୪ର୍ଥ ଅଖିଳ ଭାରତୀୟ ରାଜଭାଷା ଓ ବହୁଭାଷୀ କବି ସମ୍ମିଳନୀ

sahityAବିଶ୍ୱମୁକ୍ତି ଓ କିଟ୍‍ ବିଶ୍ୱବିଦ୍ୟାଳୟ ମିଳିତ ସହଯୋଗରେ ନଭେମ୍ବର ୧୪ତାରିଖଠାରୁ ୧୬ ତାରିଖ ପର୍ଯ୍ୟନ୍ତ ବିଶାଖାପାଟଣାଠାରେ ୪ର୍ଥ ଅଖିଳ ଭାରତୀୟ ରାଜଭାଷା ସମ୍ମିଳନୀ ଓ ବହୁଭାଷୀ କବି ସମ୍ମିଳନୀ ଅନୁଷ୍ଠିତ ହୋଇଯାଇଛି ।
ବିଶାଖାପାଟଣାର ହୋଟେଲ୍‍ ଗ୍ରୀନ୍‍ ପାର୍କଠାରେ ଅନୁଷ୍ଠିତ ଉଦ୍‍ଘାଟନୀ ଉତ୍ସବରେ ବିଶାଖାପାଟଣା ସାଂସଦ ଡ. କେ ହରିବାବୁ, ନେଭେଲି
ଲିଗ୍‍ନାଇଟ୍‍ସର ସିଏମ୍‍ଡି ଶରତ କୁମାର ଆଚାର୍ଯ୍ୟ, ବିଶାଖାପାଟଣା ଓ ପାରଦୀପ ବନ୍ଦର ଅଧ୍ୟକ୍ଷ ଡ. କି୍ରଷ୍ଣା ବାବୁ ପ୍ରମୁଖ ଅତିଥି ଭାବେ
ଯୋଗଦେଇଥିବା ବେଳେ ଭୁବନେଶ୍ୱର ସାଂସଦ ତଥ ସଂସଦୀୟ ରାଜଭାଷା ସମିତିର ସଂଯୋଜକ ଡ. ପ୍ରସନ୍ନ ପାଟ୍ଟଶାଣୀ ଅଧ୍ୟକ୍ଷତା
କରିଥିଲେ । ଉଦ୍‍ଘାଟନୀ ଉତ୍ସବରେ ବିଶିଷ୍ଟ ହିନ୍ଦୀ ଓ ତେଲୁଗୁ ସାହିତି୍ୟକ ପଦ୍ମଶ୍ରୀ ଡ. ଲକ୍ଷ୍ମୀପ୍ରସାଦ ଏଲାଗାଡ଼ା ମୁଖ୍ୟବକ୍ତା ଭାବେ
ଯୋଗଦେଇଥିଲେ । ତିନି ଦିନ ଧରି ଆୟୋଜିତ ଏହି ସମ୍ମିଳନୀର ବିଭିନ୍ନ ଅଧିବେଶନରେ ବିଶାଖାପାଟଣା ଷ୍ଟିଲ୍‍ପ୍ଲାଣ୍ଟର ନିଦେ୍ର୍ଧଶକ
ପି.ସି.ମହାପାତ୍ର, ଆନ୍ଧ୍ର ବିଶ୍ୱବିଦ୍ୟାଳୟ ହିନ୍ଦୀ ବିଭାଗ ମୁଖ୍ୟ ପ୍ରଫେସର ସତ୍ୟନାରାୟଣ, ଡ. ଡି ଲକ୍ଷ୍ମଣ, ଇସ୍ରୋର ଯୁଗ୍ମନିଦେ୍ର୍ଧଶକ ଏ.କେ.
ବେଲୁରେ,ପ୍ରଫେସର ଡ.ଇକ୍‍ବାଲ୍‍ ମହମ୍ମଦ, ଡ. ଆଦେଶ୍ୱର ରାଓ,ଆରସିଏଫ୍‍ର କାର୍ଯ୍ୟକାରୀ ନିଦେ୍ର୍ଧଶକ ପି.ଜି. ଦେଶପାଣ୍ଡେ ପ୍ରମୁଖ
ଯୋଗଦେଇ ହିନ୍ଦୀ ଭାଷାର ପ୍ରଚାର ଓ ପ୍ରସାର ଦିଗରେ ଦେଖାଦେଉଥିବା ବିଭିନ୍ନ ସମସ୍ୟା ଉପରେ ଆଲୋଚନା କରିବା ସହ ଏହାର
ସମାଧାନ ନେଇ ସୁଚିନ୍ତିତ ପରାମର୍ଶମାନ ଦେଇଥିଲେ । ସମ୍ମିଳନୀର ଦ୍ୱିତୀୟ ଦିବସରେ ବହୁଭାଷୀ କବି ସମ୍ମିଳନୀ ଅନୁଷ୍ଠିତ
ହୋଇଥିଲା ।ଏଥିରେ ୱାଲଟିୟର୍‍ ରେଳ ଡିଭିଜନ୍‍ର ଡିଆରଏମ୍‍ ଚିତ୍ରଲେଖା ମୁଖାର୍ଜୀ ମୁଖ୍ୟ ଅତିଥି ଭାବେ ଯୋଗଦେଇଥିବାବେଳେ
ପ୍ରଫେସର ଆଦେଶ୍ୱର ରାଓ ଓ ଡ. ପି.କେ ଜୟଲକ୍ଷ୍ମୀ ଅତିଥି ଭାବେ ଯୋଗ ଦେଇଥିଲେ । ଓଡ଼ିଶାରୁ କବି ପିତାମ୍ବର ତରାଇ, ରକ୍ଷକ
ନାୟକ, ସୁନୀଲ ପୃଷ୍ଟି, ସୂର୍ଯ୍ୟ ଦେଓ, ପ୍ରିତିଧାରା ସାମଲ୍‍, ସୁଶୀଳ ପୁହାଣ, ସୁଧୀର ମଉଡ଼ମଣୀଙ୍କ ସମେତ ବହୁ ତେଲୁଗୁ ଓ ହିନ୍ଦୀ ସାହିତ୍ୟର
ପ୍ରମୁଖ କବି ଯୋଗଦେଇ ସ୍ୱରଚିତ କବିତା ପାଠ କରିଥିଲେ । ଏହି କବିତା ପାଠୋତ୍ସବରେ ଡ. ଆଦେଶ୍ୱର ରାଓ, ଡ. ପଦ୍ମଶ୍ରୀ ଲକ୍ଷ୍ମୀପ୍ରସାଦ
ଏଲାଗାଡ଼ା, ଡ. ଏମ୍‍ ଇକ୍‍ବାଲ୍‍ ମହମ୍ମଦ, ପ୍ରଫେସର ଏସ୍‍ ଶେଷାରନôମ୍‍ ଓ ପୁଣ୍ୟପ୍ରଭା ଦେବୀଙ୍କୁ ବିଶ୍ୱମୁକ୍ତି ରାଷ୍ଟ୍ରୀୟ ସାହିତ୍ୟ ସାଧନା
ସମ୍ମାନ ୨୦୧୫ ପ୍ରଦାନ କରାଯାଇଥିଲା । ୧୬ତାରିଖରେ ଅନୁଷ୍ଠିତ ଉଦ୍‍ଯାପନୀ ଉତ୍ସବରେ ଏୟାରପୋର୍ଟ ଅଥରିଟି ଅଫ୍‍ ଇଣ୍ଡିଆର
ସଦସ୍ୟ (ଏଚ୍‍ଆର୍‍) ଅନୁଜ ଅଗ୍ରୱାଲ୍‍ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ଓଡ଼ିଶା ଶିଶୁ ଅଧିକାର ସୁରକ୍ଷା ଆୟୋଗ ସଦସ୍ୟା
ସନ୍ଧ୍ୟାବତୀ ପ୍ରଧାନ ଅତିଥି ଭାବେ ଯୋଗଦେଇଥିଲେ । ଉଦ୍‍ଯାପନୀ ଉତ୍ସବରେ ବିଶାଖାପାଟନା ପୋର୍ଟ ଟ୍ରଷ୍ଟ ନେଭେଲି ଲିଗ୍‍ନାଇଟ୍‍
କର୍ପୋରେସନ୍‍, ହିନ୍ଦୁସ୍ଥାନ ସିପେଡ୍‍ ଲିମିଟେଡ୍‍, ଭାରତ କୋକିଂ କୋଲ୍‍ ଲିମିଟେଡ୍‍ ଓ ଏନ୍‍ଏମ୍‍ଡିସିକୁ ରାଷ୍ଟ୍ରୀୟ ରାଜଭାଷା ସମ୍ମାନ
୨୦୧୫ ପ୍ରଦାନ କରାଯାଇଥିଲା । ଏହି ତିନିଦିନଆ ସମ୍ମିଳନୀର ସମସ୍ତ ଅଧିବେଶନରେ ପ୍ରଫେସର ଅଜିତ ମହାପାତ୍ର ଅଧ୍ୟକ୍ଷତା କରିଥିବା
ବେଳେ ଡ. ବେଦୁଲା ରାମାଲକ୍ଷ୍ମୀ ସଂଯୋଜନା କରିଥିଲେ ।
ସମ୍ମିଳନୀରେ ହିନ୍ଦୀକୁ ସରକାରୀ ଭାବେ ରାଷ୍ଟ୍ରଭାଷାର ମାନ୍ୟତା ପ୍ରଦାନ ଏବଂ ଉକ୍ରଳ ବିଶ୍ୱବିଦ୍ୟାଳୟରେ ହିନ୍ଦୀ ବିଭାଗ ଖୋଲିବା ନେଇ
ସର୍ବସମ୍ମତି କ୍ରମେ ଦୁଇଟି ପ୍ରସ୍ତାବ ଗୃହୀତ ହୋଇଥିଲା । ଏ ସମସ୍ତ କାର୍ଯ୍ୟକ୍ରମ ବିଶ୍ୱମୁକ୍ତିର ସଂପାଦକ ଡ. ଶଶାଙ୍କ ଚୂଡ଼ାମଣୀ ଓ ସବିତା
ଦାସଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିଲା । ଏହି ସମ୍ମିଳନୀରେ ଦେଶର ପ୍ରମୁଖ ରାଷ୍ଟ୍ରାୟତ୍ତ ଉଦ୍ୟୋଗ, ସରକାରୀ ବିଭାଗ,
ବ୍ୟାଙ୍କର ବରିଷ୍ଠ ଅଧିକାରୀ ଓ ବିଭିନ୍ନ ବିଶ୍ୱବିଦ୍ୟାଳୟର ଅଧ୍ୟାପକ ଓ ଗବେଷକ ଯୋଗଦେଇଥିଲେ ।

Share in top social networks!