ଓଡିଶାରେ ସରକାର ବିରୋଧୀ ଜନ ଆକ୍ରୋଶ ଅଧିକ ତୀବ୍ର ହୋଇଛି : ଅମିତ ଶାହା

DSC_3522ଉତର ପ୍ରଦେଶ, ଉତରାଖଣ୍ଡ ଓ ତ୍ରିପୁରାରେ ନିର୍ବାଚନ ପ୍ରଚାର ସମୟରେ ଯେଉଁ ଜନଭାବନା ଦେଖିଥିଲି ଓଡିଶାରେ ତା ଠାରୁ ଅଧିକ ତୀବ୍ର ସରକାର ବିରୋଧୀ ଜନଭାବନା ଦେଖୁଛି ବୋଲି ବଲାଙ୍ଗୀର ଠାରେ ବିଜେପି ଯୁବ ମୋର୍ଚ୍ଚା ଦ୍ୱାରା ଆୟୋଜିତ ଯୁବ ସମାବେଶରେ ଉଦ୍ବୋଧନ ଦେଇ କହିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ତେଣୁ ବିଜେପିକୁ ଓଡିଶାରେ ୧୨୦ ଆସନ ନୁହେଁ ତା ଠାରୁ ମଧ୍ୟ ଅଧିକ ଆସନ ମିଳିବ ବୋଲି ଏହି ସଭାରେ ଶ୍ରୀ ଶାହା ଦୃଢୋକ୍ତି ପ୍ରକାଶ କରିଛନ୍ତି ।
ତ୍ରିପୁରା ନିର୍ବାଚନରେ ଦଳ ଜିତିବା ପରେ ବିଜେପିର ସୁବର୍ଣ୍ଣ ଯୁଗ ଆସିଛି ସତ କିନ୍ତୁ ଶାହା ଏହାକୁ ସ୍ୱୀକାର କରିନାହାଁନ୍ତି । ଶ୍ରୀ ଶାହା କହିଛନ୍ତି ଯେ, ଯେଉଁ ପର୍ଯ୍ୟନ୍ତ ପଶ୍ଚିମ ବଙ୍ଗ ଓ ଓଡିଶାରେ ବିଜେପି ଶାସନ ପ୍ରତିÂିତ ନ ହୋଇଛି ଦଳ ପାଇଁ ସେହି ପର୍ଯ୍ୟନ୍ତ ସୁବର୍ଣ୍ଣ ଯୁଗ ଆସିବ ନାହିଁ ବୋଲି ଶ୍ରୀ ଶାହା କହିଛନ୍ତି ।
(ପୃÂା -୧/୩)

ବିଭିନ୍ନ ଯୋଜନା ପ୍ରସଙ୍ଗକୁ ନେଇ ଶ୍ରୀ ଶାହା କହିଛନ୍ତି ଯେ, ମୋଦି ସରକାର ହେଉଛନ୍ତି ଏକ ବଡ ବିଜୁଳି ଉପôାଦନ କେନ୍ଦ୍ର । କିନ୍ତୁ ଓଡିଶା ସରକାର ହେଉଛି ପୋଡା ଟ୍ରାନସଫର୍ମର । କେନ୍ଦ୍ରରେ ସରକାର ୧୧୬ ଯୋଜନା କରିଥିଲେ ମଧ୍ୟ ରାଜ୍ୟ ସରକାର ସେହି ଯୋଜନାଗୁଡିକୁ ସାଧାରଣ ଲୋକଙ୍କ ପାଖରେ ପହଂଚାଇ ପାରିନାହାଁନ୍ତି । ଓଡିଶାର ବିକାଶ ପାଇଁ ମୋଦି ସରକାର ବଦ୍ଧ ପରିକର । ମାତ୍ର ରାଜ୍ୟରେ ଥିବା ସରକାର ପୋଡା ଟ୍ରାନସଫରମର ଭଳି କାର୍ଯ୍ୟ କରୁଛି । ଟ୍ରାନସଫରମର ବଦଳାଇବା ପରିବର୍ତେ ଏହାକୁ ଓପାଡି ଫିଙ୍ଗିବାକୁ ଶ୍ରୀ ଶାହା ଆହ୍ୱାନ ଦେଇଛନ୍ତି । କିଏ ବିଧାୟକ ଅବା ମୁଖ୍ୟମନ୍ତ୍ରୀ ହେବ ସେଥିପାଇଁ ବିଜେପି ନିର୍ବାଚନ ଲଢେ ନାହିଁ କେବଳ ଗରୀବ ଲୋକଙ୍କ ଉନ୍ନତି ପାଇଁ ବିଜେପି ନିର୍ବାଚନ ଲଢେ ବୋଲି ଶ୍ରୀ ଶାହା କହିଛନ୍ତି ।
ଆଜି ବି ଓଡିଶାର ୫୦ ଲକ୍ଷ ଲୋକ କଚ୍ଚା ଘରେ ରହୁଛନ୍ତି । ସେହିପରି ରାଜ୍ୟରେ ୩୬ ପ୍ରତିଶତ ଘରେ ବିଜୁଳି ପଂହଚିପାରିନାହିଁ । କେନ୍ଦ୍ର ସରକାରଙ୍କ ସୌଭାଗ୍ୟ ଯୋଜନା ଅନୁସାରେ ୨୦୨୧ ପୂର୍ବରୁ ରାଜ୍ୟର ପ୍ରତି ଘରେ ବିଜୁଳି ପହଂଚାଇବା ଏବଂ ୨୦୨୨ ପୂର୍ବରୁ ପ୍ରଧାନମନ୍ତ୍ରୀ ଆବାସ ଯୋଜନା ଅନୁସାରେ ଓଡିଶାରେ ସମସ୍ତ ପରିବାରକୁୁ ପକ୍କା ଘର ଯୋଗାଇଦେବାର ଦାୟୀତ୍ୱ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ନେଇଛନ୍ତି ବୋଲି ଶ୍ରୀ ଶାହା କହିଛନ୍ତି ।
ରାଜ୍ୟରେ ଶାସକ ବିଜେଡିର ନେତାମାନେ ହିଂସା ପରାୟଣ ହୋଇ ଉଠିଛନ୍ତି । ଗତ ପଂଚାୟତ ନିର୍ବାଚନ ପରେ ୧୪ ଜଣ ବିଜେପି କର୍ମୀଙ୍କୁ ଶାସକ ଦଳର କର୍ମୀ ମାନେ ରାଜନୈତିକ ହତ୍ୟା କରିଛନ୍ତି । ମାତ୍ର ରାଜ୍ୟ ସରକାର ଅପରାଧୀ ମାନଙ୍କୁ ଦଣ୍ଡ ଦେବା ପରିବର୍ତେ ସୁରକ୍ଷା ଦେଇଆସୁଛି । ଆଗାମୀ ଦିନରେ ରାଜ୍ୟରେ ବିଜେପି ସରକାର ଆସିଲେ ଅପରାଧୀମାନେ ପାତାଳରେ ରହିଲେ ମଧ୍ୟ ସେମାନଙ୍କୁ ଗିରଫ କରି ଜେଲ ପଠା ଯିବ ବୋଲି ଶ୍ରୀ ଶାହା ଦୃଢୋକ୍ତି ପ୍ରକାଶ କହିଛନ୍ତି ।
ବିଜେପି କଦାପି ହିଂସାରେ ବିଶ୍ୱାସ କରେ ନାହିଁ । ମାତ୍ର ହିଂସାକାରୀଙ୍କ ବିରୁଦ୍ଧରେ ରାଜନୈତିକ ଆନେ୍ଦାଳନ ଗଢି ତୋଳିବାକୁ ଶ୍ରୀ ଶାହା ଦଳର ଯୁବ କର୍ମୀ ମାନଙ୍କୁ ଆହ୍ୱାନ ଦେଇଛନ୍ତି ।
ପଶ୍ଚିମ ଓଡିଶାକୁ ରାଜ୍ୟ ସରକାର ବୈମାତୃକ ଦୃଷ୍ଟିକୋଣରେ ଦେଖୁଛନ୍ତି । ରାଜ୍ୟସରକାରଙ୍କ ପ୍ରତିଶ୍ରୁତି ଅନୁସାରେ ରାଜ୍ୟରେ ଜଳସେଚନ ବ୍ୟବସ୍ଥା କରାଯାଇନାହିଁ । ରାଜ୍ୟରେ ମାତ୍ର ୩୩ ପ୍ରତିଶତ ଜମିକୁ ଜଳସେଚନର ବ୍ୟବସ୍ଥା ହେଇଛି । ସେହିପରି ରାଜ୍ୟର ପଶ୍ଚିମାଂଚଳରେ ମାତ୍ର ୧୧ ପ୍ରତିଶତ ଜମିକୁ ଜଳସେଚିତ କରାଯାଇଛି । ରାଜ୍ୟ ସରକାର କାହିଁକି ସବୁବେଳେ ପଶ୍ଚିମ ଓଡିଶାକୁ ଅଣଦେଖା କରୁଛନ୍ତି ବୋଲି ଶ୍ରୀ ଶାହା ପ୍ରଶ୍ନ କରିଛନ୍ତି ।
ଓଡିଆ ଯୁବକମାନେ ରାୟପୁର, ଗୁଡଗାଓଁ, ଦିଲ୍ଲୀ, ବେଙ୍ଗଲୁରୁ, ଅହମଦାବାଦରେ କଠିନ ପରିଶ୍ରମ କରି ଦେଶର ବିକାଶ କ୍ଷେତ୍ରରେ ନିଜର ଶ୍ରମଦାନ କରୁଛନ୍ତି । ମାତ୍ର ରାଜ୍ୟରେ ମୁଖ୍ୟମନ୍ତ୍ରୀଙ୍କ ଅପାରଗତା କାରଣକୁ ଓଡିଆ ଯୁବକମାନେ ନିଜ ଅଂଚଳରେ କାମ ପାଉନାହାଁନ୍ତି । ବିଜେପି ‘ସବକା ସାଥ ସବକା ବିକାଶ’ରେ ବିଶ୍ୱାସ କରେ । ଏହି କାରଣରୁ ରାଜ୍ୟରେ ବିଜେପି ସରକାର ଆସିଲେ ଓଡିଶାର ସମସ୍ତ ଜିଲ୍ଲାର ସମାନ ବିକାଶ ହେବ ବୋଲି ଶ୍ରୀ ଶାହା କହିଛନ୍ତି ।
ମୋଦି ସରକାର ଚତୁର୍ଦ୍ଧଶ ଅର୍ଥ କମିଶନରେ ଓଡିଶାର ବିକାଶ ପାଇଁ ୨ ଲକ୍ଷ ୧୧ହଜାର ୫ଶହ ୧୦କୋଟି ଟଙ୍କା ପ୍ରଦାନ କରିଛନ୍ତି । ଏହା ବ୍ୟତୀତ ପାଖାପାଖି ୪୫ ହଜାର କୋଟି ଟଙ୍କା ଅଲଗା ଭାବେ ଦିଆଯାଇଛି ବୋଲି ଶ୍ରୀ ଶାହା କହିଛନ୍ତି ।
(ପୃÂା -୨/୩)

ସମାବେଶକୁ ଆସିବା ପୂର୍ବରୁ ସଇଁତଳା ଗାଁରେ ଫ୍ଲୋରାଇଡ ପ୍ରଭାବିତ ଲୋକଙ୍କ ସହ ଶ୍ରୀ ଶାହା ସାକ୍ଷାତ କରି ପାନୀୟ ଜଳ ସମସ୍ୟା ଉପରେ ଆଲୋଚନା କରିଥିଲେ । ଏବେ ବି ସଇଁତଲା ଗାଁର ଲୋକମାନେ ଫ୍ଲୋରାଇଡ ମିଶା ପାଣି ପିଉଛନ୍ତି । ଏହି ପାଣି ପିଇବା ଦ୍ୱାରା ବିଭିନ୍ନ ରୋଗ ସୃଷ୍ଟିହେବା ସହ ଅକାଳରେ ବାର୍ଦ୍ଧକ୍ୟ ଆସିଥାଏ । ପାଖରେ ନଦୀ ଥିବା ସତ୍ୱେ ଗାଁ ଲୋକମାନଙ୍କୁ ସ୍ୱଚ୍ଛ ପାଣି ମିଳୁନାହିଁ । ସ୍ୱଚ୍ଛ ପାନୀୟ ଜଳ ପାଇଁ ତୁରନ୍ତ ନଦୀରେ ଛୋଟ ଚେକ ଡ୍ୟାମ କରି ପାନୀୟ ଜଳ ସମସ୍ୟାର ସମାଧାନ କରିବାକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଶ୍ରା ଶାହା ଦାୟୀତ୍ୱ ଦେଇଛନ୍ତି । ଅନ୍ୟପଟେ କେନ୍ଦ୍ର ସରକାର ସବୁ ସମୟରେ ରାଜ୍ୟବାସୀଙ୍କ ସହ ରହିଛି ବୋଲି ଶ୍ରୀ ଶାହା କହିଛନ୍ତି ।

ରାଜ୍ୟ ଯୁବମୋର୍ଚ୍ଚା ସଭାପତି ଟଙ୍କଧର ତ୍ରିପାଠୀଙ୍କ ଅଧ୍ୟକ୍ଷତାରେ ଏହି ଯୁବ ସମାବେଶ ଅନୁÂିତ ହୋଇଥିଲା । ଏହି ସମାବେଶରେ ବିଧାୟକ ଦଳ ନେତା ଶ୍ରୀ କେ.ଭି ସିଂହ ଦେଓ ଏବଂ ପୂର୍ବତନ ସାସଂଦ ସଙ୍ଗୀତା ସିହଂଦେଓ ଅତିଥୀମାନଙ୍କୁ ସ୍ୱାଗତ ସମ୍ବର୍ନ୍ଧନା ଦେଇଥିଲେ । ଏହି ଅବସରରେ ବିଜେପିର ରାଜ୍ୟ ସଭାପତି ବସନ୍ତ ପଣ୍ଡା, କେନ୍ଦ୍ର ମନ୍ତ୍ରୀ ଜୁଏଲ ଓରାମ ଓ ଧର୍ମେନ୍ଦ୍ର ପ୍ରଧାନ,ରାଷ୍ଟ୍ରୀୟ ସାଧାରଣ ସଂପାଦକ ତଥା ରାଜ୍ୟ ପ୍ରଭାରୀ ଅରୁଣ ସିଂହ , ଡ. ଅନୀଲ ଜୈ÷ନ, ସୌଦାନ ସିଂହ, ରାଷ୍ଟ୍ରୀୟ ସମ୍ପାଦକ ସୁରେଶ ପୁଜାରୀ , ରାଷ୍ଟ୍ରୀୟ ପ୍ରବକ୍ତା ଡ.ସମ୍ବିତ ପାତ୍ର, ପୂର୍ବତନ ମୁଖ୍ୟମନ୍ତ୍ରୀ ଗିରିଧର ଗମାଙ୍ଗ, ବରିÂ ନେତା ବିଶ୍ୱଭୂଷଣ ହରିଚନ୍ଦନ, ମନମୋହନ ସାମଲ, ରାଷ୍ଟ୍ରୀୟ ଯୁବମୋର୍ଚ୍ଚା ଉପସଭାପତି ଠାକୁର ରଂଜିତ ଦାସ, ଯୁବମୋର୍ଚ୍ଚା ରାଜ୍ୟ ପ୍ରଭାରୀ କାଳନ୍ଦୀ ସାମଲଙ୍କ ସମେତ ବହୁ ଯୁବମୋର୍ଚ୍ଚା ନେତୃବୃନ୍ଦ ପ୍ରମୁଖ ମଂଚରେ ଉପସ୍ଥିତ ଥିଲେ ।

Share in top social networks!

କେନ୍ଦୁଝର : ଗ୍ରୀଷ୍ମପ୍ରବାହ ଜନିତ ଯେପରି କୌଣସି ଜୀବନହାନୀ ନଘଟେ ସେଥିପାଇଁ ସମସ୍ତେ ସଜାଗ ହୋଇ କାର୍ଯ୍ୟ କରିବାକୁ ଜିଲ୍ଲାପାଳଙ୍କ ନିଦେ୍ର୍ଧଶ: କର୍ତବ୍ୟରେ ଅବହେଳା କଲେ ଦୃଢ କାର୍ଯ୍ୟାନୁÂାନ

Heatwave_meeting__18_ଗ୍ରୀଷ୍ମପ୍ରବାହ ଜନିତ ଯେପରି କୌଣସି ଜୀବନହାନୀ ନଘଟେ ସେଥିପାଇଁ ସମସ୍ତେ ସଜାଗ ହୋଇ କାର୍ଯ୍ୟ କରିବାକୁ ଜିଲ୍ଲାପାଳ ଆଶିଷ ଠାକରେ ନିଦେ୍ର୍ଧଶ ଦେଇଛନ୍ତି । କର୍ତବ୍ୟରେ ଅବହେଳା କଲେ ସଂପୃକ୍ତ ଅଧିକାରୀ/କର୍ମଚାରୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁÂାନ ଗ୍ରହଣ କରାଯିବ ବୋଲି ଚେତାବନୀ ଦେଇଛନ୍ତି । ଚଳିତ ବର୍ଷ ଗ୍ରୀଷ୍ମ ପ୍ରବାହର ମୁକାବିଲା ନିମନ୍ତେ ପ୍ରସ୍ତୁତିର ଅଗ୍ରଗତି ସଂପର୍କରେ ଜିଲ୍ଲାପାଳ ଶ୍ରୀ ଠାକରେ ଚଳିତ ଅପ୍ରେଲ୍ ୦୪ ତାରିଖ ବୁଧବାର ଦିନ ଦରବାର ହଲ୍ଠାରେ ସମୀକ୍ଷା କରିଛନ୍ତି । ଗ୍ରୀଷ୍ମଋତୁରେ ଯେମିତି ପାନୀୟ ଜଳର ସମସ୍ୟା ରହିବ ନାହିଁ, ଅଚଳ ନଳକୂପଗୁଡିକର ତୁରନ୍ତ ମରାମତି ଏବଂ ହାଟବଜାର, ବସ୍ ଷ୍ଟାଣ୍ଡ୍, ସ୍କୁଲ୍ ଓ କଲେଜ୍ ତଥା ଜନଗହଳି ସ୍ଥାନମାନଙ୍କରେ ଜଳଛତ୍ର ଖୋଲି ପିଇବା ଉପଯୋଗୀ ପାନୀୟ ଜଳର ବ୍ୟବସ୍ଥା ଉପରେ ଜିଲ୍ଲାପାଳ ବ୍ଲକ୍ୱାରୀ ଏବଂ ପୌରପାଳିକାୱାରୀ ସମୀକ୍ଷା କରିଥିଲେ । ଗତ ଫେବୃଆରୀ ୧୭ ତାରିଖ ଦିନ ଅନୁÂିତ ହୋଇଥିବା ପ୍ରସ୍ତୁତି ବୈଠକର ନିଷ୍ପତି ଅନୁଯାୟୀ ବିଡିଓ, ପୌରପାଳିକାର ନିର୍ବାହୀ ଅଧିକାରୀ, ସ୍ୱାସ୍ଥ୍ୟ ବିଭାଗ, ଜନସ୍ୱାସ୍ଥ୍ୟ ବିଭାଗ, ପଶୁ ସଂପଦ ବିକାଶ ବିଭାଗ ଦ୍ୱାରା ପ୍ରସ୍ତୁତ କରାଯାଇଥିବା କାର୍ଯ୍ୟ ଖସଡା ଏବଂ ଏହାର କାର୍ଯ୍ୟକାରିତା ସଂପର୍କରେ ଜିଲ୍ଲାପାଳ ବିଶଦ ଭାବେ ସମୀକ୍ଷା କରିଥିଲେ । ନଳକୂପ, ପାନୀୟ ଜଳ ପ୍ରକଳ୍ପ ଏବଂ ପାଇପ୍ ଜଳ ଯୋଗାଣ ପ୍ରକଳ୍ପଗୁଡିକର ସ୍ଥିତି, କାର୍ଯ୍ୟକାରିତା ଏବଂ ଅଚଳ ପ୍ରକଳ୍ପଗୁଡିକର ତୁରନ୍ତ ମରାମତି ସଂପର୍କରେ ସମୀକ୍ଷା କରି ଜଳକ୍ଳିଷ୍ଟ ଅଂଚଳରେ ଟ୍ୟାଙ୍କର ଯୋଗେ ପାନୀୟ ଜଳ ବ୍ୟବସ୍ଥା କରିବା ନିମନ୍ତେ ସଂପୃକ୍ତ ବିଭାଗର ଅଧିକାରୀମାନଙ୍କୁ ନିଦେ୍ର୍ଧଶ ଦେଇଥିଲେ । ଟ୍ୟାଙ୍କରମାନଙ୍କରେ ବିଶୁଦ୍ଧ ପାନୀୟ ଜଳ ଯୋଗାଣ ଉପରେ ଯତ୍ନବାନ୍ ହେବାକୁ ନିଦେ୍ର୍ଧଶ ଦେଇଥିଲେ । ପାନୀୟ ଜଳ ଉତ୍ସଗୁଡିକରେ ବିଦୁ୍ୟତ ସଂଯୋଗ ନକାଟିବା ନିମନ୍ତେ ସଂପୃକ୍ତ ବିଭାଗକୁ ନିଦେ୍ର୍ଧଶ ଦେଇଥିଲେ । ପାନୀୟ ଜଳ ସମସ୍ୟା ଥିବା ଶିକ୍ଷାନୁÂାନମାନଙ୍କରେ ପାନୀୟ ଜଳ ଯୋଗାଣ ନିମନ୍ତେ ତୁରନ୍ତ ପଦକ୍ଷେପ ନେବାକୁ ସଂପୃକ୍ତ ଅଧିକାରୀଙ୍କୁ ଜିଲ୍ଲାପାଳ ନିଦେ୍ର୍ଧଶ ଦେଇଥିଲେ । ପାନୀୟ ଜଳ ବ୍ୟବସ୍ଥା ସଂପର୍କରେ ନିୟମିତ ଉପଖଣ୍ଡ, ବ୍ଲକ୍ ଏବଂ ପୌରପାଳିକାସ୍ତରରେ ସମୀକ୍ଷା ବୈଠକ ଆୟୋଜନ କରିବା ଉପରେ ଗୁରୁତ୍ୱାରୋପ କରିଥିଲେ । ଆବଶ୍ୟକସ୍ଥଳେ ପଂଚାୟତମାନେ କେନ୍ଦି୍ରିୟ ଫାଇନାନ୍ସ୍ କମିଶନ ଏବଂ ରାଜ୍ୟ ଫାଇନାନ୍ସ୍ କିମିଶନଙ୍କଠାରୁ ମିଳୁଥିବା ଅନୁଦାନ ରାଶିରୁ ୩୦ ରୁ ୪୦% ଅର୍ଥ ପାନୀୟ ଜଳ ଯୋଗାଣ ଏବଂ ଏ ସଂପର୍କିତ ମରାମତି ଆଦି କାର୍ଯ୍ୟରେ ଖର୍ଚ୍ଚ କରିପାରିବେ ବୋଲି କହିଥିଲେ । ଆଗାମୀ ବର୍ଷା ଋତୁ ପରିପ୍ରେକ୍ଷୀରେ ଚଳିତ ଅପ୍ରେଲ ମାସ ମଧ୍ୟରେ ନଳକୂପ ଖନନ କାର୍ଯ୍ୟ ଶେଷ କରିବାକୁ ଗ୍ରାମ୍ୟ ଜଳଯୋଗାଣ ବିଭାଗର ନିର୍ବାହୀ ଯନ୍ତ୍ରୀ ଏବଂ ବିଡିଓମାନଙ୍କୁ ନିଦେ୍ର୍ଧଶ ଦେଇଥିଲେ । ଶ୍ରମିକମାନେ କାର୍ଯ୍ୟ କରୁଥିବା ସ୍ଥାନରେ ପାନୀୟଜଳ ଓ ଆଶ୍ରୟସ୍ଥଳର ବନେ୍ଦାବସ୍ତ କରାଯିବା ସହ ପୂର୍ବାହ୍ନ ୧୧ଟାରୁ ଅପରାହ୍ନ ଘ.୩.୩୦ ମି. ମଧ୍ୟରେ ଟାଣ ଖରାରେ କାମ ନକରାଇବାକୁ ଏବଂ କାର୍ଯ୍ୟସ୍ଥଳରେ ପାନୀୟ ଜଳର ବ୍ୟବସ୍ଥା, ଆଶ୍ରୟସ୍ଥଳ ଓ ଓଆର୍ଏସ୍ ପ୍ୟାକେଟ୍ ମହଜୁଦ ରଖିବା ନିମନ୍ତେ ପଦକ୍ଷେପ ନେବାକୁ ନିଦେ୍ର୍ଧଶ ଦିଆଯାଇଛି । ଏହି ମର୍ମରେ ଶ୍ରମ ବିଭାଗକୁ ତଦାରଖ ନିମନ୍ତେ ନିଦେ୍ର୍ଧଶ ଦେବା ସହିତ ଜିଲ୍ଲାର ବିଭିନ୍ନ ଲାଇନ୍ ଡିପାର୍ଟମେଂଟର ଅଧିକାରୀମାନଙ୍କୁ ବିହିତ ପଦକ୍ଷେପ ନେବାକୁ ନିଦେ୍ର୍ଧଶ ଦେଇଛନ୍ତି । ସ୍ୱାସ୍ଥ୍ୟକେନ୍ଦ୍ରମାନଙ୍କରେ ପର୍ଯ୍ୟାପ୍ତ ପରିମାଣରେ ଓଆର୍ଏସ୍ ପାଉଡର, ବରଫ, ଅଂଶୁଘାତର ପ୍ରତିକାର ପାଇଁ ଔଷଧପତ୍ର, ଜୀବନ ରକ୍ଷାକାରୀ ଔଷଧ ମହଜୁଦ୍ ରଖିବା, ଆମ୍ବୁଲାନ୍ସ୍ ବ୍ୟବସ୍ଥା ସହ ଜନସାଧାରଣଙ୍କୁ ଗ୍ରୀଷ୍ମପ୍ରବାହ ଓ ଅଂଶୁଘାତର ମୁକାବିଲା ପାଇଁ ସଚେତନତା ସୃଷ୍ଟି କରିବା ଏବଂ କଂଟ୍ରୋଲ୍ ରୁମ୍ କାର୍ଯ୍ୟକ୍ଷମ କରିବା ପାଇଁ ପଦକ୍ଷେପ ନେବାକୁ ସି.ଡି.ଏମ୍.ଓ.ଙ୍କୁ ନିଦେ୍ର୍ଧଶ ଦେଇଥିଲେ । ଡାକ୍ତରଖାନାମାନଙ୍କରେ ଅଂଶୁଘାତରେ ପୀଡିତ ରୋଗୀମାନଙ୍କର ଚିକିତ୍ସା ପାଇଁ ସ୍ୱତନ୍ତ୍ର କକ୍ଷ ବ୍ୟବସ୍ଥା, ଜିଲ୍ଲା ଚିକିତ୍ସାଳୟ ଓ ଉପଖଣ୍ଡ ଚିକିତ୍ସାଳୟମାନଙ୍କରେ କଂଟ୍ରୋଲ୍ ରୁମ୍ ଖୋଲାଯିବା ସହ ଗ୍ରୀଷ୍ମପ୍ରବାହର ମୁକାବିଲା ସଂପର୍କରେ ସଂପୃକ୍ତ ସ୍ୱାସ୍ଥ୍ୟ ବିଭାଗୀୟ ଅଧିକାରୀ, କର୍ମଚାରୀ, ଅଙ୍ଗନୱାଡି କର୍ମୀ, ଆଶାକର୍ମୀମାନଙ୍କୁ ଆବଶ୍ୟକୀୟ ସୂଚନା ପ୍ରଦାନ କରିବା ସହ ସେଠାରେ ପର୍ଯ୍ୟାପ୍ତ ପରିମାଣରେ ଔଷଦ ମହଜୁଦ ରଖିବାକୁ ମୁଖ୍ୟ ଜିଲ୍ଲା ଚିକିତ୍ସା ଅଧିକାରୀଙ୍କୁ ନିଦେ୍ର୍ଧଶ ଦେଇଥିଲେ । ଗ୍ରୀଷ୍ମପ୍ରବାହ ସମୟରେ ଯାତ୍ରୀବାହୀ ବସ ତଥା ଅନ୍ୟାନ୍ୟ ଯାତ୍ରୀବାହୀ ଗାଡିଗୁଡିକର ଚଳାଚଳ ନିୟନ୍ତ୍ରଣ କରିବା, ଗାଡିଗୁଡିକରେ ପର୍ଯ୍ୟାପ୍ତ ପାନୀୟ ଜଳ, ଓ.ଆର୍.ଏସ୍. ପ୍ୟାକେଟ୍ ରଖିବା ଏବଂ ବସ୍ ରହଣୀ ସ୍ଥାନମାନଙ୍କରେ ବିଶ୍ରାମସ୍ଥଳୀ ଓ ଜଳଛତ୍ର ଖୋଲିବା ପାଇଁ ବିହିତ ପଦକ୍ଷେପ ନେବାକୁ ଆଂଚଳିକ ପରିବହନ ଅଧିକାରୀଙ୍କୁ ନିଦେ୍ର୍ଧଶ ଦିଆଯାଇଛି । ସରକାରୀ ଓ ବେସରକାରୀ ସ୍କୁଲ କଲେଜ ତଥା ପବ୍ଲିକ ସ୍କୁଲ ଗୁଡିକର ଶିକ୍ଷାଦାନ ସମୟ ସରକାରଙ୍କର ନିଦେ୍ର୍ଧଶାନାମା ଅନୁଯାୟୀ କାର୍ଯ୍ୟକାରୀ କରିବା ନିମନ୍ତେ ପଦକ୍ଷେପ ନେବାକୁ ଜିଲ୍ଲା ଶିକ୍ଷା ଅଧିକାରୀଙ୍କୁ ନିଦେ୍ର୍ଧଶ ଦିଆଯାଇଛି । ଏତଦ୍ବ୍ୟତୀତ ପଶୁସମ୍ପଦ ପାଇଁ ପିଇବା ପାଣି, ଗ୍ରୀଷ୍ମପ୍ରବାହ ସମୟରେ କ’ଣ କରିବା ଉଚିତ୍ ଓ କ’ଣ ନକରିବା ଉଚିତ୍ ଏ ସଂପର୍କରେ ଜନସଚେତନତା ସୃଷ୍ଟି କରିବା ଆଦି ପ୍ରସଙ୍ଗ ଉପରେ ବୈଠକରେ ବିଶଦ ଭାବେ ଆଲୋଚନା ହୋଇଥିଲା । ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ କମଳିନୀ ପାତ୍ର ଏହି ବୈଠକରେ ଯୋଗଦେଇ ବିଭିନ୍ନ ପ୍ରସଙ୍ଗରେ ଆବଶ୍ୟକୀୟ ପରାମର୍ଶ ଦେଇଥିଲେ । ଏହି ବୈଠକରେ ପ୍ରାରମ୍ଭରେ ଅତିରିକ୍ତ ଜିଲ୍ଲାପାଳ ଡଃ ଭକ୍ତଚରଣ ପ୍ରଧାନ ପ୍ରସ୍ତୁତି ବୈଠକର ଉଦେ୍ଧଶ୍ୟ ସଂପର୍କର ଆଲୋକପାତ କରି ଆଲୋଚନା ଆରମ୍ଭ କରିଥିଲେ । ଏହି ବୈଠକରେ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିଦେ୍ର୍ଧଶକ ନୃସିଂହ ଚରଣ ସ୍ୱାଇଁ, କେନ୍ଦୁଝର ଉପଜିଲ୍ଲାପାଳ ପୂର୍ଣ୍ଣଚନ୍ଦ୍ରମିଶ୍ର, କେନ୍ଦୁଝରଗଡ ପୌରପାଳିକାର ନିର୍ବାହୀ ଅଧିକାରୀ ନିରଞ୍ଜନ ଜେନା, ଜିଲ୍ଲା ଆପତକାଳୀନ ବିଭାଗର ଆସିଷ୍ଟାଂଟ୍ କଲେକ୍ଟର ସୁରଞ୍ଜିକା ବେହେରା, ଜିଲ୍ଲା ସୂଚନା ଓ ଲୋକ ସଂପର୍କ ଅଧିକାରୀ ସଂଜୀବ ବାରିକ, ବିପର୍ଯ୍ୟୟ ଓ ପରିଚାଳନା ବିଭାଗର ପ୍ରକଳ୍ପ ଅଧିକାରୀ ପ୍ରଦୋଷ ଶତପଥୀଙ୍କ ସମେତ ବିଭିନ୍ନ ବିଭାଗୀୟ ଜିଲ୍ଲାସ୍ତରୀୟ ଅଧିକାରୀ, ବିଭିନ୍ନ ବ୍ଲକର ବିଡିଓ ଓ ପୌରନିର୍ବାହୀ ଅଧିକାରୀମାନେ ଯୋଗ ଦେଇଥିଲେ ।

Share in top social networks!

ଓ.ପି.ଜିନ୍ଦଲ ସ୍କୁଲ, ଅନୁଗୋଳରେ ଉକ୍ରଳ ଦିବସଳର

IMG_4828 ଆଜି ସ୍ୱତନ୍ତ୍ର ଉକ୍ରଳ ଗଠନର ୮୩ତମ ଉତ୍ସବ ଓ.ପି.ଜିନ୍ଦଲ ସ୍କୁଲ, ଜିନ୍ଦଲ ନଗର ଅନୁଗୋଳରେ ବର୍ଣ୍ଣାଢ଼୍ୟ ପରିବେଶରେ ପାଳିତ
ହୋଇଯାଇଛି । ଉକ୍ତ ଅବସରରେ ଛାତ୍ର-ଛାତ୍ରୀ ମାନଙ୍କୁ ଗୋ÷ରବମୟ ଉକ୍ରଳର ଗାଥାକୁ ସ୍ମରଣ
କରାଇବା ସହ ବିଭିନ୍ନ ପ୍ରତିଯୋଗିତାରେ ଶତାଧିକ ଛାତ୍ରଛାତ୍ରୀ ଅଂଶ ଗ୍ରହଣ କରି ସେମାନଙ୍କର
କୃତିତ୍ୱ ପ୍ରଦର୍ଶନ କରିଥିଲେ ।
ବିଦ୍ୟାଳୟର ଅଧ୍ୟକ୍ଷ ଶ୍ରୀ ଛନ୍ଦା ଚରଣ ଦାଶଙ୍କ ପୋ÷ରହିତ୍ୟରେ ଅନୁÂିତ ଏହି ଉତ୍ସବରେ ଶିକ୍ଷକ
ଶ୍ରୀ ଶିରୀଶ କୁମାର ମିଶ୍ର ସ୍ୱତନ୍ତ୍ର ପ୍ରଦେଶ ଗଠନରେ ବରପୁତ୍ରଙ୍କର ଭୂମିକା ସମ୍ପର୍କରେ
ଆଲୋକପାତ କରିଥିଲେ ଓ ଶିକ୍ଷୟିତ୍ରୀ ଶ୍ରୀମତୀ ସଂଙ୍ଗୀତା ଶର୍ମା ସ୍ୱାଗତ ଭାଷଣ ପ୍ରଦାନ
କରିଥିଲେ । ସଙ୍ଗୀତ ଶିକ୍ଷୟିତ୍ରୀ ଶ୍ରୀମତୀ ଅନସୂୟା ରାୟଙ୍କ ସଂଯୋଜିତ ‘ବଂନେ୍ଦ ଉକ୍ରଳ ଜନନୀ’
ଓ ନୃତ୍ୟ ଶିକ୍ଷକ ଶ୍ରୀ ରାଜକୁମାର ନାହାକଙ୍କ ଦ୍ୱାରା ସଂଯୋଜିତ ଓଡିଶୀ, ଦାସକାଠିଆ ଓ
ସମ୍ବଲପୁରୀ ନୃତ୍ୟ ପରିବେଷଣ ଅତ୍ୟନ୍ତ ମନୋମୁଗ୍‍ଧକର ହୋଇଥିଲା । ଏହି ଉତ୍ସବରେ
ଅନୁÂାନର ମୁଖ୍ୟ ଓଡ଼ିଆ ଭାଷା ଓ ଉକ୍ରଳୀୟ ପରମ୍ପରା ସମ୍ପର୍କରେ ଅଧିକ ଜାଣିବା ପାଇଁ
ଛାତ୍ରଛାତ୍ରୀଙ୍କୁ ପରାମର୍ଶ ଦେଇଥିଲେ ଓ ଉକ୍ରଳର ବରପୁତ୍ର ମାନଙ୍କୁ ପୁଷ୍ପାଞ୍ଜଳି ଅର୍ପଣ ପରି ସେହି
ରାଷ୍ଟ୍ର ନିର୍ମାତାଙ୍କ ସ୍ମୃତି ଚାରଣ କରିବା ସହିତ ଓଡ଼ିଆ ଭାଷା ଓ ସଂସ୍କୃତିର ମହନୀୟତା ଉପରେ
ଆଲୋକପାତ କରିଥିଲେ । ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ମାନଙ୍କ ଅକୁଣ୍ଠ ସହଯୋଗରେ
କାର୍ଯ୍ୟକ୍ରମ ସଫଳ ହୋଇଥିଲା । ପରିଶେଷରେ ଶିକ୍ଷକ ଡାଃ. ମୋହନ ସୁନ୍ଦର ମେହେର
ଧନ୍ୟବାଦ ପ୍ରଦାନ କରିଥିଲେ । ଶିକ୍ଷକ ଶ୍ରୀ ରାମକୃଷ୍ଣ ତ୍ରିପାଠୀଙ୍କ ଦ୍ୱାରା ସଂଯୋଜନା
କରାଯାଇଥିଲା ।

Share in top social networks!

ଟାଟା ଷ୍ଟିଲ୍ ନିର୍ମିତ ଆଦର୍ଶ ବିଦ୍ୟାଳୟ ସୁନ୍ଦରଗଡ଼ର ବଣାଇଗଡ଼ ଠାରେ ଉଦ୍ଘାଟିତ

୮ଟି ବିଦ୍ୟାଳୟ ହସ୍ତାନ୍ତର କରାଯାଇଛି, ଖୁବଶୀଘ୍ର ଆଉ ୯ଟି ଓଡ଼ିଶା ସରକାରଙ୍କୁ ହସ୍ତାନ୍ତର କରାଯିବ
Pic 3
ସୁନ୍ଦରଗଡ଼ ଜିଲ୍ଲାର ବଣାଇଗଡ଼ ବ୍ଲକ୍ର କେନ୍ଦ୍ରିକେଳା ଗ୍ରାମ ପଂଚାୟତ ଅଧିନସ୍ଥ ବାବୁ ନୂଆ ଗାଁøଠାରେ ଆଦର୍ଶ ବିଦ୍ୟାଳୟ (ମଡେଲ୍ ସ୍କୁଲ୍)କୁ ଆଜି ସୁନ୍ଦରଗଡ଼ ଜିଲ୍ଲାପାଳ ଶ୍ରୀଯୁକ୍ତ ବିନୀତ ଭରଦ୍ୱାଜ ଉଦ୍ଘାଟନ କରିଛନ୍ତି । ଟାଟା ଷ୍ଟିଲ୍ ଦ୍ୱାରା ଏହି ବିଦ୍ୟାଳୟକୁ ନିର୍ମାଣ କରାଯାଇଛି ।
ଏହି ଅବସରରେ ଉପସ୍ଥିତ ଥିବା ଅନ୍ୟ ଅତିଥିମାନେ ହେଉଛନ୍ତି ଶ୍ରୀମତି ସ୍ୱଧା ଦେବ ସିଂହ, ଉପ-ଜିଲ୍ଲାପାଳ, ବଣାଇ, ଶ୍ରୀଯୁକ୍ତ ଏମ୍ ସି ଥୋମାସ, ଏକ୍ଜିକୁ୍ୟଟିଭ୍ ଇନ୍ ଚାର୍ଜ, ଫେରୋ ଆଲଏଜ୍ ଆଣ୍ଡ ମିନେରାଲ୍ ଡିଭିଜନ୍, ଟାଟା ଷ୍ଟିଲ୍, ଶ୍ରୀଯୁକ୍ତ ମଣିକାନ୍ତ ନାୟକ, ଚିଫ୍ ରେସିଡେଂଟ୍ ଏକ୍ଜିକୁ୍ୟଟିଭ୍, ଭୁବନେଶ୍ୱର, ଟାଟା ଷ୍ଟିଲ୍, ଶ୍ରୀଯୁକ୍ତ ସଂଜୀବ ଝା, ଏକ୍ଜିକୁ୍ୟଟିଭ୍ ଇନ୍ ଚାର୍ଜ, ଜୁସ୍କୋ, ଶ୍ରୀଯୁକ୍ତ ରାଜେଶ କୁମାର, ମୁଖ୍ୟ, ଗୋମରଡିହ ଡୋଲୋମାଇଟ୍ କ୍ୱେରି, ଟାଟା ଷ୍ଟିଲ୍ ଓ ଅନ୍ୟମାନେ ।

ଏହି ସ୍କୁଲ୍ ସମେତ ଫର୍ଣ୍ଣିସିଂ ଶ୍ରେଣୀ ଗୃହ ବାବଦକୁ ୪.୫ କୋଟି ଟଙ୍କା ଖର୍ଚ୍ଚ ହୋଇଛି । ଟାଟା ଷ୍ଟିଲ୍ ଗ୍ରୁପ୍ର ଏକ କଂପାନି ଜାମସେଦପୁର ୟୁଟିଲିଟିଜ୍ ଆର୍ଡ୍ ସର୍ଭିସେସ୍ କଂପାନି (ଜୁସ୍କୋ) ଦ୍ୱାରା ନିର୍ମାଣ କରଯାଇଛି । ଏହି ବିଦ୍ୟାଳୟଟି ହେଉଛି ଦୁଇ ମହଲା ବିଶିଷ୍ଟ କୋଠା ଯାହାକୁ ୨୪,୬୦୦ ବର୍ଗ ଫୁଟ ଅଂଚଳରେ ନିର୍ମାଣ କରାଯାଇଛି । ଏଥିରେ ୧୪ଟି ଶ୍ରେଣୀ ଗୃହ, ଫର୍ଣ୍ଣିସିଂ ପାଠାଗାର, କମ୍ପୁୃ୍ୟଟର କୋଠରୀ, ବିବିଧ ବ୍ୟବହାରଯୋଗ୍ୟ କୋଠରୀ, ଲାବୋରେଟୋରି, ଶିକ୍ଷକ କୋଠରୀ, ଷ୍ଟାଫ୍ କୋଠରୀ, ପ୍ରିନ୍ସିପାଲ୍ଙ୍କ କୋଠରୀ, ପ୍ରତି ମହଲାରେ ବାଳକ ଓ ବାଳିକା ଶୌଚାଳୟ ଓ ପ୍ରାର୍ଥନା ସଭା କକ୍ଷ ଇତ୍ୟାଦି ରହିଛି ।

ଟାଟା ଷ୍ଟିଲ୍ର ଏହି ପଦକ୍ଷେପକୁ ପ୍ରଶଂସା କରି ଶ୍ରୀଯୁକ୍ତ ଭରଦ୍ୱାଜ କହିଛନ୍ତି ଯେ, ବଣାଇଗଡ଼ ଭଳି ଅଭ୍ୟନ୍ତରିଣ ଅଂଚଳରେ ଏଭଳି ଉଚ୍ଚ ଶିକ୍ଷା ଭିତିଭୂମି ଥିବା ଆଦର୍ଶ ବିଦ୍ୟାଳୟ ଗୁଣାତ୍ମକ ଶିକ୍ଷା ପ୍ରଦାନ କରୀବାରେ ସହାୟକ ହେବ ଓ ଭବିଷ୍ୟତରେ ଏହି ଅଂଚଳର ମେଧାବୀ ଛାତ୍ରଛାତ୍ରୀଙ୍କ ପାଇଁ ସୁଯୋଗକୁ ସମୃଦ୍ଧ କରିବ ।

ଏହି ଅବସରରେ ଶ୍ରୀଯୁକ୍ତ ଥୋମାସ କହିଛନ୍ତି ଯେ, “ବଣାଇଗଡ଼ରେ ବିଦ୍ୟାଳୟ ସମେତ, ରାଜ୍ୟର ଅନ୍ତର୍ଭୁକ୍ତୀକରଣ ଅଭିବୃଦ୍ଧି ପ୍ରତି ଯୋଗଦାନ କରିବାର ଉଦ୍ୟମ ସ୍ୱରୂପ ଟାଟା ଷ୍ଟିଲ୍ ଓଡ଼ିଶାର ଲୋକମାନଙ୍କ ସହିତ ଶିକ୍ଷା ଓ ଅନ୍ୟାନ୍ୟ କ୍ଷେତ୍ରରେ ସଂପର୍କ ଜାରି ରଖିବାକୁ ପ୍ରତିଶ୍ରୂତିବଦ୍ଧ । କଂପାନି ପକ୍ଷରୁ ରାଜ୍ୟ ସରକାରଙ୍କୁ ଏଭଳି ୯ଟି ବିଦ୍ୟାଳୟ ହସ୍ତାନ୍ତର କରାଯାଇଥିବା ବେଳେ ଆଉ ୧୩ଟି ବିଦ୍ୟାଳୟର କାମ ଜାରି ଯାହା ହେଉଛି ଟାଟା ଷ୍ଟିଲ୍ ପକ୍ଷରୁ ନିର୍ମାଣ କରାଯିବାକୁ ଥିବା ମୋଟ ୩୦ଟି ସ୍କୁଲ୍ର ଏକ ଅଂଶ ବୋଲି ସେ କହିଛନ୍ତି । ।

ରାଜ୍ୟର ଦୂରଦୂରାନ୍ତ ଅଂଚଳର ଛାତ୍ରଛାତ୍ରୀଙ୍କ ପାଇଁ ଗୁଣାତ୍ମକ ଭିତିଭୂମି ଉପଲବ୍ଧ କରାଇବା ନିମନ୍ତେ ସାରା ରାଜ୍ୟରେ ୧୩୬ କୋଟି ଟଙ୍କା ଆକଳିତ ମୂଲ୍ୟରେ ୩୦ଟି ମଡେଲ୍ ସ୍କୁଲ୍ ନିର୍ମାଣ କରିବା ପାଇଁ ଟାଟା ଷ୍ଟିଲ୍ ପକ୍ଷରୁ ଓଡ଼ଶା ସରକାରଙ୍କ ସହିତ ବୁଝାମଣାପତ୍ର (ଏମ୍ଓୟୁ) ସ୍ୱାକ୍ଷର କରାଯାଇଛି । ରାଜ୍ୟର ପ୍ରତିଟି ବ୍ଲକ୍ରେ ଓଡ଼ିଶା ସରକାର ଆଦର୍ଶ ବିଦ୍ୟାଳୟ (ମଡେଲ୍ ସ୍କୁଲ୍) ପ୍ରତିÂା କରିବା ପାଇଁ ରଖିଥିବା ବଡ଼ ଯୋଜନାର ଏକ ଅଂଶ ହେଉଛି ଏହି ବୃହତ ଇସ୍ପାତ କଂପାନିର ଏହି ଉଦ୍ୟମ । ପୂର୍ବରୁ ଦାନଗଦି, କାମାକ୍ଷାନଗର, ନୟାଗଡ଼, କୋରେଇ, ଦଶରଥପୁର, ଧର୍ମଶାଳା, ଯାଜପୁର ଓ ହାଟଡିହି ବ୍ଲକ୍ରେ ଟାଟା ଷ୍ଟିଲ୍ ଦ୍ୱାରା ନିର୍ମାଣ କରାଯାଇଥିବା ୮ଟି ମଡେଲ୍ ସ୍କୁଲ୍କୁ ରାଜ୍ୟ ସରକାରଙ୍କୁ ହସ୍ତାନ୍ତର କରାଯାଇଛି । ଚଳିତ ଶିକ୍ଷା ବର୍ଷରେ କଂପାନି ଦ୍ୱାରା ପାଂଚଟି ସ୍ଥାନରେ ନିର୍ମାଣାଧୀନ ଥିବା ଆଉ ୮ଟି ବିଦ୍ୟାଳୟକୁ ହସ୍ତାନ୍ତର କରାଯିବ ଓ ଅନ୍ୟ ଆଠଟି ସ୍ଥାନରେ ସର୍ଭେ କାମ ଶେଷ ହୋଇଛି ।

ଏହି ଅବସରରେ ଉପସ୍ଥିତ ଥିବା ଅନ୍ୟମାନଙ୍କ ମଧ୍ୟରେ ରହିଛନ୍ତି ଶ୍ରୀଯୁକ୍ତ ଧ୍ରୁବ ଚରଣ ବେହେରା, ଡିଇଓ, ସୁନ୍ଦରଗଡ଼, ଶ୍ରୀଯୁକ୍ତ ଅଜୟ ସହାୟ, ବିଇଓ, ବଣାଇ, ଗଣମାଧ୍ୟମ ପ୍ରତିନିଧି ଓ ସ୍ଥାନୀୟ ଗ୍ରାମବାସୀ

Share in top social networks!

ଜେଏସ୍ ପିଏଲ ଫାଉଣ୍ଡେସନ ତରଫରୁ ଯୋଡା ରେ ଶିଳ୍ପୀ ଙ୍କୁ ଟେରାକୋଟା ତାଲିମ

Training 1 କେନ୍ଦୁଝର ଜିଲ୍ଲା ର ଏକ ପ୍ରମୁଖ ଲୁପ୍ତପ୍ରାୟ ଶିଳ୍ପକଳା ଟେରାକୋଟା ର ପୁନଃଉଦ୍ଧାର ପାଇଁ, ଜିନ୍ଦଲ ଷ୍ଟିଲ ଏଣ୍ଡ୍ ପାୱାର ଲିମିଟେଡ (ଜେଏସ୍ ପିଏଲ୍) ର ଔଦ୍ୟୋଗିକ ସାମାଜିକ ଉତ୍ତରଦାୟୀତ୍ବ (ସି ଏସ ଆର) ଆର୍ମ, ଜେଏସ୍ ପିଏଲ୍ ଫାଉଣ୍ଡେସନ ତରଫରୁ ଏକ ତାଲିମ କାର୍ଯ୍ୟକ୍ରମ ର ଆୟୋଜନ କରାଯାଇଛି I ଯୋଡା ବ୍ଲକ ର ଅସେଇକଳା ଗ୍ରାମରେ ଆରମ୍ଭ ହୋଇଥିବା ଏହି ୯୦-ଦିନିଆ କାର୍ଯ୍ୟକ୍ରମ ଗ୍ରାମବାସୀଙ୍କୁ ଜୀବନ ଜୀବିକା ର ନୁତନ ମIଧ୍ୟମ ଦେଖାଇବା ସହ ସେମାନଙ୍କୁ ତାଙ୍କ ର ସାମାଜିକ ତଥା ସଂIସ୍କୃତିକ ପରିଚୟ ପ୍ରଦାନ କରିବାରେ ସହାୟକ ହୋଇପାରିବ I
କମ୍ପାନୀ ର ଏହି ପଦକ୍ଷେପ ଦ୍ବାରା ଅସେଇକଳା ଗ୍ରାମ ର ୩୦ଟି ପରିବାର ଉପକୃତ ହୋଇପାରିବେ I ସେମାନଙ୍କୁ ଟେରାକୋଟା ରେ କଳା ନୈପୁଣ୍ୟତା ର ତାଲିମ ଦେବା ସହ ପାରମ୍ପାରିକ ଏବଂ ଆଧୁନିକ କଳା ର ମିଶ୍ରଣ ରେ ନୁତନତ୍ବ ଆଣି ତାହାକୁ ପ୍ରୟୋଗ କରିବା ପାଇଁ ମଧ୍ୟ ଶିକ୍ଷା ଦିଆଯିବ I
ଏହି ପରିପ୍ରେକ୍ଷୀ ରେ କମ୍ପାନୀର ବଡବିଲ ପ୍ଲାଣ୍ଟ ମୁଖ୍ୟ ଶ୍ରୀ ସୁରେଶା ଜି କହିଲେ,” ନିଶ୍ଚିତଭାବରେ ଏହି ତାଲିମ୍ କାର୍ଯ୍ୟକ୍ରମ ଟି ଏହି ଅଂଚଳର ଟେରାକୋଟା କଳା, ଯାହାକି ସୁନ୍ଦର କIରୁକାର୍ଯ୍ୟ ଏବଂ କଳା ନୈପୁଣ୍ୟତା ପାଇଁ ପ୍ରସିଦ୍ଧ, ତାହାକୁ ପୁନଃଉଦ୍ଧାର କରିବାରେ ସହାୟକ ହେବ I”
ତାଲିମ ଶେଷରେ ସଫଳ କାରିଗର ମାନଙ୍କୁ ଜିଲ୍ଲା ଶିଳ୍ପ କେନ୍ଦ୍ର (ଡି ଆଇ ସି) ରେ ପଂଜୀକୃତ କରାଇ ସାର୍ଟିଫିକେଟ୍ ପ୍ରଦାନ କରାଯିବ I ଏହା ସେମାନଙ୍କୁ ବ୍ୟବସାୟ ଲାଗି ସରକାରୀ ରୁଣ ରେ ଛାଡ ପାଇବାରେ ସହାୟକ ହେବI ସହ ରାଜ୍ୟ ତଥା ବାହାରେ ଆୟୋଜିତ ହେଉଥିବା ପ୍ରଦର୍ଶନୀ ରେ ନିଜ ର ଉତ୍ପାଦ ବିକ୍ରୀ କରିବାରେ ମଧ୍ୟ ସହାୟକ ହେବ I
ଜେଏସ୍ ପିଏଲ୍ ଫାଉଣ୍ଡେସନ ର ଏହି ପଦକ୍ଷେପ କୁ ପ୍ରଶଂସା କରି ଅସେଇକଳI ସରପଂଚ ଶ୍ରୀ ଦିଲିପ୍ ନାୟକ କହିଲେ, “ସରକାରୀ ପ୍ରୋତ୍ସାହନ ଏବଂ ଏଥିରେ କୌଣସି ଲାଭଖୋର ବ୍ୟବସାୟୀ ସାମିଲ୍ ହୋଇ ନ ଥିବାରୁ, ବର୍ତମାନ କାରିଗର ମାନେ ନିଜ ଉତ୍ପାଦ ର ସଠିକ୍ ମୁଲ୍ୟ ପାଇ ପାରିବେ I ଏଥିପାଇଁ ମୁଁ ଜେଏସ୍ ପିଏଲ୍ ଫାଉଣ୍ଡେସନ କୁ କୃତଜ୍ଞତା ଜ୍ଞାପନ କରୁଛି” I
ବିଭିନ୍ନ ସମୟରେ ତାଲିମ୍ ଶିବିର ଏବଂ କର୍ମଶାଳା ର ଆୟୋଜନ କରି, ଜେଏସ୍ ପିଏଲ୍ ଫାଉଣ୍ଡେସନ ଓଡିଶା, ଛତିଶଗଡ଼ ଏବଂ ଝାରଖଣ୍ଡ ରେ ବହୁ ପାରମ୍ପରିକ କଳIକାର ମାନଙ୍କୁ ମୁଖ୍ୟସ୍ରୋତରେ ସାମିଲ କରିଛି I ଜିଲ୍ଲା ଶିଳ୍ପ କେନ୍ଦ୍ର ଏବଂ ଓରମାସ୍ ର ସହାୟତାରେ ଜେଏସ୍ ପିଏଲ୍ ଫାଉଣ୍ଡେସନ ଅନୁଗୁଳ ଜିଲ୍ଲାର ପାରିପରI ଗ୍ରାମରେ ୩୦ ଜଣ ମହିଳା କାରିଗରଙ୍କୁ ସହଯୋଗ ର ହାତ ବଢ଼Iଇଛି I ତାଲିମ୍ ପରେ ଏହି ମହିଳା ମାନେ ଯେଉଁ ମାନଙ୍କୁ ପାରମ୍ପାରିକ କୁମ୍ଭାର ଚକ ବାରଣ କରାଯାଇଛି, ସେମାନେ ବିଦ୍ୟୁତ ଚIଳିତ ଚକ ବ୍ୟବହାର କରି ଉତ୍ପIଦରେ ନୁତନତା ଆଣିଛନ୍ତି I ଜେଏସ୍ ପିଏଲ୍ ଫାଉଣ୍ଡେସନ, କଳା ସାମଗ୍ରୀ ଉତ୍ପାଦ ର ଚାହିଦା ବଢ଼ାଇବା ପାଇଁ ସେମାନଙ୍କୁ କୌଶଳ ବୃଦ୍ଧି ତାଲିମ ଦେବା ସହ ବଜାର ସହ ସଂଯୋଗୀକରଣ ମଧ୍ୟ କରାଉଛି I

Share in top social networks!

ନକଲି ମଦ କାରଖାନା ଠାବ ସାମଗ୍ରୀ ଜବଦ ସହିତ ୩ ଗିରଫ

khaira mada jabad (14)ବିଭିନ୍ନ ବିଦେଶୀ ମଦ କଂପାନୀର ନକଲି ମଦ ତିଆରି କରୁଥିବା ବେଳେ ଅବକାରୀ ବିଭାଗ ଦ୍ୱାରା ଚଡାଉ କରି ମଦ ଜବଦ ସହିତ ଅଭିଯୁକ୍ତକୁ ମଦ ତିଆରି ଅଭିଯୋଗରେ ଗିରଫ କରିଛି । ସୋର ଅବକାରୀ ବିଭାଗ ପକ୍ଷରୁ ଖଇରା ବ୍ଲକ ବରଦା ଗ୍ରାମରେ ଚଡଉ କରି ବିପୁଳ ପରିମାଣର ବିଦେଶୀ ମଦ ଜବଦ କରିବା ସହିତ ମଦ ତିଆରି କାରଖାନା ମାଲିକ ରବିନ୍ଦ୍ର ପାଡୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ତା ସହତ ମଦ ତିଆରି ସରଞାମ ବୋତଲ, ଠିପି , ସ୍ପିରିଟ ,ରାସାୟନିକ ସାମଗ୍ରୀ ଓ ରଂଗ ଜବଦ କରିଛି । ସୋର ଅବକାରୀ ବିଭାଗ ଏଥି ସହିତ ସିମୁଳିଆ ଥାନା ଅଡା ଓ କୁପାରୀରେ ମଧ୍ୟ ବେଆଇନ ମଦ ଚଡାଉ କରି ଦେଶୀ ଓ ବିଦେଶୀ ମଦ ଜବଦ କରିଥିବା ବେଳେ ପ୍ରଦିପ ବାରିକ ଓ ବିକାଶ ସାହୁଙ୍କୁ ଗିରଫ କରି କୋର୍ଟ ଚାଲାଣ କରିଛି । ଅବକାରୀ ଅଧୀକ୍ଷକ ମନୋଜ ସେଠୀଙ୍କ ନିଦେ୍ର୍ଧଶକ୍ରମେ ସୋର ଅବକାରୀ ଅଧିକାରୀ କୁଳମଣି ମହାରଣା ଓ ଭା୍ରମ୍ୟମାଣ ଅଧିକାରୀ କେଶବ ଚନ୍ଦ୍ର ଦାସଙ୍କ ସମେତ ଅବକାରି ଓ ପୋଲିସ କର୍ମଚାରୀ ମାନେ ସହ ଯୋଗ କରିଥିଲେ ।ବରଦାରେ ଠାବ ହୋଇଥିବା ନକଲି ବିଦେଶୀ ମଦ କାରଖାନା ଦୀର୍ଘଦିନ ଧରିଚାଲିଥିଲା ବେଳେ ପୋଲିସ ଓ ଅବକାରୀ ବିଭାଗ ଜାଣିଶୁଣି ନଜର ନ ଦେବା ସାଧାରଣରେ ଚର୍ଚ୍ଚା ହେଉଛି ।

Share in top social networks!

ଶିଶୁ ଶ୍ରମ ଉଚ୍ଛେଦ ସମ୍ବନ୍ଧୀୟ ଜିଲ୍ଲାସ୍ତରୀୟ କର୍ମଶାଳା

IMG-20180314-WA0010କେନ୍ଦୁଝର ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ସମ୍ମିଳନୀ କକ୍ଷଠାରେ ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ପିପୁଲସ୍ କଲଚରାଲ ସେଣ୍ଟର(ପିକକ୍) ପକ୍ଷରୁ ଶିଶୁ ଶ୍ରମ ଉଚ୍ଛେଦ ସଂପର୍କିତ ଜିଲ୍ଲାସ୍ତରୀୟ କର୍ମଶାଳା ବୁଧବାର ଦିନ ଅନୁÂିତ ହୋଇଯାଇଛି । ଏହି କର୍ମଶାଳାରେ ସର୍ବଶିକ୍ଷା ଅଭିଯାନର ଜିଲ୍ଲା ପ୍ରକଳ୍ପ ସଂଯୋଜକ ପୂର୍ଣ୍ଣଚନ୍ଦ୍ର ସେଠୀ ଯୋଗଦେଇ ପ୍ରତ୍ୟେକ ବ୍ୟକ୍ତି ସେମାନଙ୍କ ପରିପାଶ୍ୱର୍ରେ ଥିବା ଶିଶୁଶ୍ରମିକମାନଙ୍କୁ ଉଦ୍ଧାର କରି ବିଦ୍ୟାଳୟରେ ଶିକ୍ଷା ପ୍ରଦାନ କରାଇ ପାରିଲେ ଶିଶୁ ଶ୍ରମିକ ସମସ୍ୟାର ସମାଧାନ ହୋଇପାରିବ ବୋଲି କହିଥିଲେ । ପିକକ୍ ଅନୁÂାନର ସଂପାଦକ ରଞ୍ଜନ କୁମାର ମହାନ୍ତିଙ୍କ ଅଧ୍ୟକ୍ଷତାରେ ଅନୁÂିତ ଏହି କର୍ମଶାଳାରେ ଜିଲ୍ଲା ଶ୍ରମ ଅଧିକାରୀ ଅଜୟ କୁମାର ପ୍ରଧାନ ଯୋଗଦେଇ ପ୍ରତ୍ୟେକ ଶିଶୁଙ୍କ ମଧ୍ୟରେ ଅନ୍ତର୍ନିହିତ ପ୍ରତିଭା ରହିଛି । ଏଣୁ ଶିଶୁ ଶ୍ରମିକ ଭାବରେ କାମ କରୁଥିବା ଶିଶୁମାନଙ୍କୁ ଉଦ୍ଧାର କରି ଆଇନଗତ ଭାବରେ ଥଇଥାନ କରିବା ପାଇଁ ସମସ୍ତଙ୍କ ସହଭାଗିତା ଆବଶ୍ୟକ । କେନ୍ଦୁଝର ଜିଲ୍ଲାକୁ ଶିଶୁ ଶ୍ରମିକମୁକ୍ତ କରିବା ପାଇଁ ବ୍ୟାପକ ପଦକ୍ଷେପ ନିଆଯାଉଛି । ଯେଉଁ ଅଞ୍ଚଳରେ ଅଛନ୍ତି ଉକ୍ତ ଅଞ୍ଚଳକୁ କିପରି ଶିଶୁ ଶ୍ରମିକମୁକ୍ତ କରିବା ସେନେଇ ସମସ୍ତେ ସଂକଳ୍ପବଦ୍ଧ ହେବାକୁ ଆହ୍ୱାନ ଦେଇଥିଲେ । ପ୍ରାରମ୍ଭରେ ପିକକ୍ର କାର୍ଯ୍ୟନିର୍ବାହୀ ନିଦେ୍ର୍ଧଶିକା ଅନୁରାଧା ମହାନ୍ତି ଏହି କର୍ମଶାଳାର ଆଭିମୁଖ୍ୟ ସଂପର୍କରେ ସୂଚନା ଦେଇ ପାଟଣା ବ୍ଲକର ୧୨ଟି ଗ୍ରାମ ଶିଶୁ ଶ୍ରମମୁକ୍ତ କରାଯାଇଥିବାବେଳେ ଏହି ଅଭିଯାନକୁ ଆଗକୁ ସମଗ୍ର ଜିଲ୍ଲାକୁ କିପରି ଶିଶୁ ଶ୍ରମମୁକ୍ତ କରିବା ସେନେଇ ସମସ୍ତଙ୍କ ସହଯୋଗ ଲୋଡିଥିଲେ । ଏହି ଅବସରରେ କିଶୋର ନ୍ୟାୟ,ଯତ୍ନ ଓ ସୁରକ୍ଷା ଆଇନ-୨୦୧୫ରେ ଶିଶୁ ଶ୍ରମିକମାନଙ୍କ ପାଇଁ ଥିବା ବ୍ୟବସ୍ଥା ଓ ସେମାନଙ୍କ ଥଇଥାନ ଉପରେ ଆଲୋଚନା କରାଯାଇଥିଲା । ଶେଷରେ ପିକକ୍ର କାର୍ଯ୍ୟକ୍ରମ ପରିଚାଳିକା ଜ୍ୟୋର୍ତିମୟୀ ମହାପାତ୍ର ଧନ୍ୟବାଦ ଅର୍ପଣ କରିଥିଲେ । ପିକକ୍ର ପ୍ରକଳ୍ପ ସଂଯୋଜକ ସତ୍ୟନାରାୟଣ ମହାନ୍ତ ଓ ଆଡଭୋକେସି ନେଟୱାର୍କର ମୋନିକା ଦାସ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।

Share in top social networks!

ଢେଙ୍କାନାଳ ଜିଲ୍ଲା ମହିଳା ବିଜେଡି ସଭାନେତ୍ରୀ ମିତାଞ୍ଜଳୀ ସ୍ୱାଇଁଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଗଭୀର ଶୋକ

DSC_0614
ଢେଙ୍କାନାଳ ଜିଲ୍ଲା ମହିଳା ବିଜେଡି ସଭାନେତ୍ରୀ ତଥା ଆଇନ୍‍ଜୀବୀ ମିତାଞ୍ଜଳୀ ସ୍ୱାଇଁ
ରବିବାର ରାତିରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ରାଉରକେଲାରେ ମୃତୁ୍ୟବରଣ କରିଛନ୍ତି । ତାଙ୍କର ଅକାଳ ବିୟୋଗ ଖବର
ଆସିବା ପରେ ଢେଙ୍କାନାଳ ଜିଲ୍ଲା ଓ ବିଜୁ ଜନତା ଦଳରେ ଶୋକର ଛାୟା ଖେଳିଯାଇଛି । ବିଜୁ ଜନତା ଦଳ ସଭାପତି ତଥା
ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ସ୍ୱର୍ଗତା ସ୍ୱାଇଁଙ୍କ ବିୟୋଗରେ ଗଭୀର ଶୋକ ପ୍ରକଟ କରି ଅମର ଆତ୍ମାର ସଦ୍‍ଗତି
କାମନା କରିବା ସହିତ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜ୍ଞାପନ କରିଛନ୍ତି ।
ସେହିପରି ବିଜୁ ମହିଳା ଜନତା ଦଳ ସଭାନେତ୍ରୀ ତଥା ବିଧାୟିକ ପ୍ରମିଳା ମଲିକଙ୍କ ସମେତ ବହୁ ଦଳୀୟ ନେତୃମଣ୍ଡଳୀ ସ୍ୱର୍ଗତା
ସ୍ୱାଇଁଙ୍କ ବିୟୋଗରେ ଗଭୀର ଶୋକପ୍ରକଟ କରିଛନ୍ତି । ସ୍ୱର୍ଗତା ସ୍ୱାଇଁ ବିଜୁ ଜନତା ଦଳ ଢେଙ୍କାନାଳ ଜିଲ୍ଲାରେ ଆଗଧାଡ଼ିର ଜଣେ
ସକ୍ରିୟ ସଦସ୍ୟା ଥିଲେ । ସାଂଗଠନିକ ଦକ୍ଷତା ଓ କ୍ରିୟାଶୀଳତା ଆଧାରରେ ଢେଙ୍କାନାଳ ଜିଲ୍ଲା ବିଜୁ ମହିଳା ଜନତା ଦଳର
ସଭାନେତ୍ରୀ ଦାୟିତ୍ୱରେ ସେ ଥିଲେ । ସ୍ୱର୍ଗତା ସ୍ୱାଇଁଙ୍କ ନିÂାପର ଓ ଉତ୍ସର୍ଗୀକୃତ ଦକ୍ଷତା ପାଇଁ ଢେଙ୍କାନାଳ ଜିଲ୍ଲାରେ ମହିଳା ବିଜେଡି
ସଂଗଠନ ବେଶ୍‍ ମଜଭୁତ ହୋଇଥିଲା । ତାଙ୍କର ପରଲୋକ ଢେଙ୍କାନାଳ ଜିଲ୍ଲା ପାଇଁ ଏକ ଅପୂରଣୀୟ କ୍ଷତି ବୋଲି ବିଜୁ ଜନତା
ଦଳ ରାଜ୍ୟ ସଂପାଦକ ବିଜୟ ନାୟକ କହିଛନ୍ତି । ଆଜି ଏଥିନେଇ ଅପରାହ୍ଣରେ ବିଜୁ ଜନତା ଦଳ ରାଜ୍ୟ କାର୍ଯ୍ୟାଳୟ ଠାରେ ଏକ
ଶୋକସଭା ଅନୁÂିତ ହୋଇଥିଲା । ସ୍ୱର୍ଗତା ସ୍ୱାଇଁଙ୍କ ଅମର ଆତ୍ମାର ସଦ୍‍ଗତି ନିମନ୍ତେ ସଭାରେ ଦୁଇ ମିନିଟ୍‍ ନିରବ ପ୍ରାର୍ଥନା
କରାଯାଇଥିଲା । ଏହି ଶୋକସଭାରେ ବିଜୁ ଜନତା ଦଳ ରାଜ୍ୟ ସଂପାଦକ ବିଜୟ ନାୟକ, ଭୁବନେଶ୍ୱର ମେୟର ଅନନ୍ତ ନାରାୟଣ
ଜେନା, ଡେପୁଟି ମେୟର କେ. ଶାନ୍ତି, ଭୁବନେଶ୍ୱର ଜିଲ୍ଲା କାର୍ଯ୍ୟକାରୀ ସଭାପତି ବାବୁ ସିଂହ, ମହିଳା ବିଜେଡି ଉପ-ସଭାନେତ୍ରୀ
ଗୀତା ବସ୍ତିଆ, ଦଳର ମୁଖପାତ୍ର ସୁଲୋଚନା ଦାସ, ଜିଲ୍ଲା ମହିଳା ସଭାନେତ୍ରୀ ଭାରତୀ ସିଂହ, ରଞ୍ଜୁଲତା ରାୟ, ମମତା ସାହୁ, ମମତା
ରାଉତ, ସସ୍ମିତା ମିଶ୍ର, ମାନସୀ ସୁନ୍ଦରାୟ, ପୁଷ୍ପା ପାଣି, ପୁଷ୍ପା ଦାସ, ସ୍ନିଗ୍‍ଧା ପାଣିଗ୍ରାହୀ, ବନ୍ଦନା ସାହୁ, ସ୍ୱର୍ଣ୍ଣପ୍ରଭା ରାୟ, ପ୍ରଣତୀ
ନାୟକ, ସ୍ନେହାଞ୍ଜଳି ମହାନ୍ତି, ରାଜଲକ୍ଷ୍ମୀ ଦାଶ, ପଙ୍କିଜୀନୀ ସ୍ୱାଇଁ, ମଧୁସ୍ମିତା ଦାଶ, ସସ୍ମିତା ଦାଶ, ବିନୟନୀ ଲେଙ୍କା, ମମତା
ବେହେରା, ରୀନା ଗଡ଼ନାୟକ, ଶାନ୍ତିଲତା ସାହୁ ପ୍ରମୁଖ ଉପସ୍ଥିତ ଥିଲେ ।

Share in top social networks!

ବାଲେଶ୍ୱର ଜିଲ୍ଲା ଖଇରା ବ୍ଲକ ସୁନ୍ଦରପୁର ଅଞ୍ଚଳରୁ ଏକ ଜୀବିତ ମାଇ ହରିଣ ଉଦ୍ଧାର

KHAIRA HARINA UDHARବାଲେଶ୍ୱର ଜିଲ୍ଲା ଖଇରା ବ୍ଲକ ସୁନ୍ଦରପୁର ଅଞ୍ଚଳରୁ ଏକ ଜୀବିତ ମାଇ ହରିଣ ଉଦ୍ଧାର ହୋଇଛି । ଆଜି ଭୋର ସମୟରେ ହରିଣଟି କୌଣସି କାରଣ ବଶତଃ ଜନବସତି ଅଞ୍ଚଳକୁ ପଳାଇ ଆସିଥିଲା । ଦିନ ହୋଇଯାଇଥିବାରୁ ଫେରି ପାରିନଥିଲା । ସୁନ୍ଦରପୁର ଅଞ୍ଚଳର ଯୁବକ ମାନେ ହରିଣଟିକୁ ଉଦ୍ଧାର କରି କୁପାରୀ ବନ ବିଭାଗକୁ ଖବର ଦେଇଥିଲେ । ଖବର ପାଇ ବନବିଭାଗର କର୍ମଚାରୀ ମାନେ ସେଠାରେ ପହଞ୍ଚି ହରିଣଟିକୁ ଉଦ୍ଧାର କରିଥିଲେ । ଆହତ ହରିଣଟି ୨ ବର୍ଷର ବୋଲି ଜଣାପଡିଛି । ଆହତ ହରିଣକୁ ଚିକିତ୍ସା ପରେ କୁଳଡିହା ଅଭୟାରଣ୍ୟରେ ଛଡାଯିବ ବୋଲି ଫରେଷ୍ଟର ସୁମତି ଦାସ ପ୍ରକାଶ କରିଛନ୍ତି । ଶାରିଶୁଆ ପାହାଡରେ ବ୍ଲାଷ୍ଟିଂ ଓ ଭାରି ଜାନ ଚଳାଚଳ ଯୋଗୁଁ ଯିବଜନ୍ତୁ ମାନେ ଜନବସତିକୁ ପଳାଇ ଆସୁଛନ୍ତି ବୋଲି ସାଧାରଣରେ ଚର୍ଚ୍ଚା ହେଉଛି ।

Share in top social networks!

ଖଇରା ଫତେପୁର ରାସ୍ତାରେ ଶହଶହ ଖାଲ; ଜନସାଧାରଣଙ୍କ ବଢୁଛି ଚିନ୍ତା,ରାସ୍ତା ଅବରୋଧ କରିବା ଆଶଙ୍କା ।

khaira ftepur roadବାଲେଶ୍ୱର ଜିଲ୍ଲା ଖଇରା ବ୍ଲକରୁ ଔପଦା ବ୍ଲକକୁ ସଂଯୋଗ କରୁଥିବା ଖଇରା ଫତେପୁର ପ୍ରଧାନ ମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ ନିର୍ମିତ ରାସ୍ତାଟି ଏବେ ଜନସାଧାରଣଙ୍କ ପାଇଁ ମରଣ ଯନ୍ତା ପାଲଟିଛି । ଖଇରାରୁ ଔପଦା ବ୍ଲକ ଅଂଚଳ ସହିତ ମୟୁରଭଞ୍ଜକୁ ଏହି ରାସ୍ତାଟି ସଂଯୋଗ ହୋଇଥିବାବେଳେ ଦୈନିକ ଶହଶହ ଜନସାଧାରଣ ସହିତ ବିଭିନ୍ନ ପ୍ରକାର ଜରୁରୀକାଳୀନ ଗାଡିମୋଟର ଯିବାଆସିବା କରିଥାଏ । ଏହି ରାସ୍ତାଟିକୁ ଓ.ସି.ସି କମ୍ପାନୀ ଗତ ୨୦୧୨ରେ ନିର୍ମାଣ କରିଥିଲା । ଏବେ ରାସ୍ତାର ଅବସ୍ଥା ଖାଲ ଢୀପରେ ପରିଣତ ହୋଇ ଜନସାଧାରଣଙ୍କ ପାଇଁ ମୃତ୍ୟୁର କାରଣପାଲଟିଛି । ଯାହାବି ମରାମତି ହେଉଛି ତାହା ନିମ୍ନମାନର ହେଉଛି ବୋଲି ଅଞ୍ଚଳବାସୀ ମାନେ ପ୍ରକାଶ କରିଛନ୍ତି । ଢଳେଇଫାଟି ଆଁ କଲାଣି ଅଥଚ ମରାମତି ହେଉନାହିଁ । ପ୍ରତ୍ୟେକ ଦିନ ସେହି ରାସ୍ତା ଦେଇ ୩ ଗୋଟି ଜିଲ୍ଲାର ଲୋକ ଗତା ଗତ କରୁଛନ୍ତି । ଯାତ୍ରୀବାହୀ ବସ ଫତେପୁରରୁ ଭାୟା ଖଇରା ଦେଇ ବାଲେଶ୍ୱର, ଘଟଗାଁ ସହିତ ବିଭିନ୍ନ ସ୍ଥାନକୁ ଯିବା ଆସିବା କରୁଛି । ଯାତ୍ରୀ ମାନେ ବହୁ ବିପଦ ସଙ୍କୁଳ ଅବାସ୍ଥାରେ ଯାତାୟତ କରୁଛନ୍ତି । ଆହରିୁ ସ୍କୁଲ, କଲେଜର ଛାତ୍ର ଛତ୍ରୀ ମାନେ ସେହି ରାସ୍ତାରେ ଗମନା ଗମନ କରୁଛନ୍ତି । ୧୦୮,୧୦୨, ଦମକଳ ସେବା ପାଇଁ କେତେ କଷ୍ଟ ନିଜେ ନଦେଖିଲେ ଜାଣି ହେବ ନାହିଁ । ଅଞ୍ଚଳ ବାସୀ ମାନେ ବାରମ୍ବାର ବିଭାଗୀୟ ଅଧିକାରୀଙ୍କୁ ଜଣାଇଆସୁଥିଲେ ମଧ୍ୟ କୌଣସି ସୁଫଳ ମିଳୁ ନାହିଁ । ସରାକାରଙ୍କର ସବୁ ଯୋଜନା ଥାଇମଧ୍ୟ ଲୋକମାନେ ହନ୍ତସନ୍ତ ହୋଇ ଗମନା ଗମନ କରିବା ପ୍ରଶାସନର କାର୍ଯ୍ୟ ଦକ୍ଷତାକୁ ଅଙ୍ଗୁଳି ନିଦେ୍ର୍ଧଶକରୁଛି । ସେହି ପରି ଖଇରା-ଡୁଙ୍ଗୁରା ରାସ୍ତାରେ ପାଖାପାଖି ୩୦ଟି ଅଘୋଷିତ ହମ୍ପସ୍ ନିର୍ମାଣ ମଧ୍ୟ ଜନସାଧାରଣଙ୍କ ପାଇଁ ମୃତ୍ୟୁର କାରଣ ସାଜିଛି । ପ୍ରକାଶ ଥାଉକି ଏହା ପୂର୍ବରୁ ଖଇରା ବ୍ଲକର ବିଭିନ୍ନି ସମସ୍ୟା ବାବଦରେ ଗଣମାଧ୍ୟମ ଓ ଦୈନିକ ଖବର କାଗଜରେ ପ୍ରକାଶ ହୋଇଥିଲେ ମଧ୍ୟ ପ୍ରଶାସନର କୌଣସି ଦୃଷ୍ଟି ଏଠାରେ ପଡୁନାହିଁ ।

Share in top social networks!