ରାଷ୍ଟ୍ରୀୟ କାର୍ଯ୍ୟକାରିଣୀରେ ତିଆରି ହେବ ୨୦୧୯ ମସିହା ପାଇଁ ଖସଡା, ଓଡିଶା ହେବ ଲାଭବାନ – ଧର୍ମେନ୍ଦ୍ର ପ୍ରଧାନ

- ମୋଦିଙ୍କ ଗରୀବ କଲ୍ୟାଣ ଯୋଜନା ପ୍ରତି ଲୋକ ମାନଙ୍କର ସମର୍ଥନ ବୃଦ୍ଧି ହେଉଛି – ବିଜେଡିର କେନ୍ଦ୍ରୀୟ ଅବହେଳା ପ୍ରସଙ୍ଗ କୁମ୍ଭୀର କାନ୍ଦଣା
- ମୋଦି ସରକାରରେ ଓଡିଶାକୁ ସର୍ବାଧିକ ଆର୍ଥିକ ସହାୟତା ମିଳିଛି, ଏହା ତଥ୍ୟ, ବିଜେଡିକୁ ବିତର୍କ ପାଇଁ ଆହ୍ୱାନ
- ୩୬ ହଜାର ବୁଥରେ ଦଳକୁ ଶକ୍ତିଶାଳୀ କରିବା ପାଇଁ ବିଜେପିର ଚାଲିଛି ପ୍ରସ୍ତୁତି
ଆଗାମୀ ଏପ୍ରିଲ ୧୫-୧୬ରେ ଭୁବନେଶ୍ୱରରେ ଅନୁÂିତ ହେଉଥିବା ବିଜେପିର ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକରେ ୨୦୧୯ ମସିହାର ସାଧାରଣ ନିର୍ବାଚନ ପାଇଁ ଦଳ ଦିଶାଦର୍ଶିକା ପ୍ରସ୍ତୁତ କରିବ ଓ ସାରା ଦେଶ ସମେତ ଓଡିଶା ଏଥିରୁ ଲାଭ ପାଇବ ବୋଲି ଗଣମାଧ୍ୟମ ପ୍ରଶ୍ନର ଉତର ଦେଇ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ।

ନିକଟ ଅତୀତରେ ଅନୁÂିତ ଉତର ପ୍ରଦେଶ ସମେତ ପାଂଚୋଟି ରାଜ୍ୟର ନିର୍ବାଚନ ହେଉ ଅଥବା ମହାରାଷ୍ଟ୍ର, ଗୁଜରାଟ ଓ ଓଡିଶାର ନଗରପାଳିକା ଓ ପଂଚାୟତ ନିର୍ବାଚନ ଅଥବା ପଶ୍ଚିମ ବଙ୍ଗରେ ୨୦୧୪ରେ ଯେଉଁ ଜନ ସମର୍ଥନ ମିଳିଥିଲା ତା ଠାରୁ ଆହୁରି ତୀବ୍ରତାର ସହିତ ଜନ ସମର୍ଥନ ବୃଦ୍ଧି ହୋଇଛି ବୋଲି ଶ୍ରୀ ପ୍ରଧାନ କହିଛନ୍ତି ।
ବିମୁଦ୍ରୀକରଣ ପରି ଦୃଢ ପଦକ୍ଷେପ ଓ ଦେଶର ସାଧାରଣ ଗରୀବ ଲୋକଙ୍କ ପାଇଁ ମୋଦିଙ୍କ ଜନ କଲ୍ୟାଣକାରୀ ଯୋଜନା ପାଇଁ ଯେପରି ଜନ ସମର୍ଥନ ବୃଦ୍ଧି ପାଇଛି ୨୦୧୯ ନିର୍ବାଚନ ପୂର୍ବରୁ ଏହି ସବୁ ଯୋଜନାକୁ କିପରି ଆହୁରି ଲୋକାଭିମୁଖୀ କରା ଯାଇ ପାରିବ ଏଥି ପାଇଁ ଏହି ବୈଠକରେ ଖସଡା ପ୍ରସ୍ତୁତ କରାଯିବ ବୋଲି ଶ୍ରୀ
ପ୍ରଧାନ କହିଛନ୍ତି ।

ବିଜେଡିର କେନ୍ଦ୍ରୀୟ ଅବହେଳା ପ୍ରସଙ୍ଗ ସଂସଦରେ ଉତଥାପନ ମାମଲାରେ ଶ୍ରୀ ପ୍ରଧାନ କହିଛନ୍ତି ଯେ ବିଜେଡି ପାର୍ଲାମେଂଟର ଶେଷ ଦିନରେ କୁମ୍ଭୀର କାନ୍ଦଣା କାନ୍ଦୁଛି । ନିଜର ସ୍ଥାଣୁତା ଓ ଅପାରଗତା ଲୁଚାଇବା ପାଇଁ ଏହା ହେଉଛି ମୁହଁ ଫୁଟାଣି ବୋଲି ଶ୍ରୀ ପ୍ରଧାନ କହିଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ଚତୁର୍ଦଶ ଅର୍ଥ କମିଶନ ସୁପାରିଶରେ ଓଡିଶାକୁ ସବୁଠୁ ଅଧିକ ଅର୍ଥ ମିଳିଛି । ମୁଖ୍ୟମନ୍ତ୍ରୀ ନିଜେ ଚାରିଟି ରେଳ ବଜେଟରେ କେନ୍ଦ୍ର ସରକାରଙ୍କର ପ୍ରଶଂସା କରିଛନ୍ତି । ରାଜ୍ୟରେ ପାଂଚଟି ମେଡିକାଲ
କଲେଜକୁ ଅର୍ଥ ପ୍ରଦାନ କରିବା ପାଇଁ ରାଜ୍ୟ ସରକାର ଦାବି କରୁଛି । ଏହି ମେଡିକାଲ କଲେଜ ନିର୍ମାଣରେ କେନ୍ଦ୍ର ୬୦ ପ୍ରତିଶତ ଅର୍ଥ ଯୋଗାଉଛି । ଗରୀବ ଲୋକ ମାନଙ୍କ ପାଇଁ ପକ୍କା ଘର ଚଳିତ ବର୍ଷ କେନ୍ଦ୍ରୀୟ ଯୋଜନାରେ ୩ ହଜାର କୋଟିରୁ ଅଧିକ ଅର୍ଥ ବ୍ୟୟବରାଦ ହୋଇଥିବା ରାଜ୍ୟ ସରକାର ତାଙ୍କର ବଜେଟରେ କହିଛନ୍ତି । ତାଙ୍କ ଅଭିଯୋଗ ସତ୍ୟ ନା ଏହି ତଥ୍ୟ ସତ୍ୟ ବୋଲି ଶ୍ରୀ ପ୍ରଧାନ ପାଲଟା ପ୍ରଶ୍ନ କରିଛନ୍ତି । ତଥ୍ୟ ଆଧାରରେ ବିତର୍କ କରିବା ପାଇଁ ଶ୍ରୀ ପ୍ରଧାନ ବିଜେଡିକୁ ଆହ୍ୱାନ ଦେଇଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ରାଜ୍ୟର ୩୬ ହଜାର ବୁଥରେ ଦଳକୁ ଶକ୍ତିଶାଳୀ କରିବା ପାଇଁ ବିଜେପି ଲାଗିଛି । ଗତ ପଂଚାୟତ ନିର୍ବାଚନରେ ବହୁ ଶିକ୍ଷିତ, ସ୍ୱଚ୍ଛ, ନିର୍ଭୀକ, ଲଢୁଆ ଓ ସ୍ୱାଭିମାନୀ ଲୋକ ମାନେ ନିର୍ବାଚନ ଜିତିଛନ୍ତି ଓ ହାରିଛନ୍ତି ମଧ୍ୟ । ଯୁବ ବର୍ଗର ଏହି ବ୍ୟକ୍ତି ମାନଙ୍କ ମଧ୍ୟରେ ବିଜେପିରେ ମିଶିବା ପାଇଁ ଯେଉଁ ଆଗ୍ରହ ଦେଖା
ଯାଉଛି, ସେମାନଙ୍କୁ ଦଳରେ ମିଶାଇ ରାଜ୍ୟରେ ଦଳକୁ ଆହୁରି ଶକ୍ତିଶାଳୀ କରିବା କ୍ଷେତ୍ରରେ ରାଷ୍ଟ୍ରୀୟ କାର୍ଯ୍ୟକାରିଣୀ ସହାୟକ ହେବ ବୋଲି ଶ୍ରୀ ପ୍ରଧାନ କହିଛନ୍ତି ।

Share in top social networks!