ସରକାରୀ ପ୍ରାଥମିକ ଓ ଉଚ୍ଚପ୍ରାଥମିକ ବିଦ୍ୟାଳୟ ଶିକ୍ଷକମାନଙ୍କ ବଦଳି ୨୦୧୪-୧୫ ସଙ୍କ୍ରାନ୍ତୀୟ ବିଜ୍ଞପ୍ତି ଜାରି

52313୨୦୧୪-୧୫ ସରକାରୀ ପ୍ରାଥମିକ ଓ ଉଚ୍ଚପ୍ରାଥମିକ ବିଦ୍ୟାଳୟର ପ୍ରାଥମିକ ତଥା ଜିଲ୍ଲାପରିଷଦ ଶିକ୍ଷକମାନଙ୍କ ବଦଳି କ୍ଷେତ୍ରରେ ସରକାର ବିଧିବଦ୍ଧ ନିଷ୍ପତ୍ତି ଗ୍ରହଣ କରିଛନ୍ତି । ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେଏହା କାର୍ଯ୍ୟକାରୀ ହୋଇଛି ବୋଲି ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ପ୍ରକାଶ । ଜିଲ୍ଲାଭିତ୍ତିକ ଏହି ବଦଳି ସମ୍ପର୍କିତ ନିୟମାବଳୀ ଚିଠି ଜିଲ୍ଲାମାନଙ୍କୁ ବିଭଗା ପକ୍ଷରୁ ପ୍ରେରଣ କରାଯାଇଛି । ଶିକ୍ଷା ଅଧିକାର ଆଇନ ଅନୁଯାୟୀ ବିଧିବଦ୍ଧ ଭାବେ ଏହି ସଙ୍କ୍ରାନ୍ତରେ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଅଗଷ୍ଟ ୭,୨୦୧୪ସୁଦ୍ଧା ବ୍ଲକ ଶିକ୍ଷା ଅଧିକାରୀମାନେ ବଦଳି ନିମନ୍ତେ ହସ୍ତଗତ ଆବେଦନ ପତ୍ର ସମ୍ପୃକ୍ତ ବିଧାୟକଙ୍କ ସହ ପରାମର୍ଶ କରିବେ ଏବଂ ଜିଲ୍ଲା ବଦଳି କମିଟି ଏହା ସମ୍ପର୍କରେ ନିଷ୍ପତ୍ତି ଗ୍ରହଣ କରିବ । ଉକ୍ତ ନିୟମାବଳୀ ଅନୁଯାୟୀ ଅଗଷ୍ଟ ୧୫ ସୁଦ୍ଧା ଏହି ଆବେଦନ ପତ୍ରର ତାଲିକା ପ୍ରସ୍ତୁତ କରାଯାଇ ୨୨ଅଗଷ୍ଟ ସୁଦ୍ଧା ଏହା ବଦଳି କମିଟି ସମ୍ମୁଖରେ ଉପସ୍ଥାପନ କରାଯାଇ ଚୁଡାନ୍ତ ନିଷ୍ପତ୍ତି ଗ୍ରହଣ କରାଯିବ । ଅଗଷ୍ଟ ୩୧ତାରିଖ ସୁଦ୍ଧା ଶିକ୍ଷକ ବଦଳି ସଙ୍କ୍ରାନ୍ତୀୟ ପ୍ରକ୍ରିୟା ଶେଷ ହେବ ସହ ଶିକ୍ଷକମାନେ ଯୋଗଦାନ କରିବେ ବୋଲି ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ପ୍ରକାଶ ।

Share in top social networks!