ଆଟ୍ ଫର ଫୋଭେଲ ଶିର୍ଷକ ଏକ ଚିତ୍ରକଳା ପ୍ରଦର୍ଶନୀ ଓଡ଼ିଶା ମର୍ଡନ ଆର୍ଟ ଗ୍ୟାଲେରୀରେ ଉଦଘାଟନ

kiteartବାଲେଶ୍ୱର ଚାରୁ ଓ କାରୁକଳା ମହାବିଦ୍ୟାଲୟ ତରଫରୁ ଆଟ୍ ଫର ଫୋଭେଲ ଶିର୍ଷକ ଏକ ଚିତ୍ରକଳା ପ୍ରଦର୍ଶନୀ ଓଡ଼ିଶା ମର୍ଡନ ଆର୍ଟ ଗ୍ୟାଲେରୀରେ ଉଦଘାଟନ ହୋଇଯାଇଛି । ଏହି କଳା ମହାବିଦ୍ୟାଳୟର ଶେଷ ବର୍ଷର ୨୭ଜଣ ଛାତ୍ରଛାତ୍ରୀ ମିଶି ଏହି ପ୍ରର୍ଦଶନୀଟି ଆୟେଜନ କରିଛନ୍ତି । ବିଭିନ୍ନ ମାଧ୍ୟମ ଯଥା ପେଣ୍ଟିଙ୍ଗ୍, ଭାସ୍କର୍ଯ୍ୟ, ଟେମ୍ପୋରା, ଡ୍ରଇଂ, ସ୍କେଚ୍, ମିକ୍ସମିଡିଆ ମୁଦ୍ରଣ କଳା ଏବଂ ଇନସ୍ଟଲେସନ ଇତ୍ୟାଦି ବ୍ୟକ୍ତିଗତ ଚିନ୍ତାଧାରାକୁ ନିଜସ୍ୱ ଶଇଳିରେ ଅତି ନିଖୁଣତାର ସହିତ ପରିପ୍ରକାଶ କରିଛନ୍ତି । କେଉଁଠି ରାମାୟଣ ମହାଭାରତର କଥା ତ ଆଉ କେଉଁଠି ବର୍ତମାନ ସମାଜର ନିତି ଦିନର ଘଟଣା ବଳିକୁ ନେଇ ଛବି ତିଆରି କରିଚନ୍ତି । ସେହି ପରି ପ୍ରାକୃତିକ ସୌନ୍ଦର୍ଯ୍ୟ ସହିତ ବ୍ୟସ୍ତ ବହୁଳ ସହରର ଜୀବନର କଥା । ଭାସ୍କର୍ଯ୍ୟରେ ସେହିପରି ନିଖୁଣତା ସହିତ ହୃଦୟ ସ୍ପର୍ଶି , ଜୀବନ୍ତ ଭଳି କଳା କୃତି ଗୁଡ଼ିକ ଅନୁଭବ କରି ହେଉଛି । ଭାସ୍କର୍ଯ୍ୟରେ କେଉଁଠି ଜନ୍ଦା ପିମ୍ପୁଡ଼ିର ସମାରୋହ ତ କେଉଁଠି ଫୁଲର ଲହରୀ, ସାଂଗକୁ ନିଦ୍ରିତ କଅଂଳ ଶିଶୁ , ପୁଣି ସ୍ପର୍ଶ କରିହୁଏ ସୁନ୍ଦର ପରିବେଶ କୁ ।
ଉଦଘାଟନ ଉସôବରେ ପଦ୍ମବିଭୁଷଣ ଶିଳ୍ପୀ ଗୁରୁ ଶ୍ରୀଯୁକ୍ତ ରଘୁନାଥ ମହାପାତ୍ର , ସଂସ୍କୃତି ବିଭାଗର ନିଦେ୍ର୍ଧଶକ ଶ୍ରୀଯୁକ୍ତ ଅମରେନ୍ଦ୍ର ପଟ୍ଟନାୟକ, ଓଡ଼ିଶା ଲଲିତ କଳା ଏକାଡେମୀର ସଚିବ ଓ ଓଡ଼ିଶା ମର୍ଡନ ଆର୍ଟ ଗ୍ୟାଲେରୀର ପ୍ରତିÂାତା ଶ୍ରୀ ତାରାକାନ୍ତ ପରିଡ଼ା, ବରିଷ୍ଟ ଚିତ୍ରଶିଳ୍ପୀ ଶ୍ରୀ ଗୌରାଙ୍ଗ ବାରିକ, ବରିÂ ସାମ୍ବାଦିକ ଶ୍ରୀ ଦିଲ୍ଲୀପ ହାଲୀ ଅତିଥି ଭାବେ ଉଦଘାଟନ କରି ବାଲେଶ୍ୱର କଳା ମହାବିଦ୍ୟାଳୟର ଏବଂ ପ୍ରର୍ଦଶନୀରେ ଭାଗନେଇଥିବା ସମସ୍ତ ଯୁବଶିଳ୍ପୀ ମାନଙ୍କୁ ପ୍ରସଂସା କରିଥିଲେ । ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ନିକୁଞ୍ଜ ବିହାରୀ ଦାସଙ୍କ ପ୍ରଚେଷ୍ଟାରେ ଏହି ପ୍ରର୍ଦଶନୀ ଟି ଏତେ ଉଚ୍ଚକୋଟୀର ହୋଇପାରିଛି ବୋଲି ଉପସ୍ଥିତ ସମସ୍ତ କଳାକାର ଓ କଳାପ୍ରେମୀ ମାନେ ମତବ୍ୟକ୍ତ କରିଥିଲେ । ଏହି ପ୍ରର୍ଦଶନୀ ଟି ଆସନ୍ତା ୫ତାରିଖ ପର୍ଯ୍ୟନ୍ତ ଚାଲୁ ରହିବ ବୋଲି ଗ୍ୟାଲେରୀର ପରିଚାଳକ ସୁବ୍ରତ ମହାନ୍ତି କହିଚନ୍ତି ।

Share in top social networks!

ଆର୍ଟ-ଇନ୍-ଇଣ୍ଡଷ୍ଟ୍ରି ଶିବିର ସହ ଟାଟା ଷ୍ଟିଲ ଉତ୍ସବ-୨୦୧୬ର ଶୁଭାରମ୍ଭ

tataartଚିତ୍ରାଙ୍କନ ଶିବିର ତଥା ପ୍ରଦର୍ଶନୀ ଆର୍ଟ-ଇନ୍-ଇଣ୍ଡଷ୍ଟ୍ରି ଓ ଟାଟା ଷ୍ଟିଲ ଓଡ଼ିଶା ଉତ୍ସବ-୨୦୧୬ର ଉଦ୍ଘାଟନୀ କାର୍ଯ୍ୟକ୍ରମ ଆଜି ଭୁବନେଶ୍ୱରସ୍ଥିତ ଲଳିତ କଳା ଏକାଡେମୀରେ ଉଦ୍ଘାଟିତ ହୋଇଯାଇଛି । ଏହି କାର୍ଯ୍ୟକ୍ରମକୁ ଓଡ଼ିଶା ସରକାରଙ୍କ ଶିଳ୍ପ, ବିଦ୍ୟାଳୟ ଓ ଗଣ ଶିକ୍ଷା ମନ୍ତ୍ରୀ ଶ୍ରୀ ଦେବୀ ପ୍ରସାଦ ମିଶ୍ର, ପ୍ରସିଦ୍ଧ ଚିତ୍ରକାର ଓଡ଼ିଆ ବାସିନ୍ଦା ଶ୍ରୀ ଜତୀନ ଦାସ, ଓଡ଼ିଶା ସରକାରଙ୍କ ଜଳ ସମ୍ପଦ ବିଭାଗର ମୁଖ୍ୟ ସଚିବ ଶ୍ରୀ ପ୍ରଦୀପ ଜେନା ଓ ଟାଟା ଷ୍ଟିଲ କର୍ପୋରେଟ୍ କମୁ୍ୟନିକେସନ୍ସ ଓ ରେଗୁଲେଟୋରି ଏଫାୟେର୍ସ ବିଭାଗର ଗ୍ରୁପ୍ ନିଦେ୍ର୍ଧଶକ ଶ୍ରୀ ଚାଣକ୍ୟ ଚୌଧୁରୀଙ୍କ ଉପସ୍ଥିତିରେ ଉଦ୍ଘାଟନ କରିଥିଲେ ।

ଓଡ଼ିଶାର କଳା ଓ ସଂସ୍କୃତିର ପ୍ରସାର ସହିତ ଏହି ଶିବିର ଖ୍ୟାତାନାମା, ପେସାଦାର କଳାକାର ଓ ଯୁବ ପ୍ରତିଭାମାନଙ୍କୁ ଗୋଟିଏ ମଞ୍ଚରେ ଶିକ୍ଷା ଗ୍ରହଣ, ଆଲୋଚନା ଓ ଅଭ୍ୟାସ କରିବା ପାଇଁ ଉପଯୁକ୍ତ ମଞ୍ଚ ପ୍ରଦାନ କରୁଛି ।

ଭାରତର ୧୬ଜଣ ଖ୍ୟାତନାମା କଳାକାର ଏହି ୩ଦିନିଆ ଶିବିରରେ ନିଜର ଚିତ୍ରକଳାର ପ୍ରଦର୍ଶନ କରିବେ । ଚିତ୍ରାଙ୍କନ ଛାତ୍ରଛାତ୍ରୀଙ୍କ ପାଇଁ କର୍ମଶାଳା ଓ ବିଭିନ୍ନ ଖ୍ୟାତିସମ୍ପନ୍ନ ଚିତ୍ରକାରଙ୍କ ସହ ସେମାନଙ୍କ ଆଲୋଚନା ଏହି ଶିବିରର ମୁଖ୍ୟ ଆକର୍ଷଣ । ସ୍ଥାନୀୟ କଳାକାରଙ୍କ ଅଂଶଗ୍ରହଣ ଦ୍ୱାରା ଏଥିରେ ଲୋକମାନେ ସ୍ଥାନୀୟ କଳାକୃତିକୁ ଉପଭୋଗ କରିପାରିବେ । ଟାଟା ଷ୍ଟିଲ ଆନ୍ତଃ ବିଦ୍ୟାଳୟ ଚିତ୍ରାଙ୍କନ ପ୍ରତିଯୋଗିତା ମାଧ୍ୟମରେ ଓଡ଼ିଶାର ବିଭିନ୍ନ ସ୍ଥାନରୁ ଚୟନ ହୋଇଥିବା ଛାତ୍ରଛାତ୍ରୀ ଓ ବିଭିନ୍ନ କଳା ମହାବିଦ୍ୟାଳୟର ୫୦ଜଣ ଛାତ୍ରଛାତ୍ରୀମାନେ ଏହି ଶିବିରରେ ଅଂଶଗ୍ରହଣ କରୁଛନ୍ତି ।

ଓଡ଼ିଶାର ଶିଳ୍ପ ଓ ଗଣ ଶିକ୍ଷା ମନ୍ତ୍ରୀ ଶ୍ରୀ ଦେବୀ ପ୍ରସାଦ ମିଶ୍ର କଳା ଓ ସଂସ୍କୃତିର ପ୍ରସାର ପାଇଁ “ଟାଟା ଷ୍ଟିଲର ପଦକ୍ଷେପକୁ ପ୍ରଶଂସା କରିବା ସହ ଏଭଳି କାର୍ଯ୍ୟକ୍ରମ ମାଧ୍ୟମରେ କଳା ଓ ସାହିତ୍ୟର ଉନ୍ନତି ପାଇଁ କମ୍ପାନୀ ପକ୍ଷରୁ ନିଆଯାଉଥିବା ପଦକ୍ଷେପକୁ ଦେଖି ଖୁସି ଅନୁଭବ ହେଉଛି ବୋଲି କହିଥିଲେ । ଆମ ନିକଟରେ ପଟ୍ଟଚିତ୍ର, ଆଦିବାସୀ କଳା ଓ ଅନ୍ୟ ପ୍ରକାର ବିଭିନ୍ନ ସୁନ୍ଦର ଚିତ୍ରକଳାର ସମ୍ଭାର ରହିଛି । ଟାଟା ଷ୍ଟିଲ, ସରକାରଙ୍କ ସହଯୋଗରେ ଏଭଳି କଳାକାରଙ୍କୁ ସହଯୋଗ କରିବା ଉଚିତ, ଯାହାଫଳରେ ସେମାନେ ଜାତୀୟ ଓ ଆନ୍ତର୍ଜାତୀୟ ସ୍ତରରେ ଚିତ୍ରକଳା କ୍ଷେତ୍ରରେ ସୁନାମ ଅର୍ଜନ କରିପାରିବେ ବୋଲି ସେ ମତପ୍ରକାଶ କରିଥିଲେ ।

ସେହିପରି ଖ୍ୟାତାନାମା କଳାକାର ଶ୍ରୀ ଜତୀନ ଦାସ ଏହି କାର୍ଯ୍ୟକ୍ରମରେ ଭାଗ ନେଉଥିବା ପ୍ରତିଯୋଗୀମାନଙ୍କୁ ରାଜ୍ୟର ମହାନ କଳା ଓ ସଂସ୍କୃତିର ପରମ୍ପରାର ସଂରକ୍ଷଣ ପାଇଁ ଆହ୍ୱାନ କରିଥିଲେ । ଏଠାରେ ଉପସ୍ଥିତ କଳାକାର ଓ କଳାପ୍ରେମୀଙ୍କୁ ସମ୍ବୋଧିତ କରି ଶ୍ରୀ ଦାସ ଓଡ଼ିଶାର କଳା ଉକôର୍ଷତା ଉପରେ ବର୍ଣ୍ଣନା କରିବା ସହ ଭବିଷ୍ୟତରେ ମଧ୍ୟ ଟାଟା ଷ୍ଟିଲର ଏହି ପଦକ୍ଷେପକୁ ତାଙ୍କ ସମର୍ଥନ ଜାରି ରହିବ ବୋଲି ପ୍ରତିଶ୍ରୁତି ଦେଇଥିଲେ । ଏହି ଅବସରରେ ଉଦ୍ବୋଧନ ଦେଇ ଓଡ଼ିଶା ସରକାରଙ୍କ ଜଳ ସମ୍ପଦ ବିଭାଗର ମୁଖ୍ୟ ସଚିବ ଶ୍ରୀ ପ୍ରଦୀପ କୁମାର ଜେନା କଳାର ପ୍ରସାର ପାଇଁ ଟାଟା ଷ୍ଟିଲର ପକ୍ଷରୁ ନିଆଯାଇଥିବା ପଦକ୍ଷେପକୁ ପ୍ରଶଂସା କରିଥିଲେ ।

କଳାକାରଙ୍କୁ ସହଯୋଗ ପ୍ରଦାନ ଭଳି ବିଭିନ୍ନ ପଦକ୍ଷେପ ଓଡ଼ିଶାର ମହାନ କଳା ଓ ସଂସ୍କୃତିକୁ ଅଧିକ ଶକ୍ତିଶାଳୀ କରିବା ପାଇଁ କମ୍ପାନୀଳ ପ୍ରତିଶ୍ରୁତିବଦ୍ଧ ବୋଲି ଟାଟା ଷ୍ଟିଲ କର୍ପୋରେଟ୍ କମୁ୍ୟନିକେସନ୍ସ ଓ ରେଗୁଲେଟୋରି ଏଫାୟେର୍ସ ବିଭାଗର ଗ୍ରୁପ୍ ନିଦେ୍ର୍ଧଶକ ଶ୍ରୀ ଚାଣକ୍ୟ ଚୌଧୁରୀ କହିଥିଲେ । ଆର୍ଟ-ଇନ୍-ଇଣ୍ଡଷ୍ଟ୍ରି ଭାରତର ଖ୍ୟାତାନାମା କଳାକାରଙ୍କୁ ନିଜ ପ୍ରତିଭାର ପରିପ୍ରକାଶ ଓ ପ୍ରଦର୍ଶନ ନିମେନ୍ତ ଏକ ମଞ୍ଚ ପ୍ରଦାନ କରୁଛି ବୋଲି ସେ ମତ ପ୍ରକାଶ କରିଥିଲେ ।

ଆର୍ଟ-ଇନ୍-ଇଣ୍ଡଷ୍ଟ୍ରି ବିଷୟରେ ୧୯୪୩ରେ ଚିନ୍ତା କରାଯାଇଥିଲା, ମୁମ୍ବାଇର ଜେଜେ ଆର୍ଟ ସ୍କୁଲରେ କଳାକାରମାନଙ୍କୁ ପୁରସ୍କାର ଓ ବୃତ୍ତି ପ୍ରଦାନ ପାଇଁ ଆୟୋଜିତ ପ୍ରତିଯୋଗିତାରେ ଟାଟା ଷ୍ଟିଲ ଅନ୍ୟତମ ପ୍ରାୟୋଜକ ଥିଲା । ସେହି ସମୟରେ ମଧ୍ୟ ସ୍ୱଳ୍ପ ପରିଚିତ କଳାକାରଙ୍କୁ ପ୍ରମୁଖ ଶିଳ୍ପପତି ଓ କଳା ପ୍ରେମୀଙ୍କ ନିକଟରେ ପରିଚିତ କରାଇବା ଏହାର ମୁଖ୍ୟ ଲକ୍ଷ୍ୟ ଥିଲା ।

Share in top social networks!

ଓଡିଆ ଝିଅ ଅନିଶା ଆଚାର୍ଯ୍ୟ ଙ୍କ ଦ୍ଵାରା ସମ୍ପାଦିତ ଲଘୁ ଚଳଚିତ୍ର ୨୦୧୫ ଷ୍ଟୁଡେଣ୍ଟ ଅସ୍କାର ସ୍ଵର୍ଣ ପୁରଷ୍କାରରେ ସମ୍ମାନିତ

odiafilmଗତ କାଲି ୨୦୧୫ ମସିହାର ଷ୍ଟୁଡେଣ୍ଟ ଆକାଡେମି ଆୱାର୍ଡ (ଷ୍ଟୁଡେଣ୍ଟ ଅସ୍କାର) ପୁରସ୍କାର ପ୍ରଦାନ ସମାରୋହ ସମାପନ ହୋଇଅଛି । ଆନ୍ତର୍ଜାତୀୟ ସ୍ତରରେ ଚଳଚିତ୍ର କ୍ଷେତ୍ରରେ ଉଦ୍ଦିୟମାନ ଛାତ୍ର ପ୍ରତିଭାକୁ ବିଶ୍ଵ ଚଳଚିତ୍ର ଉଦ୍ୟୋଗରେ ନିଜ କଳାର ପ୍ରଦର୍ଶନ କରିବା ପାଇଁ ଏକ ସୁଯୋଗ ଓ ମଞ୍ଚ ପ୍ରଦାନ କରିବା ଉଦ୍ଦେଶ୍ୟରେ ଏହି ଷ୍ଟୁଡେଣ୍ଟ ଅସ୍କାର ସମ୍ମାନ ୧୯୭୨ ମସିହାରେ ସଂସ୍ଥାପିତ କରାଯାଇ ଅଛି । ପ୍ରତି ବର୍ଷ ସ୍ଵର୍ଣ, ରୋପ୍ୟ ଏବଂ ବ୍ରଞ୍ଜ ପୁରଷ୍କାରମାନ ପାଞ୍ଚଟି ବିଭାଗରେ ଦିଆଜାଇ ଥାଏ — ବିକଳ୍ପ, ଆନିମେଶନ, ବିଦେଶୀ, ବୃତ୍ତଚିତ୍ତ୍ର ଓ ବର୍ଣନାତ୍ମକ । ଏ ବର୍ଷ ୨୮୨ ଆମେରିକିୟ ୯୩ ଅନ୍ୟ ଦେଶର କଲେଜ ଓ ବିଶ୍ବବିଦ୍ୟାଳୟରୁ ଏକ ରେକର୍ଡ ସଂଖ୍ୟକ ୧୬୮୬ ଚଳଚିତ୍ର ଏ ପ୍ରତିଯୋଗିତାରେ ଭାଗ ନେଇଥିଲେ ।
ଆମେରିକାନ ଫିଲ୍ମ ଇନଷ୍ଟିଚିଉଟ (ଏ. ଏଫ. ଆଇ.) ର ୨୦୧୪ ବ୍ୟାଚ ର ଏକ ଛାତ୍ର ଛାତ୍ରୀ ଦଳଙ୍କ ଦ୍ଵାରା ପ୍ରସ୍ତୁତ ବର୍ଣ୍ଣନାତ୍ମକ ଲଘୁ ଚଳଚିତ୍ର “ଡ଼େ ୱାନ” ଚଳିତ ବର୍ଷର ସମ୍ମାନଜନକ ଷ୍ଟୁଡେଣ୍ଟ ଆକାଡେମି ଆୱାର୍ଡ (ଷ୍ଟୁଡେଣ୍ଟ ଅସ୍କାର) ସ୍ଵର୍ଣ ପୁରଷ୍କାର ପାଇଛି । ଏହି ଚଳଚିତ୍ରଟି ଓଡିଆ ଝିଅ ଅନିଶା ଆଚାର୍ଯ୍ୟ ଙ୍କ ଦ୍ଵାରା ସମ୍ପାଦିତ, ଏବଂ ହେନରୀ ହିଊଜଙ୍କ ଦ୍ଵାରା ନିର୍ଦ୍ଦେଶିତ । ଗତ କାଲି ସନ୍ଧ୍ୟାରେ ଲସ ଏଞ୍ଜେଲେସର ସାମୁଏଲ ଗୋଲ୍ଡ ୱିନ ଥିଏଟର ରେ ଅନୁଷ୍ଠିତ ଏକ ବର୍ଣାଢ୍ୟ ସମାରୋହରେ ପ୍ରସିଦ୍ଧ କଳାକାର ମିଶେଲ ରଡରିଗସ ଏହି ସ୍ଵର୍ଣ ପୁରଷ୍କାର ପ୍ରଦାନ କରିଥିଲେ । ଏହି ଚଳଚିତ୍ରଟିର ବିଷୟ ବସ୍ତୁ, ଆମେରିକୀୟ ସେନା ସହିତ ଅନୁବାଦକ ରୂପେ ଯୋଗ ଦେଇଥିବା ଏକ ଛାଡପତ୍ରିୟ ଆଫଗାନି ମହିଳାଙ୍କର କାର୍ଯ୍ୟ ଯୋଗଦାନର ପ୍ରଥମ ଦିବସର ଅତି ମର୍ମସ୍ପର୍ଶୀ ଅନୁଭବ ଉପରେ ଆଧାରିତ । ଏହା ଉଲ୍ଲେଖନୀୟ ଯେ ଲଘୁ ଚଳଚିତ୍ର “ଡେ ୱାନ” ଏ ବର୍ଷ ଅନେକ ଅନ୍ୟ ପୁରସ୍କାର ମଧ୍ୟ ପାଇ ସାରିଛି, ଯଥା: ଷ୍ଟୁଡେଣ୍ଟ ଏମୀ, ଷ୍ଟୁଡେଣ୍ଟ ବାଫତା ପୁରସ୍କାର ଇତ୍ୟାଦି । (www.dayonefilm.com)
ଅନିଶା ଆଚାର୍ଯ୍ୟ ଓଡିଶାର ସ୍ଵାଧୀନତା ସଂଗ୍ରାମୀ ସ୍ବର୍ଗତ କୀର୍ତ୍ତନ ବିହାରୀ ଆଚାର୍ଯ୍ୟ ଓ ତାରାମଣି ଆଚାର୍ଯ୍ୟ ଙ୍କର ନାତୁଣୀ ଏବଂ ସମାଜ ବିକାଶ ବିଶେଷଜ୍ଞ ଡ. ଜଗବନ୍ଧୁ ଆଚାର୍ଯ୍ୟଙ୍କର ଝିଅ । ବେଙ୍ଗାଲୁରୁ ସ୍ଥିତ ଏନ. ଆଇ. ଏଫ. ଟି. ଅନୁଷ୍ଠାନରେ ପ୍ରଡ଼କ୍ଟ ଓ ଗ୍ରାଫିକ ଡିଜାଇନ ରେ ଡିଗ୍ରୀ ହାସଲ କରିବା ପରେ, ଅନିଶା ଲସ ଏଞ୍ଜେଲେସ ସ୍ଥିତ ଆମେରିକାନ ଫିଲ୍ମ ଇନଷ୍ଟିଚିଉଟ (ଏ. ଏଫ. ଆଇ.) ରେ ଦୁଇ ବର୍ଷ ଅଧ୍ୟୟନ କରି ଚଳଚିତ୍ର ସମ୍ପାଦନ ରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି । ବାସ୍ତବିକ ଜୀବନ କାହାଣୀ କୁ ମର୍ମସ୍ପର୍ଶୀ, ହୃଦୟ ସଞ୍ଚାରକ ଓ ଆତ୍ମା ଉତ୍ତୋଳକ କରିବା ପାଇଁ ଚଳଚିତ୍ର ଏକ ମହାନ ମାଧ୍ୟମ ବୋଲି ଅନିଶା ବିଶ୍ଵାସ କରନ୍ତି ।

Share in top social networks!

ନବକଳେବର ଉପଲକ୍ଷେ, ଭଜନ ସିଡି “ହୃଦୟ ବଲ୍ଲଭ’ର ଲୋକାର୍ପଣ

10423929_1034637523215229_1216512339390047681_nସ୍ୱନାମଧନ୍ୟ କ=ଶିଳ୍ପୀ ସୁସ୍ମିତା ଦାସଙ୍କ ଗାଇଥ#ବା ୧୨ ଗୋଟି ଭକ୍ତି ସଂଗୀତ ଗୁଚ୍ଛକୁ ନେଇ ପ୍ରସ୍ତୁତ ଏକ ଅଡିଓ ସିଡି “ହୃଦୟ ବଲ୍ଲଭ’ର ଶୁଭ ଲୋକାର୍ପଣ ଆସନ୍ତାକାଲି, ୭ ତାରିଖ ମଙ୍ଗଳବାର ଦିନ ରବିନ୍ଦ୍ର ମଣ୍ଡପରେ ଅନୁଷ୍ଠିତ ହେବ । ଏହି ଉତ୍ସବରେ ରାଜ୍ୟ ରାଜସ୍ୱ ଓ ପ୍ରାକୃତିକ ବିପର୍ଯ୍ୟୟ ପ୍ରଶମନ ବିଭାଗର ମନ୍ତ୍ରୀ ବିଜୟଶ୍ରୀ ରାଉତରାୟ ଓ ରାଜ୍ୟ ମୁଖ୍ୟ ଶାସନ ସଚିବ ଶ୍ରୀଯୁକ୍ତ ଗୋକୁଳ ଚନ୍ଦ୍ର ପତି ଉପସ୍ଥିତି ରହି ଏହାର ଲୋକାର୍ପଣ କରିବେ । ଏହି ଅବସରରେ କ=ଶିଳ୍ପୀ ସୁସ୍ମିତା ଦାସ ଉକ୍ତ ସଂଗୀତ ଉପସ୍ଥାପନ କରିବେ ।
ବିଶିଷ୍ଟ ସଂଗୀତଜ୍ଞ ଓମ୍ ପ୍ରକାଶ ମହାନ୍ତିଙ୍କ ସଂଗୀତ ସଂଯୋଜନାରେ ପ୍ରାଚୀନ ଓ ମଧ୍ୟଯୁଗୀୟ କବିଙ୍କ ୬ ଗୋଟି ରଚନା ଓ ପଦ୍ମଶ୍ରୀ ପ୍ରଫୁଲ୍ଲ କରଙ୍କ ରଚନା ଓ ସଂଗୀତ ସଂଯୋଜନାକୁ ନେଇ ପ୍ରସ୍ତୁତ ୬ ଗୋଟି ସଂଗୀତ ଏହି ସିଡିରେ ସ୍ଥାନିତ ହୋଇଛି ।

Share in top social networks!

କାହିଁକି ଭାଙ୍ଗୁଛି ଜଗନ୍ନାଥଙ୍କ ପରମ୍ପରା?

photoଅଧ୍ୟାପକ ପୂର୍ଣ୍ଣଚନ୍ଦ୍ର ମଲ୍ଲିକ
ନବକଳେବର-୨୦୧୫ ସମ୍ଭବତଃ ବିପର୍ଯ୍ୟସ୍ତ ପରମ୍ପରା ପାଇଁ ଇତିହାସ ସୃଷ୍ଟି କରିବ । ଆରମ୍ଭରୁ ବନଯାଗ ଯାତ୍ରାକୁ ନେଇ ଦୁଇଟି ପରମ୍ପରା ଭାଙ୍ଗିବାର ଦେଖାଯାଉଛି । ପ୍ରଥମଟି ହେଲା ଦାରୁ ଚୟନ ଏବଂ ଦ୍ୱିତୀୟଟି ହେଲା ଦାରୁ ଚୟନ ଘୋଷଣା ।
ପ୍ରଥମେ ଦାରୁ ଚୟନକୁ ନିଆଯାଉ । ମଙ୍ଗଳାଙ୍କ ମନ୍ଦିରକୁ ସୂର୍ଯେ୍ୟାଦୟ ପୂର୍ବରୁ ବନଯାଗ ଯାତ୍ରୀ ଦଳ ଆସିନ୍ତି ଓ ମାଙ୍କର ପୂଜାର୍ଚ୍ଚନା ଆରମ୍ବ ହୁଏ । ଚଣ୍ଡୀପାଠ ଏବଂ ସ୍ୱପ୍ନଦେଶ ଏହି ଉସôବର ପ୍ରମୁଖ ଘଟଣା । ୧୯୭୬ ମସିହାର ନବକଳେବର ସମୟରେ ଏହି ଲେଖକ ଦୂରଦର୍ଶନରେ କାର୍ଯ୍ୟ କରୁଥିଲା ଏବଂ ଦେଉଳି ମଠରେ ବନଯାଗ ଯାତ୍ରୀ ଦଳର ପ୍ରବେଶ ସହିତ ମଙ୍ଗଳା ମନ୍ଦିର ଛାଡିବା ପର୍ଯ୍ୟନ୍ତ କାର୍ଯ୍ୟକ୍ରମର ଭାରପ୍ରାପ୍ତ ପ୍ରଯୋଜକ ରୂପେ କାର୍ଯ୍ୟ କରିଥିଲା । ଚଣ୍ଡୀପାଠରେ ପଣ୍ଡିତ ସଦାଶିବ ରଥ ଶର୍ମା ପ୍ରମୁଖ ଭୂମିକା ଗ୍ରହଣ କରିଥିଲେ । ଆମେ ତାଙ୍କର ମଧ୍ୟ ଏକ କ୍ଷୁଦ୍ର ସାକ୍ଷାତକାର ନେଇଥିଲୁ । ଏହି ଦିନ ମା’ ମଙ୍ଗଳାଙ୍କ ସମ୍ମୁଖରେ ଅଧ୍ୟା ପଡିଥିବା ଚାରିବାଡର ଦଇତାପତି ମାନଙ୍କୁ ସ୍ୱପ୍ନା ଦେଶ ହୁଏ ଏବଂ ସେମାନେ ସେହି ସ୍ୱପ୍ନ କଥା କାହା ନିକଟରେ ପ୍ରକାଶ କରନ୍ତି ନାହିଁ । ସେହି ଦିନ ପୂଜାପାଠ ପରେ ମଙ୍ଗଳା ମନ୍ଦିରରୁ ବନଯାଗ ଯାତ୍ରୀ ଦଳ ଚାରି ଭାଗ ହୋଇ ପୃଥକ ପୃଥକ ଦିଗରେ ଯାତ୍ରାରମ୍ଭ କରନ୍ତି । ସେମାନେ ପଦବ୍ରଜରେ ଯାଇ ବିଭିନ୍ନ ବିଗ୍ରହଙ୍କର ଦାରୁ ନିକଟରେ ପହଞ୍ଚିଥାନ୍ତି । ଏହି ସ୍ୱପ୍ନାଦେଶକୁ ଭକ୍ତମାନେ ସହଜ ଭାବେ ଜଗନ୍ନାଥ ତଥା ମା ମଙ୍ଗଳାଙ୍କ କୃପା ଓ ଦୈବୀଶକ୍ତିର ଚମକôାରିତା ଭାବେ ଗ୍ରହଣ କରିଥାନ୍ତି । କିନ୍ତୁ ଗଲା ଦିନେ ଦୁଇ ଦିନ ଭିତରେ ଯାହାସବୁ ଘଟୁଛି ତାହା ଭକ୍ତମାନଙ୍କର ସରଳ ବିଚାର ଓ ଭକ୍ତିଭାବନାକୁ ଦୋହଲାଇ ଦେଉଛି । ଏବେ ଦାରୁ ନିର୍ବାଚନ ପାଇଁ ଦଇତାପତି ମାନଙ୍କର ଗୋପନ ବୈଠକ, ବିଭିନ୍ନ ସୂତ୍ରରୁ ଦାରୁ ସମ୍ପର୍କିତ ଖବରର ସମୀକ୍ଷା, ଓ ସେଥିରୁ ୪ ଦିଅଙ୍କ ପାଇଁ ୪ ଟି ଦାରୁ ନିର୍ବାଚନ କରିବା ପ୍ରଭୃତି ସମ୍ବାଦ ଜଗନ୍ନାଥ ପ୍ରେମୀ ମାନଙ୍କୁ ବ୍ୟଥିତ କରିଛି ।
ଜଗନ୍ନାଥ ବହୁ ଗୋପନ ସେବା ଓ ରହାସ୍ୟାଚ୍ଛନ୍ନ ପରମ୍ପରା ପାଇଁ ବିଖ୍ୟାତ । ଅଣସର ଘରେ ଜଗନ୍ନାଥ ସ୍ନାନ ପୂର୍ଣ୍ଣିମା ଦିନ ଶୀତଳ ଜଳରେ ସ୍ନାନ ଜନିତ ଅସୁସ୍ଥ ହୋଇ େ ବିଶ୍ରାମ ନେଉଥିବା କଥା ବିଶ୍ୱାସ କରାଯାଏ । କିନ୍ତୁ ଏହି ଦିନମାନଙ୍କରେ ବିଗ୍ରହମାନଙ୍କର ଦାରୁ ଦେହକୁ ମରାମତି କରାଯାଉଥିବା କଥା କେହି କହେନାହିଁ ସେହିଭଳି ଦାରୁ ନିର୍ବାଚନ ଜନିତ ଉପରରେ ଆଲୋଚ୍ୟ କଥାଟି ହୁଏତ ସତ୍ୟ କିନ୍ତୁ ଜଗନ୍ନାଥଙ୍କ ବହୁ ରହସ୍ୟକୁ ଗୋପନ ରଖିବାତ ଆମର ପରମ୍ପରା । ଯଦି ଏସବୁ ଏଭଳି ଭାବେ ପ୍ରକାଶ କରାଯିବ ଏବଂ ଏ ସବୁ ବିଷୟର ଗୋପନ ପରମ୍ପରାକୁ ଯେଉଁମାନେ ଗୋପନ ରଖିବା କଥା ସେମାନେ ଯଦି ପ୍ରକାଶ କରି ବାହା ବାହା ନେବେ ତେବେ ଅଯଥା ମଙ୍ଗଳା ମନ୍ଦିରକୁ ଆସି ସ୍ୱପ୍ନାଦେଶର ପ୍ରହସନ କାହିଁକି? ‘ସ୍ୱପ୍ନାଦେଶର’ ପରମ୍ପରା ପ୍ରତି ଏହା ଏକ ଆହ୍ୱାନ ଏବଂ ସରଳ ବିଶ୍ୱାସୀ ଭକ୍ତମାନଙ୍କ ଧର୍ମୀୟ ଭାବନା ଉପରେ ଏହା ଏକ ଶକ୍ତ ପ୍ରହାର ।
ଦ୍ୱିତୀତ କଥାଟି ହେଲା ଦାରୁ ନିର୍ବାଚନ ସମ୍ପର୍କିତ ଘୋଷଣା କାହାର ଅଧିକାର ଭୁ. ଚାରିବାଡର ବାଡଗ୍ରହୀ ଦଇତାପତିମାନଙ୍କର ନା ଶ୍ରୀ ମନ୍ଦିର ମୁଖ୍ୟ ପ୍ରଶାସକଙ୍କର? ଆମେ ଯେତୋଟି ନବକଳେବର ଦେଖି ଆସିଲେଣି କୌଣସି ଗୋଟିକରେ ମନ୍ଦିରର ମୁଖ୍ୟ ପ୍ରଶାସକ ଏହି ଦାୟୀତ୍ୱ ନିଜ ଉପରକୁ ନେଇ ନାହାନ୍ତି । ସବୁ ନବକଳେବରରେ ବନଯାଗ ଯାତ୍ରୀ ଦଳ ଚତୁର୍ଦ୍ଧା ମୂର୍ତ୍ତିଙ୍କର ୪ ଦାରୁ ପାଖରେ ପହଞ୍ଚିବା ପରେ ସେଇମାନେ ହିଁ ଘୋଷଣା କରିଛନ୍ତି । ଏବେ ଆଇନ ଶୃଙ୍ଖଳାର ଦ୍ୱାହି ଦେଇ ମୁଖ୍ୟ ପ୍ରଶାସକ ଦାରୁ ନିର୍ବାଚନ ସମ୍ପର୍କରେ ଚୂଡାନ୍ତ ଘୋଷଣା ନିଜେ କରିବେ ବୋଲି କହିଲେଣି? ପରମ୍ପରା ଭାଙ୍ଗିବାର ଅଧିକାର ତାଙ୍କୁ କିଏ ଦେଇଛି? ଆମ ଜୀବନ କାଳ ଭିତରେ ଭଲଭାବେ ଆମେ ଦୁଇଟି ନବକଳେବର ଦେଖିସାରିଲେଣି । କୌଣସିଠାରେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିବା କଥା ଆମକୁ ଜଣା ନାହିଁ । ସ୍ୱତଃ ପ୍ରବୃତ ଭାବେ ବନଯାଗ ଯାତ୍ରୀ ଦଳ ଯେଉଁଠି ପହଞ୍ଚନ୍ତି ସେଠାରେ ନାମ ସଂକୀର୍ତ୍ତନ ଦଳ ରୁଣ୍ଡ ହୋଇଯାନ୍ତି । ସ୍ଥାନୀୟ ପୋଲିସ ସଜାଗ ଥାନ୍ତି । ଦାରୁ ପାଖରେ ପହଞ୍ଚିବାପରେ ଦଇତାପତିମାନଙ୍କର ନିଦେ୍ର୍ଧଶରେ ଦାରୁ ଚର୍ତୁପାଶ୍ୱରେ ଅତିକମରେ ଶହେ ଫୁଟ ବ୍ୟାସାର୍ଦ୍ଧ ପରିମିତ ଅଞ୍ଚଳରେ ବାଉଁସରେ ବ୍ୟାରିକେଡ ହୋଇଯାଏ ଏବଂ ଆହୋରାତ୍ର ଏହି ବ୍ୟାରିକେଡ ବାହାରେ ନାମ ସଂକୀର୍ତ୍ତନ ଚାଲିଥାଏ । ହଜାର ହଜାର ଲୋକ ଦିନରାତି ଆସୁଥାନ୍ତି । ଦୋକାନ ବଜାର ବସେ ଏବଂ ସ୍ଥାନୀୟ ପୋଲିସ ଶାନ୍ତି ଶୃଙ୍ଖଳା ଦାୟୀତ୍ୱରେ ରହନ୍ତି । କିନ୍ତୁ ଚଳିତ ବର୍ଷରେ କାହିଁକି ଦଇତାପତି ମାନେ ନିଜ ଅଧିକାରକୁ ମୁଖ୍ୟ ପ୍ରଶାସକଙ୍କ ହାତକୁ ଟେକି ଦେଇଛନ୍ତି ? ଏହା କାହା ସ୍ୱାର୍ଥରେ କାହିଁକି କରାଯାଇଛି ?
ପରମ୍ପରାର କେତୋଟି ବିଶେଷ ଦିଗ ଆମର ଆଧ୍ୟାତ୍ମିକ ବିଚାର ଓ ଧର୍ମୀୟ ବିଶ୍ୱାସ ସହିତ ଜଡିତ । ଜଗନ୍ନାଥଙ୍କର ବହୁ ଗୋପନ ସେବା ନେପଥ୍ୟରେ ଥିବା ବହୁ ସମ୍ଭାବ୍ୟ ସତ୍ୟ ଆଜି ମଧ୍ୟ ଅନୁଦ୍ଘାଟିତ । ତେଣୁ ଆମ ବିଚାରରେ କାହାରି ସ୍ୱାର୍ଥ ବା ଅଧିକାରିକ ପ୍ରତିଷ୍ଠା ପାଇଁ ପରମ୍ପରା ନଭାଙ୍ଗୁ । ଗୋପନ ସତ୍ୟ ସେହିଭଳି ଗୋପନ ରହୁ । ରହସ୍ୟମୟତା ହିଁ ଆଧ୍ୟାତ୍ମିକ ବିଚାର ବିଳାସ, ଏହା ଆମେ ଯେପରି ବିସ୍ମୃତ ନହେଉ ।
ଜଗନ୍ନାଥ ବିହାର, ଭୁବନେଶ୍ୱର

Share in top social networks!

ସିନେମା ମଣିଷ ଜୀବନଶୈଳୀରେ ଗଭୀର ରେଖାପାତ କରିଥାଏ

imsbbsr ସିନେମା ଆଧୁନିକ ମଣିଷର ଜୀବନ ଶୈଳୀ ଉପରେ ଗଭୀର ରେଖାପାତ କରିଥାଏ ବୋଲି ଇନିଷ୍ଟିଚୁ୍ୟଟ୍ ଅଫ୍ ମିଡିଆ ଷ୍ଟଡିଜ୍
ପକ୍ଷରୁ ଆୟୋଜିତ ଆଲୋଚନା ଚକ୍ରରେ ବକ୍ତାମାନେ ମତବ୍ୟକ୍ତ କରିଛନ୍ତି । ଆଧୁନିକ ମଣିଷର ଜୀବନ ଶୈଳୀରେ ସିନେମାର ପ୍ରଭାବ ଶୀର୍ଷକ
ଆଲୋଚନାଚକ୍ରରେ ଯୋଗ ଦେଇ ଆନ୍ତର୍ଜାତିକ ଖ୍ୟାତି ସମ୍ପନ୍ନ ଚଳଚ୍ଚିତ୍ର ନିଦେ୍ର୍ଧଶକ ଗଦାଧର ପୁଟ୍ଟି କହିଲେ, ଜୀବନକୁ ଜାଣିବା ପାଇଁ ସିନେମା
ହିଁ ଏକମାତ୍ର ବାଟ । ମଣିଷର ଜୀବନ ଶୈଳୀରେ ସିନେମାର ବହୁଳ ପ୍ରଭାବ ରହିଛି । ଫଳରେ କଳାକାରମାନେ ଅଧିକ ଲୋକପ୍ରିୟ
ହୋଇଯା’ନ୍ତି । କଳାକାର ଯେତେବେଳେ ଅଭିନୟ କରେ ସେତେବେଳେ ସାଧାରଣ ଲୋକ ତାକୁ ଅନୁଭବ କରିଥାଏ । ଫଳରେ ଅଭିନେତା
ଚରିତ୍ରର ପ୍ରଭାବ ସମାଜରେ ପଡିଥାଏ ।
ଅଭିନେତ୍ରୀ ଅନୁଚୌଧୁରୀ କହିଲେ ସିନେମାର ନିଦେ୍ର୍ଧଶକଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ନିଦେ୍ର୍ଧଶକ ହିଁ ଲୋକମାନଙ୍କର ଚିନ୍ତାଧାରାକୁ ନେଇ
ସିନେମା ପ୍ରସ୍ତୁତ କରିଥା’ନ୍ତି । ସିନେମାରେ ଶିକ୍ଷା, ଆମୋଦ ପ୍ରମୋଦ ରହିଥିଲେ ହେଁ ଲୋକମାନଙ୍କ ମନକୁ ରିଲାକ୍ସ କରିବା ପାଇଁ ଭରପୂର
ମସଲା ରହିବା ଦରକାର । କଥାଶିଳ୍ପୀ ତଥା ପ୍ରଶାସକ ଦେବପ୍ରସାଦ ଦାଶ କହିଲେ ସିନେମା ସୃଜନାତ୍ମକ ମାଧ୍ୟମ । ସମାଜ ଭଠନରେ ଏହାର
ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ତେଣୁ ସିନେମା ନିର୍ମାଣ କରୁଥିବା ଲୋକମାନଙ୍କର ଦୃଷ୍ଟିଭଙ୍ଗୀ ପରିବ•ର୍ନ ହେବା ଆବଶ୍ୟକ । ସିନେମାର
ପ୍ରତ୍ୟେକ ଚିତ୍ର ଓ ଚରିତ୍ର ଲୋକମାନଙ୍କ ଉପରେ ଗଭୀର ପ୍ରଭାବ ପକାଉଥିବାରୁ ଆମେ କ’ଣ ଦେଖାଇବା ତାହା ପ୍ରଥମେ ଚିନ୍ତା କରିବା
ଦରକାର । ଚଳଚ୍ଚିତ୍ର ସମୀକ୍ଷକ ସୂର୍ଯ୍ୟ ଦେଓ କହିଲେ ସିନେମା କେବଳ ମନୋରଂଜନ ଯୋଗାଇନଥାଏ । ସିନେମା ଆଧୁନିକ ମଣିଷର ଜୀବନ
ଶୈଳୀ ଉପରେ ଗଭୀର ରେଖାପାତ କରିଥାଏ । ଚଳନ୍ତି ଇତିହାସ ଭଳି ସିନେମା କାଳଖଣ୍ଡକୁ ବାନ୍ଧି ରଖିଥାଏ । ତେଣୁ ସିନେମାର ସେହି
ସାମାଜିକ ଦିଗକୁ ଗୁରୁତ୍ୱ ଦେବା ଦରକାର । ଏହି ଆଲୋଚନା ଚକ୍ରରେ ଆଇଏମଏସର ନିଦେ୍ର୍ଧଶକ ଉପେନ୍ଦ୍ର ପାଢ଼ୀ ଅଧ୍ୟକ୍ଷତା କାରିଥିଲେ ।
ଆଲୋଚନାଚକ୍ର ଆରମ୍ଭରୁ ବିଶିଷ୍ୟ ଚଳଚ୍ଚିତ୍ର ନିଦେ୍ର୍ଧଶକ ନୀରଦ ମହାପାତ୍ରଙ୍କ ବିୟୋଗରେ ନୀରବ ପ୍ରାର୍ଥନା କରାଯାଇଥିଲା ।

Share in top social networks!

ଦିଲ୍ଲୀଠାରେ ଜାତୀୟ ଆଦିବାସୀ ମେଳା “ବନଜ” -୨୦୧୫

jualbhai ଆଗାମୀ ଫେବୃୟାରୀ ୧୩ ରୁ ୧୮ ତାରିଖ ପର୍ଯ୍ୟନ୍ତ ୫ ଦିନ ଧରି ନୂଆଦିଲ୍ଲୀ ଠାରେ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରଣାଳୟ ତରଫରୁ ପ୍ରଥମଥର ପାଇଁଜାତୀୟ ଆଦିବାସୀମେଳା “ବନଜ” ଆୟୋଜନ ହେବାକୁ ଯାଉଛି । ଦେଶରେ ଜନଜାତି ମାନଙ୍କର ଉନ୍ନତ ଜୀବନୀଶୈଳୀ ଏବଂ କ୍ରମବିକାଶ ଉତ୍ଥାନ ଯାହାକି ଦେଶର ପ୍ରଧାନମନ୍ତ୍ରୀଶ୍ରୀ ନରେନ୍ଦ୍ରଭାଇ ମୋଦିଙ୍କ ମୁଖ୍ୟଲକ୍ଷ୍ୟ ତାହା ପ୍ରତିଫଳିତ କରିବା ପାଇଁ ଜନଜାତି ମାନଙ୍କର ସଂସ୍କୃତି, କଳା, ପରମ୍ପରାଏବଂଖାଦ୍ୟ ଆଦିକୁ ନେଇ ରାଜଧାନୀ ଦିଲ୍ଲୀଠାରେ ଦେଖିବାକୁ ସୁଯୋଗ ମିଳିବ ।
ଏହି ଆଦିବାସୀ ମେଳାରେ ଆସାମ, ଛତିଶଗଡ଼, ଗୁଜୁରାଟ, ହିମାଚଳ ପ୍ରଦେଶ, ଝାରଖଣ୍ଡ, କେରଳ, ମଧ୍ୟପ୍ରଦେଶ, ମହାରାଷ୍ଟ୍ର, ନାଗାଲାଣ୍ଡ, ଓଡ଼ିଶା, ରାଜସ୍ଥାନ, ସିକିମ୍, ତାମିଲନାଡ଼ୁଏବଂ ପଶ୍ଚିମବଙ୍ଗ ଆଦି ରାଜ୍ୟରୁ ପାଖାପାଖି ୯୦୦ ଜଣ ପ୍ରତିନିଧି ଅଂଶଗ୍ରହଣକରିବେ ।ଏହିମେଳା ଆମ ଦେଶରବିବିଧତାକୁ ପ୍ରଦର୍ଶିତକରିବାସହରାଷ୍ଟ୍ରୀୟଏକତା ବୃଦ୍ଧିରେ ସହାୟକ ହେବ ।ଏହି ମହୋତ୍ସବରେ ଜନଜାତିମାନଙ୍କର କଳାଏବଂସଂସ୍କୃତି ବିଭିନ୍ନ ନୃତ୍ୟଗୀତ ମାଧ୍ୟମରେ ପରିବେଷିତ ହେବାସହ ଜନଜାତିମାନଙ୍କ ପାଇଁଘୋଷଣା କରାଯାଇଥିବା ବିଭିନ୍ନ ଯୋଜନା ସମ୍ପର୍କରେ ସୂଚନା ପ୍ରଦର୍ଶିତହେବ । ଜନଜାତିମାନଙ୍କ ଦ୍ୱାରା ପ୍ରସ୍ତୁତକଳା, ହସ୍ତଶିଳ୍ପ, ଚିତ୍ର ଓଓøଷଧ ଆଦି ମଧ୍ୟ ଏହିମେଳାରେ ଦେଖିବାକୁମିଳିବ । ଏହିମେଳାକୁ ଆକର୍ଷିତକରିବା ପାଇଁଜନଜାତିମାନଙ୍କଜୀବନୀକୁନେଇ ପ୍ରାମାଣିକଚଳଚିତ୍ରପ୍ରଦର୍ଶନ ଓ ସେମିନାର ମଧ୍ୟ ଆୟୋଜନକରାଯାଇଅଛି ।

ଏହିମେଳା ଏକ ସମୟରେ ଦିଲ୍ଲୀରକନ୍ନଟÿପ୍ଲେସ୍ସ୍ଥିତସେଂଟ୍ରାଲ ପାର୍କ, ଇନ୍ଦିରାଗାନ୍ଧୀରାଷ୍ଟ୍ରୀୟକଳାକେନ୍ଦ୍ରଏବଂବାବାଖରକସିଂହମାର୍ଗଠାରେ ଆୟୋଜନ ହେବ । ଏହିରାଷ୍ଟ୍ରୀୟ ଆଦିବାସୀମେଳା “ବନଜ-୨୦୧୫’ କୁ ଆଗାମୀ ୧୩ ତାରିଖ ଦିନ ସନ୍ଧ୍ୟା ୫ ଟାସମୟରେ ଦିଲ୍ଲୀରକନ୍ନଟÿପ୍ଲେସସ୍ଥିତସେଂଟ୍ରାଲ ପାର୍କଠାରେକେନ୍ଦ୍ର ଆଦିବାସୀବ୍ୟାପାରମନ୍ତ୍ରୀଶ୍ରୀଜୁଏଲଓରାମଏବଂକେନ୍ଦ୍ର ଆଦିବାସୀବ୍ୟାପାରରାଷ୍ଟ୍ରମନ୍ତ୍ରୀଶ୍ରୀମନସୁଖଭାଇବସୱା ଆନୁଷ୍ଠାନିକଭାବେ ଉଦ୍ଘାଟନ କରିବାରକାର୍ଯ୍ୟକ୍ରମରହିଛିବୋଲି ଏକ ପ୍ରେସ୍ବିଜ୍ଞପ୍ତିମାଧ୍ୟମରେଘୋଷଣାକରାଯାଇଛି ।

Share in top social networks!

ଘଣ୍ଟା-ମୃଦଙ୍ଗ ବାଦ୍ୟ, ନୃତ୍ୟଓ ସମରକଳାରେ ଆରମ୍ଭ ରକଳାରେ ଆରମ୍ଭ ହେଲା ୧୧ତ ହେଲା ୧୧ତମ ଧଉଳୀ କଳିଙ୍ଗ ମହୋତ୍ସବ ଧଉଳୀ କଳିଙ୍ଗ ମହୋତ୍ସବ

samarଐତିହାସିକ ଧଉଳୀର ପାଦଦେଶରେ ରାଜ୍ୟ ପର୍ଯ୍ୟଟନ ବିଭାଗ ଏବଂ ଓଡ଼ିଶା ଡ଼୍ୟାନ୍ସ ଏକାଡ଼େମୀ ଦ୍ୱାରା ଆୟୋଜିତ ୧୧ତମ ଧଉଳୀ କଳିଙ୍ଗ ମହୋତ୍ସବର ଆଜି ଥିଲା ଉଦ୍‍ଘାଟନୀ ସଂଧ୍ୟା । ଖ୍ରୀଷ୍ଟପୂର୍ବ ୩ୟ ଶତାବ୍ଦୀରେ ଯେଉଁ ସ୍ଥାନରୁ ସମ୍ରାଟ ଅଶୋକ ଶାନ୍ତିର ବାର୍ତ୍ତା ପ୍ରଚାର କରିଥିଲେ ସେହି ସ୍ଥାନରୁ ଆଜି
ଝଙ୍କୃତ ହେଉଥିଲା ଘଣ୍ଟ-ମୃଦଙ୍ଗ ଓ ସୃଜନଶୀଳ ନୃତ୍ୟର ଅପୂର୍ବ ଛନ୍ଦ ଓ ମୁର୍ଚ୍ଛନା ।

ସଂଧ୍ୟାର ପ୍ରଥମ ପରିବେଷଣ ଥିଲା ଗଞ୍ଜାମ ଜିଲ୍ଲାରୁ ଆସିଥିବା ଧନୁର୍ଦ୍ଧର ରେଡ଼ି ଓ ସାଥୀଙ୍କ ଦ୍ୱାରା ଘଣ୍ଟା ଓ ମୃଦଙ୍ଗ ବାଦନ ପରେ ପରେ ପୁରୀରୁ ଆସିଥିବା କୃଷ୍ଣ ଚନ୍ଦ୍ର ବିଶ୍ୱାଳ ଓ ସାଥୀଙ୍କ ଦ୍ୱାରା ନାଗା ନାଚ । ତା ପରେ ପରିବେଷଣ ହୋଇଥିଲା ପଶ୍ଚିମ ଓଡ଼ିଶାର ପ୍ରସିଦ୍ଧ ନୃତ୍ୟ ସମ୍ବଳପୁରୀ ପରେ ପରେ ଗୋଟିପୁର ନୃତ୍ୟ, ମୟୁରଭଞ୍ଜ ଛଉ, ପ୍ରହଲ୍ଲାଦ ନାଟକ ଏବଂ ଶେଷରେ ଭବାନିପାଟଣାରୁ ଆସିଥିବା ମହାବୀର ସାଂସ୍କୃତିକ ଅନୁଷ୍ଠାନର ଜୟନ୍ତ କୁମାର
ବେହେରା ଓ ସାଥୀ କଳାକାରଙ୍କ ଦ୍ୱାରା ବଜାଶାଲ୍‍ ନୃତ୍ୟ ପରିବେଷଣ ।

ଦ୍ୱିତୀୟ ପରିବେଷଣ ଥିଲା ନୂଆଦିଲ୍ଲୀରୁ ଆସିଥିବା ଆଦିତି ମଙ୍ଗଳଦାସ ଓ ସାଥୀଙ୍କ ଦ୍ୱାରା କଥକ ନୃତ୍ୟ । ତାଙ୍କର ପ୍ରଥମ ପ୍ରସ୍ତୁତି ଥିଲା ଗୁରୁବେ ନମଃ ଗୁରୁବେ ନମଃ ଗୁରୁବେ ନମଃ ଯେଉଁଥିରେ ଗୁରୁଙ୍କ ପ୍ରତି ତାଙ୍କର ଅନ୍ତରତମ ନିବେଦନ । ଗୁରୁ ଯିଏ ପଞ୍ଚମହାଭୁତର ସମଷ୍ଟି ହେଲେ ମଧ୍ୟ ଇଶ୍ୱରଙ୍କର ସାକାର ସ୍ୱରୂପ । ଜଡ଼ ଠାରୁ ଗତୀମୟତା ପର୍ଯ୍ୟନ୍ତ ପ୍ରତେକ ଉପାଦାନରେ ସ୍ପଷ୍ଟ ହୁଏ ତାଙ୍କର ସତ୍ତା । ତାଙ୍କର ଶେଷ ପ୍ରସ୍ତୁତି ଥିଲା ଇନ୍‍ଫାନାଇଟ୍‍ ଯର୍ନି ୍‍ଫାନାଇଟ୍‍ ଯର୍ନି ୍‍ଫାନାଇଟ୍‍ ଯର୍ନି ୍‍ଫାନାଇଟ୍‍ ଯର୍ନି ଯେଉଁଥିରେ ସୃଷ୍ଟିର ଅୟମାରମ୍ଭ ଠାରୁ ଏଯାବତ୍‍ ଅବାରିତ ଚାଲିଥିବା ସୃଷ୍ଟିର ଯାତ୍ରାକୁ ସେମାନେ ବଖାଣି ଥିଲେ କଥକ ନୃତ୍ୟ
ମାଧ୍ୟମରେ ।

ପ୍ରଥମ ସଂଧ୍ୟାର ଶେଷ କାର୍ଯ୍ୟକ୍ରମ ଥିଲା କର୍ଣ୍ଣାଟକର ସମରକଳା ନୃତ୍ୟ କାମଶଲେ । ଯେଉଁ ଥିରେ ସେମାନେ ନିଜ ।ମଶଲେ ପାଦରେ ଚାଲି ଚାଲି ଭଗବାନଙ୍କୁ ଦର୍ଶନ କରିବାକୁ ଯିବା ବେଳେ କୌଣସି ଶତୃଙ୍କ ଠାରୁ ନିଜକୁ ବଞ୍ଚାଇବା ପାଇଁ ଏହି କଳାର ପ୍ରୟୋଗ କରିଥାନ୍ତି ।

ସଂଧ୍ୟାର ଅତିଥିମାନେ ଥିଲେ ମାନ୍ୟବର ଓଡ଼ିଶାର ରାଜ୍ୟପାଳ ଡ଼. ଏସ୍‍. ସି. ଜମିର୍‍; ମାନ୍ୟବର ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଶ୍ରୀଯୁକ୍ତ ଅଶୋକ ଚନ୍ଦ୍ର ପଣ୍ଡା; କମିଶନର ତଥା ଶାସନ ସଚିବ ପର୍ଯ୍ୟଟନ ଓ ସଂସ୍କୃତି ବିଭାଗ ଡ଼କ୍ଟର ଅରବିନ୍ଦ କୁମାର ପାଢୀ; ପର୍ଯ୍ୟଟନ ବିଭାଗର ନିଦେ୍ର୍ଧଶକ ଶ୍ରୀଯୁକ୍ତ ଅଶୋକ କୁମାର ତାରେଣିଆ; ବିଶିଷ୍ଟ ଓଡ଼ିଶୀ samarନୃତ୍ୟାଙ୍ଗନା ତଥା ଓଡ଼ିଶା ଡ଼୍ୟାନ୍ସ ଏକାଡ଼େମୀର ସଚିବ ଗୁରୁ ଅରୁଣା ମହାନ୍ତି । କାର୍ଯ୍ୟକ୍ରମକୁ ପରିଚାଳନା କରିଥିଲେ
ଅନୁଜା ତାରିଣି ମିଶ୍ର ଓ ଇଂ ଶ୍ରୀନିବାସ ଘଟୁଆରୀ ।

Share in top social networks!

ଓଡିଶା ପର୍ଯ୍ୟଟନ ମାନଚିତ୍ରରେ ଯୋଡିହେଲା ଆଉ ୬ଟି ପର୍ଯ୍ୟଟନସ୍ଥଳୀ

MAP-9ପର୍ଯ୍ୟଟନ ବିଭାଗର ଉଚ୍ଚକ୍ଷମତା ସମ୍ପନ୍ନ ଚୟନ କମିଟି କେନ୍ଦ୍ରପଡା,ସୁନ୍ଦରଗଡ ଓ ବରଗଡ ଜିଲ୍ଲାପାଳଙ୍କ ସୁପାରିଶକୁ ତର୍ଜମା କରି ଏହି ଜିଲ୍ଲାଗୁଡିକର ୬ଟି ପର୍ଯ୍ୟଟନସ୍ଥଳୀକୁ ସ୍ଵିକୃତୀ ଦେଇଛନ୍ତି ଓ ଏହା ସହ ଓଡିଶା ପର୍ଯ୍ୟଟନର ସ୍ଥଳୀର ସଂଖ୍ୟା ୩୪୦ରୁ ୩୪୬କୁ ବୃଦ୍ଧି ପାଇଛି । ୬ଗୋଟି ପର୍ଯ୍ୟଟନସ୍ଥଳୀ ମଧ୍ୟରୁ କେନ୍ଦ୍ରାପଡା ଜିଲ୍ଲାର ଗରଦପୁର ବ୍ଲକ ଅନ୍ତର୍ଗତ ଅନ୍ଧବର ସାଧୁ ପୀଠ ଓ ଗୋଠେଶ୍ଵର ଶୈବପୀଠ,ସୁନ୍ଦରଗଡ ଜିଲ୍ଲାର ଗୁଆଁରମୁଣ୍ଡା ବ୍ଲକ ଅନ୍ତର୍ଗତ ଆମକୋ-ସିମକୋ ଏବଂ ବରଗଡ ଜିଲ୍ଲାର ଭେଡେନ ବ୍ଲକ ଅନ୍ତର୍ଗତ ବିନ୍ଧ୍ୟାବାସିନୀ ପାହାଡ,ଗିରିଗୋବର୍ଦ୍ଧନ ପୀଠ ଓ ବାସେଇକେଳଗଡ ଏହି ନୂତନ ତାଲିକାରେ ଅନ୍ତର୍ଭୁକ୍ତ ହୋଇଛନ୍ତି । ଓଡିଶା ପର୍ଯ୍ୟଟନ ଚିତ୍ରରେ ସ୍ଥାନ ପାଇବାକୁ ହେଲେ ମୁଖ୍ୟତଃ ସ୍ଥାନଗୁଡ଼ିକର ଲୋକପ୍ରିୟତା,ପ୍ରାକୃତିକ ପରିବେଶ,ଯୋଗାଯୋଗ,ଭିତ୍ତିଭୂମି ବିକାଶ,ଧର୍ମୀୟ ବ ଐତିହାସିକ ଗୁରୁତ୍ଵ,ପ୍ରତିବର୍ଷ ପର୍ଯ୍ୟଟକମାନଙ୍କ ସଂଖ୍ୟା ଇତ୍ୟାଦିକୁ ବିଚାରକୁ ନିଆଯାଇଥାଏ । ବିନ୍ଧ୍ୟ ବାସିନୀ ଏକ ଧାର୍ମିକ,ଐତିହାସିକ ତଥା ପ୍ରାକୃତିକ ଶୋଭାରାଜି ଭରା ପୀଠ ହୋଇଥିବା ବେଳେ ଗିରିଗୋବର୍ଦ୍ଧନ ପୀଠ ଏକ ଛୋଟ ପାହାଡ ଉପରେ ଗୋବର୍ଦ୍ଧନ ପୂଜା ହେବାର ପରମ୍ପରା ରହିଛି । ଏଠାକୁ ଛତିଶିଗଡ ସମେତ ଅନ୍ୟାନ୍ୟ ରାଜ୍ୟରୁ ବହୁ ସଂଖ୍ୟକ ପର୍ଯ୍ୟଟକ ଆସୁଥିବାର ଜଣାପଡେ ।

Share in top social networks!

କେନ୍ଦ୍ର ବୟନ ସଚିବଙ୍କ କ୍ଷେତ୍ର ପରିଦର୍ଶନ ଓ ସମୀକ୍ଷା,ବୁଣାକାର ଓ କାରିଗରମାନଙ୍କ ନିକଟରେ ପହଞ୍ଚିବାକୁ ଅଧିକାରୀଙ୍କୁ ପରାମର୍ଶ

odisha-map23ରାଜ୍ୟରେ ଥିବା ପ୍ରାଥମିକ ବୁଣାକାର ସମବାୟ ସମିତି ଗୁଡିକ ଜରିଆରେ ବୁଣାକାର ମାନଙ୍କ ପ୍ରତ୍ୟକ୍ଷ ସଂସ୍ପର୍ଶରେ ଆସି ସେମାନଙ୍କର ସମସ୍ୟାର ସମାଧାନ କରିବା ସହ ସେମାନଙ୍କର ଅର୍ଥନୈତିକ ଅଭିବୃଦ୍ଧିର ତ୍ୱରାନ୍ୱିତ କରିବା ପାଇଁ କ୍ଷେତ୍ର ଅଧିକାରୀମାନଙ୍କୁ କେନ୍ଦ୍ର ବୟନ ସଚିବ ଡାଃ ସଞ୍ଜୟ କୁମାର ପଣ୍ଡା ପରାମର୍ଶ ଦେଇଛନ୍ତି । ଏକ ଦୁଇଦିନିଆ ଓଡିଶା ଗସ୍ତରେ ଆସିଥିବା ଡାଃ ପଣ୍ଡା ଆଜି ପୂର୍ବାହ୍ନରେ ରାଜ୍ୟ ବୟନ ଶିଳ୍ପ ନିର୍ଦ୍ଦେଶାଳୟଠାରେ ବୟନ,ହସ୍ତତନ୍ତ ଏବଂ ସେରିକଲଚର କ୍ଷେତ୍ର ଅଧିକାରୀମାନଙ୍କ ସହ ଏକ ବୈଠକରେ ରାଜ୍ୟର ବୟନ ଓ ହସ୍ତତନ୍ତ କ୍ଷେତ୍ରର ବିକାଶ ଏବଂ ବୁଣାକାରମାନଙ୍କ ଉନ୍ନତି କଳ୍ପେ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନାର କାର୍ଯ୍ୟକରିତା ଏବଂ ଅଗ୍ରଗତି ସମ୍ପର୍କରେ ସମୀକ୍ଷା କରିଛନ୍ତି । ବୈଠକରେ ଡାଃ ପଣ୍ଡା କହିଥିଲେ ଯେ ୨୦୦୯ ବୁଣାକାର ଗଣନା ଅନୁଯାୟୀ କ୍ଷେତ୍ର ଅଧିକାରୀମାନେ ପ୍ରତ୍ୟେକ ବୁଣାକାର ପରିବାର ଏବଂ ହସ୍ତତନ୍ତ ପୁଞ୍ଜଗୁଡିକୁ ଅନୁଧ୍ୟାନ କରି ପ୍ରତ୍ୟେକ ପରିବାରରେ ଏଇ ବୃତ୍ତି ଆଗ୍ରହୀ ଥିବା ବ୍ୟକ୍ତିମାନଙ୍କୁ ଚିହ୍ନଟ କରନ୍ତୁ । ତନ୍ମଧ୍ୟରୁ ଶିକ୍ଷିତ ବୁଣାକାର ମାନଙ୍କୁ ଉପଯୁକ୍ତ ପ୍ରଶିକ୍ଷଣ ଦେଇ ଜଣେଜଣେ ଉଦ୍ୟୋଗୀରେ ପରିଣତ କରିବାକୁ ଉଦ୍ୟମ କରାଯିବ । ରାଜ୍ୟ ବୟନ ଓ ହସ୍ତତନ୍ତ ସଚିବ ଶ୍ରୀମତୀ ଚିତ୍ରା ଆରୁମୁଗମ ରାଜ୍ୟରେ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନା ସମ୍ପର୍କରେ ଅବଗତ କରାଇବା ସହ କେନ୍ଦ୍ରସରକାରଙ୍କ ନିକଟରେ ଓଡିଶାର ବୟନ ଓ ହସ୍ତତନ୍ତ କ୍ଷେତ୍ରର ବିକାଶ ପାଇଁ ଦିଆଯାଇଥିବା ପ୍ରସ୍ତାବଗୁଡିକୁ ତୁରନ୍ତ ପାରିତ କରାଇବାକୁ କେନ୍ଦ୍ର ସଚିବଙ୍କୁ ଅନୁରୋଧ କରିଥିଲେ । ତେଣୁ ରାଜ୍ୟରେ ବୟନ ଶିଳ୍ପର ବିକାଶ ପାଇଁ କେନ୍ଦ୍ର ସରକାରଙ୍କ ତରଫରୁ ସମସ୍ତ ସହାୟତା ଯୋଗାଇଦିଆଯିବ ବୋଲି କେନ୍ଦ୍ର ବୟନ ସଚିବ ପ୍ରତିଶ୍ରୁତି ଦେଇଥିଲେ । ପୂର୍ବରୁ ଡାଃ ପଣ୍ଡା ନୂଆପାଟଣା ତନ୍ତୁବାୟ ସହଯୋଗ ସମିତି,ଏବଂ ପୁରୀଜିଲ୍ଲା ରଘୁରାଜପୁର ଗ୍ରାମ ପରିଦର୍ଶନ କରିବା ସହ ବୁଣାକାର ଓ ପଟ୍ଟଚିତ୍ର କାରିଗରମାନଙ୍କ ସହ ଆଲୋଚନା କରିଥିଲେ । ରାଜ୍ୟରେ ପ୍ରାଥମିକ ସମବାୟ ସମିତିଗୁଡିକ ଉତ୍ତମ ପ୍ରଦର୍ଶନ କରୁଥିବାରୁ ସେମାନଙ୍କର କାର୍ଯ୍ୟକାରିତାକୁ ସେ ଉଚ୍ଚପ୍ରଶଂସା କରିଥିଲେ । ସେହିଭଳି ପୁରୀରେ ରାଜ୍ୟ ବୟନ ସଚିବ,ପର୍ଯ୍ୟଟନ ବିଭାଗର ଅଧିକାରୀ ଏବଂ ପୁରୀ ଜିଲ୍ଲାପାଳଙ୍କ ସହ ଏକ ଉଚ୍ଚସ୍ତରୀୟ ବୈଠକରେ ପୁରୀ କୋଣାର୍କ ଏବଂ ଭୁବନେଶ୍ଵର ସ୍ଵର୍ଣ୍ଣ ତ୍ରିଭୁଜ ମଧ୍ୟରେ କିଭଳି ଏକ ହସ୍ତତନ୍ତ ଏବଂ ହସ୍ତଶିଳ୍ପ କରିଡର ସ୍ଥାପନ କରାଯାଇପାରିବ ସେ ସମ୍ପର୍କରେ ବିଷଦ ଆଲୋଚନା କରି ପ୍ରସ୍ତୁତ କରିବାକୁ ବିଭାଗୀୟ ଅଧିକାରୀ ମାନଙ୍କୁ ପରାମର୍ଶ ଦେଇଥିଲେ । ଆଜି ଅପରାହ୍ନରେ ରାଜ୍ୟ ମୁଖ୍ୟଶାସନ ସଚିବ ଙ୍କ ସହ ସାକ୍ଷାତକାର ରେ ଓଡିଶାରେ ଏକ ଟେକ୍ସଷ୍ଟାଇଲ ପାର୍କ ସ୍ଥାପନ,ବୟନଶିଳ୍ପ ର ଅଭିବୃଦ୍ଧି ,ରପ୍ତାନି ଓ ବିଶେଷ ତାଲିମ ଓ ଦକ୍ଷତା ବୃଦ୍ଧି କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରିଛନ୍ତି । ଡାଃ ପଣ୍ଡାଙ୍କ ସହ ଭାରତ ସରକାରଙ୍କ ହସ୍ତଶିଳ୍ପମନ୍ତ୍ରାଳୟର ଅତିରିକ୍ତ ଉନ୍ନୟନ କମିଶନର ନବରାଜ ଗୋୟଲ ଏହି ଗସ୍ତରେ ଆସିବା ସହ ରାଜ୍ୟରେ ହସ୍ତଶିଳ୍ପ କ୍ଷେତ୍ରରେ ବିକାଶ ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ସମନ୍ଵୟ ରକ୍ଷା କରିବା ଉପରେ ଗୁରୁତ୍ଵ ଆରୋପ କରିଥିଲେ ।

Share in top social networks!