ମାର୍ଚ୍ଚ ୩୦ରୁ ଜାତୀୟ ଭାଷା ସମ୍ମିଳନୀ; ପାଠ ହେବ ୧୦୦ ଗବେଷଣାତ୍ମକ ସନ୍ଦର୍ଭ, ଯୋଗଦେବେ ଦେଶବିଦେଶର ୫୦୦ ପ୍ରତିନିଧି

odiabhasaଦେଶର ଦ୍ୱିତୀୟ ଜାତୀୟ ଭାଷା ସମ୍ମିଳନୀ ଆସନ୍ତା ମାର୍ଚ୍ଚ ୩୦ରୁ ଅପ୍ରେଲ ୨ତାରିଖ ପର୍ଯ୍ୟନ୍ତ ଭୁବନେଶ୍ୱରରେ
ଅନୁଷ୍ଠିତ ହେବାକୁ ଯାଉଛି । ଓଡିଆ ଅଧ୍ୟୟନ ଓ ଗବେଷଣା ସଂସ୍ଥାଦ୍ୱାରା ଆୟୋଜିତ ଏହି ୪ଦିନିଆ ସମ୍ମିଳନୀରେ ଭାରତର ସମସ୍ତ ଭାଷାଭିତ୍ତିକ
ବିଶ୍ୱବିଦ୍ୟାଳୟର କୁଳପତି, ସମସ୍ତ କ୍ଲାସିକାଲ ଭାଷା ସଂସ୍ଥାର ମୁଖ୍ୟ, କେନ୍ଦ୍ର ଲଳିତକଳା ଏକାଡେମୀ, କେନ୍ଦ୍ର ସାହିତ୍ୟ ଏକାଡେମୀ, କେନ୍ଦ୍ର ସଂଗୀତ ନାଟକ
ଏକାଡେମୀ, କେନ୍ଦ୍ରିୟ ଭାରତୀୟ ଭାଷା ସଂସ୍ଥା, କେନ୍ଦ୍ରିୟ ହିନ୍ଦୀ ସଂସ୍ଥାନ, କେନ୍ଦ୍ରିୟ ହିନ୍ଦୀ ନିଦେ୍ର୍ଧଶାଳୟ, କେନ୍ଦ୍ରିୟ ଇଂରାଜୀ ଓ ବିଦେଶୀ ଭାଷା
ବିଶ୍ୱବିଦ୍ୟାଳୟ, କେନ୍ଦ୍ରିୟ ନୃତାତ୍ତ୍ୱିକ ଅନ୍ୱେଷଣ ସଂସ୍ଥା, ଭାରତର ପ୍ରତ୍ନତାତ୍ତ୍ୱିକ ସର୍ଭେ ସଂସ୍ଥା, ଇନ୍ଦିରା ଗାନ୍ଧୀ ଜାତୀୟ କଳା କେନ୍ଦ୍ର, ଜାତୀୟ
ଅଭିଲେଖାଗାର, ଜାତୀୟ ପାଣ୍ଡୁଲିପି ମିଶନ ଆଦି ଅନୁଷ୍ଠାନ ସମେତ ଓଡିଶା ବିଷୟରେ ଗବେଷଣା କରିଥିବା ଜାତୀୟ ଓ ଆନ୍ତର୍ଜାତୀୟ ଖ୍ୟାତିସମ୍ପନ୍ନ
ଗବେଷକ ଏବଂ ଓଡିଶାର ବୁଦ୍ଧିଜୀବୀ, ଶିକ୍ଷକ, ଛାତ୍ରଛାତ୍ରୀ, ରାଜନେତା ଆଦି ଯୋଗଦେଇ ନିଜର ସୁଚିନ୍ତିତ ମତ ରଖିବେ ।

ସର୍ବଭାରତୀୟ ସ୍ତରରେ
ଭାରତୀୟ ଭାଷାଚର୍ଚ୍ଚାପାଇଁ ଏକକ ମଞ୍ଚ ତିଆରି କରିଥିବା ଏହି ସମ୍ମିଳନୀ ଆୟୋଜନର ମୁଖ୍ୟ ଉଦେ୍ଧଶ୍ୟ ହେଲା ଭାରତୀୟ ଭାଷାମାନଙ୍କ ମଧ୍ୟରେ ସମନ୍ୱୟ
ସ୍ଥାପନ କରି ମାତୃଭାଷାଭିତ୍ତିକ ବହୁଭାଷିକ ଶିକ୍ଷା ବ୍ୟବସ୍ଥାକୁ ପ୍ରଚଳନ କରାଇବା । ଏଥି ସହିତ ଭାରତରେ ବିଭିନ୍ନ ଭାଷାଗୋଷ୍ଠୀ ରହୁଥିବାରୁ ଏକ ଜାତୀୟ
ଭାଷାନୀତି ପ୍ରଚଳନପାଇଁ କେନ୍ଦ୍ର ସରକାରଙ୍କ ଉପରେ ଚାପ ସୃଷ୍ଟି କରାଇବା । ଶାସ୍ତ୍ରୀୟ ମାନ୍ୟତା ପାଇଲା ପରେ ଓଡିଆକୁ ରାଷ୍ଟ୍ରିୟ ସ୍ତରରେ ପ୍ରତିଷ୍ଠା
କରିବାକୁ ବିଶେଷ କିଛି ଉଦ୍ୟମ ହୋଇ ନ ଥିବାରୁ ଏସବୁ କାର୍ଯ୍ୟକ୍ରମ ଉଭୟ କେନ୍ଦ୍ରିୟ କ୍ଲାସିକାଲ ଓଡିଆ ସଂସ୍ଥା ଓ ଓଡିଆ ବିଶ୍ୱବିଦ୍ୟାଳୟ ପ୍ରତିଷ୍ଠାପାଇଁ
ଭବିଷ୍ୟତ କାର୍ଯ୍ୟକ୍ରମ ଦିଗରେ ଅନେକ ନୂଆ ଚିନ୍ତାଧାରା ସୃଷ୍ଟି କରିବ ବୋଲି ଆୟୋଜକଗଣ ସୂଚନା ଦେଇଛନ୍ତି । ଓଡିଆ ଓ ଭାରତୀୟ ଭାଷା, ଲିପି,
କଳା, ସଂଗୀତ, ନୃତ୍ୟ ଆଦି ବିଷୟରେ ୨୦ଟି ସତ୍ରରେ ୧୦୦ଟି ଗବେଷଣାତ୍ମକ ସନ୍ଦର୍ଭ ଉପସ୍ଥାପନ କରାଯିବାର ଲକ୍ଷ୍ୟ ଥିବାବେଳେ ଦେଶବିଦେଶରୁ
ପ୍ରାୟ ୫୦୦ ଗବେଷକଙ୍କୁ ନିମନ୍ତ୍ରିତ କରାଯିବ ବୋଲି ନିଷ୍ପତ୍ତି ନିଆଯାଇଛି । ଏହାର ଉଦ୍ଘାଟନ ଓ ଉଦ୍ୟାପନ ଉତ୍ସବପାଇଁ ଭାରତର ମହାମହିମ
ଉପରାଷ୍ଟ୍ରପତି ଓ ମାନ୍ୟବର ପ୍ରଧାନମନ୍ତ୍ରୀଙ୍କୁ ନିମନ୍ତ୍ରଣ କରିବାପାଇଁ ବିଚାର କରାଯାଇଛି । ଏହାର ସଫଳ ରୂପାୟନପାଇଁ ରାଜ୍ୟ ସରକାରଙ୍କ ସହ
ଆଲୋଚନା କରିବା ଉଦେ୍ଧଶ୍ୟରେ ଏକ ୫ଜଣିଆ ପ୍ରତିନିଧିଦଳ ଚଳିତ ସପ୍ତାହରେ ମୁଖ୍ୟମନ୍ତ୍ରୀ ଓ ମୁଖ୍ୟ ଶାସକସଚିବଙ୍କୁ ସାକ୍ଷାତ କରିବା ପରେ ପରବର୍ତ୍ତୀ
ପଦକ୍ଷେପ ନିଆଯିବ ବୋଲି ନିଷ୍ପତ୍ତି ନିଆଯାଇଛି ।
ଭାରତୀୟ ବିଦ୍ୟାଭବନଠାରେ ଆୟୋଜିତ ପ୍ରଥମ ପ୍ରସ୍ତୁତି ବୈଠକରେ ସଂସ୍ଥାର ଅଧ୍ୟକ୍ଷ ତଥା ଦ୍ୱିତୀୟ ଜାତୀୟ ଭାଷା ସମ୍ମିଳନୀର ଅଭ୍ୟର୍ଥନା କମିଟିର
କାର୍ଯ୍ୟକାରି ଅଧ୍ୟକ୍ଷ ଡଃ ଦେବୀପ୍ରସନ୍ନ ପଟ୍ଟନାୟକ ଓ ଉପାଧ୍ୟକ୍ଷ ପ୍ରଫେସର ଡଃ ଓଂକାରନାଥ ମହାନ୍ତି ଏହାର ରୂପରେଖ ଏବଂ ନିଆଯାଇଥିବା ପଦକ୍ଷେପ
ଉପସ୍ଥାପନ କରିଥିଲେ । ଭାଷାକୁ ନେଇ ଜାତୀୟ ସ୍ତରର ଏଭଳି ସମ୍ମିଳନୀର ଆବଶ୍ୟକତା ବିଷୟରେ ସଂସ୍ଥାର ସଦସ୍ୟ ସଚିବ ଡଃ ସୁବ୍ରତ ପୃଷ୍ଟି ପ୍ରାରମ୍ଭିକ
ସୂଚନା ଦେଇଥିବାବେଳେ ଏହି ପ୍ରସ୍ତୁତି ବୈଠକରେ ଜାତୀୟ କାର୍ଯ୍ୟକାରିଣୀ ସଦସ୍ୟ ତଥା ପ୍ରାକ୍ତନ ମୁଖ୍ୟ ଶାସନ ସଚିବ ଶ୍ରୀଯୁକ୍ତ ସୁଧାଂଶୁ ଭୂଷଣ ମିଶ୍ର,
ପ୍ରାକ୍ତନ ଆରକ୍ଷୀ ମହାନିଦେ୍ର୍ଧଶକ ତଥା ଇନଟାକର ଅଧ୍ୟକ୍ଷ ଶ୍ରୀଯୁକ୍ତ ଅମିୟ ଭୂଷଣ ତ୍ରିପାଠୀ, ସୂଚନା ଓ ଲୋକସମ୍ପର୍କ ବିଭାଗ ସଚିବ ଶ୍ରୀଯୁକ୍ତ ମଧୁସୂଦନ
ପାଢୀ, ସାଂସଦ ଶ୍ରୀଯୁକ୍ତ ବୈଷ୍ଣବ ପରିଡା, ଡଃ ରାମଚନ୍ଦ୍ର ଖୁଣ୍ଟିଆ, ପ୍ରାକ୍ତନ ବିଧାୟିକା ଡଃ. ସିପ୍ରା ମଲ୍ଲିକ୍, ଶ୍ରୀଯୁକ୍ତ ପଞ୍ଚାନନ କାନୁନଗୋ, ପ୍ରଫେସର ଡଃ.
କିଶୋର ବାସା, ଶ୍ରୀଯୁକ୍ତ ଧନଦାକାନ୍ତ ମିଶ୍ର, ସୁଦର୍ଶନ ଦାସ, ପ୍ର.ବ୍ରଜେନ୍ଦ୍ର ପ୍ରସାଦ ଦାସ, ଡଃ. ନିବେଦିତା ମହାନ୍ତି, ଡଃ ବସନ୍ତ ପଣ୍ଡା, କୂଟନୀତିଜ୍ଞ ଶ୍ରୀ
ଅବସର ବେଉରିଆ, ଧୀରେନ୍ଦ୍ର ରାୟ, ବରିଷ୍ଠ ସାମ୍ବାଦିକ ଶ୍ରୀଯୁକ୍ତ ବସନ୍ତ ଦାସ, କ୍ରାନ୍ତିକୁମାର ସାକ୍ସେନା, ଅରୁଣ ସ୍ୱାଇଁ ନୃତ୍ୟଶିଳ୍ପୀ ପ୍ରଫେସର ମିତାଲି
ଚିନାରା, ଅରୁଣା ମହାନ୍ତି, ଜାତୀୟ ଅଭିଲେଖାଗାରର ଉପନିଦେ୍ର୍ଧଶକ ଡଃ ଲଲାଟେନ୍ଦୁ ଦାସମହାପାତ୍ର, ସମାଜସେବୀ ଶ୍ରୀଯୁକ୍ତ ମଧୁସୂଦନ ଦାସ, ଲିପିନା
ସାହୁ ପ୍ରମୁଖ ଉପସ୍ଥିତ ରହି ପରବର୍ତ୍ତୀ କାର୍ଯ୍ୟକ୍ରମ ସ୍ଥିର କରିଥିଲେ ।