ରାଜ୍ୟ ମନ୍ତ୍ରୀମଣ୍ଡଳର ବୈଠକ ଅନୁଷ୍ଠିତ

46216
ରାଜ୍ୟ ସରକାରଙ୍କର ବିଭିନ୍ନ ବିଭାଗରେ ଅସ୍ଥାୟୀ ଭାବେ କାର୍ଯ୍ୟ କରୁଥିବା ୪ ର୍ଥ ଶ୍ରେଣୀ କର୍ମଚାରୀ ମାନଙ୍କ ମଧ୍ୟରୁ ଯେଉଁମାନଙ୍କର ୬ବର୍ଷ ଚାକିରୀ ହୋଇଥିବା ସେମାନଙ୍କୁ ସ୍ଥାୟୀ କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଥିବା ଜଣାପଡିଛି । ଏ ସମ୍ପର୍କରେ ଦିନେ ଦୁଇଦିନ ମଧ୍ୟରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆନୁଷ୍ଠାନିକ ଭାବେ ଘୋଷଣା କରିବାର କାର୍ଯ୍ୟକ୍ରମ ରହିଛି । ଗୁରୁବାର ଦିନ ଅପରାହ୍ନରେ ସଚିବାଳୟ ଠାରେ ରାଜ୍ୟ କ୍ୟାବିନେଟରେ ବୈଠକ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏଥିରେ ସାଧାରଣ ପ୍ରଶାସନ ବିଭାଗ,ଗ୍ରାମ୍ୟ ଉନୟନ ବିଭାଗ ଏବଂ ଖାଦ୍ୟ ଯୋଗାଣ ବିଭାଗର ପ୍ରସ୍ତାବ ଉପରେ ଆଲୋଚନା କରାଯାଇଥିବାର ବିଶେଷ ସୂତ୍ରରୁ ଜଣାପଡିଛି । ଭୁବନେଶ୍ଵର ମହାନଗର ନିଗମର ନିର୍ବାଚନ ଘୋଷଣା କରାଯାଇଥିବାରୁ କ୍ୟାବିନେଟ ର ନିଷ୍ପତ୍ତି ସମ୍ପର୍କରେ ସୂଚନା ଦିଆଯାଇନାହିଁ । ଏପରିକି ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ କ୍ୟାବିନେଟରେ ଆଲୋଚନା ହେବା ପାଇଁ ଥିବା ପ୍ରସ୍ତାବ ଗୁଡିକ ମନ୍ତ୍ରୀଙ୍କୁ ପୂର୍ବଭଳି ଆଗୁଆ ଦିଆଯାଇନଥିଲା । ଆଲୋଚନା ପରେ ମଧ୍ୟ ମନ୍ତ୍ରୀମାନଙ୍କୁ ସମ୍ପୃକ୍ତ ଫାଇଲ ନେବା ପାଇଁ ମନା କରି ଦିଆଯାଇନଥିଲା ।

Share in top social networks!