ ତଥା ବୈଭବ ଶାଳି ରାଷ୍ଟ୍ର ନିର୍ମାଣ ପାଇଁ ରାଷ୍ଟ୍ରସେବିକା ସମିତି,ଓଡିଶା ତରଫରୁ ଏକ ରାଜ୍ୟସ୍ତରୀୟ ଶିବିର ମଞ୍ଚେଶ୍ଵର ସ୍ଥିତ ଉତ୍କଳ ବିପନ୍ନ ସହାୟତା ସମିତି ଠାରେ ଗତ ମେ ୧୦ ତାରିଖ ଠାରୁ ଅନୁଷ୍ଠିତ ହେଉଛି । ଆସନ୍ତା କାଲି୨୫ ଅରକ୍ଷର ତାର ସମାରୋପ ଉତ୍ସବ । ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗ,ବାୟାମ,ଯୋଗାଚାପ,ଦଣ୍ଡ,ନିୟୁଦ୍ଧ,ପୁଣ୍ୟଭୂମି ଦର୍ଶନ,ଭାରତକୁ ଚିହ୍ନିବା କାର୍ଯ୍ୟକ୍ରମ,ରାଷ୍ଟ୍ରନିର୍ମାଣର ଆଧାର,ଚର୍ଚ୍ଚା,ଦେଶାତ୍ମୋବୋଧକ ଗୀତା,ଶ୍ଳୋକ ଆଦି ମାଆ ଓ ଭଉଣୀମାନଙ୍କର ଶାରୀରିକ ,ମାନସିକ ଓ ବୌଦ୍ଧିକର ବିକାଶ ପାଇଁ ତାଲିମ ପ୍ରଦାନ କରାଯାଉଛି ।

Share in top social networks!

ମହିଳାମାନଙ୍କ ପାଇଁ ଗ୍ରୀଷ୍ମକାଳୀନ ଯୋଗ ଶିବିର

47765ଏକ ସୁସ୍ଥ ଏବଂ ଗୁଣବାନ ଶିଶୁ ଜନ୍ମକରିବା ସବୁ ମା ମାନଙ୍କ ଭାଗ୍ୟରେ ନ ଥାଏ । ତେବେ ଏହି ଲକ୍ଷ୍ୟ ହାସଲ ନିମନ୍ତେ ସ୍ଥାନୀୟ ସତ୍ୟାନନ୍ଦ ଯୋଗ ବିଦ୍ୟାଳୟ ପକ୍ଷରୁ ଏକ ଯୋଗ ଶିବିର କରାଯାଉଛି । କେବଳ ମହିଳାମାନଙ୍କ ପାଇଁ ବିଦ୍ୟାଳୟ ପକ୍ଷରୁ ଏକ ସ୍ଵତନ୍ତ୍ର ଗ୍ରୀଷ୍ମକାଳୀନ ଯୋଗ ଶିବିର ଆୟୋଜନ କରାଯାଉଛି । ଆସନ୍ତା ଜୁନ ପହିଲାରୁ ୧୨ ତାରିଖ ପର୍ଯ୍ୟନ୍ତ ସକାଳ ୯ ଟା ଠାରୁ ସାଢେ ୧୦ ଘଟିକା ପର୍ଯ୍ୟନ୍ତ ମହିଳାମାନଙ୍କୁ ଯୋଗ ପ୍ରଶିକ୍ଷଣ କରାଯିବ । ବିନା ଯନ୍ତ୍ରଣାରେ କିଭଳି ପ୍ରସାବ ସ୍ଵାଭାବିକ ଭାବେ ଉତ୍ତମ ଓ ସୁସ୍ଥ ଶିଶୁ ଜନ୍ମ କରାଯାଇପାରିବ ସେ ସମ୍ପର୍କରେ ପ୍ରଶିକ୍ଷଣ ଦିଆଯିବ । ଗର୍ଭ ଧାରଣ ବେଳେ ଓ ଶିଶୁ ଜନ୍ମକଲା ପରେ ମହିଳାମାନେ କିଭଳି ସେମାନଙ୍କର ସ୍ଵାସ୍ଥ୍ୟର ଯତ୍ନ ନେଇପାରିବେ ସେଥିପାଇଁ ଯୋଗ ପ୍ରଶିକ୍ଷଣ ଦିଆଯିବ । ଏଥି ସହିତ ମହିଳାମାନେ ଭୋଗୁଥିବା ଅସୁବିଧା ମୁଣ୍ଡବ୍ୟଥା, ଆଣ୍ଠୁ ଗଣ୍ଠି ଯନ୍ତ୍ରଣା,ଅଣ୍ଟାବ୍ୟଥା,ଉଚ୍ଚରକ୍ତଚାପ ,ମଧୁମେହ ଏବଂ ଆଜମା ବା ଶ୍ଵାସର ନିରାକରଣ ନିମନ୍ତେ ଉପଯୋଗ ହେଉଥିବା ଯୋଗାଡ଼ ପ୍ରଶିକ୍ଷଣ ଦିଆଯିବ ।

Share in top social networks!

ମହିଳା ସ୍ୱାସ୍ଥ୍ୟକର୍ମୀ ପଦ୍ମାବତୀ ପାଇବେ ଫ୍ଲୋରେନ୍ସ ନାଇଟଙ୍ଗଲ ପୁରସ୍କାର

odisha-map1ମଣିଷର ଇଛାଶକ୍ତି,କାମ କରିବାର କୌଶଳ ଅସାଧ୍ୟକୁ ସାଧନ କରିବା ସହିତ ତାକୁ ସଫଳତାର ସହିତ ତାକୁ ସଫଳତାର ଶିଖରରେ ପହଞ୍ଚାଇଥାଏ । ସେହିପରି ଜଣେ ମହିଳା ସ୍ୱାସ୍ଥ୍ୟ କର୍ମୀ ହେଉଛନ୍ତି ପଦ୍ମାବତୀ ମେହେର । ଶ୍ରୀମତୀ ମେହେର ତାଙ୍କର କାର୍ଯ୍ୟ ଦକ୍ଷତା,କର୍ତ୍ତବ୍ୟ ପରାୟଣତା,ନିଷ୍ଠା ଓ ଆନ୍ତରିକତା ପାଇଁ ୨୦୧୩-୧୪ ବର୍ଷରେ ଫ୍ଲୋରେନ୍ସ ନାଇଟଙ୍ଗଲ ପୁରସ୍କାର ପାଇବା ନିମନ୍ତେ ମନୋନୀତ ହୋଇଛନ୍ତି । ସମ୍ପ୍ରତ୍ତି ଶ୍ରୀମତୀ ମେହେର ବଲାଙ୍ଗୀର ଜିଲ୍ଲା ପାଟଣାଗଡ ବ୍ଲକ ଅନ୍ତର୍ଗତ ଯୋଗୀମୁଣ୍ଡା ସ୍ୱାସ୍ଥ୍ୟ ଉପକେନ୍ଦ୍ରରେ କାର୍ଯ୍ୟରତ ଅଛନ୍ତି । ୨୦୧୦ ରୁ ଏ ପର୍ଯ୍ୟନ୍ତ ପ୍ରାୟ ୧୩୦୦ରୁ ଅଧିକ ସଂବେଦନଶୀଳ ଆସନ୍ନ ପ୍ରସବା ଗର୍ଭବତୀ ମହିଳା ଙ୍କର ବିନା ଅସ୍ତ୍ରପଚାରରେ ପ୍ରସବ କରାଇ ପାରିଛନ୍ତି । ଏହା ବ୍ଯତୀତ ପ୍ରତି ମାସରେ ହାରାହାରି ୫୦ ଜଣ ଗର୍ଭବତୀ ମହିଳାଙ୍କୁ ଆନୁଷ୍ଠାନିକ ଭାବରେ ପ୍ରସବ ଏବଂ ପ୍ରସବ ପରବର୍ତ୍ତୀ ସହାୟତା ପ୍ରଦାନ କରୁଛନ୍ତି । ଏଥି ସହିତ ଗ୍ରାମାଞ୍ଚଳ ଲୋକଙ୍କ ନିକଟରେ ସାର୍ବଜନୀନ ଟୀକାକରଣ ସମେତ ସ୍ଵାସ୍ଥ୍ୟସେବାର ବିଭିନ୍ନ କାର୍ଯ୍ୟକ୍ରମକୁ ପହଞ୍ଚାଇ ସ୍ୱାସ୍ଥ୍ୟ ସଚେତନ କରିବା ଦିଗରେ ଅଗ୍ରଣୀ ଭୂମିକା ଗ୍ରହଣ କରି ସମସ୍ତଙ୍କ ଦ୍ଵାରା ଆଦୃତ ଓ ପ୍ରଶଂସା ର ପାତ୍ର ହୋଇ ଅନ୍ୟମାନଙ୍କ ନିମନ୍ତେ ଏକ ଉଦାହରଣ ହୋଇପାରିଛନ୍ତି । ଶ୍ରୀମତୀ ମେହେର ତାଙ୍କର ଏହି ସେବା ମନୋଭାବ, ନିଷ୍ଠା ଓ ଆନ୍ତରିକତା ନିମନ୍ତେ ଅନେକ ପୁରସ୍କାର ରେ ପୁରସ୍କୃତ ହୋଇଛନ୍ତି । ବର୍ତ୍ତମାନ ସେ ନର୍ସିଙ୍ଗ ସେବାର ସର୍ବୋଚ୍ଚ ସ୍ଵିକୃତି ଫ୍ଲୋରେନ୍ସ ନାଇଟାଙ୍ଗଲ ପୁରସ୍କାର ପାଇବା ପାଇଁ ମନୋନୀତ ହୋଇଛନ୍ତି । ଆସନ୍ତା ୧୪ ତାରିଖ ଦିନ ଦିଲ୍ଲୀଠାରେ ଶ୍ରୀମତୀ ମେହେର ଭାରତର ମହାମହିମ ରାଷ୍ଟ୍ରପତି ଡକ୍ଟର ପ୍ରଣବ ମୁଖାର୍ଜୀ ଙ୍କ ଠାରୁ ଏହି ପୁରସ୍କାର ଗ୍ରହଣ କରିବାକୁ ଯାଉଛନ୍ତି ।

Share in top social networks!

ମହିଳାମାନଙ୍କୁ ସ୍ୱାବଲମ୍ବୀ କରାଉଛି ହିଣ୍ଡାଲକୋ

pic1ଆଦିତ୍ୟ ବିର୍ଲା ଗୃପ୍ ର ଏକ ୟୁନିଟ୍ ,ହିଣ୍ଡାଲକୋ ଏହାର ସାମାଜିକ ଦାୟିତ୍ଵବୋଧତା ଦିଗରେ ଆଞ୍ଚଳିକ ଲୋକମାନଙ୍କର ବିକାଶ ତଥା ମହିଳାମାନଙ୍କୁ ସ୍ୱାବଲମ୍ବୀ କରିବା ନିମନ୍ତେ ‘ସଂସ୍କାର’ ଏବଂ ଏହିଭଳି ୪୪ଟି ସ୍ଵୟଂ ସେବୀସଂସ୍ଥା କୁ ସମର୍ଥନ ଦେଉଛି । ହିଣ୍ଡାଲକୋ ର ଏହି ସମାଜସେବା ଉଦ୍ଦେଶ୍ୟର ଜ୍ଵଳନ୍ତ ଉଦାହରଣ ହେଉଛନ୍ତି ବାସନ୍ତୀ ମହାରଣା ,ଯେ କି ସମ୍ବଲପୁର ଜିଲ୍ଲାର ହୀରାକୁଦ ଗ୍ରାମରେ ବାସ କରନ୍ତି । ସେ ଓ ତାଙ୍କର ସ୍ଵାମୀ ଦିନମଜୁରିଆ ଅଟନ୍ତି । ସାଧାରଣ ଲୋକଙ୍କ ଭଳି ତାଙ୍କ ସ୍ଵପ୍ନ ଥିଲାତାଙ୍କ ଦୁଇ ସନ୍ତାନ ଙ୍କୁ ଶିକ୍ଷା ପ୍ରଦାନ କରିବା ପାଇଁ , ହେଲେ ତାଙ୍କ ଦୁହିଙ୍କର ମୋଟ ଆୟ ତାଙ୍କ ପରିବାରକୁ ପୋଷିବାରେ ଯଥେଷ୍ଟ ହେଉ ନ ଥାଏ । ଏହି ସମୟରେ ହିଣ୍ଡାଲ୍କୋ ତାଙ୍କ ସହାୟତା କାରିଥିଲା ଏବଂ ତାଙ୍କର ସ୍ଵପ୍ନକୁ ସାକାର କରିଥିଲା । ଏହି ସମ୍ପର୍କରେ ହିଣ୍ଡାଲକୋ ର ହୀରାକୁଦ କମ୍ପ୍ଲେକ୍ସର ମୁଖ୍ୟ ,ଶ୍ରୀ ପ୍ରସ୍ୟୋନ ମୁଖାର୍ଜୀ କହିଛନ୍ତି ,” ଏହି ଅଞ୍ଚଳର ମହିଳାମାନଙ୍କର ହିତ ପାଇଁ ଆମେ ଚିନ୍ତିତ ଏବଂ ସ୍ଵୟଂ ସହାୟକ ସଂସ୍ଥାମାନଙ୍କର ସମର୍ଥନ ମାଧ୍ୟମରେ ଆମେ ଏଠାକାର ମହିଳାମାନଙ୍କ ମଧ୍ୟରେ ସ୍ଵାଧୀନତା ଏବଂ ଉଦ୍ୟମ ଶୀଳତା ଭାବନାକୁ ଜାଗ୍ରତ କରି ସେମାନଙ୍କୁ ଏକ ସମ୍ମାନ ଭରା ଜୀବନ ପ୍ରଦାନ କରିବାକୁ ଚେଷ୍ଟା କରୁଛୁ ।“ସେ ଆହୁରି କହିଛନ୍ତି,” ହିରାକୁଦରେ ଆମେ ଉଲ୍ଲେଖନୀୟ ବିକାଶ ପରିଲକ୍ଷିତ କରିଛୁ । ଆମର ପ୍ରଚେଷ୍ଟା ନା କେବଳ ସ୍ଵୟଂ ସହାୟକ ସଂସ୍ଥାମାନଙ୍କୁ ସମର୍ଥନ ଦେଉଛି ବରଂ ମହିଳାମାନଙ୍କୁ ସ୍ଵାଧୀନ ଭାବରେ ନିଜସ୍ଵ,ଟେଲରିଂ ଏବଂ ଫିନାଇଲ ପ୍ରସ୍ତୁତ ଭଳି ବ୍ୟବସାୟ ଆରମ୍ଭ କରିବାକୁ ଶଶକ୍ତ କରାଉଛି ।“ କେବଳ ୧୩ଜଣଙ୍କୁ ନେଇ ୨୦୦୮ରେ ଆରମ୍ଭ ଏହି ପଦକ୍ଷେପ ଖୁବ ସଫଳତା ହାସଲ କରିଛି । ହିଣ୍ଡାଲକୋ ଏହି ଦଳକୁ ସ୍ଥାନୀୟ ୟୁକୋ ବ୍ୟାଙ୍କ ରେ ଏକ ଖାତା ଖୋଲିବା ପାଇଁ ସହାୟତା ପ୍ରଦାନ କରିଥିଲା । ସେମାନଙ୍କୁ ପାମ୍ପଡ ଓ ବାଡି ପ୍ରସ୍ତୁତ ବ୍ୟବସାୟ ନିମନ୍ତେ ଏକ ଲୋନ୍ ମଧ୍ୟ ମିଳିଥିଲା । ହିଣ୍ଡାଲ୍କୋ ସେମାନଙ୍କୁ ଆକାଉଣ୍ଟସ୍ ବୁକ୍ ପରିଚାଳନା ନିମନ୍ତେ ତାଲିମ୍ ପ୍ରଦାନ କରିଥିଲା । ସେମାନେ ଟଙ୍କା ୨୬୦୦ରେ ବ୍ୟବସାୟ ର ଆରମ୍ଭ କରିଥିଲେ ।ବାର୍ତ୍ତାମାନ ସମୟରେ ଏହି ବ୍ୟବସାୟରୁ ସେମାନେ ବାର୍ଷିକ ଟଙ୍କା ୩,୭୫,୫୦୦ ଆୟ କରୁଛନ୍ତି । ସମସ୍ତ ଖର୍ଚ୍ଚ ସରିବା ପରେ ପ୍ରତ୍ୟେକ ସଭ୍ୟଙ୍କର ମାସିକ ଆୟ ଟଙ୍କା ୧,୧୦୦ ରୁ ଟଙ୍କା ୧,୨୦୦ ମଧ୍ୟରେ ହେଉଛି । ଏହା ତାଙ୍କ ଆୟରେ ପରିବର୍ତ୍ତନ ଆଣିବା ସହିତ ସେମାନଙ୍କ ଜୀବନ ଶୈଳୀ ରେ ମଧ୍ୟ ପରିବର୍ତ୍ତନ ଆଣିଛି । ବର୍ତ୍ତମାନ ସେମାନେ ତାଙ୍କ ଅଞ୍ଚଳର ସମାଜ ପରିବର୍ତ୍ତନ କାରୀ ଏଜେଣ୍ଟ ଭାବେ ପରିଗଣନା କରାଯାଉଛନ୍ତି । ବର୍ତ୍ତମାନ ସମସ୍ତ ସ୍ଵୟଂ ସହାୟକ ଦଳ ମାନଙ୍କର ବ୍ୟାଙ୍କ ଆକାଉଣ୍ଟ ଅଛି । ସେମାନଙ୍କ ମଧ୍ୟରୁ ଅନେକ ଆୟରେ ବୃଦ୍ଧି ଆଣିବା ନିମନ୍ତେ ବ୍ୟାଙ୍କରୁ ଋଣ ନେଉଛନ୍ତି ।

Share in top social networks!

ରାଜଧାନୀରେ ମହିଳାଙ୍କ ସୁରକ୍ଷା ଲାଗିଲା ଆଇ-କ୍ଲିକ୍ ; ଅପରାଧ ପରେ ତତକ୍ଷଣାତ ପୋଲିସ ପାଖରେ ଖବର ପହଞ୍ଚାଇବ ଆଇ କ୍ଲିକ୍

47593ରାଜଧାନୀରେ ବଢୁଥିବା ମହିଳାଙ୍କ ଉପରେ ଅପରାଧକୁ ନଜରରେ ରଖି ଆରମ୍ଭ ହୋଇଛି ନୂତନ ଅନଲାଇନ୍ ଇନଷ୍ଟାଣ୍ଟ ଅଭିଯୋଗ ସେବା ଆଇକ୍ଲିକ୍ । ଏହି ଅଭିନବ ଉପାୟରେ ମହିଳାମାନେ ତତକ୍ଷଣାତ୍ ଅନଲାଇନ୍ ଅଭିଯୋଗ ଦାଖଲ କରି ତାହାର ରସିଦ୍ ମଧ୍ୟ ପାଇପାରିବେ । ଏଟିମ୍ ମେସିନ୍ ଭଳି କମ କରୁଥିବା ଏହି ମେସିନ୍ ଜରିଆରେ ମହିଳାଙ୍କ ଉପରେ ହେଉଥିବା ଅପରାଧରେ ରୋକ ଲଗାଯାଇପାରିବ ବୋଲି କମିସନରେଟ୍ ପୋଲିସ ଆଶା ରଖିଛି । ପୋଲିସ୍ କମିଶନର ଡା ଆର.ପି ଶର୍ମା ଏହି ୨୪ ଘଣ୍ଟିଆ ଅଭିନବ ବୈପ୍ଳବିକ ସେବାର ପଦକ୍ଷେପ ନେଇଛନ୍ତି । ସେହିପରି ଡ଼ିସିପି ନିତିନଜିତ୍ ସିଂ ମଧ୍ୟ ଅଭିଯୋଗ ପାଇଲା ପରେ କଣ୍ଟ୍ରୋଲରୁମ୍ ଓ ପିସିଆର୍ ସେବାର ତତକ୍ଷଣାତ୍ ପଦକ୍ଷେପ ନିଆଯିବ ବୋଲି କହିଛନ୍ତି । ରାଜ୍ୟରେ ବଢୁଥିବା ମହିଳା ବିରୋଧୀ ହିଂସା ଓ ଅପରାଧ କୁ ରୋକିବା ପାଇଁ ଏହା ଏକ ଯୁଗାନ୍ତକାରୀ ପଦକ୍ଷେପ ହେବ ବୋଲି ଆଶା କରାଯାଉଛି । ତେବେ ରାଜ୍ୟ ଆଟି ବିଭାଗ ଓ ଓକାକ୍ ର ପ୍ରୟାସ ସହ କାର୍ଯ୍ୟକାରୀ ସଚିବ ଏମ୍ ଏସ୍ ପାଢୀ ଓ ନୂତନ ଆଟି ସଚିବ ସଂଜୀବ ମିଶ୍ରଙ୍କ ଦିଗଦର୍ଶନ ରହିଛି । ତେବେ ଏହି ଆଇ-କ୍ଲିକ୍ କୁ ନିର୍ମାଣ କରିଛନ୍ତି ଡାଇଭରସିଫାଇଡ୍ ଏନର୍ଜି ଓ କଳିଗ୍ ସଲ୍ୟୁସନ୍ସ ନାମକ ଦୁଇଟି କମ୍ପାନୀ । ଏହି ଅବସରରେ ଡାଇଭରସିଫାଇଡ୍ ଏନର୍ଜିର ମୁଖ୍ୟ ଶ୍ରୀ ପାର୍ଥିବ ମେହେତା କୁହନ୍ତି ଏହି ମେସିନ୍ ଅତ୍ୟନ୍ତ ସହଜରେ ପରିଚାଳିତ ହୋଇପାରିବ । ଇଂରାଜୀ ହିନ୍ଦୀ ଓ ଓଡିଆ ଭାଷାରେ ଏହାକୁ ପରିଚାଳନା କରାଯାଇପାରିବ । ପ୍ରାରମ୍ଭିକ ଭାବେ ବ୍ୟାଙ୍କ ଅଫ୍ ବରୋଦା ଏହା ପାଇଁ ସହାୟତା ପ୍ରଦାନ କରିଥିବାବେଳେ ଆଞ୍ଚଳିକ ପ୍ରାବନ୍ଧିକ ଗୋଲକ ପଣ୍ଡାଙ୍କ ଅବଦାନ ଏହି ପ୍ରକଳ୍ପ ପାଇଁ ରହିଛି । ଏହି ମେସିନ୍ ର ପରିକାଳ୍ପନା କରିଛନ୍ତି ରାଜ୍ୟର ବରିଷ୍ଠ ଆଇପିଏସ୍ ଅଧିକାରୀ ଜୟଦିପ୍ ନାୟକ ।

Share in top social networks!

ଇତିଶ୍ରୀ ହତ୍ୟାକାଣ୍ଡ ଘଟଣା: ସିବିଆଇ ତଦନ୍ତ କରିବାକୁ ସୁପାରିଶ କଲେ ଜାତୀୟ ମହିଳା କମିଶନ ଅଧ୍ୟକ୍ଷା

45334ଟିକିରି ଶିକ୍ଷୟତ୍ରୀ ଇତିଶ୍ରୀ ପ୍ରଧାନ ହତ୍ୟାକାଣ୍ଡ ଘଟଣାର ସିବିଆଇ ଦ୍ଵାରା ତଦନ୍ତ କରିବା ପାଇଁ ଜାତୀୟ ଅହିଲା କମିଶନ ଅଧ୍ୟକ୍ଷା ମମତା ଶର୍ମା ସୁପାରିଶ କରିଛନ୍ତି । ଏଥିସହିତ ଏହି ଘଟଣାର ଆକ୍ସନ ଟେକ ରିପୋର୍ଟ ପ୍ରଦାନ କରିବା ସହିତ ଜିଲ୍ଲାପାଳ ଏବଂ ଏସପିଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ପରାମର୍ଶ କରିଥିବା ଜଣାପଡିଛି । ମହିଳାକମିଶନଙ୍କ ପକ୍ଷରୁ କରାଯାଇଥିବା ରିପୋର୍ଟରେ ଘଟଣା ବେଶ କିଛିଦିନ ବିତିଯାଇଥିବାବେଳେ ବର୍ତ୍ତମାନ ସୁଦ୍ଧା ମୁଖ୍ୟ ଅଭିଯୁକ୍ତଙ୍କୁ ଗିରଫ କରାଯାଇନଥିବା ବେଳେ ଏହାର ତଦନ୍ତ କ୍ରାଇମବ୍ରାଞ୍ଚ ଦ୍ଵାରା ନକରି ସିବିଆଇ ଦ୍ଵାରା କରିବାକୁ ସେ ସୁପାରିଶ କରିଥିବା କଥା ଜଣାପଡିଛି । ଏପରିକି ପୋଲିସ ପ୍ରମାଣ ପତ୍ର ନଷ୍ଟ କରିବାକୁ ଯୋଜନା କରୁଥିବା ସେ କହିଥିବା ସହିତ ଯେହେତୁ ଘଟଣାରେ ସାଂସଦ,ମନ୍ତ୍ରୀ,ମୁଖ୍ୟମନ୍ତ୍ରୀଙ୍କ କଥାକୁ ନେଇ ଅଭିଯୋଗ ଉଠିଛି ଏୟାର ତଦନ୍ତ କରାଯିବା ଦରକାର ବୋଲି ମହିଳା କମିଶନ ଉଲ୍ଲେଖ କରିଥିବା ଜଣାପଡିଛି ।

Share in top social networks!