ଡ. ଆମ୍ବେଦକର ଆନ୍ତର୍ଜାତିକ କେନ୍ଦ୍ର ରାଷ୍ଟ୍ରକୁ ସମର୍ପିତ କଲେ ପ୍ରଧାନମନ୍ତ୍ରୀ

s20171207119034
• ଆମ୍ବେଦକରଙ୍କ ଜୀବନ ସହ ଜଡ଼ିତ ସ୍ଥାନଗୁଡ଼ିକୁ ପର୍ଯ୍ୟଟନ କେନ୍ଦ୍ର ଭାବେ ବିକଶିତ କରାଯିବ
• ଭୀମ ଆପ୍ ଆମ୍ବେଦକରଙ୍କ ଅର୍ଥନୈତିକ ଦୂରଦୃଷ୍ଟି ପ୍ରତି ଶ୍ରଦ୍ଧାଞ୍ଜଳି
• ରାଜନୈତିକ ଗଣତନ୍ତ୍ରକୁ ଏକ ସାମାଜିକ ଗଣତନ୍ତ୍ରରେ ପରିଣତ କରିବାକୁ ପଡିବ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନୂଆଦିଲ୍ଲୀଠାରେ ଡ.ଆମ୍ବେଦକର ଆନ୍ତର୍ଜାତିକ କେନ୍ଦ୍ରକୁ ରାଷ୍ଟ୍ର ଉଦେ୍ଧଶ୍ୟରେ ସମର୍ପିତ କରିଛନ୍ତି । ଏପ୍ରିଲ ୨୦୧୫ରେ ଏହି ପ୍ରତିÂାନ ନିର୍ମାଣ ପାଇଁ ସେ ଶିଳାନ୍ୟାସ କରିଥିଲେ ।

ଏହି ଅବସରରେ ଉଦବୋଧନ ଦେଇ ପ୍ରଧାନମନ୍ତ୍ରୀ ବିଶ୍ୱାସ ପ୍ରକଟ କରିଥିଲେ ଯେ ଏହି କେନ୍ଦ୍ର ଡ.ଆମ୍ବେଦକରଙ୍କ ଆଦର୍ଶ ଏବଂ ବିଚାରଧାରା ପ୍ରସାର କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିବ ।

ଡ.ଆମ୍ବେଦକର ଆନ୍ତର୍ଜାତିକ ସାମାଜିକ ଓ ଅର୍ଥନୈତିକ ପରିବର୍ତନ କେନ୍ଦ୍ର ଏହି ବୃହତ୍ ପ୍ରକଳ୍ପର ଏକ ଅଂଶବିଶେଷ ଭାବେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ ଏହା ସାମାଜିକ ଏବଂ ଅର୍ଥନୈତିକ ପ୍ରସଙ୍ଗରେ ଉଚ୍ଚ ଗବେଷଣା ପାଇଁ ଏକ ଗୁରୁତ୍ୱପୂର୍ଣ୍ଣ ପ୍ରତିÂାନ ଭାବେ ଉଭା ହେବ ।

ପ୍ରଧାନମନ୍ତ୍ରୀ କହିଥିଲେ ଯେ ବିଭିନ୍ନ ସମୟରେ ଚିନ୍ତାନାୟକ ଏବଂ ଦୂରଦ୍ରଷ୍ଟାମାନେ ଆମ ଦେଶର ମାର୍ଗ ନିର୍ଦ୍ଧାରଣ କରିଆସିଛନ୍ତି । ସେ କହିଥିଲେ ଯେ ରାଷ୍ଟ୍ରନିର୍ମାଣରେ ଯୋଗଦାନ ଲାଗି ସାରା ଦେଶ ବାବାସାହେବଙ୍କ ନିକଟରେ ଋଣୀ ହୋଇରହିଛି । ସେ କହିଥିଲେ ଯେ କେନ୍ଦ୍ର ସରକାର ଚାହୁଁଛନ୍ତି ଯେ ଅଧିକରୁ ଅଧିକ ଲୋକ, ବିଶେଷ କରି ଯୁବକମାନେ, ଆମ୍ବେଦକରଙ୍କ ଆଦର୍ଶ ଏବଂ ଚିନ୍ତାଧାରା ବିଷୟରେ ଅବଗତ ହୁଅନ୍ତୁ । ଏହି କାରଣରୁ, ସେ କହିଥିଲେ, ଡ.ଆମ୍ବେଦକରଙ୍କ ଜୀବନ ସହ ଜଡ଼ିତ ସ୍ଥାନଗୁଡ଼ିକ ପର୍ଯ୍ୟଟନ କେନ୍ଦ୍ର ଭାବେ ବିକଶିତ କରାଯାଉଛି । ଏହି ପରିପ୍ରେକ୍ଷୀରେ ସେ ଦିଲ୍ଲୀର ଆଲିପୁର, ମଧ୍ୟପ୍ରଦେଶ ମହୁ, ମୁମ୍ବାଇର ଇନ୍ଦୁ ମିଲ, ନାଗପୁରର ଦୀକ୍ଷା ଭୂମି ଏବଂ ହାଉସ ଅଫ ଲଣ୍ଡନ ବିଷୟରେ ଉଲ୍ଲେଖ କରିଥିଲେ । ସେ କହିଥିଲେ, ଏହି ପଂଚତୀର୍ଥ ବର୍ତମାନ ପିଢ଼ି ପାଇଁ ଡ. ଆମ୍ବେଦକରଙ୍କୁ ଶ୍ରଦ୍ଧାଞ୍ଜଳି ଜଣାଇବାର ମାର୍ଗ । ସେ କହିଥିଲେ ଯେ ଡିଜିଟାଲ କାରବାର ପାଇଁ ଭୀମ ଆପ ପ୍ରଚଳନ, କେନ୍ଦ୍ର ସରକାରଙ୍କ ପକ୍ଷରୁ ଡ. ଆମ୍ବେଦକରଙ୍କ ଅର୍ଥନୈତିକ ଦୂରଦୃଷ୍ଟି ପ୍ରତି ଶ୍ରଦ୍ଧାଞ୍ଜଳି ।

ଡିସେମ୍ବର ୧୯୪୬ରେ ସମ୍ବିଧାନ ସଭାରେ ଡ. ଆମ୍ବେଦକର ଦେଇଥିବା ଉଦବୋଧନ ସମ୍ପର୍କରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ ସଂଘର୍ଷ ସତ୍ୱେ ଦେଶର ସମସ୍ୟା ସମାଧାନ ଲାଗି ଡ. ଆମ୍ବେଦକରଙ୍କ ନିକଟରେ ପ୍ରେରଣାଦାୟକ ଦୂରଦୃଷ୍ଟି ରହିଥିଲା । ସେ କହିଥିଲେ ଯେ ଆମେ ବର୍ତମାନ ସୁଦ୍ଧା ଡ. ଆମ୍ବେଦକରଙ୍କ ସ୍ୱପ୍ନ ପୂରଣ କରିବାରେ ସକ୍ଷମ ହୋଇପାରିନାହୁଁ । ସେ କହିଥିଲେ ଯେ ଆଜିର ପିଢ଼ି ନିକଟରେ ସାମାଜିକ ସମସ୍ୟା ଦୂର କରିବା ଲାଗି ସାମର୍ଥ୍ୟ ଏବଂ ସମ୍ଭାବନା ରହିଛି ।

ଡ. ଆମ୍ବେଦକରଙ୍କ ଉକ୍ତି ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ ଆମେ ଆମ ରାଜନୈତିକ ଗଣତନ୍ତ୍ରକୁ, ଏକ ସାମାଜିକ ଗଣତନ୍ତ୍ରରେ ପରିଣତ କରିବା ଆବଶ୍ୟକ । ସେ କହିଥିଲେ ଯେ ଗତ ସାଢେ଼ ତିନି ବର୍ଷ ଧରି କେନ୍ଦ୍ର ସରକାର ଆମ୍ବେଦକରଙ୍କ ସ୍ୱପ୍ନ ସାମାଜିକ ଗଣତନ୍ତ୍ର ପୂରଣ କରିବା ଲାଗି ପ୍ରୟାସ ଜାରି ରଖିଛନ୍ତି । ଏହି ପରିପ୍ରେକ୍ଷୀରେ ସେ ସରକାରଙ୍କ ଦ୍ୱାରା କାର୍ଯ୍ୟକାରୀ କରାଯାଇଥିବା ବିଭିନ୍ନ ଯୋଜନା ଯେପରିକି ଜନଧନ ଯୋଜନା, ଉଜ୍ଜ୍ୱଳା ଯୋଜନା, ସ୍ୱଚ୍ଛ ଭାରତ ମିଶନ, ବୀମା ଯୋଜନା, ପ୍ରଧାନମନ୍ତ୍ରୀ ଆବାସ ଯୋଜନା ଏବଂ ନିକଟରେ ଆରମ୍ଭ ହୋଇଥିବା ସୌଭାଗ୍ୟ ଯୋଜନା ବିଷୟରେ ଉଲ୍ଲେଖ କରିଥିଲେ । ନିର୍ଦ୍ଧାରିତ ସମୟ ମଧ୍ୟରେ ଯୋଜନା ଏବଂ ପ୍ରକଳ୍ପଗୁଡ଼ିକୁ ପୂରଣ କରିବା ଲାଗି କେନ୍ଦ୍ର ସରକାର ପ୍ରୟାସ କରୁଛନ୍ତି ଏବଂ ଆମ୍ବେଦକର ଆନ୍ତର୍ଜାତିକ କେନ୍ଦ୍ର ଏହାର ଏକ ଉଦାହରଣ ବୋଲି ସେ କହିଥିଲେ । ସେ ଅନ୍ୟ ଯୋଜନା ଯଥା ମୃତିକା ସ୍ୱାସ୍ଥ୍ୟ କାର୍ଡ, ମିଶନ ଇନ୍ଦ୍ରଧନୁଷ ଏବଂ ଗ୍ରାମାଂଚଳ ବିଦୁ୍ୟତିକରଣ ଲକ୍ଷ୍ୟ ହାସଲ ଦିଗରେ ହୋଇଥିବା ଅଗ୍ରଗତି ସମ୍ପର୍କରେ ବିସ୍ତୃତ ଭାବେ ଉଲ୍ଲେଖ କରିଥିଲେ । ଜନ ମଙ୍ଗଳ କାର୍ଯ୍ୟକ୍ରମଗୁଡ଼ିକୁ ଦ୍ରୁତଗତିରେ କାର୍ଯ୍ୟକାରୀ କରିବା ଦିଗରେ କେନ୍ଦ୍ର ସରକାର ସମର୍ପିତ ବୋଲି ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ । ପ୍ରଧାନମନ୍ତ୍ରୀ ଆହୁରି ମଧ୍ୟ ଆତ୍ମନିଯୁକ୍ତି ସୃଷ୍ଟି କରିବାରେ ଷ୍ଟାଣ୍ଡ ଅପ ଇଣ୍ଡିଆ ଯୋଜନା ବିଷୟରେ ଉଲ୍ଲେଖ କରିଥିଲେ ।

ଡ. ଆମ୍ବେଦକରଙ୍କ ସ୍ୱପ୍ନର ଭାରତ, “ନୂତନ ଭାରତ” ଗଠନ ପାଇଁ ପ୍ରଧାନମନ୍ତ୍ରୀ ଆହ୍ୱାନ ଦେଇଥିଲେ । ନୂତନ ଭାରତରେ ସମସ୍ତଙ୍କ ପାଇଁ ସମାନ ସୁଯୋଗ ଏବଂ ଅଧିକାର ରହିଥିବ, ସମସ୍ତେ ଜାତିପ୍ରଥାରୁ ମୁକ୍ତ ଥିବେ ଏବଂ ପ୍ରଯୁକ୍ତିର ସାମର୍ଥ୍ୟରେ ଅଗ୍ରଗତି ହାସଲ କରୁଥିବେ । ବାବାସାହେବ ଆମ୍ବେଦକରଙ୍କ ସ୍ୱପ୍ନ ପୂରଣ କରିବା ଲାଗି ସେ ସମସ୍ତଙ୍କୁ ଆହ୍ୱାନ କରିଥିଲେ ଏବଂ ୨୦୨୨ ସୁଦ୍ଧା ଏହା ହାସଲ ହୋଇପାରିବ ବୋଲି ସେ ଆଶାବ୍ୟକ୍ତ କରିଥିଲେ ।

Share in top social networks!