ଏଇ ଦିନ…ଗଲା ସନ…!!!

994887_406907336085139_692043306_n

ପାନୋରାମା ଇଣ୍ଡିଆ ଜମିଗଲା…!
ଭାଇ ଭଉଣୀ ଏ, ଟରୋଣ୍ଟୋ ମଞ୍ଚରେ;
ପୁଣି ରଙ୍ଗବତୀ ଗୁଞ୍ଜରିଲା…!!!

ଭାଇ ଓ ଭଉଣୀମାନେ…!

ଅତ୍ୟନ୍ତ ଉତ୍ସାହ ଓ ଉଦ୍ଦୀପନା ଭିତରେ ଟରୋଣ୍ଟୋ ସହରର ଆକର୍ଷଣୀୟ ମଧ୍ୟସ୍ଥଳ ୟଙ୍ଗ ଡଣ୍ଡାସ୍‌ ସ୍କୋୟାର୍‌ରେ “ପାନୋରାମା ଇଣ୍ଡିଆ ୨୦୧୩” ମହା ସମାରୋହରେ ପାଳିତ ହୋଇ ଯାଇଛି ।
ଏହି ଉତ୍ସବର ସଫଳତାର ଶ୍ରେୟ ଆମ ଓଡ଼ିଆ ଭାଇ ଜୀବନଜିତ୍‌ଙ୍କର । ସେଥିପାଇଁ ମୁଁ ଆହୁରି ଆନନ୍ଦିତ ଏବଂ ଗୌରବାନ୍ୱିତ ।

ଏହି ଉତ୍ସବ ଚାଲିଥିଲା ବେଳେ,
ମଞ୍ଚରୁ ଘୋଷକ ଯେତେବେଲେ ସମସ୍ତ ରାଜ୍ୟର ନାମ ଧରି ଡାକୁଥିଲେ, ସବୁ ରାଜ୍ୟବାସୀମାନେ ମହାକଳରୋଳରେ ସଭାମଣ୍ଡପ କମ୍ପାଇ ଦେଉଥିଲେ । ଯେତେବେଳେ ଓଡ଼ିଶାର ନାମ ଡକାଗଲା ସେତେବେଳେ କାଁ ଭାଁ କେଉଁଠୁ କେତୋଟି ସ୍ୱର ହୁ…ହା…ହୋ…! କରି ପୁଣି ଜନଗହଳିରେ ମିଳାଇଗଲା । ମନଟା ମୋର ଆମ୍ବିଳିଆ ହୋଇଗଲା । ଆମର ଜଣେ ଭାଇ ଏହି ମହୋତ୍ସବର ସୂତ୍ରଧର ଆଉ ଆମ ଓଡ଼ିଆ ଭାଇ ଓ ଭଉଣୀଙ୍କ ଅନୁପସ୍ଥିତି ହେଉ ଅଥବା ନୀରବତା ମୋତେ ଖଟକିବାରେ ଲାଗିଲା ।

ମୁଁ ଘୋଷକଙ୍କ ଆମନ୍ତ୍ରଣରେ ମଞ୍ଚ ଉପରକୁ ଯାଇଥିଲି ଆଉ ଡାକବାଜି ଯନ୍ତ୍ରରେ ଅତି ଗର୍ବର ସହ କହିଥିଲି ଯେ ” ଆଇ ଏମ୍‌ ଫ୍ରମ୍‌ ଓଡ଼ିଶା…ଆଇ ଏମ୍‌ ଏ ଓଡ଼ିଆ…!!!”

ତାପରେ ପୁଣି ଦୋହରାଇଥିଲି ଆମ ଓଡ଼ିଶାର ସତୁରୀ ଦଶକର ସେଇ ବିଶ୍ୱବିଖ୍ୟାତ ଅମର ଗୀତ ” ଏ ରଙ୍ଗବତୀ…ରେ…ରଙ୍ଗବତୀ…!!!”
( ଏହାର ଲେଖକ ମିତ୍ରଭାନୁ ଖୁଣ୍ଟିଆ, ସ୍ୱର ସଂଯୋଜକ ପ୍ରଭୂଦତ୍ତ ପ୍ରଧାନ, ଗାୟକ ଜିତେନ୍ଦ୍ର ହରିପାଲ ଏବଂ କୃଷ୍ଣା ପଟେଲ୍‌ଙ୍କୁ ମୋର ଶତ ପ୍ରଣାମ)
ଜନଗହଳିରେ ଥିବା କେତେଜଣ ଦକ୍ଷିଣ ଭାରତର ଦର୍ଶକ ଓ ଦର୍ଶିକା ମଧ୍ୟ ସ୍ୱର ମିଳାଇବାରେ ଲାଗିଲେ ଆଉ ପରେ ତାଳିମାଡ଼…!!!

ପାନୋରାମା ଇଣ୍ଡିଆ ମଞ୍ଚକୁ ଚଢ଼ି ଓଡ଼ିଆ ଗୀତ ଗାଇବାର ମଜା କେଭେ ଭୂଲିପାରିବି ନାହିଁ । ଅପୂର୍ବ ଆନନ୍ଦ ତଥା ରୋମାଞ୍ଚକର ଅନୁଭୂତିର କଥା । ଏଣୁ ଆପଣଙ୍କୁ ବଖାଣି ବସିଲି । ତ୍ରୁଟି ଥିଲେ ମାର୍ଜ୍ଜନା କରିବା ହେବେ ।

ଧନ୍ୟବାଦ..!!

ଜୟ ଓଡ଼ିଆ…ଜୟ ଓଡ଼ିଶା…ଜୟ ଜଗନ୍ନାଥ…!!!

ପ୍ରଶାନ୍ତ କୁମାର ଭୂୟାଁ,
ଟରୋଣ୍ଟୋ, କାନାଡ଼ା,
ଜନ୍ମସ୍ଥାନ – ବଡ଼ଦାଣ୍ଡ, ଜଗନ୍ନାଥ ପ୍ରସାଦ, ଗଞ୍ଜାମ

Share in top social networks!