ସ୍ଵାର୍ଥପର

1236110_721429357872266_1683636880_n

କବି ବସନ୍ତ ବେହେରା

ମୁଁ ମୋର ନିଜ ପ୍ରତିଷ୍ଠା ଲକ୍ଷ୍ୟରେ
ପାସୋରି ସବୁ ପରିଣାମର ଅବସ୍ଥା
ଜୀବନର ମୂଲ୍ୟକୁ ବୁଝିବା ପୂର୍ବରୁ
ଆପଣାଇ ନେଇଛି ଏ ଶସ୍ତା ରାସ୍ତା । —-(1)
ଯେଉଁଠି ସାମନା ହୁଏ ଏକ ନୂଆ ଅନିଶ୍ଚିତତା
ସବୁ ମୋଡରେ ବଦଳାଇବାକୁ ହୁଏ ନିଜର ରଙ୍ଗ
ସବୁ ଜାଣି ଶୁଣି ରହିବାକୁ ପଡେ ନୀରବତା
କାଳେ ଉଠିଲେ ପରଦା ସଭିଏଁ କରିବେ ବ୍ୟଙ୍ଗ । —–(2)
କ୍ଷମତାର ଏ କ୍ଷଣକ ଲୋଭରେ
ଲମ୍ଫ ଦେଇଛି ଏ ସ୍ଵାର୍ଥର ସମୁଦ୍ରରେ
ଜୀବନର ଏ ବେପାରରେ ——-
ନିଜକୁ ମୁଲେଇ ଚାଲିଛି ଲାଭରେ
ପ୍ରଲୋଭନ ର ଆଢୁଆଳରେ – - – - । —(3)
ନିଜକୁ ସଜେଇ ଚାଲିଛି
ନିଜର ପ୍ରତିମା ବଢାଇବା ପ୍ରତିଯୋଗୀତାରେ
ହଜେଇ ଦେଇଛି ସେ ସଂପର୍କକୁ
ଯିଏ ଦିନେ ହାତ ଧରି ଚଲେଇଥିଲା
ଅକ୍ଷର ଶିଖେଇ ଥିଲା – ଏ ଦୂନିଆଁ ଦେଖେଇଥିଲା
ଦୂରେଇ – ଦେଇଛି ସେ ସମସ୍ତଙ୍କୁ
ଏକା ଏକା ସ୍ଵାର୍ଥରେ ହୋଇ
ଉନ୍ନତିର ପାହାଚ ଚଢିବାରେ
ଅତୀତରେ ମିଳେଇ ଯାଇଛି ସେଇ ଅତୀତ
ଯାହାକୁ ନେଇ ଦିନେ ସୃଷ୍ଟି ହୋଇଥିଲା ମୋର ପରିଚୟ । —–(4)

Share in top social networks!