ବିଜେପୁରବାସୀଙ୍କ ଆସ୍ଥାଭାଜନ ହୋଇଛି ବିଜେଡି

DSC_0989 ବିଜେପୁର ଉପ-ନିର୍ବାଚନରେ ବିଜୟ ପାଇଁ ବିଜେପି ପରିବେଶକୁ ଗୋଳିଆ କରିବା ସହ
ଭୋଟର୍‍ମାନଙ୍କୁ ବିଭ୍ରାନ୍ତ କରିବାକୁ ନାନା ଫନ୍ଦି ଫିକର କରୁଥିଲେ ମଧ୍ୟ ଉପ-ନିର୍ବାଚନର ଫଳ କ’ଣ ହେବ ତାହା କ୍ରମଶଃ ସ୍ପଷ୍ଟ
ହେବାରେ ଲାଗିଛି । ଲୋକଙ୍କ ପାଇଁ କାମ କରିବା ବିଜେଡିର ପ୍ରାଥମିକ ପ୍ରସଂଗ ହୋଇଥିବାରୁ ବିଜେପୁର ନିର୍ବାଚନ ମଣ୍ଡଳୀରେ
ଭୋଟରମାନେ ବିଜେଡିକୁ ଅକୁଣ୍ଠ ସମର୍ଥନ ଯୋଗାଇଦେବେ ବୋଲି ବିଜେଡିର ଦୃଢ଼ ବିଶ୍ୱାସ ରହିଛି । ବିଜେପୁର ଉପ-ନିର୍ବାଚନରେ
ଭୋଟରଙ୍କ ପୂର୍ଣ୍ଣ ସହଯୋଗରେ ବିଜେଡି ବହୁମତରେ ବିଜୟୀ ହେବ ବୋଲି ବିଜୁ ଜନତା ଦଳ ରାଜ୍ୟ ସଂପାଦକ ବିଜୟ ନାୟକ
କହିଛନ୍ତି ।
ବିଜେପୁରର ମୋଟ ୨,୨୧,୦୦୦ ଭୋଟରଙ୍କ ମଧ୍ୟରୁ ପ୍ରାୟ ଅର୍ଦ୍ଧାଧିକ ଭୋଟର୍‍ ଚାଷ ଉପରେ ନିର୍ଭରଶୀଳ ଓ ସେମାନଙ୍କର
ମୁଖ୍ୟ ପେଷା ହେଉଛି ଚାଷ । ଧାନର ଲାଭଜନକ ସର୍ବନିମ୍ନ ସହାୟକ ମୂଲ୍ୟ ନିର୍ଦ୍ଧାରଣରେ କେନ୍ଦ୍ର ସରକାରଙ୍କ ଦୋମୁହାଁ ନୀତି
ଚାଷୀମାନଙ୍କ ମଧ୍ୟରେ ଅସନ୍ତୋଷ ସୃଷ୍ଟି କରିଛି । ରାଜ୍ୟ ସରକାର ଧାନର ସହାୟକ ମୂଲ୍ୟ କ୍ୱିଣ୍ଟାଲ ପିଛା ୨୯୩୦ ଟଙ୍କା କରିବା ପାଇଁ
କେନ୍ଦ୍ରକୁ ଦେଇଥିବା ପ୍ରସ୍ତାବକୁ ମୋଦି ସରକାର ପ୍ରତ୍ୟାଖ୍ୟାନ କରିଦେଇଛନ୍ତି । ବିଜେପି ନେତାମାନେ ଯେତେ ସଫେଇ ଦେଲେ ମଧ୍ୟ
ଧାନର ସହାୟକ ମୂଲ୍ୟ ବୃଦ୍ଧି ହେବ ନାହିଁ ବୋଲି ବିଜେଡି ସାଂସଦ ଓ ବିଧାୟକମାନଙ୍କ ଭିନ୍ନ ଭିନ୍ନ ପ୍ରଶ୍ନର ଉତ୍ତରରେ କେନ୍ଦ୍ର କୃଷିମନ୍ତ୍ରୀ
ଏବଂ କେନ୍ଦ୍ର କୃଷି କଲ୍ୟାଣ ମନ୍ତ୍ରାଳୟ ସ୍ପଷ୍ଟ କରିସାରିଛନ୍ତି । ମହାନଦୀ ପ୍ରସଙ୍ଗରେ ମଧ୍ୟ ବିଜେପି ଛତିଶଗଡକୁ ସାହାଯ୍ୟ କରିବାକୁ ଯାଇ
ଓଡ଼ିଶା ବିରୋଧୀ ପକ୍ଷରେ ରହିଲେ । ଜାତୀୟ ରାଜପଥଠୁ ଆରମ୍ଭ କରି ବରଗଡ଼, କଳାହାଣ୍ଡିରେ ରେଳ ପ୍ରକଳ୍ପ କରିବା ପର୍ଯ୍ୟନ୍ତ, ସବୁ
କ୍ଷେତ୍ରରେ ଓଡ଼ିଶା ବିରୋଧୀ ପକ୍ଷ ନେଉଥିବା ବିଜେପି ନିଜ ମୁହଁ ଲୁଚାଇବା ପାଇଁ ରାଜ୍ୟବାସୀଙ୍କୁ ବିଭ୍ରାନ୍ତ କରି ପ୍ରତିଦିନ ନୂଆ ନୂଆ
ଅଘଟଣ ସୃଷ୍ଟି କରୁଛନ୍ତି ।
ଲୋକଙ୍କ ପାଇଁ କାମ କରିବା ବିଜୁ ଜନତା ଦଳର ଏକମାତ୍ର ଏଜେଣ୍ଡା ଏବଂ ଏଥିପାଇଁ ଶ୍ରୀ ନବୀନ ପଟ୍ଟନାୟକଙ୍କ ଲୋକପ୍ରିୟତା
ଓ ଗ୍ରହଣୀୟତା ଦିନକୁ ଦିନ ବୃଦ୍ଧି ପାଇବାରେ ଲାଗିଛି, ଯାହାକି ବିଭିନ୍ନ ସମୟର ନିର୍ବାଚନ ଫଳାଫଳରୁ ପ୍ରମାଣିତ ହୋଇଛି । ନବୀନ
ପଟ୍ଟନାୟକଙ୍କ ସ୍ୱଚ୍ଛତା, ଉତ୍ତରଦାୟିତ୍ୱ ଓ ଲୋକାଭିମୁଖୀ କାର୍ଯ୍ୟକ୍ରମକୁ ଓଡ଼ିଶାର ଲୋକମାନେ କ୍ରମାଗତ ଭାବେ ସମର୍ଥନ ଦେଇ
ଆସିଛନ୍ତି । ଏହିକ୍ରମରେ ବିଜୁ ଜନତା ଦଳ ସରକାର ବିଜେପୁରବାସୀଙ୍କ ଆବଶ୍ୟକତାକୁ ଗୁରୁତ୍ୱ ଦେଇ ବିଜେପୁରକୁ ଏନ୍‍ଏସି
ମାନ୍ୟତା ଦେବା, ଚାଷୀଙ୍କୁ ପାଣି ଯୋଗାଇବାର ସ୍ଥାୟୀ ପ୍ରତିକାର ଉଦେ୍ଧଶ୍ୟରେ ଗଙ୍ଗାଧର ମେହେର ଉଠାଜଳସେଚନ ପ୍ରକଳ୍ପ ପାଇଁ
୧୨୦୦ କୋଟି ଟଙ୍କା ଅଟକଳ କରି ପଦକ୍ଷେପ ନେବା ଓ ବିଭିନ୍ନ ସରକାରୀ ଯୋଜନାରେ ହିତାଧିକାରୀଙ୍କୁ ସାମିଲ କରିବା ଆଦି
କାର୍ଯ୍ୟକ୍ରମ ଯୋଗୁ ବିଜେପୁର ନିର୍ବାଚନ ମଣ୍ଡଳୀର ଚାଷୀ ଓ ଜନସାଧାରଣଙ୍କ ବିଜେଡି ପ୍ରତି ଆସ୍ଥା ବଢ଼ିଛି । ବରପାଲି, ବିଜେପୁର,
ଗାଇସିଲେଟ୍‍ ବ୍ଲକରେ ସରକାର ଚାଷୀମାନଙ୍କୁ ମୋଟର ପମ୍ପ ଯୋଗାଇଦେବା, ବିଭିନ୍ନ ସ୍ଥାନରେ ରାସ୍ତା ନିର୍ମାଣ ଆଦି ଅନେକ
ଉନ୍ନୟନମୂଳକ କାର୍ଯ୍ୟକ୍ରମ ଯୋଗୁ ସରକାରଙ୍କ ପ୍ରତି ଲୋକଙ୍କର ଆଦର ବଢ଼ିଛି । ଏଭଳି ଏକ ସ୍ଥିତିରେ ବିଜେଡି ଲୋକଙ୍କ
ବିଶ୍ୱାସଭାଜନ ହେବ ବୋଲି ଶ୍ରୀ ନାୟକ କହିଛନ୍ତି ।

ବିଜେପିରେ ଯୋଗ ଦେବେ ସିନେ ତାରକା ଅପରାଜିତା ମହାନ୍ତି

 ଆସନ୍ତା ୧୯ ତାରିଖରେ ଦଳୀୟ କାର୍ଯ୍ୟାଳୟରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଏକ ମିଶ୍ରଣ ପର୍ବରେ ଅପରାଜିତାଙ୍କୁ କରିବେ ସ୍ୱାଗତ
 ଦୀର୍ଘ ଦଶନ୍ଧି ଧରି ଓଡିଆ ଜନ ଭାବନାକୁ ପ୍ରଭାବିତ କରିଥିବା ମହିଳା ଅପରାଜିତାଙ୍କ ବିଜେପିରେ ଯୋଗଦାନ ଦଳକୁ ଜନ ଆଦୃତି ଦେବ

aparajita-1

ଆସନ୍ତା ଫେବୃଆରୀ ୧୯ ତାରିଖରେ ବିଜେପିରେ ବିଧିବଦ୍ଧ ଭାବେ ଯୋଗ ଦେବେ ବିଶିଷ୍ଟ ଚଳଚିତ୍ର ଅଭିନେତ୍ରୀ ଅପରାଜିତା ମହାନ୍ତି ବୋଲି ବିଜେପି ରାଜ୍ୟ ମୁଖପାତ୍ର ପୀତାମ୍ବର ଆଚାର୍ଯ୍ୟ ଗଣମାଧ୍ୟମକୁ ସୂଚନା ଦେଇଛନ୍ତି ।
ଶ୍ରୀ ଆଚାର୍ଯ୍ୟ କହିଛନ୍ତି ଯେ ୧୯ ତାରିଖ ଦିନ ୯ଟା ବେଳେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଦଳୀୟ କାର୍ଯ୍ୟାଳୟରେ ଏକ ମିଶ୍ରଣ ପର୍ବ ଅନୁÂିତ ହେବ । ବିଧିବଦ୍ଧ ଭାବେ ଦଳର ନେତୃମଣ୍ଡଳୀ ଶ୍ରୀମତୀ ମହାନ୍ତିଙ୍କୁ ଦଳକୁ ସ୍ୱାଗତ କରିବେ ।
ଶ୍ରୀ ଆଚାର୍ଯ୍ୟ କହିଛନ୍ତି ଯେ ଦୀର୍ଘ ଦଶନ୍ଧି ଧରି ଅପରାଜିତା ମହାନ୍ତିଙ୍କ ଅଭିନୟରେ ସମଗ୍ର ଓଡିଶାବାସୀ ପ୍ରଭାବିତ । ତାଙ୍କ ଭଳି ଜଣେ ଜଣାଶୁଣା ଓ ଖ୍ୟାତି ସମ୍ପନ୍ନ ଜନଭାବନାକୁ ପ୍ରଭାବିତ କରିବାକୁ କ୍ଷମତା ରଖୁଥିବା ମହିଳା ବିଜେପିରେ ଯୋଗ ଦେବା ଦ୍ୱାରା ଦଳ ଆହୁରି ଜନ ଆଦୃତି ପ୍ରାପ୍ତି କରିବ ।

ଓଡ଼ିଶାରେ ପାତର ଅନ୍ତର ନୀତିରେ ଚାଲୁଛି ସରକାର: ସ୍ୱାଧୀ ନିରଞ୍ଜନ ଜ୍ୟୋତି

Pix Release_Campaign_Swadhi Niranjana Jyoti_Bijepur_16-02-2018 ଭାରତୀୟ ଜନତା ପାର୍ଟି ବିଜେପୁର ନିର୍ବାଚନ ମଣ୍ଡଳୀରେ ଆଜି ୧୦ମ ଦିନରେ ପ୍ରଚାର ଅଭିଯାନରେ ସ୍ୱାଧୀ ନିରଞ୍ଜନା ଜ୍ୟୋତିଙ୍କୁ ପ୍ରଚାର ମୈଦାନରେ ଓହ୍ଲାଇଛି । ଏଠାରେ ସୂଚନାଯୋଗ୍ୟ ଯେ ଗତ ୧୦ ଦିନ ଧରି ବିଜେପି ନିଜର ଧୁଆଁଧାର ପ୍ରଚାର ସହିତ ବିଭିନ୍ନ କେନ୍ଦ୍ରମନ୍ତ୍ରୀଙ୍କର ତୁହାକୁ ତୁହା ଗସ୍ତ ଓ ଓଡ଼ିଆ ସିନେ ଷ୍ଟାର ମାନଙ୍କର ଗାଁ କୁ ଗାଁ ଅଭିଯାନ ପଛରେ ପକାଇଛି ଅନ୍ୟ ବିରୋଧୀ ଦଳମାନଙ୍କୁ । ବିଜେପି ପ୍ରାର୍ଥୀ ଶ୍ରୀ ଅଶୋକ ପାଣିଗ୍ରାହୀଙ୍କ ସପକ୍ଷରେ ଏକ ସୁବିଧାଜନକ ସ୍ଥିତି ଉପୁଜିଥିବା ଦେଖାଯାଏ ।
ଏହି ପରିପ୍ରେକ୍ଷୀରେ ସ୍ୱାଧୀ ନିରଞ୍ଜନ ଜ୍ୟୋତି ନିଜ ପ୍ରଚାର ଅଭିଯାନରେ ଗାଇସିଲଟ ବ୍ଲକ ଅନ୍ତର୍ଗତ ବିଭିନ୍ନ ଅଚଞ୍ଚଳ ଗସ୍ତ କରିଥିଲେ । ସେ ନିଜ ପ୍ରତିକ୍ରିୟାରେ ଓଡ଼ିଶାରେ ୧୭ ବର୍ଷ ଧରି ନବୀନବାବୁଙ୍କ ନେତୃତ୍ୱରେ ଚାଲିଥିବା ବିଜେଡ଼ି ସରକାରକୁ ପାତର ଅନ୍ତର ନୀତିରେ ଚାଲିଥିବା ଅଭିଯୋଗ କରିବା ସହିତ ଏହି ଦୁରାଚାରି ସରକାରକୁ ନିପାତ କରିବା ନିମନ୍ତେ ଜନସାଧାରଣଙ୍କୁ ବିଜେପି ନେତୃତ୍ୱରେ ଏକଜୁଟ ହେବା ପାଇଁ ଆହ୍ୱାନ ଦେଇଥିଲେ । ଭାରତର ପ୍ରିୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶାରେ ବିଶେଷ କରି ବରଗଡ଼ ଜିଲ୍ଲାକୁ ଗରିବ କଲ୍ୟାଣର ପ୍ରୟୋଗଶାାଳା କରିବାକୁ ଚାହୁଁଥିବା ବେଳେ ଏଠାରେ ଚାଲିଥିବା ରାଜ୍ୟ ସରକାର ଏଥିରେ ବାଧା ଉପୁଯାଇବା ଅତ୍ୟନ୍ତ ଦୁର୍ବାଗ୍ୟଜନକ ଓ ଗଣତନ୍ତ୍ର ପ୍ରତି ବିପଦର ଘଂଟି । ସେଥିପାଇଁ ବେଳକୁ ସାବଧାନ ହେବାପାଇଁ ଆହ୍ୱାନ ଦେଇଥିଲେ । ସ୍ୱାଧୀ ନିରଂଜନା ତାଙ୍କ ପୂର୍ବ ଓଡିଶା ଗସ୍ତ ସମୟରେ ବରଗଡଠାରେ ଶାସକ ବିଜେଡି ନେତାମାନେ କରିଥିବା ମରଣାନ୍ତକ ଆକ୍ରମଣକୁ ମନେ ପକାଇବା ସହ ଏଭଳି ଅଗଣତାନ୍ତ୍ରୀକ କାର୍ଯ୍ୟକୁ ଦୃଢ ନିନ୍ଦା କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ରାଷ୍ଟ୍ରୀୟ ସଂପାଦକ ଶ୍ରୀ ସୁରେଶ ପୁଜାରୀ ଓ ପଦ୍ମପୁର ବିଧାୟକ ପ୍ରଦୀପ ପୁରୋହିତ ଉପସ୍ଥିତ ଥିଲେ ।
ବିଜେପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ବିଭିନ୍ନ କାର୍ଯ୍ୟକ୍ରମରେ ସିନେ ଅଭିନେତ୍ରୀ ପିଙ୍କି ପ୍ରଧାନ, ହାସ୍ୟ ଅଭିନେତା ହରିହର ମହାପାତ୍ର, ପ୍ରଖ୍ୟାତ ଅଭିନେତ୍ରୀ ମହେଶ୍ୱତା ରାୟ, ଖାତି ସଂପନ୍ନ ଅଭିନେତା ଅଜିତ୍ ଦାସ ପ୍ରମୁଖ ବିଭିନ୍ନ ଅଞ୍ଚଳ ଗସ୍ତ କରି ବିଜେପି ପ୍ରାର୍ଥୀ ଶ୍ରୀ ଅଶୋକ ପାଣିଗ୍ରାହୀଙ୍କ ପାଇଁ ପଦ୍ମଫୁଲ ଚିହ୍ନରେ ଭୋଟ ଦେବା ପାଇଁ ନିବେଦନ କରିଥିଲେ ।

ବିଜେପୁର ଉପନିର୍ବାଚନର ତାରିଖ ଯେତେ ପାଖେଇ ଆସୁଛି ଶାସକଦଳର ନେତା ଓ କର୍ମୀମାନେ ସେତିକି ଅସହିଷ୍ନୁ ଓ ହିଂସ୍ର ହୋଇପଡୁଛନ୍ତି

CEO_16
ବିଜେପୁର ଉପନିର୍ବାଚନର ତାରିଖ ଯେତେ ପାଖେଇ ଆସୁଛି ଶାସକଦଳର ନେତା ଓ କର୍ମୀମାନେ ସେତିକି ଅସହିଷ୍ନୁ ଓ ହିଂସ୍ର ହୋଇପଡୁଛନ୍ତି । ବିଜେପୁରରେ ଦିନକୁ ଦିନ ଆଇନ ଶୃଙ୍ଖଳା ପରିସ୍ଥିତି ଖରାପ ହେଉଛି । ଏହି ଅଂଚଳରେ ପୋଲିସ ପ୍ରଶାସନ ନିରପେକ୍ଷତା ଅବଲମ୍ବନ କରିବା ବଦଳରେ ଶାସକ ଦଳର ପ୍ରତ୍ୟକ୍ଷ ପ୍ରରୋଚନାରେ ବିଜେଡି ପ୍ରାର୍ଥୀଙ୍କ ପକ୍ଷରେ କାମ କରୁଛନ୍ତି । ଶାସକ ବିଜେଡି ସରକାରୀ କଳକୁ ଅପବ୍ୟବହାର କରି ସାଧାରଣ ଲୋକଙ୍କ ଉପରେ ଜୁଲମ କରୁଛି । ଏମିତିକି ବିଜେପୁରରେ ଦଳୀୟ ସଭାରେ ଯୋଗ ଦେବାକୁ ଆସିଥିବା ବିଜେପି କର୍ମୀଙ୍କୁ ହତ୍ୟା ଧମକ ଦେବା ସହ ତାଙ୍କର ୧୫ ବର୍ଷର ନାବାଳିକା ଝିଅ ସହ ଦୁର୍ବ୍ୟବହାର କରିବା ଅତ୍ୟନ୍ତ ର୍ଦୁଭାଗ୍ୟଜନକ । ଏହା ନିର୍ବାଚନ ଆଦର୍ଶ ଆଚରଣ ବିଦ୍ଧି ଉଲ୍ଲଘଂନ କରୁଛି ବୋଲି ବିଜେପିର ଏକ ପ୍ରତିନିଧୀ ଦଳ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟି ଏକ ସ୍ମାରକ ପତ୍ର ଦେବା ସହ ଦୋଷୀ ବିରୁଦ୍ଧରେ ଦୃଢ କାର୍ଯ୍ୟାନୁÂାନ ଦାବୀ କରିଛନ୍ତି ।
ଗତକାଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେପୁରରେ ବିଜେପି ପାର୍ଥୀଙ୍କ ପାଇଁ ପ୍ରଚାର କରିବାକୁ ଯାଇଥିଲେ । ଗାଇସିଲେଟ ବ୍ଲକରେ ହୋଇଥିବା କେନ୍ଦ୍ରମନ୍ତ୍ରୀଙ୍କ ନିର୍ବାଚନୀ ସଭାରେ ଯୋଗଦେଇଥିବା ଗାଇସିଲେଟ ବ୍ଲକ ଅନ୍ତର୍ଗତ ଜନକେଡା ଗ୍ରାମର ବିଜେପି କର୍ମୀ ସୁବାଷ ସାହୁ ଘରକୁ ଫେରିବା ପରେ ତାଙ୍କୁ ଶାସକ ଦଳର କିଛି କର୍ମୀ ବରଗଡ ଜିଲ୍ଲାର ସ୍ଥାନୀୟ ମନ୍ତ୍ରୀ ସୁଶାନ୍ତ ସିଂଙ୍କ ନିଦେ୍ର୍ଧଶରେ ହତ୍ୟା ଧମକ ଦେବା ସହ ତାଙ୍କ ଘରକୁ ପଥର ମାରିଛନ୍ତି । ଏପରିକି ତାଙ୍କର ୧୫ ବର୍ଷର ନାବାଳିକା ଝିଅଙ୍କୁ ମଧ୍ୟ ଟାଣି ନେଇ ଦୁର୍ବବ୍ୟହାର କରିଥିଲେ । ଏ ବିଷୟରେ ବିଜେପି କର୍ମୀ ସୁବାଷ ସାହୁ ଗାଇସିଲେଟ ଥାନାକୁ ଯାଇ ମାମଲା ରୁଜୁ କରିବା ସତ୍ୱେ ପୋଲିସ ଏଯାଏଁ କାହାକୁ ଗିରଫ କରିନାହାନ୍ତି ।

ଏପରିକି ଅଭିଯୋଗକାରୀ ସୁବାଷ ତାଙ୍କ ଝିଅଙ୍କୁ ବିଜେଡି କର୍ମୀମାନେ ଟଣା ଓଟରା କରାଯାଇଥିବାର ଲିଖିତ ଅଭିଯୋଗ ଦେଇଥିଲେ ମଧ୍ୟ ପୋଲିସ ଜାଣିଶୁଣି ଧାରା ୩୭୬ ଲଗାଇ ଗିରଫ କରିନାହିଁ । ଅପରାଧ ଘଟାଇଥିବା ବିଜେଡି କର୍ମୀମାନେ କିପରି ଶିଘ୍ର ଜାମିନରେ ଆସିପାରିବେ ସେଥିପାଇଁ ମଧ୍ୟ ପୋଲିସ ସୁଯୋଗ ଦେଉଛି ବୋଲି ବିଜେପି ଅଭିଯୋଗ କରିଛି ।
ସେହିପରି ବରଗଡ ଜିଲ୍ଲାର ତେଲ ମହୁଲ ଛକ ଠାରେ ପୋଲିସ ବିଭାଗ ତରଫରୁ ଏକ ଯାଂଚ ଫାଟକ କରାଯାଇଥିଲେ ମଧ୍ୟ ସେଠାରେ କୌଣସି ପୋଲିସ ମୁତୟନ ନାହାନ୍ତି । ତେଲମହୁଲ ଛକ ହେଉଛି ପଦମପୁର ପଟୁ ବିଜେପୁର ଏବଂ ଗାଇସିଲଟ ବ୍ଲକକୁ ଯିବା ପାଇଁ ମୁଖ୍ୟ ପ୍ରବେଶ ପଥ । କିନ୍ତୁ ପୋଲିସ ଅନ୍ୟ ସ୍ଥାନମାନଙ୍କରେ ଯାଂଚ କରିବା ଆଳରେ ବିଜେଡି ଗାଡିକୁ ଯିବାକୁ ଦେଉଥିବା ବେଳେ ଅଯଥାରେ ବିଜେପି ସମର୍ଥକ ମାନଙ୍କ ଗାଡିକୁ ଅଟକାଇ ଦେଇ ଯିବାକୁ ଦେଉନାହାନ୍ତି । ମହୁଲ ଛକରେ ସିସିଟିଭି କ୍ୟାମେରା ଲଗାଇବା ଏବଂ ସେଠାରେ ୨୪ ଘଂଟିଆ ପୋଲିସ ମୁତୟନ ସହ ନିୟମିତ ଯାଂଚର ବ୍ୟବସ୍ଥା କରାଯିବା ପାଇଁ ବିଜେପି ଦାବୀ କରିଛି ।
ଗତ ୨ ଦିନ ତଳେ ବିଜେପୁର ନିର୍ବାଚନ ମଣ୍ଡଳୀର ଗାଇସିଲଟ ବ୍ଲକର ତାଳପାଲୀ ଠାରେ ଗଂଜାମର ମଦ ବେପାରୀ ହର ପ୍ରସାଦ ସାହୁ ବେନିୟମ ଭାବେ ଟଙ୍କା ନେଇ ଶାସକ ଦଳର ସମର୍ଥନରେ କାମ କରୁଥିବା ଧରା ପଡିଥିଲେ । ତାଙ୍କ ପରି ଅନେକ ମଦ ବେପାରୀ ମାନେ ଟଙ୍କା, ମଦ ଓ ଭଡାଟିଆ ଗୁଣ୍ଡା ଧରି ବିଜେପୁରରେ କ୍ୟାମ୍ପ ପକାଇଛନ୍ତି । ଟଙ୍କା ଜବତ ପରେ ସ୍ଥାନୀୟ ପୋଲିସ ନିର୍ବାଚନ ପର୍ଯ୍ୟବେକ୍ଷକଙ୍କୁ ଯେପରି ଭାବରେ ତ୍ୱରିତ ରିପୋର୍ଟ ଦେବା କଥା ସ୍ଥାନୀୟ ମନ୍ତ୍ରୀ ସୁଶାନ୍ତ ସିଂହଙ୍କ ହସ୍ତକ୍ଷେପରେ ରିପୋର୍ଟ ପ୍ରଦାନ କରି ନାହିଁ । ତଦନ୍ତ ଆଳରେ ପୋଲିସ ସେହି ମାମଲାକୁ ଚାପି ବିଜେଡିକୁ ସୁହାଇଲାଭଳି ଅପପ୍ରୟାସ କରୁଛି । ଖୋଲା ପ୍ରମାଣ ଥାଇ ବି ଅଭିଯୁକ୍ତ ଏଯାଏଁ ଗିରଫ ହୋଇନାହିିଁ କି ଗାଡି ବି ଜବତ ହୋଇନାହିଁ ବୋଲି ବିଜେପି ଅଭିଯୋଗ କରିଛି ।
ଏପରି ପରିସ୍ଥିତିରେ ବିଜେପି ମୁଖ୍ୟ ନିର୍ବାଚନ ଅଧିକାରୀଙ୍କ ହସ୍ତକ୍ଷେପ ଲୋଡିଛି । ସଂପୃକ୍ତ ମଦ ବେପାରୀଙ୍କୁ ଆଇନ ଅନୁଯାୟୀ ଦଣ୍ଡିତ କରିବା, ପୋଲିସକୁ ଆଇନ ଶୃଙ୍ଖଳା ପରିସ୍ଥିତି କିପରି ନିୟନ୍ତ୍ରଣରେ ରହିବ ଏବଂ ଶାସକ ଦଳ ପୋଲିସର ଅଯାଚିତ ସୁରକ୍ଷା ନେଇ ବିଜେପି କର୍ମୀଙ୍କୁ ହଇରାଣ ନକରିବା ପାଇଁ ବିଜେପି ଦାବୀ କରିଛି ।
ବିଜେପି ରାଜ୍ୟ ମୁଖ୍ୟ ମୁଖପାତ୍ର ଶ୍ରୀ ସଜ୍ଜନ ଶର୍ମାଙ୍କ ନେତୃତ୍ୱରେ ନିର୍ବାଚନ ଅଧିକାରୀଙ୍କୁ ଭେଟିଥିବା ଏହି ପ୍ରତିିନିଧୀ ଦଳରେ ଅନ୍ୟତମ ରାଜ୍ୟ ମୁଖପାତ୍ର ଦିଲ୍ଲୀପ ମହାନ୍ତି, ବିଜେପି ଯୁବମୋର୍ଚ୍ଚା ରାଷ୍ଟ୍ରୀୟ ଉପସଭାପତି ଶ୍ରୀ ଠାକୁର ରଂଜିତ ଦାସ, ଯୁବମୋର୍ଚ୍ଚା ସଂଯୋଜକ ଶ୍ରୀ ପ୍ରଶାନ୍ତ କୁମାର ସ୍ୱାଇଁ ଏବଂ ରାଜେଶ ପଟ୍ଟନାୟକ ପ୍ରମୁଖ ସାମିଲ ଥିଲେ ।

ବିଜେପୁର ଉପ ନିର୍ବାଚନ ପ୍ରଚାର ପ୍ରସଙ୍ଗରେ ଆସନ୍ତା କାଲି ଗାଇସିଲେଟ ବ୍ଲକରେ ପ୍ରଚାର କରିବେ କେନ୍ଦ୍ର ଆଦିବାସୀ କଲ୍ୟାଣ ବିଭାଗ ମନ୍ତ୍ରୀ ଜୁଏଲ ଓରାମ

ବିଜେପୁର ଉପ ନିର୍ବାଚନ ପାଇଁ ଆସନ୍ତା କାଲି ଶନିବାର ଦିନ ପ୍ରଚାର କରିବେ କେନ୍ଦ୍ର ଆଦିବାସୀ କଲ୍ୟାଣ ବିଭାଗ ମନ୍ତ୍ରୀ ଶ୍ରୀ ଜୁଏଲ ଓରାମ । ଶ୍ରୀ ଓରାମ ଦିନ ତମାମ ଗାଇସିଲେଟ ବ୍ଲକରେ ଅନୁÂିତ ହେବାକୁ ଥିବା ୭ଟି ସାଧାରଣ ସଭାରେ ଯୋଗ ଦେଇ ଦଳୀୟ ପ୍ରାର୍ଥୀ ଶ୍ରୀ ଅଶୋକ ପାଣିଗ୍ରାହୀଙ୍କ ପାଇଁ ପ୍ରଚାର କରିବେ ବୋଲି ରାଜ୍ୟ ମୁଖପାତ୍ର ଗୋଲକ ମହାପାତ୍ର ସୁଚନା ଦେଇଛନ୍ତି ।
ଶ୍ରୀ ଓରାମ ଆସନ୍ତା କାଲି ସକାଳ ୧୦ଟାରେ ଗାଇସିଲେଟ ବ୍ଲକ ଅନ୍ତର୍ଗତ ଖଲାବାହାଲ, ୧୧ଟାରେ ଚିଖ୍ଲି, ଅପରାହ୍ନ ୧୨ଟାରେ କୁଣ୍ଡାଖାଇ, ୨.୩୦ରେ ଛିନ୍ଦ୍ରାପାଲି, ୩.୩୦ରେ କଟାବାହାଲ, ୫ଟାରେ ଖୁଂଟାପାଲି ଏବଂ ସଂଧ୍ୟା ୬ଟାରେ ଜନକେଡାଠାରେ ଅନୁÂିତ ହେବାକୁ ଥିବା ନିର୍ବାଚନୀ ସାଧାରଣ ସଭାରେ ଯୋଗ ଦେବାର କାର୍ଯ୍ୟକ୍ରମ ସ୍ଥିର ହୋଇଛି ବୋଲି ଶ୍ରୀ ମହାପାତ୍ର ସୁଚନା ଦେଇଛନ୍ତି ।
କେନ୍ଦ୍ର ମନ୍ତ୍ରୀ ଶ୍ରୀ ଓରାମଙ୍କର ଏହି ନିର୍ବାଚନୀ ସଭା ଗୁଡିକରେ ବିପୁଳ ସଂଖ୍ୟାରେ ଜନସାଧାରଣ ଯୋଗ ଦେବା ପାଇଁ ଦଳ ତରଫରୁ ନିବେଦନ କରାଯାଇଛି ।

ରେଡକ୍ରସ୍ସ୍ଥିତ ପରିବାର ପରାମର୍ଶ କେନ୍ଦ୍ର ପକ୍ଷରୁ ତାରିଣୀ ବସ୍ତି ଠାରେ ପରିବାର ପରାମର୍ଶ ସଂମ୍ପର୍କିତ ଗୋÂୀସଚେତନ କାର୍ଯ୍ୟକ୍ରମ ।

IMG_20180216_162843 ଭାରତୀୟ ରେଡ୍କ୍ରସ ସୋସାଇଟି, ଓଡ଼ିଶା ରାଜ୍ୟ ଶାଖା ସ୍ଥିତ ପରିବାର ପରାମର୍ଶ କେନ୍ଦ୍ର ତରଫରୁ ସ୍ଥାନୀୟ ତାରିଣୀ ବସ୍ତି ଠାରେ ପରିବାର ପରାମର୍ଶ ସଂମ୍ପର୍କିତ ଗୋÂୀ ସଚେତନ କାର୍ଯ୍ୟକ୍ରମ ଅନୁÂିତ ହୋଇଯାଇଅଛି ।ଏହି କାର୍ଯ୍ୟକ୍ରମରେ ତାରିଣୀ ବସ୍ତିର ଯୁବତୀ ଏବଂ ମହିଳାମାନେ ବହୁତ ସଂଖ୍ୟାରେ ଯୋଗ ଦେଇଥିଲେ ।

ଏହି କାର୍ଯ୍ୟକ୍ରମକୁ ମହିଳା କମିଶନର ପୁର୍ବତନ ସଦସ୍ୟା ସ୍ନିଧା ପାଣୀଗ୍ରାହୀ ମୁଖ୍ୟ ଅତିଥି ରୂପେ ଯୋଗଦେଇ ଆନୁÂାନିକ ଭାବେ ଉଦ୍ଘାଟନ କରି ବସ୍ତିରେ ଘଟୁଥିବା ପରିବାରର ବିଭିନ୍ନ ସମସ୍ୟା ଓ ତାର ନିରାକରଣ ସଂପର୍କରେ ଅବଗତ କରିବାସହ ମହିଳାମାନଙ୍କ ପାଇଁ ପରିଚାଳିତ ଆଇନଗୁଡିକ ଉପରେ ଆଲୋକପାତ କରିଥିଲେ ଏବଂ ରେଡକ୍ରସସ୍ଥିତ ପରିବାର ପରାମର୍ଶ କେନ୍ଦ୍ର ସହାୟତାରେ ପାରସ୍ପରିକ ବୁଝାମଣା ମାଧ୍ୟମରେ ପରିବାରର ସମସ୍ୟା ସମାଧାନ କରିବା ପାଇଁ ପରାମର୍ଶ ଦେଇଥିଲେ । ଏହିକାର୍ଯ୍ୟକ୍ରମରେ ଅନ୍ୟତମ ଅତିଥି ଭାବେ ସ୍ଥାନିୟ କର୍ପୋରେଟର ବନ୍ଦନା ସାହୁ ପରିବାର ପରାମର୍ଶ କେନ୍ଦ୍ରର କାର୍ଯ୍ୟ ଓ ଭୂମିକା ବିଷୟରେ ଆଲୋଚନା କରିଥିଲେ ।
ବିଶେଷକରି ଉକ୍ତ କାର୍ଯ୍ୟକ୍ରମରେ ମହିଳା ମାନଙ୍କ ଉପରେ ଘଟୁଥିବା ଅନ୍ୟାୟ, ଅତ୍ୟାଚର ସହ ଏହାର ନିରାକରଣ ଓ ଏହାପାଇଁ ଉଦିଷ୍ଟଥିବା ଆଇନ ଗତ ଧାରା ଲୋକମାନଙ୍କ ପାଖରେ କିପରି ସହଜରେ ପହଂଚିପାରିବ ସେସଂପର୍କରେ ଆଲୋଚନା କରାଯାଇଥିଲା ।

ଏହି କାର୍ଯ୍ୟକ୍ରମରେ ତାରିଣୀ ବସ୍ତିର ମହିଳା ସଂଗଠନର ସଭାପତି ଶୀ୍ରମତୀ କୁନି ସାହୁ, କାର୍ଯ୍ୟକ୍ରମକୁ ସୁଚାରୁରୂପେ ପରିଚାଳନା କରିବାରେ ସହାୟତା କରିଥିବା ବେଳେ ପରିବାର ପରାମର୍ଶକେନ୍ଦ୍ରର ପରାମର୍ଶଦାତ୍ରୀ ପ୍ରୀତିପ୍ରଜ୍ଞା ଦାଶ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ।

ପ୍ରତାରକ ବିଜେଡ଼ି ଏବଂ ଅହଂକାରୀ ବିଜେପିକୁ ବିଜେପୁରବାସୀ ପ୍ରତ୍ୟାଖ୍ୟାନ କରିବେ: କଂଗ୍ରେସ

ବିଜେପୁର ଉପନିର୍ବାଚନ ହାରିଯିବା ଭୟ ଉଭୟ ବିଜେପି ଓ ବିଜେଡ଼ିକୁ ଘାରିଥିବା ବେଳେ ଉଭୟ ଦଳ ମଧ୍ୟରେ ନିର୍ବାଚନ ଆଚରଣ ବିଧି ଉଲ୍ଲଙ୍ଘନ ନେଇ •ଲିଥିବା ଆରୋପ ପ୍ରତ୍ୟାରୋପରୁ ସ୍ପଷ୍ଟ ପ୍ରମାଣିତ ହେଉଛି ଯେ ଉଭୟ ଦଳ ମୁକ୍ତ ଏବଂ ଅବାଧ ନିର୍ବାଚନ କରେଇ ନଦେବାକୁ ଚିରାଚରିତ ଭାବରେ ଅପଚେଷ୍ଟା ଚଳାଇଛନ୍ତି । ନିକଟରେ ଜବତ ହୋଇଥିବା ଲକ୍ଷଲକ୍ଷ ଟଙ୍କା ଏହାର ସାମାନ୍ୟ ପ୍ରମାଣ । ବିଜେପି ଏବଂ ବିଜେଡ଼ିର ମାଳମାଳ ନେତା ମନ୍ତ୍ରୀ, ବିଧାୟକ, ସାଂସଦ ଅର୍ଥ, ବାହୁବଳ ଏବଂ ପ୍ରଶାସନକୁ ବ୍ୟବହାର କରି ଭୋଟରଙ୍କୁ ସାମୟିକ ଭାବରେ ପ୍ରଭାବିତ କରିବାପାଇଁ ହୀନ ଉଦମ୍ୟ ଜାରି ରଖିଛନ୍ତି । ମାତ୍ର ବିଜେପୁର ବାସୀ ଏଥିରେ ପ୍ରଲୋଭିତ ହେବେ ନାହିଁ ।ରାଜ୍ୟରେ ୧୭ ବର୍ଷର ବିଫଳ ବିଜେଡ଼ି ସରକାର ରାଜ୍ୟବାସୀଙ୍କୁ ପ୍ରତାରିତ କରି•ଲିଥିବାବେଳେ, ମୋଦି ସରକାର ଦେଶବାସୀଙ୍କୁ ଭୂଆଁ ବୁଲାଇବାରେ ବ୍ୟସ୍ତ । କୃଷିବହୁଳ ବିଜେପୁର ନିର୍ବାଚନ ମଣ୍ଡଳୀପାଇଁ ଉଭୟ ଦଳର ଅବଦାନ ଶୁନ । ଫସଲହାନୀ ଏବଂ ଋଣବୋଝ ଜନିତ •ଷୀ ଆତ୍ମହତ୍ୟା ଘଟଣାରେ ବରଗଡ଼ ଜିଲା ଓଡ଼ିଶାରେ ଶୀର୍ଷରେ । ମାତ୍ର •ଷୀଙ୍କ ପାଇଁ କୁମ୍ଭୀର କାନ୍ଦଣା କାନ୍ଦୁଥିବା ସରକାର ଏହା ମାନିବାକୁ ନାରାଜ । ସେପଟେ ନିର୍ଲ୍ଲଜ ଭାବରେ କେନ୍ଦ୍ର କୃଷି ମନ୍ତ୍ରୀ ଫସଲହାନୀ ଏବଂ ଋଣବୋଝ ଜନିତ •ଷୀ ଆତ୍ମହତ୍ୟା ଘଟଣାକୁ ପ୍ରେମଜନିତ ଆତ୍ମହତ୍ୟା ବୋଲି କହନ୍ତି । ନରେନ୍ଦ୍ର ମୋଦି କ୍ଷମତାକୁ ଆସିବା ପୂର୍ବରୁ ଧାନର କୁ୍ୟଣ୍ଟାଲ ପିଛା ଅତିରିକ୍ତ ସହାୟକ ମୂଲ୍ୟ ଉପôାଦନ ଖର୍ଚ୍ଚର ଦେଢ଼ଗୁଣା କରିବେ ବୋଲି ଘୋଷଣା କରିଥିଲେ । ସେହିପରି ଦୁଇବର୍ଷ ତଳେ ସୋହେଲା ଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଧାନର କୁ୍ୟଣ୍ଟାଲ ସର୍ବନିମ୍ନ ସହାୟକ ମୂଲ୍ୟ ଉପରେ ୨୦୦ ଟଙ୍କାର ଅତିରିକ୍ତ ଆର୍ଥିକ ସହାୟତା ଦେବେବୋଲି ଘୋଷଣା କରିଥିଲେ । । ମାତ୍ର ଘୋଷଣା ଘୋଷଣାରେ ରହିଗଲା । ନରେନ୍ଦ୍ର ମୋଦି ବର୍ଷକୁ ଦୁଇ କୋଟି ନିଯୁକ୍ତି ପ୍ରଦାନ କରିବେ ବୋଲି କହି ତିନି ବର୍ଷରେ ଦେଇଛନ୍ତି ୬ ଲକ୍ଷ । ନବୀନ ପଟ୍ଟନାୟକ ବି କମ ପ୍ରତାରକ ନୁହଁନ୍ତି । ୧୪ବର୍ଷ ତଳେ ବର୍ଷକୁ ୧ଲକ୍ଷ •କିରୀ ଦେବେ ବୋଲି ଘୋଷଣା କରିବା ବେଳେ ଏପର୍ଯ୍ୟନ୍ତ ମାତ୍ର ୫୦ ହଜାର ବେକାର ଯୁବକଯୁବତୀଙ୍କୁ •କରି ମିଳିଛି । ମୋଦି ସରକାରରେ ଦେଶରେ ଧର୍ମନିରପେକ୍ଷତା ଏବଂ ଆଭ୍ୟନ୍ତରୀଣ ସୂରକ୍ଷା ସଂକଟାପନ୍ନ ଥିବାବେଳେ ନବୀନ ସରକାରରେ ନାରୀମାନେ ସଂପୂର୍ଣ୍ଣ ଅସୁରକ୍ଷିତ । ଇତିଶ୍ରୀ, ବେବିନା, ମାଧବୀଲତା ଏବଂ କୁନ୍ଦୁଲି ପୀଡ଼ିତାଙ୍କ ଭଳି ହଜାର ହଜାର ମହିଳା ଏବଂ ଯୁବତୀ ନ୍ୟାୟ ପାଇବାରୁ ବଞ୍ଚôତ । ନବୀନ ବାବୁଙ୍କ ସ୍ୱଚ୍ଛତା ହାଟରେ ପଡ଼ି ଦାଣ୍ଡରେ ଗଡ଼ିଲାବେଳେ ମୋଦିଙ୍କ ବାହାସ୍ପୋଟରେ ଦେଶବାସୀ ଜଳକା । ବିଜେପୁର ବାସୀ ଉଭୟ ବିଜେଡ଼ି ଏବଂ ବିଜେପିର ମିଥ୍ୟା ପ୍ରତିଶୃତିକୁ ଦୃଢ଼ ଜବାବ ଦେବେବୋଲି ସ୍ଥିର କରିସାରିଲେଣି । ମାତ୍ର ବିଜେଡ଼ି ଓ ବିଜେପି ଅର୍ଥ, ବାହୁବଳ ଏବଂ ପ୍ରଶାସନକୁ ଆୟୁଧ କରି ନିର୍ବାଚନ ବୈତରଣୀ ପାର ହେବାକୁ ଅପଚେଷ୍ଟା କରୁଛନ୍ତି । ମାତ୍ର କଂଗ୍ରେସ ଦଳର ନିଷ୍କଳଙ୍କ ପ୍ରାର୍ଥୀ ପ୍ରଣୟ ସାହୁଙ୍କ ନେତୃତ୍ୱରେ ବିଜେପୁରବାସୀ ଏହାକୁ କରିବାକୁ ଦେବେ ନାହିଁ । ତେଣୁ ମୁକ୍ତ ଏବଂ ଅବାଧ ନିର୍ବାଚନ ପାଇଁ କଂଗ୍ରେସ ଦଳ ଦାବିକରୁଛି ।

ଷଷ୍ଠ ଭାରତ ଆଞ୍ଚଳିକ ରାଜ୍ୟସମୂହ ସଂସଦୀୟ ସଂଘ ସମ୍ମିଳନୀରେ ବାଚସ୍ପତି ଶ୍ରୀ ଅମାତଙ୍କ ଯୋଗଦାନ

ଓଡ଼ିଶା ବିଧାସଭାର ବାଚସ୍ପତି ଶ୍ରୀ ପ୍ରଦିପ କୁମାର ଅମାତ ଷଷ୍ଠ ଭାରତ ଆଞ୍ଚଳିକ
ରାଜ୍ୟସମୂହ ସଂସଦୀୟ ସଂଘ ସମ୍ମିଳନୀରେ ଯୋଗଦେବା ପାଇଁ ବିହାର ପ୍ରଦେଶର ରାଜଧାନୀ
ପାଟନା ଅଭିମୁଖେ ଗସ୍ତ କରିଛନ୍ତିା
ଚଳିତ ୧୬ରୁ ୧୯ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେଉଥ#ବା ଏହି ସମ୍ମିଳନୀ ୧୭ ତାରିଖରେ
ପାଟନାସ୍ଥିତ ସମ୍ରାଟ ଅଶୋକ କନ୍ଭେନସନ୍ କେନ୍ଦ୍ର “ଜ୍ଞାନ ଭବନ’ରେ ଉଦ୍ଘାଟିତ ହେବା ଏଥ#ରେ
ଲୋକସଭାର ବାଚସ୍ପତି ଶ୍ରୀମତୀ ସୁମିତ୍ରା ମହାଜନ, ବିହାରର ମୁଖ୍ୟମନ୍ତ୍ରୀ ଶ୍ରୀ ନିତିଶ କୁମାର,
ବାଚସ୍ପତି ଶ୍ରୀ ବିଜୟ କୁମାର ଚୌଧୁରୀ ଓ ବିରୋଧୀ ଦଳ ନେତା ଯୋଗଦେବାର କାର୍ଯ୍ୟକ୍ରମ
ରହିଛିା
ଏହି ସମ୍ମିଳନୀରେ ଆୟୋଜିତ ପ୍ଲେନାରୀ ଅଧ#ବେଶନରେ ବାଚସ୍ପତି ଶ୍ରୀ ଅମାତ “ବିକାଶ
କାର୍ଯ୍ୟସୂଚୀରେ ସଂସଦର ଭୂମିକା’(Pଚ୍ଚrଝiଚ୍ଚmneଟ୍ଟ’ଟ Rଞ୍ଚଝe in ଉeଠeଝଞ୍ଚଞ୍ଛmenଟ୍ଟ ଅଜ୍ଜenଛଚ୍ଚ) ଏବଂ
“ବ୍ୟବସ୍ଥାପକ ଓ ନ୍ୟାୟପାଳିକା: ଗଣତନ୍ତ୍ରୀ ଦୁଇଟି ପ୍ରମୁଖ ସ୍ତମ୍ଭ’(କeଜ୍ଜiଟଝଚ୍ଚଟ୍ଟଫre ଚ୍ଚnଛ ଋଫଛiciଚ୍ଚry:
Twଞ୍ଚ ଔmଞ୍ଛଞ୍ଚrଟ୍ଟଚ୍ଚnଟ୍ଟ Piଝଝଚ୍ଚrଟ ଞ୍ଚଜ ଉemଞ୍ଚcrଚ୍ଚcy) ଶୀର୍ଷକ ବିଷୟବସ୍ତୁ ଉପରେ ନିଜର ସନ୍ଦର୍ଭ
ଉପସ୍ଥାପନ କରିବୋ
୧୮ ତାରିଖରେ ସମ୍ମିଳନୀର ଉଦ୍ଯାପନୀ ଉତ୍ସବରେ ବିହାରର ରାଜ୍ୟପାଳ ଶ୍ରୀ ସତ୍ୟପାଲ
ମଲ୍ଲିକ ମୁଖ୍ୟଅତିଥ# ଭାବରେ ଯୋଗଦାନ କରିବାର କାର୍ଯ୍ୟକ୍ରମ ରହିଛିା ସମ୍ମିଳନୀ ପରବର୍ତ୍ତୀ
ଭ୍ରମଣରେ ବାଚସ୍ପତି ଶ୍ରୀ ଅମାତ ଗୟାତୀର୍ଥ ଦର୍ଶନ କରି ଆସନ୍ତା ୨୦ ତାରିଖରେ ଭୁବନେଶ୍ୱର
ପ୍ରତ୍ୟାବର୍ତ୍ତନ କରିବୋ

ଫେବ୍ରୁଆରି ୨୦ରେ ଆଇଟିଏଓ ପକ୍ଷରୁ ଆଇଟି କନ୍କ୍ଲେଭ – ୨୦୧୮

• ଭୁବନେଶ୍ୱରରେ ଆଇଟିଏଓ ପକ୍ଷରୁ ୫ମ ଆଇଟି କନକ୍ଲେଭ
• କନକ୍ଲେଭର ଶୀର୍ଷକ ରହିଛି “ସ୍ମାର୍ଟ ସିଟି ସ୍ମାର୍ଟ ଲିଙ୍କ୍’
• ଯୋଗ ଦେବେ ଆଇଟି କ୍ଷେତ୍ର ସହ ବହୁ ଜଡ଼ିତ ବ୍ୟକ୍ତି
• ନୂଆ ଉପôାଦ ସମ୍ପର୍କରେ ଅବଗତ କରିବେ ନାମୀଦାମୀ ସଫ୍ଟୱେୟାର କମ୍ପାନି
Press Meet on IT Conclave 2018 by ITAO - Photographଫେବ୍ରୁଆରି ୨୦ରେ ଭୁବନେଶ୍ୱରରେ ଦ ଆଇଟି ଆସୋସିଏସନ୍ ଅଫ୍ ଓଡ଼ିଶା (ଆଇଟିଏଓ) ପକ୍ଷରୁ ୫ମ ଆଇଟି କନକ୍ଲେଭ-୨୦୧୮ ଅନୁÂିତ ହେବ । ଏହି କନକ୍ଲେଭର ଶୀର୍ଷକ ରହିଛି “ସ୍ମାର୍ଟ ସିଟି ସ୍ମାର୍ଟ ଲିଙ୍କ୍’ । ଆଇଟି ଶିଳ୍ପ ସହ ଜଡ଼ିତ ବ୍ୟକ୍ତିବିଶେଷ ଏହି କାର୍ଯ୍ୟକ୍ରମରେ ଯୋଗ ଦେବେ ।

ଓଡ଼ିଶା ଏବଂ ଓଡ଼ିଶା ବାହାରୁ ଆଇଟିି କ୍ଷେତ୍ର ସହ ସଂପୃକ୍ତ ବିଭିନ୍ନ ବ୍ୟକ୍ତି ଓ ସଂସ୍ଥା ଏହି ସମ୍ମିଳନୀରେ ଯୋଗ ଦେବେ । ଏହି ସମ୍ମିଳନୀରେ ସେମାନେ ସେମାନଙ୍କର ଆଇଟିର ଉପôାଦ ପ୍ରଦର୍ଶିତ କରିବେ ବୋଲି ଭୁବନେଶ୍ୱରରେ ଆଇଟିଏଓ ପକ୍ଷରୁ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।

“”ଓଡ଼ିଶାରେ ଆଇଟି କ୍ଷେତ୍ରକୁ ଏକ ନୂଆ ଦିଗ ଦେଖାଇବା ଏବଂ ଏହାର ଭିତ୍ତିଭୂମିକୁ ସୁଦୃଢ଼ କରିବା ହେଉଛି ଆମର ଲକ୍ଷ୍ୟ । ଆଇଟି କ୍ଷେତ୍ର ସହ ଜଡ଼ିତ ବ୍ୟକ୍ତିମାନଙ୍କ ପାଇଁ ଆମେ ଏକ ପ୍ଲାଟଫର୍ମ ତିଆରି କରିବାକୁ ଚାହୁଁଛୁ । ଆଇଟି ଶିଳ୍ପକୁ ଓଡ଼ିଶାରେ କିପରି ଆଗକୁ ନିଆଯାଇପାରିବ ସେ ସମ୍ପର୍କରେ ଏହି ପ୍ଲାଟଫର୍ମରେ ଆଲୋଚନା କରାଯିବା ସହ ଗ୍ରାହକମାନଙ୍କୁ ସଚେତନ କରିବାର ଲକ୍ଷ୍ୟ ରଖିଛୁ । ସୂଚନା ଏବଂ ପ୍ରଯୁକ୍ତି ବିଦ୍ୟାକୁ କିପରି ସଠିକ୍ ଭାବେ ବ୍ୟବହାର କରାଯାଇ ନିଯୁକ୍ତିର ସୁଯୋଗ ସୃଷ୍ଟି କରାଯାଇପାରିବ ସେ ସମ୍ପର୍କରେ ଆମେ ସଚେତନ କରିବାକୁ ଯାଇ ବିଭିନ୍ନ ପଦକ୍ଷେପ ନେଉଛୁ”, କହିଛନ୍ତି ଆଇଟିଏଓ ସଭାପତି ସୌଭାଗ୍ୟ ରାଉତରାୟ ।

ଆଇଟିି ଶିଳ୍ପକୁ ଓଡ଼ିଶାରେ ଆହୁରି ଆଗକୁ ନେବା ପାଇଁ ୪୦୦ରୁ ଅଧିକ ସଦସ୍ୟଙ୍କୁ ନେଇ ଗଠିତ ଆଇଟିଏଓ ବିଭିନ୍ନ କାର୍ଯ୍ୟକ୍ରମ ହାତକୁ ନେଇଛି । ଓଡ଼ିଶାରେ ହେଉଥିବା ଆଇଟି କାରବାରରେ ପ୍ରାୟ ୭୫ ପ୍ରତିଶତ ଅର୍ଥ ଆଇଟିଏଓ ସଦସ୍ୟମାନେ ଡିଲ୍ କରିଥାନ୍ତି ।

“”ଆଇଟି କ୍ଷେତ୍ରକୁ ଓଡ଼ିଶାରେ ଅଧିକ ବ୍ୟାପକ କରିବା ପାଇଁ ଆଇଟିଏଓ ଉଦ୍ୟମ ଜାରି ରଖିଛି । ଲୋକଙ୍କ ମଧ୍ୟରେ ଆଇଟି ସମ୍ପର୍କରେ ସଚେତନତା ସୃଷ୍ଟି କରିବା ସହ ନିଯୁକ୍ତି ସୃଷ୍ଟି କରିବାକୁ ଲକ୍ଷ୍ୟ ରଖାଯାଇଛି”, କହିଛନ୍ତି ଆଇଟିଏଓ ସମ୍ପାଦକ ଶ୍ରୀନିବାସ ତ୍ରିପାଠୀ ।

ଏହି କନକ୍ଲେଭରେ ବହୁ ନାମୀଦାମୀ ସଫ୍ଟୱେୟାର କମ୍ପାନି ଯୋଗ ଦେବେ । ଆମେରିକାର ଏଡୋବ୍, ସିଏସ୍ଡିଏସ୍, ଜାପାନର ଏପ୍ସନ୍ ଏବଂ ଆମେରିକାର କ୍ୱାଡଜେନ୍ କମ୍ପାନିର ଅଧିକାରୀ ଉପସ୍ଥିତ ରହି ସେମାନଙ୍କର ନୂଆ ଉପôାଦ ସମ୍ପର୍କରେ ଅବଗତ କରିବେ ।

ଓଡ଼ିଶାର ବିଭିନ୍ନ କମ୍ପାନିର ବରିÂ ଅଧିକାରୀ, ରାଜ୍ୟ ସରକାରଙ୍କ ବିଭିନ୍ନ ବିଭାଗର ଅଧିକାରୀ, ବିଭିନ୍ନ ଶିକ୍ଷାନୁÂାନ ତଥା ବିଶ୍ୱବିଦ୍ୟାଳୟ ଏବଂ ଆଇଟି ବିଶେଷଜ୍ଞମାନଙ୍କୁ ଏହି ସମ୍ମିଳନୀରେ ଯୋଗ ଦେବେ । ରାଜ୍ୟର ଅନେକ ଗ୍ରାହକ ମଧ୍ୟ ଏହି ସମ୍ମିଳନୀରେ ଯୋଗ ଦେବେ । ଜାତୀୟ ଏବଂ ବିଶ୍ୱ ସ୍ତରରୁ ଆସୁଥିବା ଆଇଟି ବିଶେଷଜ୍ଞଙ୍କଠାରୁ ନୂଆ ଉପôାଦ ସମ୍ପର୍କରେ ଜାଣିବାର ସୁଯୋଗ ପାଇବେ । ଏହି ସମ୍ମିଳନୀରେ ଶ୍ରେÂ ପ୍ରଦର୍ଶନକାରୀଙ୍କୁ ସମ୍ମାନିତ କରିବା ପାଇଁ ଆଇଟିଏଓ ନିଷ୍ପତ୍ତି ନେଇଛି । ଏଥିରେ ସରକାରୀ ସଂସ୍ଥା, କର୍ପୋରେଟ୍, ପବ୍ଲିକ ସେକ୍ଟର, ଡିଷ୍ଟ୍ରିବୁ୍ୟଟର ଏବଂ ଶିଳ୍ପୋଦ୍ୟୋଗୀମାନଙ୍କୁ ଅନ୍ତର୍ଭୁକ୍ତ କରାଯାଇଛି ।

ଆଇଟିଏଓ କୋର୍ ଗ୍ରୁପ୍ ସଦସ୍ୟ ଏବଂ ମ୍ୟାନେଜର ନିମେଶିକା ନଟରାଜନ କହିଛନ୍ତି, “”କିଛି ବର୍ଷ ହେଲା ଭାରତ ଏବଂ ଓଡ଼ିଶାରେ ଆଇଟି ଶିଳ୍ପର ଚାହିଦା ବଢ଼ିଛି । ଉଭୟ ଅଭିବୃଦ୍ଧି ଏବଂ ରୋଜଗାର ସୃଷ୍ଟିରେ ଆଇଟି କ୍ଷେତ୍ର ଏକ ପ୍ରମୁଖ ଭୂମିକା ଗ୍ରହଣ କରିଆସୁଛି ।”

ଅନ୍ୟମାନଙ୍କ ମଧ୍ୟରେ ଆଇଟିଏଓର ଉପ-ସଭାପତି ପ୍ରଶାନ୍ତ କୁମାର ସ୍ୱାଇଁ ଏବଂ ଅନ୍ୟ କର୍ମକର୍ତ୍ତାମାନେ ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିଲେ । ଏହି କନକ୍ଲେଭକୁ ଓଡ଼ିଶା ସରକାରଙ୍କ ବୈଦୁ୍ୟତିକ ଏବଂ ସୂଚନା ପ୍ରଯୁକ୍ତିବିଦ୍ୟା ବିଭାଗ, କମ୍ପୁ୍ୟଟର ଆପ୍ଲିକେସନ୍ ସେଣ୍ଟର (ଓକାକ୍) ଏବଂ ଏସ୍ପିଆଇ ସହଯୋଗ କରୁଛନ୍ତି ।
ୱାର୍ଲଡ ଟ୍ରେଡ ସେଣ୍ଟର, ଭୁବନେଶ୍ୱର ଏବଂ ସିଆଇଟିଇ କନକ୍ଲେଭର ସହ-ପ୍ରାୟୋଜକ ରହିଛି । “ଓଡ଼ିଶାଲାଇଭ୍’ ଡିଜିଟାଲ ମିଡିଆ ପାର୍ଟନର୍ ରହିଥିବା ବେଳେ ଭାର୍ଇଣ୍ଡିଆ ଆଇଟି ମିଡିଆ ପାର୍ଟନର୍ ରହିଛି ।

ଧର୍ମେନ୍ଦ୍ର ପ୍ରଧାନଙ୍କ ଅହଂକାର ଓ ଔଦ୍ଧତ୍ୟର ଜବାବ ଦେବେ ବିଜେପୁରବାସୀ: ବିଜୟ ନାୟକ

ଶାସନରେ ଅରାଜକତା, ଅର୍ଥନୀତିରେ ଅସ୍ଥିରତା ଓ ସାମାଜିକ କ୍ଷେତ୍ରରେ ଅସହିଷ୍ଣୁତା ହେଉଛି କେନ୍ଦ୍ରରେ ବିଜେପି ସରକାରଙ୍କ ବଡ଼ ଉପଲବ୍ଧି । ବିଜେପି ଜିଏସ୍‍ଟି, ଦରବୃଦ୍ଧି, ଧାନର ସର୍ବନିମ୍ନ ସହାୟକ ମୂଲ୍ୟ, ଆଧାର,କଳାଧନ, ଆତଙ୍କବାଦ ଆଦି ପ୍ରସଂଗରେ ଯେଉଁ ପ୍ରଶ୍ନ ଉଠାଉଥିଲେ, କ୍ଷମତାସୀନ ହେବା ପରେ ସେସବୁ ଭୁଲି ଯାଇଛନ୍ତି । ବରଂ ସରକାରକୁ ଫେରିବା ପରେ ସାମାଜିକ କ୍ଷେତ୍ରରେ ଅର୍ଥହ୍ରାସ, କୃଷି ଉପôାଦନ କମିବା, ଦେଶରେ ଚାଷୀ ଆତ୍ମହତ୍ୟା ବଢ଼ିବା, ନିତ୍ୟ
ବ୍ୟବହାର୍ଯ୍ୟ ସାମଗ୍ରୀର ଆକାଶଛୁଆଁ ଦରବୃଦ୍ଧି, ତୈଳ ଓ ରନ୍ଧନ ଗ୍ୟାସ୍‍ର ଦରବୃଦ୍ଧି ଘଟିବା ସହିତ ଯୁବକଯୁବତୀଙ୍କୁ କର୍ମ ସଂସ୍ଥାନର
ପ୍ରତିଶ୍ରୁତି ଦେଇଥିବା କେନ୍ଦ୍ର ସରକାର ନିଯୁକ୍ତି ସୁଯୋଗ ସୃଷ୍ଟି କ୍ଷେତ୍ରରେ ପୂରାପୂରି ବିଫଳ ହୋଇଛନ୍ତି ।

ସାମାଜିକ ବିଦ୍ୱେଷ ଓ ଅସହିଷ୍ଣୁତା ସୃଷ୍ଟି କରି ବିଜେପି ସରକାର ଭାରତୀୟ ଗଣତାନ୍ତ୍ରିକ ପରମ୍ପରାକୁ ଧ୍ୱଂସ କରି ଚାଲିଛନ୍ତି । ବିକାଶର ନାରା ଦେଇ କ୍ଷମତାକୁ
ଆସିଥିବା ବିଜେପି ବାସ୍ତବରେ ବିନାଶର ପ୍ରତୀକ ସାଜିଛି ବୋଲି ବିଜୁ ଜନତା ଦଳ ରାଜ୍ୟ ସଂପାଦକ ବିଜୟ ନାୟକ କହିଛନ୍ତି । କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କ ମନ୍ତବ୍ୟର କଡ଼ା ଜବାବ ଦେଇ ଶ୍ରୀ ନାୟକ କହିଛନ୍ତି ଯେ ଶ୍ରୀ ପ୍ରଧାନ ଅହଂକାର ଓ ଔଦ୍ଧତ୍ୟର ସୀମା ଡେଇଁଲେଣି । ଅହଂକାରରେ ସେ ଅନ୍ଧ । ଓଡ଼ିଶା ନୁହେଁ, ବିଜେପି ଶାସନରେ ଧର୍ମେନ୍ଦ୍ର ହିଁ ବେଶୀ ଉପକୃତ । ସେ ଗତ ୧୭ବର୍ଷ
ମଧ୍ୟରେ ଓଡ଼ିଶାରେ ହୋଇଥିବା ପ୍ରଗତିର ଚିତ୍ରକୁ ଦେଖିପାରୁ ନାହାନ୍ତି । ଓଡ଼ିଶାର ଲୋକମାନଙ୍କର ଉପଲବ୍ଧି ସଂପର୍କରେ ସେ ଅନଭିଜ୍ଞ ।
ବିଜୁ ଜନତା ଦଳର ବିକାଶ ହିଁ ଏକମାତ୍ର ଏଜେଣ୍ଡା ଏବଂ ଏଥିପାଇଁ ଶ୍ରୀ ନବୀନ ପଟ୍ଟନାୟକଙ୍କ ଲୋକପ୍ରିୟତା ଓ ଗ୍ରହଣୀୟତା ଦିନକୁ
ଦିନ ବୃଦ୍ଧି ପାଇବାରେ ଲାଗିଛି, ଯାହାକି ବିଭିନ୍ନ ସମୟର ନିର୍ବାଚନ ଫଳାଫଳରୁ ପ୍ରମାଣିତ ହୋଇଛି । ଶ୍ରୀ ପ୍ରଧାନ ଯେଉଁ ଅଭିଯୋଗ
ଆଣିଛନ୍ତି, ସେଥିରୁ ଜଣାପଡୁଛି ଯେ ତାଙ୍କର ତୃଣମୂଳ ତଥା କ୍ଷେତ୍ର ସହିତ ସଂପର୍କ ନାହିଁ । କ୍ଷମତାରେ ଅନ୍ଧ ହୋଇ ସେ ବୃଥା ଆସ୍ଫାଳନ
କରୁଛନ୍ତି । ଓଡ଼ିଶାର ଲୋକମାନେ ଔଦ୍ଧତ୍ୟ, ଅହଂକାର ଓ ଆସ୍ଫାଳନକୁ କଦାପି ବରଦାସ୍ତ କରନ୍ତି ନାହିଁ । ନବୀନ ପଟ୍ଟନାୟକଙ୍କ
ସ୍ୱଚ୍ଛତା, ଉତ୍ତରଦାୟିତ୍ୱ ଓ ବିକାଶମୁଖୀ କାର୍ଯ୍ୟକ୍ରମକୁ ଓଡ଼ିଶାର ଲୋକମାନେ କ୍ରମାଗତ ଭାବେ ସମର୍ଥନ ଦେଇ ଆସିଛନ୍ତି । ଶ୍ରୀ
ପ୍ରଧାନଙ୍କ ବାହାପିଆ ଏବଂ ଔଦ୍ଧତ୍ୟପୂର୍ଣ୍ଣ ବକ୍ତବ୍ୟରେ ଓଡ଼ିଶାର ଲୋକମାନେ ଭଳିବେ ନାହିଁ ବୋଲି ଶ୍ରୀ ନାୟକ କହିଛନ୍ତି ।
ବିଜେପୁରରେ ହାରିବା ନିଶ୍ଚିତ ଜାଣି ଶ୍ରୀ ପ୍ରଧାନ ହତାଶ ହୋଇପଡିଛନ୍ତି । ସେ ଅବାନ୍ତର କଥା କହୁଛନ୍ତି । ଗତ ବିଧାନସଭା
ନିର୍ବାଚନଗୁଡିକରେ ବିଜେପିର କ’ଣ ସ୍ଥିତି ଥିଲା ଏବଂ ବିଜେପିକୁ କିଭଳି ଭାବେ ଲୋକମାନେ ପ୍ରତ୍ୟାଖ୍ୟାନ କରିଥିଲେ ତାହା
ଧର୍ମେନ୍ଦ୍ର ଜାଣିନାହାନ୍ତି ନା ଜାଣିସିଆଣିଆ ଭଳି ଆଚରଣ କରୁଛନ୍ତି । ବାହୁବଳ, ଅର୍ଥବଳ ମାଧ୍ୟମରେ ବିଜେପୁରର ଲୋକମତକୁ ନିଜ
ସପକ୍ଷକୁ ଆଣିବା ପାଇଁ ଶ୍ରୀ ପ୍ରଧାନ ଯେଉଁ ଅହଂକାରୀ କାରନାମା କରୁଛନ୍ତି, ତାହାର ଉତ୍ତର ସ୍ୱାଭିମାନୀ ବିଜେପୁରବାସୀ ଫେବୃଆରୀ
୨୪ ତାରିଖରେ ଦେବେ ବୋଲି ଶ୍ରୀ ନାୟକ ଏକ ପ୍ରେସ୍‍ ବିବୃତିରେ କହିଛନ୍ତି ।