ସ୍ଵତନ୍ତ୍ର ଜେଇଇ ଓ ଦ୍ଵିତୀୟ ଓଜେଇଇ ସୁପ୍ରିମକୋର୍ଟଙ୍କ ଦ୍ଵାରା ସ୍ଥଗିତ

untitledପୂର୍ବ ଘୋଷିତ ସ୍ଵତନ୍ତ୍ର ଜେଇଇ ଓ ଦ୍ଵିତୀୟ ଓଜେଇଇ ପରୀକ୍ଷା ମାଧ୍ୟମରେ ରାଜ୍ୟର ଘରୋଇ ଇଞ୍ଜିନିୟରିଂ କଲେଜଗୁଡ଼ିକର ସିଟ ପୂରଣ ପାଇଁ ହାଇକୋର୍ଟଙ୍କ ସ୍ଵତନ୍ତ୍ର ଲିଭ୍ ପିଟିସନ୍ ୨୧୧୨୦/୨୦୧୪ ଆଦେଶ ଅନୁଯାୟୀ ଆସନ୍ତା ୧୦ ତାରିଖରେ ହେବାକୁ ଥିବା ସ୍ଵତନ୍ତ୍ର ଜେଇଇ ଓ ଦ୍ଵିତୀୟ ଓଜେଇଇ ପରୀକ୍ଷା କୋର୍ଟଙ୍କ ଅନ୍ୟାଦେଶ ପର୍ଯ୍ୟନ୍ତ ସ୍ଥଗିତ ରହିଲା ବୋଲି ବୈଷୟିକ ଶିକ୍ଷା ବିଭାଗର ମାନ୍ୟବର ମନ୍ତ୍ରୀ ଶ୍ରୀ ସଞ୍ଜୟ ଦାସବର୍ମା ସୂଚନା ଦେଇଛନ୍ତି ।
ମନ୍ତ୍ରୀ ଶ୍ରୀ ଦାସବର୍ମା କହିଛନ୍ତି ଯେ ରାଜ୍ୟରେ ବନ୍ୟା ବିତ୍ପାତ ଯୋଗୁଁ ଦ୍ଵିତୀୟ ପର୍ଯ୍ୟାୟ ଜେଇଇ କାଉନ୍ସେଲିଂ ତଥା ନାମଲେଖା ପ୍ରକ୍ରିୟାକୁ ୮ ଅଗଷ୍ଟରୁ ୧୧ ଅଗଷ୍ଟ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି । ନାମଲେଖା ପ୍ରକ୍ରିୟା ସମୟରେ ଘରୋଇ ଇଞ୍ଜିନିୟରିଂ କଲେଜଗୁଡ଼ିକର ସମୁଦାୟ ସିଟର ୧୦ ପ୍ରତିଶତ ମ୍ୟାନେଜମେଣ୍ଟ କୋଟା ଭାବରେ ଅନୁଷ୍ଠାନସ୍ତରରେ ସର୍ବଭାରତୀୟ ବୈଷୟିକ ଶିକ୍ଷା ପରିଷଦ ଓ ଓଜେଇଇ ନିୟମାବଳୀ ଅନୁସାରେ ପୂରଣ କରାଯିବ ।

Share in top social networks!