ନରେନ୍ଦ୍ର ମୋଦି : ସଂକଳ୍ପ ରୁ ସିଦ୍ଧି

13062383_10156926315150165_1000098663548946692_n

‘ସଂକଳ୍ପ ରୁ ସିଦ୍ଧି’ ସଫଳତାର ଏକ ମନ୍ତ୍ର । ନରେନ୍ଦ୍ର ମୋଦିଙ୍କ ଜୀବନହିଁ ଏହି ଦୁର୍ବାର ମନ୍ତ୍ରର ଏକ ଉଦ୍ଧାତ୍ତ ଉଚ୍ଚାରଣ । କୈଶୋର କାଳରୁ ସ୍ୱାମୀ ବିବେକାନନ୍ଦଙ୍କୁ ନିଜର ଆଧ୍ୟାତ୍ମିକ ଗୁରୁଭାବେ ଗ୍ରହଣ କରିଥିବା ଶ୍ରୀ ନରେନ୍ଦ୍ର ୧୯୬୭ ରେ ମାତ୍ର ୧୭ ବର୍ଷ ବୟସରେ ବୈବାହିକ ଜୀବନରୁ ସନ୍ୟାସ ନେଇ ଗୃହତ୍ୟାଗ କରଥିଲେ । ପ୍ରଥମେ ସେ କଲିକତା ଯାଇ ବିବେକାନନ୍ଦଙ୍କ ପ୍ରତିÂିତ ରାମକୃଷ୍ଣ ମଠରେ ପହଂଚିଥିଲେ କିନ୍ତୁ ଗୁରୁ ସ୍ୱାମୀ ଆମ୍ôସ୍ଥାନନ୍ଦ ମହାରାଜ ତାଙ୍କୁ ପରାମର୍ଶ ଦେଇ କହିଥିଲେ, ‘ସଂପୂର୍ଣ୍ଣ ସନ୍ୟାସ ତାଙ୍କ ଭାଗ୍ୟ ଲିପି ନୁହେଁ । ସମ୍ଭବତଃ ତାଙ୍କ ଦ୍ୱାରା କୌଣସି ମହତ କାର୍ଯ୍ୟ କରିବା ଇଶ୍ୱରଙ୍କ ଇଚ୍ଛା’ା ତେଣୁ ସେ ବେଲୁର ମଠ, ସିଲିଗୁଡି ଗୌହାଟୀ ଦେଇ ଆଲମୋଡାର ଅଦ୍ୱୈତ ଆଶ୍ରମ ଓ ରାଜକୋଟର ରାମକୃଷ୍ଣ ମିଶନ ଭ୍ରମଣ କରିବା ସହିତ ୧୯୭୦ ଶେଷ ଆଡକୁ ସ୍ୱଳ୍ପକାଳ ପାଇଁ ଭାବନଗର ପ୍ରତ୍ୟାବର୍ତ୍ତନ କରିଥିଲେ । କିନ୍ତୁ ଅଳ୍ପ କେତେଦିନ ପରେ ପୁଣି ଗୃହ ଓ ଗୃହି ଜୀବନକୁ ପରିତ୍ୟାଗ କରି ସମାଜ ପାଇଁ କିଛି କରିବାର ସଂକଳ୍ପ ନେଇ ସବୁଦିନ ପାଇଁ ଘରଛାଡି ଚାଲିଯାଇଥିଲେ । ସେହି ମହାନ ତ୍ୟାଗ ପର୍ବର ଏବେ ପଚାଶ ବର୍ଷ ପୁରଣ ହେବାକୁ ଯାଉଛି । ବୋଧହୁଏ ଗୈରୀକ ପରିଧାନକାରୀ ସନ୍ନ୍ୟାସୀ ନହୋଇଥିଲେ ମଧ୍ୟ ସଂପୂର୍ଣ୍ଣ ଗୈରୀକମୟ ଜୀବନଧାରୀ ସନ୍ନ୍ୟାସୀରେ ଆଜି ପରିଣତ ହୋଇଛନ୍ତି ମୋଦି । ତାଙ୍କ ପାଇଁ ଏକ ସାଧାରଣ ମଣିଷରୁ ଦୃଢ ସଂକଳ୍ପ ମାଧ୍ୟମରେ ରାଷ୍ଟ୍ରପାଇଁ ଜୀବନକୁ କିପରି ଉତ୍ସଗ କରିବାକୁ ହୁଏ ଏହି ମହାନ ଶିକ୍ଷାର ମାର୍ଗ ଦର୍ଶକ ଥିଲା ରାଷ୍ଟ୍ରୀୟ ସ୍ୱୟଂସେବକ ସଂଘ । ସଂଘ ହିଁ ଆଣିଥିଲା ତାଙ୍କ ଜୀବନରେ ବଡ ବିଚିତ୍ର ପରିବର୍ତ୍ତନ ! ସେହି ବିବର୍ତ୍ତନର ୫୦ ବର୍ଷ ଐତିହାସିକ ଯାତ୍ରା ହିଁ ତାଙ୍କର ସଂକଳ୍ପରୁ ସିଦ୍ଧିର ଆଲେଖ୍ୟ ।
ତେଣୁ ଆଜି ତାଙ୍କ ଜୟନ୍ତୀ ସହିତ ଗୃହତ୍ୟାଗୀ ସନ୍ୟାସୀ ଜୀବନର ପଚାଷ ବର୍ଷର ସୁବର୍ଣ୍ଣ ଜୟନ୍ତୀ ପାଳନ କରାଯାଉଛି । ବିଜେପି ତାଙ୍କ ଜନ୍ମ ଦିବସକୁ ସେବା ଦିବସ ରୂପେ ପାଳନ କରୁଛି ।
ଅନେକ ସମାଲୋଚକ ମୋଦିଙ୍କର ନବ ଓ ଦିବ୍ୟ ଭାରତ ନିର୍ମାଣ ପ୍ରସଙ୍ଗକୁ ସାମୟିକ ଓ ଆକସ୍ମିକ ବୋଲି କହୁଥିବାବେଳେ ବୋଧ ହୁଏ ସେମାନେ ୨୦୧୪ ସାଧାରଣ ନିର୍ବାଚନରେ ବିଜେପିର ଇସ୍ତାହାରକୁ ଆଦୌ ପାଠକରିନାହାଁନ୍ତି । ଏହାର ଶେଷ ପୃÂାରେ ଭାରତକୁ ଇଣ୍ଡିଆ- “ଏକ ଭାରତ ଶ୍ରେÂ ଭାରତ’ରୂପେ ଗଠନ କରିବା ଆମର ସ୍ୱପ୍ନ ବୋଲି କୁହାଯାଇଛି । ୨୦୨୨ରେ ଆମ ସ୍ୱାଧିନତାର ୭୫ ବର୍ଷ ପୂରଣ ହେବ । ଇଂଲଣ୍ଡ ବା ୟୁରୋପରେ ୭୫ ବର୍ଷରେ ପ୍ଲାଟିନମ୍ ଜୁବୁଲି ପାଳନ କରାଯାଉଥିବେଳେ ଆମେରିକାରେ ଏହାକୁ ଡାଇମଣ୍ଡ ଜୁବୁଲୀ କୁହାଯାଏ । ଭାରତୀୟ ସଂସ୍କୃତିରେ ୭୫ ବର୍ଷ ପୂର୍ତ୍ତିରେ ଅମୃତ ମହୋତ୍ସବ ପାଳନ କରାଯାଇଥାଏ । ତେଣୁ ଆମେ ୭୫ ବର୍ଷ ପୂର୍ତ୍ତିରେ ଅମୃତମୟ ଭାରତ ଗଠନ କରିବା । ଏହା ହିଁ ଆମର ଲକ୍ଷ୍ୟ ବା ସିଦ୍ଧି । ଏଥିପାଇଁ ସଂକଳ୍ପ ନେବା ପାଇଁ ସେ ଭାରତ ଛାଡ ଆନେ୍ଦାଳନର ସଂକଳ୍ପକୁ ଏକ ପ୍ରେରଣାର ଉତ୍ସରୂପେ ଗ୍ରହଣ କରିଛନ୍ତି । ୧୯୪୨ରେ ନିଆଯାଇଥିବା ଏହି ଆନେ୍ଦାଳନରେ ‘ସ୍ୱାଧୀନତା ପାଇଁ କର ବା ମର ସଂକଳ୍ପ’ ଗ୍ରହଣ କରାଯାଇଥିଲା ଏହି ମହାନ ସଂକଳ୍ପର ମଧ୍ୟ ୨୦୧୭ରେ ୭୫ ବର୍ଷ ପୂର୍ତ୍ତି ପାଳନ କରାଯାଉଛି । ତେଣୁ ସେହି ଏକା ପ୍ରତିବଦ୍ଧତା -‘କର ବା ମର ସଂକଳ୍ପ’ ସହିତ ଭାରତକୁ ଏକ ମହାନ ରାଷ୍ଟ୍ରରେ ପରିଣତ କରିବା ପାଇଁ ସେ ଦୃଢ ସଂକଳ୍ପ ଗ୍ରହଣ କରିଛନ୍ତି । ଆଗାମି ୫ ବର୍ଷରେ ସେହି ସଂକଳ୍ପ ରୁ ସିଦ୍ଧି ହେବ- ନବ ଭାରତର ନିର୍ମାଣ ।
ସରକାର ଏକ ନିରନ୍ତର ପ୍ରକ୍ରୀୟା । ସରକାର ମାନେ ଗଣତନ୍ତ୍ରରେ ଆସିବେ ଓ ଯିବେ । ଅନେକ ସମୟରେ ସରକାରମାନେ ଭାରତର ବିକାଶ ପ୍ରୟାସ ଜାରି ରଖିଛନ୍ତି କିନ୍ତୁ ପରିବର୍ତ୍ତନ ସବୁବେଳେ, ଆର୍ଥôକ ଓ ଆତ୍ମିକ, ଭିତ୍ତି ଓ ଭୂତି, ବ୍ୟକ୍ତି ଓ ବ୍ୟବସ୍ଥା, ଚିନ୍ତା ଓ ଚେତନା, ସମାଜ ଓ ସଂସ୍କୃତି ତଥା ଲକ୍ଷ୍ୟ ଓ ଲଭ୍ୟ ମାଧ୍ୟମରେ ସଂଗଠିତ ହେବା ବିଧେୟ । ସାମଗ୍ରିକ ବିକାଶ ଓ ବିଭୂତି ଆମର ସଂକଳ୍ପ ହେବା ଉଚିତ । କିନ୍ତୁ ସ୍ୱାଧୀନତା ପ୍ରାପ୍ତିର ୬୭ ବର୍ଷରେ ଆମେ ପହଞ୍ଚôଛୁ କେଉଁଠି ? ଗାନ୍ଧି ପରିବାର ଓ କଂଗ୍ରେସ ଦଳ ଦେଶକୁ ଅଧିକାଂଶ କାଳ ଧରି ଶାସନ କରି ଆସିଛନ୍ତି । ତାଙ୍କ ସମର୍ଥନରେ ମଧ୍ୟ ଅନ୍ୟମାନେ ଶାସନ କରିଛନ୍ତି । କିନ୍ତୁ ଅଟଳଜୀଙ୍କ ନେତୃତ୍ୱରେ ବିଜେପି ମାତ୍ର ୬ ବର୍ଷ ଶାସନ କରିଥିଲେ ମଧ୍ୟ ଦେଶର ଅର୍ଥନୀତି, ବୈଦେଶିକ ନୀତି, ଭିତ୍ତିଭୂମିର ନିର୍ମାଣ,ପ୍ରତିରକ୍ଷା ବିଭାଗର ପ୍ରସ୍ତୁତି ଓ ପରମାଣୁ ବିସ୍ପୋରଣ, ମହିଳାମାନଙ୍କୁ ଅଧିକାର ତଥା ଆଦିବାସୀଙ୍କ ବିକାଶ ପାଇଁ ସ୍ୱତନ୍ତ୍ର ଆଦିବାସି ବ୍ୟାପାର ମନ୍ତ୍ରଣାଳୟର ସୃଷ୍ଟି ତାଙ୍କର ଅକ୍ଷୟ କୀର୍ତ୍ତି । ତାଙ୍କ ପରେ ପୁଣି କଂଗ୍ରେସ କ୍ଷମତାକୁ ପ୍ରତ୍ୟାବର୍ତ୍ତନକରି ୧୦ ବର୍ଷ ଶାସନ କରିଛି ଏବଂ ଏହି ସମୟରେ ଭାରତ ଦୁର୍ନୀତି କ୍ଷେତ୍ରରେ ଐତିହାସିକ ଅଧ୍ୟାୟ ସୃଷ୍ଟି କରିଛି । ଦାରିଦ୍ୟକୁ ଦୃଷ୍ଟିରେ ରଖି ଖାଦ୍ୟ ସୁରକ୍ଷା ଭଳି ଆଇନ ମଧ୍ୟ ପ୍ରଣୀତ କରା ଯାଇଛି । କିନ୍ତୁ ବିଗତ ୩ ବର୍ଷ ତଳେ ଶ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ବିଜେପି ପ୍ରଥମ ଅଣ କଂଗ୍ରେସ ଦଳଭାବେ ଲୋକସଭାରେ ରେକର୍ଡ ସଂଖ୍ୟାକ ଆସନ ଲାଭ କରି ସହଯୋଗୀ ଦଳମାନଙ୍କ ସହିତ କେନ୍ଦ୍ରରେ ସରକାର ଗଠନ କରିଛନ୍ତି । ସଂସଦରେ ତାଙ୍କର ପ୍ରଥମ ପ୍ରବେଶ ସହିତ ସେଣ୍ଟ୍ରାଲ ହଲରେ ବକ୍ତବ୍ୟ ରଖି ତାଙ୍କ ସରକାର ଗରୀବ, କୃଷକ, ଶ୍ରମିକ ଶୋଷିତ, ବଂଚିତମାନଙ୍କ ପାଇଁ ଉସôର୍ଗୀକୃତ ବୋଲି କହିଥିଲେ । ଭାରତବର୍ଷର ପ୍ରଥମ ପ୍ରଧାନମନ୍ତ୍ରୀ ରୂପେ ସେ ଭାରତର ପ୍ରଧାନ ସେବକ ବୋଲି ନିଜକୁ ଉଲ୍ଲେଖ କରିଥିଲେ । ଟିମ୍ ଇଣ୍ଡିଆ ଭାବନାକୁ ନେଇ “ସବକା ସାଥ ବିକାଶ ସବକା ବିକାଶ’ ଆଦର୍ଶରେ ପରିଚାଳିତ ହେବାକୁ ଘୋଷଣା କରିଥିଲେ ।
ସାଧାରଣ ଉପେକ୍ଷିତ ଜନତାଙ୍କୁ ଦେଶର ଅର୍ଥ ବ୍ୟବସ୍ଥା ସହିତ ଯୋଡବା ସହିତ ସେମାନଙ୍କର ସାମାଜିକ ନିରାପତ୍ତା, କୃଷକମାନଙ୍କ ପାଇଁ ଐତିହାସିକ ପ୍ରଧାନମନ୍ତ୍ରୀ ଫସଲବୀମା ଯୋଜନା ସାଧାରଣ ଲୋକଙ୍କର ଆର୍ଥିକ ବିକାଶ ପାଇଁ ମୁଦ୍ରାଯୋଜନା ଦଳିତ ଓ ଆଦିବାସୀଙ୍କ ପାଇଁ ଷ୍ଟାଣ୍ଡ ଅପ୍ ଇଣ୍ଡିଆ, ସଂଖ୍ୟାଲଘୁଙ୍କ ପାଇଁ ଉଡ୍ଡାନ ଓ ନୟୀ ମଂଜିଲ ପ୍ରଭୃତି ବିଭିନ୍ନ ଯୋଜନା ମାଧ୍ୟମରେ ସମାଜର ସବୁବର୍ଗର ଲୋକଙ୍କୁ ନେଇ ସମସ୍ତଙ୍କର ସାମଗ୍ରିକ ବିକାଶ ପାଇଁ ଗୁରୁ୍ତ୍ୱ ଦେଇଛନ୍ତି । ସ୍ୱଚ୍ଛତାକୁ ଏକ ଆନେ୍ଦାଳନରେ ପରିଣତ କରିବା, ବେଟୀ ବଚାଓ ବେଟୀ ପଢାଓ ମାଧ୍ୟମରେ କନ୍ୟାସୁରକ୍ଷା ଓ ମହିଳା ବିକାଶ ଉପରେ ପ୍ରାଧାନ୍ୟ ଦେଇଛନ୍ତି । ଭାରତବର୍ଷରେ ପ୍ରଥମ କରି ପ୍ରଧାନମନ୍ତ୍ରୀ ରୁପେ ତାଙ୍କ ଆହ୍ୱାନକ୍ରମେ ସ୍ୱେଚ୍ଛାକୃତ ଭାବେ ଏକ କୋଟିରୁ ଉଦ୍ଧ୍ୱର୍ ଏଲପିଜି ଗ୍ରାହକ ନିଜ ନିଜର ସବ୍ସିଡି ଛାଡି ଦେଇଛନ୍ତି । ଯଦ୍ୱରା ଭାରତ ସରକାର ହଜାର ହଜାର କୋଟି ଟଙ୍କାର ଅର୍ଥ ସଂଚୟ କରିପାରିଛନ୍ତି । ଉଜ୍ଜଳା ଯୋଜନାରେ ମାଗଣରେ ୫ କୋଟି ଦାରିଦ୍ର୍ୟ ସୀମାରେଖା ତଳେଥିବା ମହିଳାଙ୍କୁ ଗ୍ୟାସ ସଂଯୋଗ ଦେବାକୁ ଯାଇ ଏକ ଇତିହାସ ସୃଷ୍ଟିକରିଛନ୍ତି । ଏ ଦିଗରେ ତାଙ୍କର ଘନିÂ ସହଯୋଗୀ ପେଟ୍ରୋଲ ଓ ପ୍ରାକୃତିକ ଗ୍ୟାସ, ଦକ୍ଷତା ବିକାଶ ଓ ଉଦେ୍ଧ୍ୟାଗ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଏହି ବିଭାଗକୁ ପ୍ରତ୍ୟକ୍ଷ ଭାବେ ସାଧାରଣ ଲୋକଙ୍କ ସହିିତ ଯୋଡି ସମାଜ ସେବାର ଏକ ନୂତନ ଅଧ୍ୟାୟ ସୃଷ୍ଟି କରିଛନ୍ତି । କଳାଧନର ନିୟନ୍ତ୍ରଣ ପାଇଁ ଏସଆଇଟି ଗଢିବା ଠାରୁ ଆରମ୍ଭ କରି ସ୍ୱତନ୍ତ୍ର ଆଇନ ପ୍ରଣୟନ, ସନ୍ତ୍ରାସବାଦର ସଂହାର ପାଇଁ ସର୍ଜିକାଲ ଷ୍ଟ୍ରାଇକ୍, ୪୦ ବର୍ଷଧରି ଦାବୀ ହୋଇ ଆସୁଥିବା ପୁରାତନ ସୈନିକମାନଙ୍କ ସ୍ୱାର୍ଥ ରକ୍ଷା ପାଇଁ ୱାନ୍ ର୍ୟାଙ୍କ ୱାନ୍ ପେନସନ ପ୍ରଭୃତି ଐତିହାସିକ ଜନକଲ୍ୟାଣକର ପଦକ୍ଷେପ ଗ୍ରହଣ କରିଛନ୍ତି । ବିମୁଦ୍ରାୟନ ମାଧ୍ୟମରେ କଳାଧନକୁ ରୋକିବା ସହିତ ଦେଶରେ ଚାଲିଆସୁଥିବା ଜାଲନୋଟ୍ ଓ କଳାଧନର ସମାନ୍ତରାଳ ଅର୍ଥନୀତିର ପରିସମାପ୍ତି ଘଟାଇଛନ୍ତି । ଜିଏସଟିର ପ୍ରଚଳନ ସହିତ ଭାରତୀୟ ସଂଘୀୟ ଗଣତନ୍ତ୍ରର ଇତିହାସରେ ଏକ ନୂଆ ଅଧ୍ୟାୟ ଯୋଡିଛନ୍ତି ଜିଏସଟି କାଉନ୍ସିଲରେ କେନ୍ଦ୍ରଠାରୁ ରାଜ୍ୟମାନଙ୍କୁ ଅଧିକ କ୍ଷମତା ଦେଇ ଏହି ଐତିହାସିକ ଅର୍ଥନୈତିକ ସଂସ୍କାରର କାର୍ଯ୍ୟାନ୍ୱୟନ ଜରିଆରେ ସମଗ୍ର ଦେଶରେ ‘ଗୋଟିଏ ଦେଶ ଗୋଟିଏ ଜାତି ଓ ଗୋଟିଏ କର’ ବ୍ୟବସ୍ଥାର ପ୍ରଚଳନ କରିଛନ୍ତି । ନିକଟରେ ଜାପାନ ପ୍ରଧାନମନ୍ତ୍ରୀ ସିଞ୍ଚୋ ଆବେଙ୍କ ସହିତ ଅହମ୍ମଦାବାଦରେ ମସଜିଦ୍ ପରିଦର୍ଶନ ଯାଇ ଶ୍ରୀ ମୋଦି “ସବକା ସାଥ ସବକା ବିକାଶ”ରେ ଏକ ନୂଆ ଅଧ୍ୟାୟ ଯୋଡିଛନ୍ତି । ବିଶ୍ୱର ପ୍ରମୁଖ ରାଷ୍ଟ୍ରଗୁଡିକରେ ଭ୍ରମଣ ସହିତ ସମଗ୍ର ଦେଶବାସୀଙ୍କୁ ବିବେକାନନ୍ଦ ଭଳି ଭାରତୀୟ ଐତିହ୍ୟ ସଂସ୍କୃତି, ଏବଂ ଆଧ୍ୟାତ୍ମିକ ବାର୍ତ୍ତାର ଅଦ୍ଭୁତ ପ୍ରଚାର ଓ ପ୍ରସାର ସହିତ ସମଗ୍ର ବିଶ୍ୱରେ ଭାରତର ସମ୍ମାନକୁ ବହୁଗୁଣିତ କରିବା ସହିତ ନିଜକୁ ମଧ୍ୟ ଏକ ଆର୍ନ୍ତଜାତିକ ସ୍ତରୀୟ ରାଷ୍ଟ୍ରନେତା ରୂପେ ପ୍ରତିÂା କରିପାରିଛନ୍ତି । ଡୋକଲାମ୍ରେ ଭାରତ ଓ ଚୀନ୍୍ର ସୈନ୍ୟମାନଙ୍କ ମଧ୍ୟରେ ସୃଷ୍ଟିହୋଇଥିବା ସଂର୍ଘଷକୁ ନେଇ ଚୀନ୍ ପକ୍ଷରୁ ବାରମ୍ବାର ଯୁଦ୍ଧର ଆହ୍ୱାନ ଦିଆଯାଇଥିଲେ ମଧ୍ୟ ଅବିଚଳିତ ଶ୍ରୀ ମୋଦି ଶାନ୍ତ ଓ ସମାହିତ ରହି ଅବଶେଷରେ ଯୁଦ୍ଧ ପରିବର୍ତ୍ତେ ବୁଝାମଣାକୁ ଆସିବା ପାଇଁ ଚୀନ ଭଳି ବିସ୍ତାରବାଦୀ, ଯୁଦ୍ଧଖୋର ରାଷ୍ଟ୍ରକୁ ବାଧ୍ୟ କରିଛନ୍ତି ଓ ସିକିମ୍ ସିମାନ୍ତରେ ରାସ୍ତା ନିର୍ମାଣ କାର୍ଯ୍ୟରୁ କ୍ଷ୍ୟାନ୍ତ କରାଇପାରିଛନ୍ତି । ଏହା ଫଳରେ ମୋଦିଙ୍କୁ ସମଗ୍ର ବିଶ୍ୱରେ ଏକ ସ୍ଥିତପ୍ରଜ୍ଞ ଏବଂ ଧୈଯ୍ୟ ସମ୍ପନ୍ନ ରାଷ୍ଟ୍ରନାୟକ ଭାବେ ସ୍ୱୀକୃତି ମିଳିଛି । ଆମେରିକାର ରାଷ୍ଟ୍ରପତି ଓବାମାଙ୍କ ସହିତ ମୋଦୀଙ୍କର ଘନିÂତା ଯୋଗୁଁ ଟ୍ରମ୍ପଙ୍କ ସହିତ ତାଙ୍କର ସମ୍ପର୍କକୁ ନେଇ ସାଧାରଣ ଜନତାଙ୍କ ମନରେ ଥିଲା ଆଶଂକା ଥିଲା କିନ୍ତୁ ଆଶ୍ଚର୍ଯ୍ୟ ଜନକଭାବେ ମୋଦି-ଟ୍ରମ୍ପଙ୍କ ବନ୍ଧୁତ୍ୱ ଓବାମାଙ୍କ ଭଳି ଘନିÂ ହୋଇଛି, ଏବଂ ଇତିହାସରେ ପ୍ରଥମଥର କରି ଟ୍ରମ୍ପ ଭାରତର ପ୍ରଥମ ପ୍ରଧାନମନ୍ତ୍ରୀ ଭାବେ ହ୍ୱାଇଟ୍ ହାଉସରେ ରାତ୍ରୀଭୋଜନ ପାଇଁ ତାଙ୍କୁ ନିମନ୍ତ୍ରଣ କରି “ରେଡ କାର୍ପେଟ’ ସ୍ୱାଗତ ସମ୍ବର୍ଦ୍ଧନା ଦେଇଛନ୍ତି ।
ସେହିଭଳି ଜଣେ ବିଶ୍ୱସ୍ତରୀୟ ନେତାଭାବେ ନିଜର ଅପୂର୍ବ ବ୍ୟକ୍ତିତ୍ୱ ଓ ଦକ୍ଷତା ପାଇଁ ସାଉଦୀ ଆରବ ତାଙ୍କୁ ତାଙ୍କ ଦେଶର ସବୋର୍ଚ୍ଚ ସମ୍ମାନ “ ଅର୍ଡର ଅଫ ମେରିଟ୍ ଏବଂ ଆଫଗାନିସ୍ଥାନ ତାଙ୍କ ଦେଶର ସର୍ବୋଚ୍ଚ ନାଗରୀକ ସମ୍ମାନ ‘ଅମିର ଆମାନୁଲ୍ଲା ଖାଁ ଆୱାର୍ଡ’ ପ୍ରଦାନ କରିଛନ୍ତି । ଏହି ପୃÂଭୂମି ଉପରେ ମୋଦୀ ଏବେ ନୂଆା ଭାରତ ବର୍ଷ ନିର୍ମାଣର ପରିକଳ୍ପନା କରିଛନ୍ତି । ଯେଉଁଠି ସମସ୍ତଙ୍କ ପାଇଁ ଛାତଘର, ବିଶୁଦ୍ଧ ପାନୀୟଜଳ, ଚବିଶ ଘଣ୍ଟିଆ ବିଜୁଳୀ ଓ ଉନ୍ନତ ଜୀବନ ଧାରଣର ମାନ ଉପଲବ୍ଧ ହେବ । ଯେଉଁଠାରେ କୃଷକମାନଙ୍କର ଆୟ ଦ୍ୱିଗୁଣିତ ହେବା ସହିତ ଯୁବଶକ୍ତି ଓ ମହିଳାମାନେ ଯେପରି ନିଜର ସ୍ୱପ୍ନ ପୁରଣ ଦିଗରେ ସକ୍ଷମ ହୋଇପାରିବେ । ଏହି ନୂଆ ଭାରତ ଆତଙ୍କବାଦ, ସାମ୍ପ୍ରଦାୟବାଦ ଓ ଜାତିବାଦରୁ ମୁକ୍ତ ହେବ । ଭାରତ ହେବ- ସ୍ୱଚ୍ଛ ଭାରତ ଓ ସୁସ୍ଥ ଭାରତ । ଏହି ସିଦ୍ଧିରେ ପହଂଚିବା ପାଇଁ ମୋଦୀ ତାଙ୍କ ସଂକଳ୍ପ ଘୋଷଣା କରିଛନ୍ତି । ଏବେ ଆସନ୍ତୁ ଆମେ ସମସ୍ତେ ମିଶି ନୂଆ ଭାରତ ଗଠନ ଦିଗରେ ତାଙ୍କ ସଂକଳ୍ପ ଓ କାର୍ଯ୍ୟନ୍ୱୟନ ସହିତ ସାମିଲ ହେବା ।
ମୋ:୯୩୩୭୧୨୦୨୫୫