100ତମ ଉପଗ୍ରହର ସଫଳ ପ୍ରକ୍ଷେପଣ ଲାଗି ଇସ୍ରୋ ଟିମକୁ ପ୍ରଧାନମନ୍ତ୍ରୀଙ୍କ ଅଭିନନ୍ଦନ

ISRO-11
ଇସ୍ରୋ ଟିମକୁ ଏହାର 100ତମ ଉପଗ୍ରହର ସଫଳ ପ୍ରକ୍ଷେପଣ ଲାଗି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଅଭିନନ୍ଦନ ଜଣାଇଛନ୍ତି ।

“ଆଜି ପିଏସଏଲଭିର ସଫଳ ପ୍ରକ୍ଷେପଣ ଲାଗି ମୁଁ ଇସ୍ରୋ ଏବଂ ଏହାର ବୈଜ୍ଞାନିକମାନଙ୍କୁ ହୃଦୟ ଭରା ଅଭିନନ୍ଦନ ଜଣାଉଛି । ନୂତନ ବର୍ଷରେ ଏହି ସଫଳତା ଏବଂ ମହାକାଶ ବିଜ୍ଞାନ କ୍ଷେତ୍ରରେ ଦେଶର ଦୃତ ଅଗ୍ରଗତି ଆମ ଦେଶର ନାଗରିକ, କୃଷକ ଏବଂ ମତ୍ସ୍ୟଜୀବିମାନଙ୍କ ପାଇଁ ଲାଭପ୍ରଦ ହେବ ।

ଇସ୍ରୋ ଦ୍ୱାରା 100ତମ ଉପଗ୍ରହର ସଫଳ ପ୍ରକ୍ଷେପଣ ଏହାର ଗୌରବମୟ ସଫଳତା ଏବଂ ଭାରତର ମହାକାଶ କାର୍ଯ୍ୟକ୍ରମର ଉଜ୍ଜ୍ୱଳ ଭବିଷ୍ୟତକୁ ସୂଚିତ କରେ ।

ଭାରତୀୟ ସଫଳତାର ଲାଭ ଏହାର ଅଂଶୀଦାରଙ୍କ ପାଇଁ ମଧ୍ୟ ଉପଲବ୍ଧ! 31ଟି ଉପଗ୍ରହ ମଧ୍ୟରୁ 6ଟି ରାଷ୍ଟ୍ରର 28ଟି ଉପଗ୍ରହକୁ ଆଜିର ପ୍ରକ୍ଷେପଣ ମାଧ୍ୟମରେ ପ୍ରେରିତ କରାଯାଇଛି,” ବୋଲି ପ୍ରଧାନମନ୍ତ୍ରୀ ପ୍ରକାଶ କରିଛନ୍ତି ।

Share in top social networks!
Powered By Indic IME