ଓଡ଼ିଶା ଉଚ୍ଚ ଶିକ୍ଷା କାର୍ଯ୍ୟକ୍ରମ (ଓଏଚଇପିଇଇ) ଲାଗି ବିଶ୍ୱ ବ୍ୟାଙ୍କ ସହ ଚୁକ୍ତି

ଓଡ଼ିଶାରେ ଉଚ୍ଚ ଶିକ୍ଷାର ବିକାଶ ପାଇଁ ବିଶ୍ୱ ବ୍ୟାଙ୍କ ଋଣ ସହାୟତା ଯୋଗାଇଦେବ । ଭାରତ ଏବଂ ବିଶ୍ୱବ୍ୟାଙ୍କ ମଧ୍ୟରେ ଉତ୍କର୍ଷତା ଓ ନିରପେକ୍ଷତା ପାଇଁ ଓଡ଼ିଶା ଉଚ୍ଚ ଶିକ୍ଷା କାର୍ଯ୍ୟକ୍ରମ (ଓଏଚଇପିଇଇ) ପ୍ରକଳ୍ପ ନିମନ୍ତେ ଆଜି 119 ନିୟୁତ ଆମେରିକୀୟ ଡଲାରର ଏକ ଆଇବିଆରଡି ଋଣ ଲଗାଣ ଚୁକ୍ତି ସ୍ୱାକ୍ଷରିତ ହୋଇଛି । ଭାରତ ସରକାରଙ୍କ ପକ୍ଷରୁ ଅର୍ଥନୈତିକ ବ୍ୟାପାର ବିଭାଗ ଯୁଗ୍ମ ସଚିବ ସମୀର କୁମାର ଖାରେ ଏବଂ ବିଶ୍ୱ ବ୍ୟାଙ୍କ ପକ୍ଷରୁ ବିଶ୍ୱ ବ୍ୟାଙ୍କ (ଭାରତ)ର କାର୍ଯ୍ୟକାରୀ ରାଷ୍ଟ୍ର ନିର୍ଦ୍ଦେଶକ ହିଶାମ ଏ ଆବଡୋ କାହିନ ଏହି ଆର୍ଥôକ ଚୁକ୍ତିରେ ସ୍ୱାକ୍ଷର କରିଥିଲେ । ଏହାପରେ ଓଡ଼ିଶା ସରକାରଙ୍କ ଉଚ୍ଚ ଶିକ୍ଷା ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଜିଭିଭି ଶର୍ମା ଏବଂ ବିଶ୍ୱ ବ୍ୟାଙ୍କ (ଭାରତ)ର କାର୍ଯ୍ୟକାରୀ ରାଷ୍ଟ୍ର ନିର୍ଦ୍ଦେଶକ ହିଶାମ ଏ ଆବଡୋ କାହିନଙ୍କ ମଧ୍ୟରେ ପ୍ରକଳ୍ପ ଚୁକ୍ତି ସ୍ୱାକ୍ଷରିତ ହୋଇଥିଲା ।

ଓଡ଼ିଶାରେ ଛାତ୍ରଛାତ୍ରୀଙ୍କ ଉଚ୍ଚ ଶିକ୍ଷା ମାନରେ ଉନ୍ନତି ଆଣିବା ତଥା ଛାତ୍ରଛାତ୍ରୀଙ୍କୁ ବଛା ବଛା ଉଚ୍ଚ ଶିକ୍ଷାନୁଷ୍ଠାନରେ ପାଠ ପଢ଼ିବା ଲାଗି ସମାନ ସୁଯୋଗ ଦେବା ଏବଂ ରାଜ୍ୟରେ ଉଚ୍ଚ ଶିକ୍ଷା ବ୍ୟବସ୍ଥା ପ୍ରଶାସନକୁ ବିକଶିତ କରିବା ଏହି ପ୍ରକଳ୍ପର ଉଦ୍ଦେଶ୍ୟ ।

ପ୍ରକଳ୍ପର ଉପାଦାନ : (କ) ଛାତ୍ରଛାତ୍ରୀଙ୍କ ଶିକ୍ଷାର ମାନରେ ଉନ୍ନତି ଆଣିବା ଏବଂ ସେମାନଙ୍କୁ ବଛା ବଛା ଶିକ୍ଷାନୁଷ୍ଠାନରେ ଉଚ୍ଚ ଶିକ୍ଷା ପାଇଁ ସମାନ ସୁଯୋଗ ପ୍ରଦାନ କରିବା (ଖ) ଉଚ୍ଚ ଶିକ୍ଷା କ୍ଷେତ୍ରରେ ପ୍ରଶାସନକୁ ବିକଶିତ କରିବା

-କଲେଜ ପରିଚାଳନାରେ ଉନ୍ନତି (ଗ)ସମସ୍ତ ସରକାରୀ ଏବଂ ସରକାରୀ ଅନୁଦାନପ୍ରାପ୍ତ କଲେଜର ଆର୍ଥିକ ଏବଂ ସଂଗ୍ରହ ବ୍ୟବସ୍ଥା ଏବଂ ଏକାଉଣ୍ଟିଂରେ ଉନ୍ନତି ।

ଏହି ପ୍ରକଳ୍ପର ଶେଷ ହେବାର ଅବଧି 30 ନଭେମ୍ବର, 2022କୁ ଧାର୍ଯ୍ୟ କରାଯାଇଛି ।

Share in top social networks!
Powered By Indic IME