ମହାପ୍ରୟାଣ ଯୋଜନା ଓ ଭାଷା ଆନେ୍ଦାଳନ କାରୀଙ୍କୁ ପଦେ

ମନୋରଂଜନ ପଟ୍ଟନାୟକ
ଓଡିଶା ସରକାର “ମହାପ୍ରୟାଣ ଯୋଜନା’ ଆରମ୍ଭ କରିଛନ୍ତି ଓ ୫୦ ଲକ୍ଷରୁ ଉଦ୍ଧ୍ୱର୍ ଅର୍ଥ ବ୍ୟୟକରି ବିଭିନ୍ନ ସମ୍ବାଦ ପତ୍ରରେ ବିଜ୍ଞାପନ ଦେଇ ନିଜର ଯୋଜନାର ପ୍ରଚାର କରାଇଛନ୍ତି। “ମହାପ୍ରୟାଣ’ ଅର୍ଥ ମହାପ୍ରସ୍ଥାନ ବା ମହାଯାତ୍ରା ବା ମୃତ୍ୟୁ। ସମ୍ଭବତଃ ରାଜ୍ୟବାସୀଙ୍କ ପାଇଁ ଏଭଳି ଏକ “ମୃତ୍ୟୁ ଯୋଜନା’ ପ୍ରଣୟନ କରିବା ଓ ଖୋଲା ଖୋଲି ତାର ବିଜ୍ଞାପନ ଦେବା ଏହା ପୃଥିବୀର ପ୍ରଥମ ଘଟଣା। ଆଗରୁ ହିଟଲର, ଲେଲିନ୍ ବା ଷ୍ଟାଲିନ୍ ଏଭଳି ମୃତ୍ୟୁଯୋଜନା ଗୋପନରେ କରିଥିଲେ। ତାଙ୍କ ଆଦର୍ଶ ସହିତ ମେଳ ଖାଉ ନଥିବା ଲୋକଙ୍କୁ ଗ୍ୟାସ ଚାମ୍ବରରେ ଭର୍ତିକରି ବା ନିର୍ଜ୍ଜନ ଦ୍ୱୀପରେ ଛାଡି ଦେଇ ମାରିବାର ଯୋଜନା କରିଥିଲେ। ତା ଆଗରୁ ମୃତ୍ୟୁ ଯୋଜନାକୁ କାର୍ଯ୍ୟକାରୀ କରିବା ପାଇଁ ଫ୍ରାନସ୍ରେ ଗିଲୋଟିନ ଯନ୍ତ୍ର ବାହାରିଥିଲା। ମଣିଷର ମୁଣ୍ଡକାଟ ପାଇଁ ମାରିବା ଲୋକର ହାତକୁ କଷ୍ଟ ହେବ ବୋଲି ଏହି ଯନ୍ତ୍ର ବାହାରିଥିଲା। ଏହା ସାହାଯ୍ୟରେ ଏକକାଳୀନ ୮ ଜଣକୁ ୧୦ ସେକେଣ୍ଡରେ ହତ୍ୟା କରା ଯାଇପାରୁଥିଲା। ଅନେକ ଅତ୍ୟାଚାରୀ ଶାସକ ମାନେ ଗଣହତ୍ୟା କରିଥିବାର ପ୍ରମାଣ ଗଣ କବର ଖନନରୁ ଜଣାପଡିଛି। ଏବେ ଆଇଏସଆଇଏସ ମାନେ ମଧ୍ୟ ଏପରି ଗଣହତ୍ୟା କରୁଛନ୍ତି କିନ୍ତୁ ମୃତଦେହ ମାନଙ୍କୁ ପୋତିବା ବା କବର ଦେବା ଭଳି ସୋ÷ଜନ୍ୟତା ତାଙ୍କର ନାହିଁ ସେମାନେ ଖୋଲା ଆକାଶ ତଳେ ନିର୍ଜ୍ଜନ ସ୍ଥାନରେ ସେହି ଶବ ଗୁଡିକୁ ଫିଙ୍ଗି ଦେଉଛନ୍ତି । ତେଣୁ ସରକାରୀ ସ୍ତରରେ ବା ଅତ୍ୟାଚାରୀ ରାଜା / ଏକଛତ୍ରବାଦୀ ଶାସକ ମାନଙ୍କର ଏଭଳି ବର୍ବର କାହାଣୀ ଇତିହାସରେ ଦେଖିବାକୁ ମିଳିଥାଏ। ହେଲେ ଆମ ଓଡିଶା ରାଜ୍ୟରେ ଏବଂ ଏକ ଗଣତାନ୍ତ୍ରିକ ବ୍ୟବସ୍ଥାରେ “ମହାପ୍ର୍ର୍ରୟାଣ ଯୋଜନା’ ଖୋଲାଖୋଲି ପ୍ରସ୍ତୁତ କରି ବିଜ୍ଞାପିତ କରିବା ଏହା କମ୍ ଅପରାଧିକ କାର୍ଯ୍ୟ ନୁହେଁ।
ଅବଶ୍ୟ ଓଡିଶା ସରକାରଙ୍କର ଏପରି ଅପରାଧିକ ବିଜ୍ଞାପନ ଆମକୁ ଯେତିକି ଦୁଃଖ ନ ଦେଇଛି ତାଠାରୁ ବେଶି ଦୁଃଖ ଦେଇଛି ଓଡିଆ ଭାଷା ଆନେ୍ଦାଳନକାରୀଙ୍କ ନୀରବତା। ଓଡିଆ ଭାଷାକୁ ରାଜ୍ୟରେ ସରକାରୀ ଭାଷା ରୂପେ ବ୍ୟବହାର କରିବାକୁ ଆନେ୍ଦାଳନ କରୁଥିବା ଏବଂ କିଛି ନହେଲେ ବି ଓଡିଆ ଭାଷା ପ୍ରତି ସମାନ୍ୟତମ ଶ୍ରଦ୍ଧା ଥିବା ବୁଦ୍ଧିଜୀବୀମାନେ ସେମାନଙ୍କ ମୃତ୍ୟୁ ପାଇଁ କରାଯାଇଥିବା ଯୋଜନାର କାହିଁକି ପ୍ରତିବାଦ କରିନାହାନ୍ତି ? ଆମେ ଜାଣୁ ଏ ରାଜ୍ୟର ମୁଖ୍ୟମନ୍ତ୍ରୀ ଜଣେ ଓଡିଆ ଭାଷା-ମୁର୍ଖ। ସେ ଓଡିଆ ଭାଷା ବା ତାର ପ୍ର୍ରୟୋଗ ବିଷୟରେ ସମ୍ପୂର୍ଣ୍ଣ ଅଜ୍ଞ କିନ୍ତୁ ଖବର କାଗଜରେ ଏପରି ବିଜ୍ଞାପନ ଦେବା ପୂର୍ବରୁ ନିଶ୍ଚିତ ଭାବେ ତାହା ବହୁ ଦାୟିତ୍ୱ ସମ୍ପନ୍ନ ଅଧିକାରୀଙ୍କ ବାଟ ନେଇ ଅନୁମୋଦିତ ହୋଇଥିବ। କୋ÷ଣସି ଯୋଜନାର ଏଭଳି ନାମକରଣ କରାଯାଇ ପାରିବନାହିଁ ବୋଲି ସେମାନେ କାହିଁକି କହିଲେ ନାହିଁ ? ଅନ୍ୟପକ୍ଷରେ ଆମ ରାଜ୍ୟରେ ଓଡିଆର ବ୍ୟବହାରକୁ ନେଇ ତୁମ୍ବୀ ତୋଫାନ୍ କରୁଥିବା ଭାଷା ପ୍ରେମୀମାନେ ଏଥିରେ କିଛି ତ୍ରୁଟି ଅଛି ବୋଲି କାହିଁକି ବିଚାର କଲେ ନାହିଁ। ଯଦି କିଛି ତ୍ରୁଟି ନାହିଁ ତେବେ ଏହି ଯୋଜନା ସମ୍ପୂର୍ଣ୍ଣ ତଥ୍ୟ ମୋ ଭଳି ଓଡିଶାର ୪ କୋଟି ୨୫ ଲକ୍ଷ ଲୋକଙ୍କର ଜାଣିବାର ଅଧିକାର ଅଛି। କାରଣ ଏହା ଆମ ସମସ୍ତଙ୍କ ମୃତ୍ୟୁ ବିଷୟକ ଯୋଜନା ତେଣୁ ଏହା କିପରି କାର୍ଯ୍ୟକାରୀ କରାଯିବ ସରକାର ତାହା ସ୍ପଷ୍ଟ କରନ୍ତୁ ।
କିପରି ସରକାର ରାଜ୍ୟବାସୀଙ୍କର ମହାପ୍ରୟାଣ ପାଇଁ ଯୋଜନା କରିଛନ୍ତି ? ପ୍ରଥମେ ମୁଖ୍ୟମନ୍ତ୍ରୀଙ୍କ ସମେତ ମନ୍ତ୍ରୀମଣ୍ଡଳର ନା ସରକାରୀ ଅଫିସରଙ୍କର ? ତାପରେ ୪ କୋଟି ୨୫ ଲକ୍ଷ ଲୋକଙ୍କର ମହାପ୍ରୟାଣ ନା ତା ପୂର୍ବରୁ? କାହା ପ୍େର କିଏ ଓ ସେଥିପାଇଁ କ’ଣ କ’ଣ ବ୍ୟବସ୍ଥା କରିଛନ୍ତି ? ବିଶେଷ କରି ମୋ ମହାପ୍ରୟାଣ ପାଇଁ ସରକାର କି ଯୋଜନା କରିଛନ୍ତି ଓ କେବେ, କେତେବେଳେ ଓ କେଉଁଠି ହେବ ତାହା ଜାଣିବା ପାଇଁ ମୋର ଅଧିକାର ଅଛି ଏବଂ ସରକାର ଜଣାଇବାକୁ ବାଧ୍ୟ। କାରଣ ବଂଚିବା ମୋର ଏକ ମୋ÷ଳିକ ଅଧିକାର ଓ ଏହାକୁ ସରକାର ଛିନ୍ନ କରବାକୁ ଚେଷ୍ଟା କଲେ ସୁପ୍ରିମ୍କୋର୍ଟରେ ଏହା ବିରୁଦ୍ଧରେ ହେବିୟସ୍ କର୍ପସ କରାଯାଇପାରିବ।
ବୋଧହୁଏ ସରକାରୀ କଳରେ ଏହି ବିଜ୍ଞାପନ ସହିତ ସମ୍ପୂକ୍ତ ଥିବା ସମସ୍ତ ଲୋକ ମୁର୍ଖ ନଥିଲେ। ତେଣୁ କାହାରି କଣ୍ଠରେ ସରସ୍ୱତୀ ବୋଧହୁଏ ପ୍ରସନ୍ନ ହେଲେ ଏବଂ ତାପରଦିନ ଏହି ଯୋଜନା ସମ୍ପର୍କିତ ତଥ୍ୟ ଦେଇ ଖବର କାଗଜରେ “ମହାପ୍ରୟାଣ ଗାଡି ସେବା ଯୋଜନା’ ବୋଲି ଲେଖାଯାଇଛି। ମୂଳରୁ ଏପରି ଲେଖିଥିଲେ ସରକାରଙ୍କ ମୁର୍ଖତା ଓ ମୁଖ୍ୟମନ୍ତ୍ରୀଙ୍କ ଅଧମ ପଣିଆ ଧରାପଡିନଥାନ୍ତ। ଯଦି ପ୍ରକୃତରେ ଏହା “ମହାପ୍ରୟାଣ ଯୋଜନା’ ନୁହେଁ “ମହାପ୍ରୟାଣ ଗାଡି ସେବା ଯୋଜନା’ ତେବେ ଏ ବିଜ୍ଞାପନ ଛାପିବା ପାଇଁ ଯେଉଁ ଅଧିକାରୀ ଅଦେଶ ଦେଲେ ତାଙ୍କ ଉପରେ କି କାର୍ଯ୍ୟାନୁଷ୍ଠାନ ସରକାର ନେଇଛନ୍ତି ? ଏଥିପାଇଁ ଖବର କାଗଜରେ କାହିଁକି ଦୁଃଖପ୍ରକାଶ କରାଗଲା ନାହିଁ ବା ବିଜ୍ଞାପନକୁ ପ୍ରତ୍ୟାହାର କରାଗଲାନାହିଁ ? ଏଥିପାଇଁ ଖର୍ଚ୍ଚ ହୋଇ ଥିବା ଅର୍ଥ ସେହି ଅଧିକାରୀଙ୍କ ଠାରୁ ଆଦାୟ ହେବକି? ବୋଧହୁଏ ଏ ପ୍ରଶ୍ନର ଉତର ନାଁ। କାରଣ ସରକାର ଜାଣିଛନ୍ତି ଓଡିଆ ଓଡିଆ ବୋଲି ଚିକôାର କରୁଥିବା ଭାଷା ଆନେ୍ଦାଳନକାରୀମାନେ ମେଣ୍ଢା ଓ ମୁର୍ଖ। ସେମାନେ ଏ ଭାଷା ବିପର୍ଯ୍ୟୟକୁ ଧରିପାରିବେ ନାହିଁ ଯଦି ଭାଷା ଆନେ୍ଦାଳନକାରୀ ମାନେ ପ୍ରକୃତ ଜ୍ଞାନୀ ତେଣୁ ଏହି ନିର୍ବୋଧ ସୁଲଭ ବିଜ୍ଞାପନ ବିରୁଦ୍ଧରେ କାହିଁକି ସ୍ୱର ଉତୋଳନ କରୁନାହାନ୍ତି ? ସରକାରଙ୍କୁ ଏଥିପାଇଁ ନିର୍ଦ୍ଦିଷ୍ଟ ଭାବେ ଖୋଦ ମୁଖ୍ୟମନ୍ତ୍ରୀଙ୍କୁ ଭୁଲ ମାଗିବା ପାଇଁ କାହିଁକି ଦାବୀ କରୁନାହାନ୍ତି ? ବୋଧହୁଏ ଅନ୍ୟ କୋ÷ଣସି ଭାଷାରେ ଏପରି ବିଜ୍ଞାପନ ବାହାରି ଥିଲେ ସେମାନେ ତାଙ୍କ ମୁଖ୍ୟମନ୍ତ୍ରୀଙ୍କୁ ପାନେ ଦେଇ ସାରିନ୍ତେଣି।

Share in top social networks!