ଗରୀବ ଓଡିଆ ସଫଳ ଛାତ୍ରଙ୍କୁ ସମ୍ବର୍ଧିତ କଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

• ଜଗତସିଂହପୁରର ବିକାଶ ଦାସ ଓ ପ୍ରସାଦ ନାୟକଙ୍କୁ ଲ୍ୟାପଟପ ଓ ୨୫ ହଜାର ଟଙ୍କାର ଚେକ ସହ
ପାଠ ପଢିବା କ୍ଷେତ୍ରରେ ଅର୍ଥ ପ୍ରତିବନ୍ଧକ ହେବ ନାହିଁ ବୋଲି ଦେଲେ ଆଶ୍ୱାସନା

5G1A1141
ଦୁଇ ଗରୀବ କିନ୍ତୁ ଅତ୍ୟନ୍ତ ମେଧାବୀ ଛାତ୍ରଙ୍କୁ ସମ୍ବର୍ଧିତ କରିଛନ୍ତି କେନ୍ଦ୍ର ପେଟ୍ରୋଲିୟମ
ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଜଗତସିଂହପୁରର ବିକାଶ ଦାସ ଓ ପ୍ରସାଦ ନାୟକଙ୍କୁ ସେମାନଙ୍କର
ଅନନ୍ୟ ସଫଳତା ପାଇଁ ଭୁବନେଶ୍ୱର ଠାରେ ଶ୍ରୀ ପ୍ରଧାନ ସମ୍ବର୍ଧିତ କରିଛନ୍ତି ।
ବିକାଶ ଦାସ ତାଙ୍କର ପ୍ରବଳ ପରିଶ୍ରମ ଓ ଇଚ୍ଛା ଶକ୍ତି ବଳରେ ଜେଇଇ ଆଡଭାନ୍ସ ପରୀକ୍ଷାରେ ତଫସିଲଭୁକ୍ତ ଜାତି
ବର୍ଗରେ ୫୮୨ ର୍ୟାଙ୍କ ରଖିବା ସହ ଝାଡଖଣ୍ଡର ଧାନବାଦ ଠାରେ କଂପ୍ୟୁଟର ସାଇନ୍ସ କୋର୍ସରେ ନାମ
ଲେଖାଇଛନ୍ତି । ବିକାଶଙ୍କ ବାପା ବିଜୟ ଦାସ ବିପିଏଲ ବର୍ଗର ଓ ସେ ଦିନ ମଜୁରିଆ ଭାବେ କାମ କରନ୍ତି ।
ସେହିପରି ପ୍ରସାଦ ନାୟକ ମେଡିକାଲ ଏଂଟ୍ରାନ୍ସରେ ୪୨୭ ର୍ୟାଙ୍କରେ ସଫଳତା ପାଇବା ପରେ ବୁର୍ଲା ମେଡିକାଲ
କଲେଜରେ ନାମ ଲେଖାଇଛନ୍ତି । ତାଙ୍କର ବାପା ପ୍ରମୋଦ କୁମାର ନାୟକ ପାରାଦୀପ ରିଫାଇନାରୀର ପେଟକୋକ
ଏରିଆରେ ଠିକା ଶ୍ରମିକ ଭାବେ କାମ କରୁଛନ୍ତି ।
ଏହି ଦୁଇ ଛାତ୍ରଙ୍କୁ ଲ୍ୟାପଟପ ଓ ୨୫ ହଜାର ଟଙ୍କାର ଚେକ ପ୍ରଦାନ କରିବା ସହ ବଢିବାକୁ ଇଛା ଥିଲେ ଅର୍ଥ
ପ୍ରତିବନ୍ଧକ ହେବ ନାହିଁ ବୋଲି ଏହି ଦୁଇ ଛାତ୍ର ଏବଂ ସେମାନଙ୍କର ପରିବାରକୁ ଶ୍ରୀ ପ୍ରଧାନ କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ ସାଧାରଣ ଓଡିଆ ଘରର ପିଲା ଏ ରାଜ୍ୟର ମୂଳ ପୁଂଜିା ଯଦି ବିକାଶ ଦାସ ଓ ପ୍ରସାଦ
ନାୟକ ଆର୍ଥିକ ପ୍ରତିବନ୍ଧକ ସଫଳତାରୁ ରୋକି ପାରିଲା ନାହିଁ ତା ହେଲେ ଓଡିଶାର ଶିକ୍ଷା ବ୍ୟବସ୍ଥାକୁ ମଜବୂତ
କଲେ ଆମ ପିଲା ରାଜ୍ୟକୁ ସଫଳତାର ଶୀର୍ଷକୁ ନେଇ ପାରିବ

Share in top social networks!